Avokati i Popullit - Zyra Rajonale Berat

27/10/2025

Zyra Rajonale e Avokatit të Popullit Berat në bashkëpunim me Shoqatën në Mbrojtje të të Drejtave të Grave ,në kuadër të Tetorit Rozë, muajit ndërkombëtar të ndërgjegjësimit për kancerin e gjirit, zhvilloi një aktivitet me gratë ,me qellim informimin e tyre për rëndësinë e kontrollit periodik, zbulimin e hershëm të sëmundjes dhe parandalimin nëpërmjet stilit të shëndetshëm të jetesës.

Ky aktivitet kontribuoi në rritjen e ndërgjegjësimit për rëndësinë e kontrollit të gjirit, inkurajimin e grave për të kryer ekzaminime të rregullta.

Ky aktivitet u zhvillua për të mbështetur gratë në kujdesin e ndaj shëndetit të tyre dhe për të promovuar mesazhin:

“Zbulimi i hershëm shpëton jetë!”

24/10/2025

Kombet e Bashkuara janë shembull i bindjes dhe besimit se objektivi i zhvillimit njerëzor mund të arrihet vetëm si qëllim i përbashkët.

Kjo organizatë përbën hapësirën ku sfidat globale përballen me shpresën dhe bindjen njerëzore.

Në një botë ku interesi kombëtar shpesh përplaset me atë global, OKB provon se bashkëpunimi nuk është utopi — është nevojë, detyrim dhe mundësi për ndryshim.

Aty ku ndarja duket se dominon, ajo kujton se përgjegjësia globale nuk mund të injorohet.

Prej 80 vitesh, kjo organizatë është prova se paqja, drejtësia dhe solidariteti lindin nga guximi dhe veprimet konkrete të çdo vendi.

Shqipëria, anëtare e OKB-së që prej 1955, tregon se edhe një vend i vogël mund të kontribuojë me dinjitet.

23/10/2025

21/10/2025

20/10/2025

Avokati i Popullit, pas marrjes dijeni nga mediat lidhur me arrestimin e avokatit Ulian Barjami në Elbasan, referuar rëndësisë së respektimit të të drejtave dhe detyrimeve të të gjithë aktorëve në sallën e gjyqit reagon si më poshtë vijon:

Institucioni tërheq vëmendjen se në çdo sallë gjyqi, të gjithë aktorët – avokatët, prokurorët dhe gjyqtarët – kanë të drejta dhe detyrime të njëjta. Avokatët dhe prokurorët duhet të trajtohen me garanci të barabarta dhe të veprojnë me kujdes, etikë dhe profesionalizëm. Çdo masë që cenon këtë ekuilibër rrezikon besimin te drejtësia dhe sigurinë juridike të palëve.

Avokati i Popullit ka nisur procedurat për shqyrtimin e rastit, për të identifikuar problematika të përsëritura dhe për të kontribuar në përmirësimin e praktikave administrative dhe gjyqësore.

Njëkohësisht, kërkohet që organet e pavarura të drejtësisë të kryejnë një hetim të plotë dhe të paanshëm për çdo shkelje të garancive proceduriale për ushtrimin e profesionit.

17/10/2025

10/10/2025

Avokatja e Popullit, znj. Erinda Ballanca, ka dhënë një intervistë për platformën italiane Coordinamento Difesa Civica Italia, ku ka ndarë përvojën e institucionit në mbrojtjen e të drejtave të njeriut dhe forcimin e mekanizmave të pavarur të mbikëqyrjes.

Në intervistë, znj. Ballanca ndalet te sfidat që shoqërojnë procesin e garantimit të barazisë së qytetarëve përballë administratës, rëndësia e transparencës, si dhe bashkëpunimi me institucionet ombudsmane në vendet e rajonit dhe të Bashkimit Evropian.

Lexoni të plotë intervistën në faqen zyrtare të “Coordinamento Difesa Civica Italia” ose të përshtatur në gjuhën shqipe:

👉 https://www.coordifesacivicaitalia.it/?p=2186https://

www.avokatipopullit.gov.al/media/manager/website/media/Intervista%20AP.pdf

09/10/2025

Marrë shkak nga ngjarja e rëndë që ndodhi të hënë, më 6 tetor, ku vra gjyqtari Astrit Kalaja në ambientet e Gjykatës së Apelit në Tiranë, emisioni “Opinion” ...

08/10/2025

Një ditë më parë, gjatë dëgjesës publike në mbledhjen e përbashkët të Komisioneve Parlamentare për të Drejtat e Njeriut dhe për Nismat Qytetare, Avokatja e Popullit, znj. Erinda Ballanca, theksoi se disa rekomandime janë shumë komplekse dhe përfshijnë nënrekomandime të shumta, ndaj zbatimi tërësisht në masën 100% i rekomandimeve është shumë sfidues për çdo vend.

Vetëm në vitin e fundit, nga 2047 raste të trajtuara, 42% u zgjidhën nga administrata menjëherë pasi u hap hetimi administrativ.

Problemet më të mëdha vijnë nga pushteti lokal, ku shpesh autonomia vendore pengon zbatimin e rekomandimeve.

Znj. Ballanca theksoi rëndësinë e dhënies së rekomandimeve që promovojnë standardet më të mira, jo ato më të lehta për t’u zbatuar.

“Detyra jonë nuk është vetëm ligjore, por të nxisim standardet më të larta të mbrojtjes së të drejtave të njeriut, sipas Këshillit të Evropës”, vuri në dukje Avokatja e Popullit

07/10/2025

Gjatë dëgjesës publike në mbledhjen e përbashkët të Komisioneve Parlamentare për të Drejtat e Njeriut dhe për Nismat Qytetare, mbi Raportin Vjetor të Veprimtarisë për vitin 2024, Avokatja e Popullit kujtoi se institucioni ka përgatitur dy raporte për minimumin jetik, i pari në vitin 2014 dhe i dyti si follow-up, por çështja nuk ka avancuar me ngritjen e një mekanizmi zyrtar.

“E gjithë reforma në këtë drejtim ka nevojë për një gjallërim të ri,” – tha znj. Ballanca, duke theksuar se kjo përfshin personat me aftësi të kufizuara, ata pa të ardhura dhe shtresat vulnerabël.

Shqipëria mbetet vendi me investimin më të ulët në rajon për këtë kategori.

Qeveria ka indeksuar pensionet pak më shumë se inflacioni i deklaruar, ndërsa ka përmirësim të lehtë në vitin 2024 për personat në rrezik varfërie. Megjithatë, jemi ende larg mesatares ballkanike. Në raport janë krahasuar vendet e rajonit dhe është theksuar se minimumi jetik ndikon drejtpërdrejt në vendime të tjera, si përcaktimi i detyrimeve ushqimore për fëmijët — një grup tepër vulnerabël që ka nevojë për mbrojtje shtetërore.

07/10/2025

🇪🇺 Shqipëria drejt BE-së – të drejtat e njeriut, në themel të procesit integrues

Në prezantimin e Raportit Vjetor 2024, Avokatja e Popullit, znj. Erinda Ballanca, theksoi se rruga drejt anëtarësimit në Bashkimin Evropian nuk është thjesht proces politik apo ekonomik — por mbi të gjitha, një provë e angazhimit për mbrojtjen dhe promovimin e të drejtave të njeriut.

Institucioni i Avokatit të Popullit është i përfshirë në mënyrë të plotë në procesin e integrimit evropian, duke kontribuar në çdo fazë të tij dhe duke u vlerësuar nga Bashkimi Evropian si një institucion në përputhje me standardet evropiane.

“Avokati i Popullit është një institucion i përfshirë në procesin e integrimit 360°, dhe është konsideruar në përputhje me standardet e BE-së. Por për të qenë avangardë, kemi përgatitur një projektligj të ri, i cili vjen pas një analize të thelluar të nevojave të identifikuara nga Bashkimi Evropian.”

Ky projektligj synon përafrimin me Parimet e Venecias për ombudsmanët dhe Parimet e Parisit për Institucionet Kombëtare të të Drejtave të Njeriut si dhe forcimin e mëtejshëm të mandatit të institucionit, duke e bërë Avokatin e Popullit një aktor edhe më të fuqishëm në mbrojtjen e të drejtave dhe lirive të qytetarëve.

“Integrimi evropian është një rrugë që matet edhe me mënyrën se si i mbrojmë qytetarët tanë, me respektin që u tregojmë të drejtave të tyre”, u shpreh Avokatja e Popullit