Mandeni Local Municipality

Mandeni Local Municipality Official page for Mandeni Local Municipality.

MANDENI BOOKS & FILM LAUNCH08 SEPTEMBER 2026UMasipala wase Mandeni, ngaphansi komnyango wezomtapo wolwazi, uzosingatha u...
08/09/2026

MANDENI BOOKS & FILM LAUNCH

08 SEPTEMBER 2026

UMasipala wase Mandeni, ngaphansi komnyango wezomtapo wolwazi, uzosingatha umcimbi wokwethula ngokusemthethweni umsebenzi wababhali kanye nefilimu.

Lomcimbi uhlelelwe uLwesihlanu, mhlaka 11 September 2026. Amalunga omphakathi ayamenywa ukuba ingxenye yalomcimbi, nokuzothola ulwazi ngokungena kulemikhakha, ukuhlangana nababhali nokuzwa ngemisebenzi yabo kanye nezindlela zokuthola imsebenzi yabo.

Bheka izikhangiso ezinamikiwe ngeminye imininingwane:

www.mandeni.gov.za | 032 456 8200 | [email protected]





MANDENI HOSTS PREMIER'S CRIME FIGHTING IMBIZO08 SEPTEMBER 2026UMasipala wase Mandeni, usingathe izinhlelo ezahlukene zo...
08/09/2026

MANDENI HOSTS PREMIER'S CRIME FIGHTING IMBIZO

08 SEPTEMBER 2026

UMasipala wase Mandeni, usingathe izinhlelo ezahlukene zosuku ebeziholwa nguNdunankulu wesifundazwe iKwaZulu-Natal, uMhlonishwa Thami Ntuli, lapha, uNdunankulu ubehola ithimba lemnyango eyahlukene esigabeni sesifundazwe njengoba bekusingathwe iMbizo yokulwisana nesihlava sobugebengu nokubulalana esibukeka sesiyinsakavukela esifundazweni.

Njengengxenye yokwenzekile osukwini, kubhongwe emswanini emndenini wakwa Makhoba eNembe kulandela ukubulawa kuka Mnu. Bonginkosi Makhoba (52) no Nksz. Thembani Ngiba(52) esigamekweni okusolakala ukuthi kuhlasele khona abalisa ababili abangaziwa. Phakathi kokunye, uNdunankulu uqale izinhlelo zosuku eVusumuzi High School, ukuyobheka izimo kuleskole kulandela isigameko sokudlula komfundi emagcekeni ngenyanga edlule.

UMeya womkhandlu ka Masipala wase Mandeni, uKhansela Thabani Mdlalose ubonge uhulumeni wesifundazwe ukuvela eMandeni kanye nokubonisa ukuzwelana nemindeni elahlekelwe.

"Siyabonga ukuthi noma kunzima kodwa uhulumeni wesifundazwe usondele kuthina, siyathemba lokhu kuzokhumbuza abantu bakithi ukuthi sibe nokuzwana, ukubekezelelana nobumbano" kubeka uMdlalose.

www.mandeni.gov.za | 032 456 8200 | [email protected]




LOCAL FARMERS MARKET08-09 September 2026UMasipala wase Mandeni, ngokubambisana nomnyango wezolimo, bafisa ukwazisa nokum...
07/09/2026

LOCAL FARMERS MARKET

08-09 September 2026

UMasipala wase Mandeni, ngokubambisana nomnyango wezolimo, bafisa ukwazisa nokumema amalunga omphakathi ukuzokweseka abalimi bendawo njengoba bezobe bekanise eSibusisiwe Hall (emaParkings) ngenhloso yokudayisa izivuno nemfuyo yabo.

Kule makethe yabalimi bendawo, kutholakala okuningi esingabal kukho amaklabishi, spinach, beetroot, ubhatata, amadumbe, amakhowe, uju, inyama yenkukhu, inyama yenkomo, u-fish, upelepele nokunye okuningi okunempilo.

bheka isikhangiso esinamekiwe ngeminye imininingwane:

www.mandeni.gov.za | 032 456 8200 | [email protected]




MANDENI MUNICIPALITY LAUNCHES FREE PUBLIC WIFI INITIATIVE04 SEPTEMBER 2026UMeya womkhandlu ka Masipala wase Mandeni, uKh...
04/09/2026

MANDENI MUNICIPALITY LAUNCHES FREE PUBLIC WIFI INITIATIVE

04 SEPTEMBER 2026

UMeya womkhandlu ka Masipala wase Mandeni, uKhansela Thabani Mdlalose wethule ngokusemthethweni i-Wifi yomphakathi kanye nezindawo lapho umphakathi ongakwazi ukuthola khona i-connection.

Okwamanje, zingu-06 izindawo lapho kutholakala khona wifi, ezinye zizofakwa ngokwezigaba. Nantu uhlu lwezindawo lapho kutholakala khona wifi:

●Nembe Hall
●Ngced'omhlophe Sports Ground
●Isithebe Hall
●Mandeni LoveLife Youth Center
●Macambini Tribal Court/Multipurpose Hall
●Hlomendlini Hall.

Ngokusho kuka Meya, kusemqoka ukuthi uhulumeni wasekhaya usondelane nomphakathi ukuze uzokwazi ukuhlinzeka izidingo ngokulawulwa imibono yamalunga omphakathi.

"Konke esikwenzayo, silawulwa izimfuno zomphakathi ngesikhathi semijikelezo yemhlangano yentuthuko edidiyelwe. Ezindaweni eziningi ebesizihambela abantu abasha kanye nomphakathi jikelele bebekhala kakhulu ngokuswela izindawo lapho bengathola khona i-internet, lokhu kuyimpendulo yethu. Alumile loluhlelo kuzoqhubeka silubheka lusebenza kanjani besesiqhubeka silufaka ezindaweni ezahlukene".

UMdlalose uphinde wabalula ukubaluleka kokulethwa kwentuthuko ehambisana nesikhathi samanje.

"Izinto eziyisidingo kubantu ezinsukwini zanamhlanje, azifani nezinto ezaziyisidingo esikhathini esedlule. Kusemqoka ukuthi njengo Masipala sifake igxalaba ukuqinisekisa ukuthi siyalivala igebe lokungalingani kumuntu oseMandeni nomuntu osemadolobheni amakhulu" kusonga uMdlalose.

www.mandeni.gov.za | 032 456 8200 | [email protected]




MAYOR CONGRATULATES MANDENI SCHOOLS WHO PARTICIPATED IN ISIBALO SCHOOLS PROGRAMME03 SEPTEMBER 2026UMeya womkhandlu ka Ma...
03/09/2026

MAYOR CONGRATULATES MANDENI SCHOOLS WHO PARTICIPATED IN ISIBALO SCHOOLS PROGRAMME

03 SEPTEMBER 2026

UMeya womkhandlu ka Masipala wase Mandeni, uKhansela Thabani Mdlalose, ube ingxenye yomcimbi wokudlulisela imhlomulo nezinsiza ezikoleni ebeziyingxenye yomcintiswano wenkulumo-mpikiswano yakwa StatsSA owaziwa nge Sibalo Schools Programme. Lezikole bezimele i-Mandeni esigabeni sesifundazwe.

UMdlalose ubongele lezikole ngokwenzakahle waphinde wanxusa izikole ukuthi zizimbandakanye nemincintiswano evulela abafundi amathuba emikhakheni eyahlukene.

"Kuyasijabulisa ukubona izikole zakithi zilokhu zivela ngezinto ezinhle. Ngoba nangesikhathi semiphumela ka Matikuletsheni ziyavela kakhulu, kuhle uma futhi ziphinde zivela ezintweni ezincikene nokuthuthukisa ulwazi ngaphezulu kwalokho abakufunda ezikoleni. Lokhu kuzobavulela neminyango abebenganalo nolwazi lokuthi ikhona. Siyabonga kakhulu" kubeka uMdlalose.

Izikole ezithole imklomelo:
●Tugela Primary School
●Sakhesethu Primary School
●Mathubesizwe High School
●Impoqabulungu Secondary School

www.mandeni.gov.za | 032 456 8200 | [email protected]




MANDENI FREE PUBLIC WIFI LAUNCH03 SEPTEMBER 2026Kusasa, uMeya womkhandlu ka Masipala wase Mandeni, uKhansela Thabani Mdl...
03/09/2026

MANDENI FREE PUBLIC WIFI LAUNCH

03 SEPTEMBER 2026

Kusasa, uMeya womkhandlu ka Masipala wase Mandeni, uKhansela Thabani Mdlalose, uzokwethula ngokusemthethweni uhlelo lwe WiFi yomphakathi kanye nezindawo ezotholakala kuzona.

Lokhu kuzokwenzeka emcimbini ozobe ubanjelwe eHlomendlini Hall, ngo 10h00 ekuseni.

Umphakathi wakulendawo uyamenywa ukuzothamela lengqophamlando yomcimbi.

www.mandeni.gov.za | 032 456 8200 | [email protected]




WARD 08 WOMEN'S MONTH CELEBRATION02 SEPTEMBER 2026Namhlanje, uMeya womkhandlu ka Masipala wase Mandeni, uKhansela Thaban...
02/09/2026

WARD 08 WOMEN'S MONTH CELEBRATION

02 SEPTEMBER 2026

Namhlanje, uMeya womkhandlu ka Masipala wase Mandeni, uKhansela Thabani Mdlalose, usingathe umcimbi wokuvala inyanga yabantu besifazane eMacambini, KwaChili Area.

Lomcimbi, uphinde wasetshenziswa njengesizinda sokuhlomisa omama bakulendawo ngolwazi lokuzithuthukisa emikhakheni eyahlukene kanye nokubeluleka ngezingqinamba ababhekana nazo nsuku-zonke.

www.mandeni.gov.za | 032 456 8200 | [email protected]




MANDENI SPAZA/TUCK SHOP WORKSHOP02 SEPTEMBER 2026Namhlanje, uMasipala wase Mandeni, ngaphansi komnyango wezokuthuthukisw...
02/09/2026

MANDENI SPAZA/TUCK SHOP WORKSHOP

02 SEPTEMBER 2026

Namhlanje, uMasipala wase Mandeni, ngaphansi komnyango wezokuthuthukiswa kwamabhizinisi, usingathe isigcawu sokuthekela ulwazi lapho abanikazi bama Spaza Shops bebehlonyiswa khona ngolwazi lokuzigcina besebhizinisini kanye nezindlela zokusinga uxhaso ezinhlakeni ezahlukene.

Lesigcawu, siyingxenye yesibophezelo sika Masipala wase Mandeni sokuqinisekisa ukuthi amalunga omphakathi adlala indima ekuthuthukisweni komnotho nokudala amathuba emisebenzi.

www.mandeni.gov.za | 032 456 8200 | [email protected]




MANDENI POLICY WORKSHOP02 SEPTEMBER 2026UMnyango wezabasebenzi ngaphakathi ku Masipala wase Mandeni, uyaqhubeka nokuqini...
02/09/2026

MANDENI POLICY WORKSHOP

02 SEPTEMBER 2026

UMnyango wezabasebenzi ngaphakathi ku Masipala wase Mandeni, uyaqhubeka nokuqinisekisa ukuthi abasebenzi bahlinzekwa ngolwazi olwanele ngenqubomgomo kanye nendlela yokuziphatha.

Namhlanje, kuzohlaliswa izigcawu ezimbili zokucija abasebenzi ngenqubomgomo ephasiswe ngumkhandlu wamakhansela.

www.mandeni.gov.za | 032 456 8200 | [email protected]




RESTORING HOPE, REINSTILLING THE CULTURE OF TEACHING & LEARNING AT KWAVUSUMUZI HIGH SCHOOL01 SEPTEMBER 2026Namhlanje, it...
01/09/2026

RESTORING HOPE, REINSTILLING THE CULTURE OF TEACHING & LEARNING AT KWAVUSUMUZI HIGH SCHOOL

01 SEPTEMBER 2026

Namhlanje, ithimba le LTT ngaphansi kuka Masipala wase Mandeni, livakashele isikole i-Vusumuzi High School, eSithebe ngenhloso yokuzodlulisa umkhuleko ka doloqina, ukweluleka abafundi kanye nokubafisela okuhle ngaphambi kwezivivinyo zokuphela konyaka.

Konke lokhu kwenzeka ngemuva kwesigameko sokudlula komfundi emagcekeni esikole okwenzeke emavikini adlule.

I-LTT (Local Task Team), uhlaka oluholwa ngu Masipala wase Mandeni, oluhlanganisa iminyango eyahlukene, esingabala kuyo abakwa-SAPS, Department of Community Safety and Liaison, Department of Health, Department of Social Development kanye nezinhlanhano ezahlukene ezingenzi-nzuzo.

www.mandeni.gov.za | 032 456 8200 | [email protected]




Address

2 Kingfisher Road
Sundumbili
4490

Opening Hours

Monday 07:30 - 16:30
Tuesday 07:30 - 16:30
Wednesday 07:30 - 16:30
Thursday 07:30 - 16:30
Friday 07:30 - 14:00

Telephone

+27324568200

Website

Alerts

Be the first to know and let us send you an email when Mandeni Local Municipality posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Mandeni Local Municipality:

Shortcuts

Share

Category