Embassy of Mongolia in Abu Dhabi

11/09/2026

МОНГОЛ УЛСЫН ШАДАР САЙД Т.ДОРЖХАНД АНЭУ-ЫН ДУБАЙ ХОТНОО БОЛСОН ОЛОН УЛСЫН ХӨРӨНГӨ ОРУУЛАЛТЫН ЧУУЛГАНД ОРОЛЦОВ.

Монгол Улсын Шадар сайд Т.Доржханд 2026 оны 9 дүгээр сарын 7-9-ний өдрүүдэд АНЭУ-ын Дубай хотноо зохион байгуулагдсан AIM Congress 2026 буюу Олон улсын хөрөнгө оруулалтын чуулганд оролцов. “Тогтвортой, хүртээмжтэй ирээдүйд чиглэсэн хөрөнгө оруулалтын шинэ боломжуудыг нээх нь” сэдвийн хүрээнд зохион байгуулагдсан тус чуулган нь дэлхийн төр, засгийн төлөөлөл, хөрөнгө оруулагчид, бизнесийн удирдагчид, инновац, технологийн салбарын төлөөллийг холбосон олон улсын хөрөнгө оруулалтын томоохон платформ юм.

Шадар сайд Т.Доржханд чуулганы нээлтийн ажиллагаа болон “Олон улсын удирдагчдын өндөр түвшний хэлэлцүүлэг”-т оролцож, дэлхийн эдийн засагт гарч буй өөрчлөлт, хөрөнгө оруулалтын шинэ боломж, Монгол Улсын эдийн засгийн хөгжлийн тэргүүлэх чиглэл, хөрөнгө оруулалтын боломжийн талаар байр сууриа илэрхийлэв. Түүнчлэн Хөрөнгө оруулалтын асуудлаарх сайд нарын дугуй ширээний уулзалтад оролцож, Монгол Улсын эдийн засгийн боломж, хөрөнгө оруулалтын орчин, эрчим хүчний салбарын шинэчлэл, ногоон шилжилтийн талаар танилцууллаа.

Шадар сайд Т.Доржханд АНЭУ-ын Гадаад худалдааны сайд Др. Тани бин Ахмед Аль Зейюдитай уулзаж, хоёр орны худалдаа, хөрөнгө оруулалт, эдийн засгийн хамтын ажиллагааг өргөжүүлэх асуудлаар санал солилцов. Мөн АНЭУ-ын Эрчим хүч, дэд бүтцийн сайд Сухайл бин Мухаммад Аль-Мазруи-тай хоёр талын уулзалт хийж, Монгол Улсын Эрчим хүчний яам болон АНЭУ-ын Эрчим хүч, дэд бүтцийн яам хооронд хамтран ажиллах тухай Санамж бичигт гарын үсэг зурав.

Санамж бичгийн хүрээнд талууд сэргээгдэх эрчим хүч, ногоон устөрөгч, цахилгаан эрчим хүчний дамжуулах болон түгээх сүлжээ, эрчим хүч хуримтлуулах систем зэрэг чиглэлээр хамтын ажиллагааг хөгжүүлэх, хөрөнгө оруулалт татах, хамтарсан төсөл хэрэгжүүлэх чиглэлээр хамтран ажиллахаар тохиролцов. Түүнчлэн цахилгаан эрчим хүч, ногоон устөрөгчийг бүс нутгийн зах зээлд экспортлох боломжийг судлах, туршлага, технологи солилцох, мэргэжилтэн бэлтгэх, хүний нөөцийн чадавхыг бэхжүүлэх чиглэлээр хамтран ажиллахаар болов.

Түүнчлэн Шадар сайд Т.Доржханд Абу Даби хөгжлийн сан болон G42 группийн удирдлагатай уулзаж, эрчим хүчний салбарын шинэчлэл, сэргээгдэх болон ногоон эрчим хүч, хөрөнгө оруулалт, дата төвийн дэд бүтэц, тэдгээрийг найдвартай, цэвэр эрчим хүчээр хангах чиглэлээр хамтран ажиллах боломжийн талаар санал солилцов.

https://mongolia.gov.mn/news/view/27786
https://mongolia.gov.mn/news/view/27793

Монгол Улсын Гадаад Харилцааны Яам Ministry of Foreign Affairs of Mongolia

04/09/2026

English below

ЭЛЧИН САЙД А.АНАНД ИТГЭМЖЛЭХ ЖУУХ БИЧГЭЭ ӨРГӨН БАРИВ

Монгол Улсаас Арабын Нэгдсэн Эмират Улсад суугаа Онц бөгөөд Бүрэн эрхт Элчин сайд А.Ананд Арабын Нэгдсэн Эмират Улсын Ерөнхийлөгч Эрхэм дээд Шейх Мухаммад бин Заид Аль-Нахъянд Итгэмжлэх жуух бичгээ 2026 оны 9 дүгээр сарын 3-ны өдөр өргөн барив.

Энэ үеэр Элчин сайд А.Ананд Монгол Улсын Ерөнхийлөгч У.Хүрэлсүхийн мэндчилгээг Эрхэм дээд Шейх Мухаммад бин Заид Аль-Нахъянд уламжилж, хоёр орны найрсаг харилцаа, хамтын ажиллагааг бүхий л салбарт өргөжүүлэн хөгжүүлэх, харилцан ашигтай хамтын ажиллагааны шинэ боломжуудыг нээхийг эрэлхийлэн ажиллахаа тэмдэглэв.

Эрхэм дээд Шейх Мухаммад бин Заид Аль-Нахъян Монгол Улсын Ерөнхийлөгч У.Хүрэлсүхэд хариу мэндчилгээ дэвшүүлж, Элчин сайдад үүрэгт ажилдаа орж буйтай нь холбогдуулан баяр хүргэж, ажлын өндөр амжилт хүсэв. Мөн Монгол Улс, Арабын Нэгдсэн Эмират Улсын найрсаг харилцаа, хамтын ажиллагааг цаашид өргөжүүлэн бэхжүүлэхэд бүх талын дэмжлэг үзүүлэхээ илэрхийлэв.

Монгол Улс, Арабын Нэгдсэн Эмират Улсын хооронд дипломат харилцаа тогтоосны 30 жилийн ой энэ онд тохиож байна.

-o0o-

H.E. MR. ANAND AMGALAN, AMBASSADOR OF MONGOLIA PRESENTED CREDENTIALS TO THE PRESIDENT OF THE UNITED ARAB EMIRATES

H.E. Mr. Anand Amgalan, Ambassador Extraordinary and Plenipotentiary of Mongolia to the United Arab Emirates, presented his Letters of Credence to H.H. Sheikh Mohamed bin Zayed Al Nahyan, President of the United Arab Emirates, on 3 September 2026.

During the ceremony, the Ambassador conveyed the cordial greetings of H.E. Mr. Khurelsukh Ukhnaa, President of Mongolia, to H.H. Sheikh Mohamed bin Zayed Al Nahyan and expressed his commitment to further expand the friendly relations between the two countries across all areas, as well as explore new opportunities for mutually beneficial cooperation.

H.H. Sheikh Mohamed bin Zayed Al Nahyan, having conveyed his greetings to H.E. Mr. Khurelsukh Ukhnaa, President of Mongolia, congratulated the Ambassador on the commencement of his mission and wished every success in the discharge of his duties. His Highness also affirmed that the UAE authorities would provide all necessary support in further strengthening the friendly relations and cooperation between Mongolia and the United Arab Emirates.

This year marks the 30th anniversary of the establishment of diplomatic relations between Mongolia and the United Arab Emirates.

Монгол Улсын Гадаад Харилцааны Яам Ministry of Foreign Affairs of Mongolia Batmunkh Battsetseg Батмөнхийн Батцэцэг

27/08/2026

25/08/2026

25/08/2026

10/08/2026

English below

Арабын Нэгдсэн Эмират Улсын нийслэл Абу Даби хотноо 2026 оны 8 дугаар сарын 1–9-ний өдрүүдэд Жюү жицүгийн Дэлхийн аварга шалгаруулах тэмцээн амжилттай зохион байгуулагдлаа.

Олон улсын Жюү жицүгийн холбоо (JJIF) болон Арабын Нэгдсэн Эмират Улсын Жюү жицү, холимог тулааны спортын холбооноос хамтран зохион байгуулсан тус тэмцээнд дэлхийн 45 улсын 1500 гаруй тамирчин оролцож, U14, U16, U18, U21, насанд хүрэгчид болон ахмадын ангилалд ур чадвар, бие бялдрын бэлтгэл, техникийн ур чадвараа сорин өрсөлдсөн юм.

Тус тэмцээнд Монгол Улсын баг, тамирчид амжилттай оролцож, нийт 19 медаль хүртсэнээс Монгол Улсын тамирчин Б.Хулан эмэгтэйчүүдийн +70 кг-ын жинд алтан медаль, Монгол Улс багаараа аваргын алтан цомыг тус тус хүртэв. Энэхүү амжилт нь Монголын жюү жицүгийн спортын нэр хүндийг олон улсын тавцанд өндөрт өргөсөн онцлох амжилт болов.

Элчин сайд А.Ананд тэмцээнд амжилттай оролцсон тамирчдыг хүлээн авч уулзах үеэрээ тэдэнд баяр хүргэж, Монгол Улсын нэр хүндийг олон улсын спортын тавцанд өндөрт өргөж буйд нь талархал илэрхийлэв.

Монгол Улсын нэрийг дэлхийн дэвжээнд өндөрт өргөж, эх орныхоо спортын амжилтад үнэтэй хувь нэмэр оруулсан нийт баг, тамирчдадаа баяр хүргэж, спортын их замналд нь улам өндөр амжилт хүсэн ерөөе.

Монгол Улсаас Арабын Нэгдсэн Эмират Улсад суугаа
Элчин сайдын яам

The World Jiu-Jitsu Championship was held in Abu Dhabi, the capital of the United Arab Emirates, from 1 to 9 August 2026.

Organized jointly by the International Jiu-Jitsu Federation (JJIF) and the UAE Jiu-Jitsu and Martial Arts Federation, the championship brought together more than 1,500 athletes representing 45 countries. Participants competed in the U14, U16, U18, U21, Adult and Masters divisions, demonstrating their athletic ability, technical skills and competitive spirit.

The Mongolian team and athletes delivered an outstanding performance at the championship, winning a total of 19 medals. Mongolian athlete B. Khulan won the gold medal in the Women’s +70 kg category, while Mongolia also won the overall team championship title and the gold trophy. These achievements mark a significant milestone in Mongolian jiu-jitsu and have further raised the profile of the sport in Mongolia on the international stage.

During a meeting with the athletes who successfully represented Mongolia at the championship, Ambassador A. Anand congratulated them on their outstanding achievements and expressed his appreciation for their contribution to enhancing Mongolia’s reputation on the international sporting stage.

The Embassy of Mongolia congratulates all members of the Mongolian team and the athletes on their remarkable achievements and extends its best wishes for continued success and even greater accomplishments in their future sporting careers.

Embassy of Mongolia to the United Arab Emirates

11/05/2026

ЭЛЧИН САЙД Ш. ОДОНБААТАР АРАБЫН НЭГДСЭН ЭМИРАТ УЛСЫН ЕРӨНХИЙЛӨГЧИЙН ОРДНЫ ЁСЛОЛ БОЛОН СТРАТЕГИЙН ҮЙЛ АЖИЛЛАГААНЫ ГАЗРЫН ДАРГА МУХАММАД АБДУЛЛА АЛЬ-ЖУНЕЙБИ-ТЭЙ УУЛЗАВ

Элчин сайд Ш. Одонбаатар АНЭУ-ын Ерөнхийлөгчийн ордны Ёслол болон Стратегийн үйл ажиллагааны газрын дарга Мухаммад Абдулла Аль-Жунейби-тэй уулзаж харилцаа, хамтын ажиллагааны асуудлуудын талаар ярилцав.

H.E. Mr. Odonbaatar Shijeekhuu, Ambassador of Mongolia to the UAE, held a meeting with H.E. Mr. Mohamed Abdulla Al Junaibi, Chairman of the Presidential Protocol and Strategic Narrative Authority of the United Arab Emirates.

During the meeting, the parties exchanged views on bilateral relations, as well as further opportunities for cooperation between the two countries.

التقى سعادة السيد أودونباتار شيجيخو، سفير منغوليا لدى دولة الإمارات العربية المتحدة مع معالي محمد عبدالله الجنيبي، رئيس الهيئة الرئاسية للمراسم والسرد الإستراتيجي في دولة الإمارات العربية المتحدة.

وخلال الاجتماع، تبادل وجهات النظر حول العلاقات الثنائية، فضلاً عن فرص التعاون الإضافية بين البلدين

Batmunkh Battsetseg Батмөнхийн Батцэцэг
Монгол Улсын Гадаад Харилцааны Яам Ministry of Foreign Affairs of Mongolia