Shkolla 9 vjecare "5 Shkurti" Ballsh faqja zyrtare

24/06/2026

24/06/2026

Të dashur nxënës të klasave të 9-ta,👨‍🎓💡👩‍🎓
Nesër është një moment i rëndësishëm për ju duke vijuar me provimin e Matematikës.📏📐📊

Ju urojmë suksese, përqendrim, qetësi dhe besim në veten tuaj!

Gjatë këtyre viteve keni mësuar, jeni përpjekur dhe keni ecur përpara me dinjitet.

Tani është koha për të treguar gjithçka që dini dhe mundeni.

Me urimet më të mira për një provim të mbarë,
Suksese🌟

🆗️Dhe mos harroni porositë e mëposhtme, në foto.

Shkolla 9 vjecare "5 Shkurti" Ballsh faqja zyrtare

24/06/2026

📚➗ Të dashur Minimaturantë 👩‍🎓👨‍🎓

Në prag të provimit të Matematikës, një prej momenteve më të rëndësishme të rrugëtimit tuaj shkollor, si mësues i Matematikës dhe si drejtues i shkollës, dua t’ju përcjell urimet më të përzemërta dhe besimin tim të plotë për secilin prej jush.

Matematika është arti i mendimit të saktë, shkenca që forcon logjikën dhe zhvillon aftësinë për të kuptuar e analizuar botën në mënyrë të strukturuar. Në çdo formulë, në çdo veprim dhe në çdo zgjidhje fshihet bukuria e qartësisë, e rregullit dhe e arsyetimit, vlera që ju kanë shoqëruar gjatë gjithë viteve të shkollimit tuaj.

Nesër është dita për të treguar qetësi, përqendrim dhe vetëbesim. Besoni te njohuritë që keni fituar, punoni me kujdes dhe jepni më të mirën tuaj në çdo ushtrim e çdo përgjigje.

Ju uroj nga zemra suksese të gjithëve, me bindjen se çdo përpjekje do të shpërblehet dhe se ky provim do të jetë një tjetër hap i rëndësishëm drejt realizimit të ëndrrave dhe synimeve tuaja.

🌟 Suksese në Provimin e Matematikës! 🌟
Me respekt,
Klodjan Shehaj
Mësues i Matematikës dhe Drejtor i Shkollës ❤️🙏📚🎓

Shkolla 9 vjecare "5 Shkurti" Ballsh faqja zyrtare

22/06/2026

22/06/2026

📘✨ RAPORTI VJETOR I SHKOLLËS 9-VJEÇARE "5 SHKURTI" – BALLSH ✨📘

Me përfundimin e vitit shkollor 2025–2026, paraqesim me krenari Raportin Vjetor të Shkollës 9-vjeçare "5 Shkurti", një pasqyrë e punës, përkushtimit dhe arritjeve të komunitetit tonë shkollor gjatë këtij viti.

🏫 Gjatë këtij viti:
✅ U realizuan objektivat kryesore të planit vjetor të shkollës.
✅ U zhvilluan veprimtari të shumta edukative, kulturore, sportive dhe mjedisore.
✅ U forcua bashkëpunimi me prindërit, institucionet vendore dhe partnerët tanë. ✅ Nxënësit tanë u dalluan në konkurse, olimpiada dhe aktivitete të ndryshme.
✅ U promovuan vlerat qytetare, puna në grup dhe përfshirja e komunitetit në jetën shkollore.

👏 Falënderojmë stafin pedagogjik, nxënësit, prindërit, Këshillin e Prindërve, Bordin e Shkollës, ZVAP Mallakastër, Bashkinë Mallakastër dhe të gjithë partnerët që kontribuan në sukseset e këtij viti.

🌟 Me besim dhe përkushtim do të vazhdojmë të punojmë për një shkollë gjithnjë e më cilësore, gjithëpërfshirëse dhe të orientuar drejt suksesit të çdo nxënësi.

📖 "Njohuri – Aftësi – Shprehi – Qëndrime – Vlera"

Shkolla 9 vjecare "5 Shkurti" Ballsh faqja zyrtare

21/06/2026

📢 VLERËSIMI I RISKUT NË SHKOLLËN TONË 📢

Në kuadër të garantimit të një mjedisi të sigurt, gjithëpërfshirës dhe cilësor për nxënësit dhe stafin, Shkolla 9-Vjeçare "5 Shkurti" Ballsh ka përfunduar procesin e Vlerësimit të Riskut për Vitet Shkollore 2021–2026.

Ky dokument identifikon faktorët kryesorë të riskut në fusha të rëndësishme si:
✅ Mirëqenia e nxënësve
✅ Vizioni dhe zhvillimi i shkollës
✅ Infrastruktura shkollore
✅ Burimet njerëzore dhe financiare
✅ Teknologjia e informacionit
✅ Vlerësimi I Brendshëm i shkollës
✅ Bashkëpunimi me prindërit dhe komunitetin
✅ Rezultatet e nxënësve dhe cilësia e procesit mësimor.

Analiza e realizuar, na orienton drejt masave konkrete për përmirësimin e mëtejshëm të shërbimeve arsimore dhe rritjen e sigurisë e mirëqenies së komunitetit shkollor.

🤝 Falënderojmë të gjithë mësuesit, specialistët, prindërit dhe partnerët që kontribuojnë çdo ditë në krijimin e një shkolle më të sigurt, më të mirë dhe më të suksesshme për nxënësit tanë.

📚 Së bashku për një shkollë të sigurt dhe cilësore! 🌟

Shkolla 9 vjecare "5 Shkurti" Ballsh faqja zyrtare

20/06/2026

📘🤝 KONTRATA KOLEKTIVE E PUNËS 2023 – 2027

Shkolla 9 vjecare "5 Shkurti" Ballsh faqja zyrtare

19/06/2026

📚 Nisën sot Provimet Kombëtare të Arsimit Bazë

Me zhvillimin e provimit të Gjuhës Shqipe ka nisur zyrtarisht procesi i Provimeve Kombëtare të Arsimit Bazë për vitin shkollor 2025–2026.

AKAP monitoroi nga afër ecurinë e procesit në terren, me fokus garantimin e zbatimit të plotë të rregullores, respektimin e standardeve të administrimit dhe krijimin e kushteve të barabarta për të gjithë nxënësit.

U urojmë suksese të gjithë nxënësve! ✍️📖✨

19/06/2026

📚 Të dashur nxënës të klasës së nëntë,

Sot nisët procesin e Provimeve Kombëtare të Arsimit Bazë me provimin e Gjuhës Shqipe.📒📚📖

U urojmë, shumë sukses, qetësi dhe besim në njohuritë e fituara gjatë viteve të shkollimit.

Çdo përpjekje dhe angazhim i deritanishëm është një hap drejt realizimit të synimeve tuaja.

Suksese të gjithëve në këtë moment të rëndësishëm të rrugëtimit tuaj❤️🌟

Shkolla 9 vjecare "5 Shkurti" Ballsh faqja zyrtare

19/06/2026