30/07/2026
Nderohet Heroi i Popullit Shqiptar, komandanti Tahir Sinani
Sot, me një Akademi Përkujtimore të mbajtur në Prishtinë, autoritetet e Kosovës nderuan, në 25-vjetorin e rënies, He**in e Popullit Shqiptar, komandantin Tahir Sinani.
Pasardhës i një familjeje atdhetare nga Malësia e Gjakovës, Tahir Sinani, oficer i Ushtrisë Shqiptare, në momentet më kritike për ekzistencën e kombit në Kosovë, iu bashkua luftës si luftëtar i lirisë .
Në fushëbetejë, Tahir Sinani do shquhej për aftësitë, guximin shembullor, dhe do emërohej komandant i Zonës së Pashtrikut, një prej zonave me luftimet më intensive me pushtuesit serbë.
Komandant Tahir Sinani, pas çlirimit të Kosovës, luftoi me heroizëm të veçantë në Preshevë dhe në Maqedoninë e Veriut, ku edhe ra dëshmor, për t’u bërë i pavdekshëm si Hero i Kombit Shqiptar.
Në Akademinë Përkujtimore kushtuar Heroit Tahir Sinani folën Kryeministri i Kosovës, Albin Kurti, djali i Heroit, si dhe bashkëluftëtarë të tij.
Nderim përjetë Heroit të Popullit Shqiptar, Tahir Sinani!
