03/06/2026
Qendra Muzeore Durrës kujton me respekt e mirënjohje të veçantë Moikom Zeqon, sot, në datën e tij të lindjes.
Moikomi lindi në Durrës, më 3 Qershor të vitit 1949.
Kontributi i tij për Durrësin lidhet veçanërisht me studimin, promovimin dhe mbrojtjen e historisë së lashtë të qytetit. Në fund të viteve 1970 ai punoi në Muzeun Arkeologjik të Durrësit, ku zhvilloi kërkime të rëndësishme dhe kontribuoi në krijimin e sektorit të arkeologjisë nënujore, një fushë pionere në Shqipëri. Pasioni i tij për Dyrrahun antik e shoqëroi gjatë gjithë jetës dhe u pasqyrua në studime, artikuj shkencorë, libra dhe ndërhyrje publike për mbrojtjen e monumenteve të qytetit.
Përveç veprimtarisë shkencore, Moikom Zeqo i dha Durrësit një dimension të veçantë kulturor përmes krijimtarisë së tij letrare. Me mbi njëqind libra të botuar në poezi, ese, studime dhe prozë, ai e bëri historinë dhe mitologjinë e Durrësit pjesë të identitetit kulturor shqiptar.
Moikom Zeqo u nda nga jeta më 15 Qershor 2020.
Ai mbetet një nga figurat që lidhen më ngushtë me Durrësin: një studiues që zbuloi dhe interpretoi të kaluarën e qytetit, një intelektual që mbrojti trashëgiminë e tij dhe një shkrimtar që e shndërroi Durrësin në pjesë të rëndësishme të kujtesës kulturore shqiptare.
Këtu, një foto e Moikomit, e marrë nga interneti, kujtim nga vitet kur punonte në Muzeun Arkeologjik të Durrësit:
