12/10/2018
ഇന്നലെ തിരഞ്ഞെടുത്ത ദുബായ് കെഎംസിസി മഞ്ചേശ്വരം മണ്ഡലം കമ്മിറ്റിക്ക് ഹൃദയം നിറഞ്ഞ അഭിനന്ദനങ്ങൾ.
ഒരു സഹ ഭാരവാഹി എന്ന നിലയ്ക് ഈ കഴിഞ്ഞ കാലാവധിയിലെ ദുബായ് കെ എം സി സി മഞ്ചേശ്വരം മണ്ഡലം കമ്മറ്റിയുടെ പ്രവർത്തനം അഭിനത്തനാർഹവും ചരിത്ര താളുകളിൽ തങ്കലിപികളാൽ എഴുതി ചേർക്കപ്പെടും എന്ന് ഉറച്ച് വിശ്വസിക്കുന്നു.
സഹോദര തുല്യം സ്നേഹിച്ച എന്റെ പ്രിയ അയൂബിച്ചന്റെയും ഇസ്മായിൽ ഡോക്ടറിന്റെയും കെതൂമ്പാടി അബ്ദുള്ള സാഹിബിന്റെയും നേതൃത്വത്തിന്ന് കീഴിൽ പ്രവർത്തിക്കുക എന്നത് എന്നെ പോലോത്തെ ഹരിത പതാകയെ നെഞ്ചിലേറ്റി നടക്കുന്ന ഒരു എളിയ സഹപ്രവർത്തകന്ന് അതൊരു പ്രചോദനമായിരുന്നു. അവർ എനിക്ക് തന്ന ആത്മവിശ്വാസം കുറച്ചൊന്നുമായിരുന്നില്ല
കുടുംബ ജീവിതം കര പറ്റിക്കാൻ കടലിന്റെ മറുകരയിലേക്ക് ജീവിതം പറിച്ചു നട്ട് ,പ്രവാസത്തിന്റെ പ്രയാസങ്ങളിൽ സ്വയം ജീവിക്കാൻ മറന്ന് വീട്ടിലും നാട്ടിലും സൗകര്യങ്ങളുടെ പറുദീസ പണിത് ,പാവപെട്ടവർക്കും ആശ്രയമറ്റവർക്കും ആശയുടെ കിരണങ്ങൾ സമ്മാനിച്ച് , മഹാരോഗങ്ങൾക്കടിമപെട്ടവർക്ക് സാന്ത്വനത്തിന്റേയും സമാധാനത്തിന്റേയും, സ്നേഹത്തിന്റേയും,ശാന്തിയുടേയും ആശ്വാസത്തിന്റേയും സഹായ ഹസ്തവുമായി ഒാടിയെത്തുന്ന കെ എം സി സി എന്ന പ്രവാസി ജീവകാരുണ്യ സാംസ്കാരിക കൂട്ടായിമ"യെന്ന നന്മയുടെ പൂമരത്തെ വിജയത്തിലെത്തിക്കുവാൻ പ്രവാസികൾ എന്ന നിലയിൽ പല വിധത്തിലുള്ള പ്രതിസന്ധികൾക്കും പ്രയാസങ്ങൾക്കും ഇടയിലും ഒരു ടീം ആയി ഒന്നിച്ചു നിൽക്കുവാൻ പ്രവർത്തക സമിതിയിലെ ഓരോ ഭാരവാഹികളും സ്വീകരിച്ച അച്ചടക്കവും പിന്തുണയും മഞ്ചേശ്വരം മണ്ഡലം കെ എം സി സി യുടെ വിജത്തിന് കരുത്തേകി എന്ന് നിസംശയം പറയാം.....
ഒരിക്കൽ കൂടി നന്ദി. സഹകരിച്ചവർക്കും പിന്തുണച്ചവർക്കും അതിലുപരി നമ്മുടെ നന്മയാർന്ന പ്രവർത്തനങ്ങളെ ഇരു കയ്യുംനീട്ടി സ്വീകരിച്ച പൊതു സമൂഹത്തിനും ...
സമൂഹത്തിൽ അവശത അനുഭവിക്കുന്നവരെയും നിരാലംബരെയും സഹായിക്കുന്നതിനും, സമൂഹത്തിന്റെ ഓരങ്ങളിലേക്ക് വഴുതി വീഴുന്നവരെ ,
ഇനിയും കണ്ടില്ലെന്ന് നടിച്ച് പോകാതെ ,
ഒന്നു കൈപിടിച്ചുയർത്തുവാൻ , അല്ലെങ്കിൽ നിങ്ങളും
ഈ സമൂഹത്തിന്റെ ഭാഗമാണു എന്ന് ഉറക്കെ പറയാനും നാട്ടില് സൗഹൃദവും സാഹോദര്യവും വളര്ത്തുന്നതിനും വര്ത്തമാനകാല സാഹചര്യത്തില് "ദുബായ് കെ എം സി സി " എന്ന ഈ ജീവകാരുണ്യ കൂട്ടായിമ "വഹിക്കുന്ന പങ്ക് വളരെ വലുതാണ്, ഇത്തരം പ്രവര്ത്തനം കാലഘട്ടത്തിന്റെ ആവശ്യമാണെന്നും സാമൂഹിക പ്രതിബദ്ധതയുള്ള സംഘടന എന്ന നിലയില് നമ്മുടെ നാട്ടിലെ ജനങ്ങള് അനുഭവപ്പെടുന്ന ദുരിതങ്ങളിലും , പ്രയാസങ്ങളിലും, ദുരന്തങ്ങളിലും അവരെ സഹായിക്കുവാന് "മഞ്ചേശ്വരം മണ്ഡലം കമ്മിറ്റിയുടെ ചിട്ടയായ പ്രവർത്തനങ്ങളിലൂടെ സാധിച്ചു എന്നുള്ളതിൽ നമുക്ക് ഓരോരുത്തർക്കും
അഭിമാനിക്കാം .
ലോകത്തിന് എന്തെങ്കിലും നൽകുമ്പോഴാണ് ഒരാൾ യഥാർഥത്തിൽ സമ്പന്നനാകുന്നത്. നമ്മൾ നൽകുന്നത് ചെറുതായിപ്പോകുന്നു എന്ന ജാള്യത ആരും കൊണ്ടു നടക്കേണ്ടതില്ല. കാരണം, നമ്മളുടെ സഹായം കാത്തിരിക്കുന്നവർ അതിലും വലിയ ജാള്യതയും കണ്ണീരും കുടിച്ചാണ് കഴിയുന്നത് എന്ന ഓർമ ഞാനടക്കമുള്ള കെ എം സി സി പ്രവർത്തകർക്കുണ്ടാവണം
ഉള്ളത് കൊണ്ട് ഒരു ജീവിതം കെട്ടിപ്പടുക്കുമ്പോൾ നമ്മൾ നൽകുന്നത് കൊണ്ട് ഒരുപക്ഷേ, ഒത്തിരി ജീവിതങ്ങൾ കെട്ടിപ്പടുത്തേക്കാം.
ബധിരന് കേൾക്കാനും അന്ധന് കാണാനും സാധിക്കുന്ന ഭാഷയാണ് ദയ എന്നാണ്. നിങ്ങൾ ഒരാൾക്ക് എന്തെങ്കിലും സഹായം ചെയ്യുമ്പോൾ, നിങ്ങളുടെ വാതിലിന് മുൻപിൽ നന്മയുടെ മാലാഖമാർ കാവൽനിൽക്കുന്നുവെന്ന് എവിടെയോ വായിച്ചത് ഓർക്കുന്നു....
നമുക്ക് ഒന്നും തരാത്തവർക്ക് നമ്മളെന്തെങ്കിലും കൊടുക്കുക എന്നതാണ് നന്മയുടെ നീതിശാസ്ത്രം.
നമ്മൾ നമുക്ക് മാത്രം ചെയ്യുന്നത് നമ്മൾ ഇല്ലാതാകുന്നതോടെ തീരുന്നു. എന്നാൽ മറ്റുള്ളവർക്ക് ചെയ്യുന്നത് ലോകം സ്മരിക്കുക തന്നെ ചെയ്യും.
ഉള്ളവൻ തിന്നത് ദഹിക്കുന്നതിന് വേണ്ടി എക്സിർസൈസ് എന്ന ഓമന പേരിൽ മൈലുകൾ താണ്ടി നടക്കുമ്പോൾ
ഇല്ലാത്തവൻ ഒരു നേരത്തെ ആഹാരത്തിന് വേണ്ടി അതിലും കൂടുതൽ നടക്കുന്ന വിചിത്ര ലോകത്താണ് നമ്മൾ ജീവിക്കുന്നതെന്ന് ഓർക്കണം .
നല്കലിൻ്റെ ആഡംബരമറിയണമെങ്കിൽ തീർച്ചയായും
നാം പാവപ്പെട്ടവൻ്റെ രുചിയറിയണം.
സ്വാർത്ഥതയുടെയും സുഖലോലുപതയുടേയും ആശയങ്ങള് ആധിപത്യം നേടുന്ന ഒരു സമൂഹത്തിന് സഹജീവികളുടെ കണ്ണീരൊപ്പാനും അവരുടെ ഉന്നമനത്തിനും വേണ്ടി പ്രയത്നിക്കുന്നവരെ വേണ്ട രൂപത്തില് അംഗീകരിക്കുകയും അവരുടെ മാതൃകകളെ സമൂഹ നന്മക്കായി പിന്തുടരുവാന് ആഹ്വാനം ചെയ്യുകയുമാണ്
കഴിഞ്ഞ.വർഷങ്ങളിലെ അഭിമാനകരമായ പ്രവർത്തനങ്ങളിലൂടെ ദുബായ് മഞ്ചേശ്വരം മണ്ഡലം കമ്മിറ്റിക്ക് പൊതുസമൂഹത്തിന് മുൻപിൽ ഓർമ്മപെടുത്തുവാനുള്ളത്.
ജീവകാരുണ്യപ്രവര്ത്തനമെന്നത് വിപുലമായ അര്ഥതലങ്ങളുള്ള ഒരാശയമാണ്. പേരിനും പെരുമക്കും അംഗീകാരങ്ങള്ക്കും വേണ്ടിയുള്ള കാട്ടികൂട്ടലുകളല്ലത്. മറിച്ച് ലോകത്തിന്റെ ഏത് ഭാഗത്തും സഹജീവികളുടെ സഹനങ്ങളും വേദനയും സ്വന്തം വേദനയായി അംഗീകരിച്ച് അവ ദൂരീകരിക്കുവാനുള്ള ആത്മാര്ഥമായ ഇടപെടലുകളാണ് ശരിയായ ജീവകാരുണ്യ പ്രവര്ത്തനം. അതാണ് ദുബായ് കെ എം സി സി എന്ന മഹിതമായ സംഘടനയുടെ മുഖ മുദ്ര. ഇവിടെ മതമോ, ജാതിയോ, വര്ണമോ ദേശമോ ഒന്നും അവരെ വേര്തിരിക്കുന്നില്ല ദുരിതങ്ങളും ദുരന്തങ്ങളും ഏറി വരികയാണ്. സ്വാഭാവികമായും ജീവകാരുണ്യ പ്രവര്ത്തനങ്ങളുടെ ആവശ്യകതയുമേറുന്നു.
ഭൗതിക സുഖസൗകര്യങ്ങളുടെയും ലോകം വെട്ടിപ്പിടിക്കുവാനുള്ള ഓട്ടത്തിന്റേയുമിടയില് കഷ്ടപ്പെടുന്ന തന്റെ സഹജീവിയുടെ കണ്ണീരൊപ്പുവാന് നമുക്കൊക്കെ സമയമുണ്ടോ എന്നാണ് വാസ്തവത്തില് ഈ കാലഘട്ടം ഉയര്ത്തുന്ന പ്രധാന ചോദ്യം. ജീവിതത്തിലെ മുന്ഗണനാക്രമങ്ങളില് മാനവികതക്കും സാഹോദര്യത്തിനും നാമോരോരുത്തരും എന്ത് വില കല്പ്പിക്കുന്നു എന്നതാണ് ഇവിടെ വിലയിരുത്തപ്പെടുന്നത്. ജീവിതയാത്രയില് ബാക്കിയാവുന്ന , മനസിനും ശാന്തിയും സായൂജ്വും നല്കുന്ന സേവന പ്രവര്ത്തനങ്ങളില് മുഴുകുവാനും കൂട്ടായ പ്രവര്ത്തനങ്ങള്ക്ക് ഊര്ജം പകരാനുമാണ് ഇനിയുള്ള പ്രവർത്തനങ്ങളിലൂടെ ഉപകരിക്കേണ്ടത്.
ജീവകാരുണ്യ രംഗത്ത് മാത്രമല്ല സാംസ്കരികരംഗത്തും മുൻപന്തിയിൽ തന്നെയാണ് കെ എം സി സി എന്ന നാലക്ഷരത്തിലറിയപെടുന്ന ഈ മഹിതമായ സംഘടന
മാനവരാശിയുടെ സമാധാനപൂര്ണമായ സഹവര്തിത്വമെന്ന മഹത്തായ ആശയമാണ് അതോടെ സാക്ഷാല്ക്കരിക്കപ്പെടുക. സമൂഹത്തിലെ താഴെക്കിടയിലുള്ള, അധസ്ഥിതരായ , പാര്ശ്വവല്ക്കരിക്കപ്പെടുന്ന സഹജീവികളെ ഓര്ക്കുകയും അവരുടെ പ്രയാസങ്ങളും ദുരിതങ്ങളുമകറ്റുകയും ചെയ്യുക.
ഒരു കാര്യം തീർച്ചയാണ് ദുബായ് കെ എം സി സി ഇനിയും പ്രയാണം തുടരുക തന്നെ ചെയ്യും...കാരണം ഒരു പാട് പേരുടെ പ്രാർത്ഥന "ദുബായ് മഞ്ചേശ്വരം മണ്ഡലം കെ എം സി സി ക്കൊപ്പം ഉണ്ട്.....അത് മാത്രം മതി ഞങ്ങൾക്ക് കരുത്തേകാൻ...!അതാണ് നമ്മുടെ പൂർവ്വ സൂരികൾ അവരുടെ ജീവിതം കൊണ്ട് കാട്ടിതന്ന മാതൃകയും..
വെളിച്ചമുള്ളിടത്തു നിൽക്കാൻ എല്ലാവർക്കും കഴിയും.., നിൽക്കുന്നിടത്തു വെളിച്ചം പകരാൻ നമുക്ക് കഴിയണം..
സമൂഹത്തിനു നന്മയുള്ള പ്രവർത്തനങ്ങൾ കാഴ്ചവെക്കാൻ പുതിയ കമ്മിറ്റിക്ക് കഴിയട്ടെ എന്ന് ആശംസിക്കുന്നു
പുതിയ കമ്മിറ്റിക്ക് എന്റെ എല്ലാ വിധ പിന്തുണയും അഭിനന്ദങ്ങളും നേരുന്നു ..നമ്മുടെ പ്രവർത്തങ്ങ്ൾ റബ്ബ് സ്വീകരിക്കട്ടെ. ആമീൻ
ജീവ കാരുണ്യ രംഗത്തെ തുല്യതയില്ലാത്ത ലോകത്തിലെ ഏറ്റവും വലിയ ഈ സംഘടന, കലർപ്പില്ലാത്ത ജീവ കാരുണ്യ പ്രവർത്തനങ്ങളിൽ പങ്കാളിയാവുക വഴി ഇരു ലോകങ്ങളിലേക്കും ഒരു മുതൽ കൂട്ടാവുമെങ്കിൽ വരൂ കൈകോർക്കൂ... സഹോദരരെ...
ദുആ വസ്സ്യത്തോടെ
നിങ്ങളുടെ സഹോദരൻ
സ്വാദിഖ് ചിനാല
