18/12/2025
کبيره ګناهونه ( لوى ګناهونه ) :
ګناهونه په دوه برخو ويشل شوى :
1: کبيره ګناه : هغه ګناه ته ويل کيږي چې په دنيا کې پرې حد جاري کيږي ، په اخرت کې پرې د سخت عذاب او زوروني وعده راغلې وي او د پېغمبر صلى الله عليه وسلم له لورې يې په کوونکي باندې لعنت ويل شوى وي .
کبيره ګناهونه بغير له توبې کولو نه معاف کيږي البته که الله تعالى يې په خپل فضل سره معاف کړې بيله خبره ده همدارنګه که د بنده حق وى هغه يې معاف کړى نو معاف کيږي خو شرک کونکى هيڅکله الله تعالى نه معاف کوى.
2: صغيره ګناه : کومه ګناه چې د کبيره ګناه په تعريف کې شامله نه وې صغيره ګناه ده مطلب چې په دنيا کې پرې حد نه جاري کيږي ، په اخرت کې پرې د سخت عذاب او زورني وعده نه وې راغلي او د رسول الله صلى الله عليه وسلم له لورې يې په کوونکي باندې لعنت نه وې ويل شوي .
*په لاندې کارونو يوي ګناه سزا نوره هم سخته کيږې او صغيره ګناه پرې کبيره ګناه بدليږې :
1:صغيره ګناه کوچنې ګڼل چې کبيره ګناه ترې جوړيږي
2:صغيره ګناه هميشه کول چې کبيره ګناه ترې جوړيږي .
3: کبيره ګناه په ښکاره ډول کول چې سزا يې نوره هم زياتيږي لکه ږيره وهل . . .
* کبيره ګناهونو پريښودلو باندې انعامات :
الله تعالى فرمايي : [سُوۡرَةُ النِّسَاء : 31]
إِن تَجْتَنِبُوا كَبَآئِرَ مَا تُنْهَوْنَ عَنْهُ نُكَفِّرْ عَنكُمْ سَيِّـَٔاتِكُمْ وَنُدْخِلْكُم مُّدْخَلًا كَرِيمًا
ژباړه: كه تاسي له هغو سترو ګناهونو څخه ډډه وکړئ چي تاسي ورڅخه منع کیږي؛ نو وړې وړې ګناوي به مو له حسابه وغورځوو او تاسي به د عزت ځاى ته ننباسو.
اول انعام : څوک چې کبيره مطلب لوى ګناهونو نه ځان ساتې نو وړه ګناهونه ورته الله تعالى معاف کوي .
نصيحت : که څوک کبيره ګناهونه کوي نو صغيره ګناهونه يئ نه بخښل کيږي بلکې اخرت کې به ټولو کبيره او صغيره ګناهونو سره حاضر وي نو ځان ترې وساتې .
دوهم انعام : جنت ته به داخل شي بره ايت کې عزت ځاي ننباسو نه مطلب جنت دې .
*کبيره ګناهونه څو دې :
ابن عباس رض فرمايلي : لوى ګناهونه تر 70 پورې رسيږې چې کم يې تر 7 پورې رسيږي .
دا چې لوى ګناهونه کوم کوم دې نو يوه يوه لويه ګناه به راتلونکو پوسټونو کې تشريح کوو ان شاء الله تر څو موږ مسلمانان له دې ګناهونو ځانونه وساتو .
دا درسره شیری کړه د الله درضا لپاره
