हाम्रो लिशरिभर चियाबारी Hamro Leesh River Fullbari

  • Home
  • हाम्रो लिशरिभर चियाबारी Hamro Leesh River Fullbari

हाम्रो लिशरिभर चियाबारी Hamro Leesh River Fullbari Contact information, map and directions, contact form, opening hours, services, ratings, photos, videos and announcements from हाम्रो लिशरिभर चियाबारी Hamro Leesh River Fullbari, Social service, .

09/06/2026

I ♥️ Leesh River Fullbari

I ♥️ Leesh River Fullbari पश्चिम बङ्गालमा आयुष्मान भारत योजना लागू गर्ने प्रक्रिया तीव्र।स्वास्थ्य तथा परिवार कल्याण विभ...
09/06/2026

I ♥️ Leesh River Fullbari
पश्चिम बङ्गालमा आयुष्मान भारत योजना लागू गर्ने प्रक्रिया तीव्र।स्वास्थ्य तथा परिवार कल्याण विभागको निर्देशानुसार ९ जुन २०२६ देखि २५ जुन २०२६ सम्म लाभार्थीहरूको फिल्ड भेरिफिकेसन (क्षेत्रगत प्रमाणीकरण) र ई-केवाईसी (e-KYC) अभियान चलाइनेछ। योग्य परिवारहरूलाई आवश्यक कागजातहरू तयार राख्न र सहयोग गर्न अनुरोध गरिन्छ।

I ♥️ Leesh River Fullbari धरती आबा भगवान #बिरसा_मुन्डा ज्यूको पुण्यतिथिमा उहाँप्रति भावपूर्ण श्रद्धाञ्जली।जल, जङ्गल र ज...
09/06/2026

I ♥️ Leesh River Fullbari
धरती आबा भगवान #बिरसा_मुन्डा ज्यूको पुण्यतिथिमा उहाँप्रति भावपूर्ण श्रद्धाञ्जली।
जल, जङ्गल र जमिनको रक्षाका लागि उहाँले गर्नुभएको संघर्ष र 'उलगुलान' आन्दोलनले सधैं अन्यायका विरुद्ध लड्ने प्रेरणा दिइरहनेछ। आदिवासी समुदायको हकअधिकार र देशको स्वाधीनताका लागि उहाँको बलिदान इतिहासमा सधैं अमर रहनेछ।

06/06/2026

I ♥️ Leesh River Fullbari
सानसाना भाइहरूले फुटबल प्र्याक्टिस गर्दै केही झलकहरू।

प्रेस विज्ञप्ति*"आज रोपिएको एउटा बिरुवा केवल रुख होइन, भविष्यको श्वास हो। यदि हामीले पृथ्वीलाई बचायौँ भने पृथ्वीले मानव ...
06/06/2026

प्रेस विज्ञप्ति

*"आज रोपिएको एउटा बिरुवा केवल रुख होइन, भविष्यको श्वास हो। यदि हामीले पृथ्वीलाई बचायौँ भने पृथ्वीले मानव सभ्यतालाई बचाउनेछ; तर यदि प्रकृतिलाई नष्ट गर्यौँ भने कुनै पनि विकासले मानव अस्तित्वलाई जोगाउन सक्ने छैन।*
-सघन मोक्तान

*विश्व वातावरण दिवसको अवसरमा आगोससद्वारा तीन स्थानमा वृक्षारोपण कार्यक्रम सम्पन्न*
ओदलाबारी, ५ जुन २०२६
विश्व वातावरण दिवसको अवसरमा प्रत्येक वर्षझैँ यस वर्ष पनि आगोसस (AGOSS) केन्द्रीय समिति, ओदलाबारी शाखा तथा ओदलाबारी बगान शाखा को संयुक्त आयोजनामा व्यापक वृक्षारोपण कार्यक्रम सम्पन्न गरिएको छ। वातावरण संरक्षण, जलवायु परिवर्तनको असर न्यूनीकरण तथा हरित भविष्य निर्माण गर्ने उद्देश्यले आयोजित यस कार्यक्रमअन्तर्गत ओदलाबारी भानुभक्त प्राथमिक पाठशाला, ओदलाबारी बगान तथा घिस बस्ती शिव मन्दिर परिसरमा जम्मा १०० वटा बिरुवा रोपण गरिएको छ।
आज विश्वले ग्लोबल वार्मिङ, वन विनाश, जैविक विविधताको ह्रास तथा प्राकृतिक प्रकोपका चुनौतीहरू सामना गरिरहेको अवस्थामा वृक्षारोपण केवल एक कार्यक्रम नभई पृथ्वी र भावी पुस्ताको सुरक्षाका लागि आवश्यक सामाजिक दायित्व बनेको छ। यही जिम्मेवारीलाई आत्मसात गर्दै आगोससले वातावरण संरक्षणको अभियानलाई निरन्तरता दिएको हो।
यस वर्षको विश्व वातावरण दिवस कार्यक्रम आगोसस केन्द्रीय समिति कार्यकारिणी अध्यक्ष आदरणीय श्री गणेश राईज्यूको विशेष पहल र नेतृत्वमा सम्पन्न भएको हो। त्यसैगरी ओदलाबारी बगान क्षेत्रमा श्री अर्बिन्द मिश्रा, श्रीमती दिपा छेत्री, श्रीमती सारिका माझी, श्री कोमो नायक, श्रीमती सुमित्रा नाइक, श्रीमती सरिता गुरुङ तथा श्रीमती उलिस्ता उराँव को सक्रिय पहल र समन्वय रहेको थियो। घिस बस्ती क्षेत्रमा भने श्रीमती पुष्प तामाङ भुजेल को विशेष पहलमा कार्यक्रम सफलतापूर्वक सम्पन्न भएको छ।
कार्यक्रममा ओदलाबारी भानुभक्त प्राथमिक पाठशालाका आदरणीय शिक्षक–शिक्षिकाहरू को उल्लेखनीय सहभागिता रहेको थियो। साथै आगोसस केन्द्रीय समितिका नवीन प्रधान, कुशल प्रधान, सघन मोक्तान, रूपा राई, अमृता राई तथा प्रणाम लामा लगायतका पदाधिकारी तथा सदस्यहरूको सक्रिय उपस्थिति रहेको थियो।
त्यसैगरी आगोसस ओदलाबारी शाखाका रुबिना दर्जी, पार्वती मुण्डा, लक्ष्मी सुनार, सुनिल गुप्ता, सरस्वती प्रधान, सीमा उराँव, नितेश राई, करुण प्रधान तथा गीता मुण्डा लगायतका सदस्यहरूको उल्लेखनीय सहभागिताले कार्यक्रमलाई थप प्रभावकारी बनाएको थियो।
आगोससले वातावरण संरक्षण कुनै एक दिनको कार्यक्रम मात्र नभई समाज, राष्ट्र र सम्पूर्ण मानव सभ्यताको भविष्यसँग जोडिएको निरन्तर अभियान भएको उल्लेख गर्दै आगामी दिनहरूमा पनि वृक्षारोपण, वातावरणीय जनचेतना तथा प्राकृतिक स्रोतहरूको संरक्षणका कार्यक्रमहरूलाई अझ व्यापक रूपमा अघि बढाउने प्रतिबद्धता व्यक्त गरेको छ।

*"रुख रोप्नु दान होइन, आगामी पुस्ता प्रति हाम्रो जिम्मेवारी हो। प्रकृति बचाऔँ, पृथ्वी बचाऔँ, भविष्य बचाऔँ।"*-आगोसस ।

जारीकर्ता:
कुशल प्रधान एंव अमृता राई
आगोसस (AGOSS)
केन्द्रीय समिति

आज कोलकातास्थित नवान्नमा माननीय मुख्यमन्त्री श्री सुवेन्दु अधिकारीज्यूको अध्यक्षतामा सम्पन्न एक महत्त्वपूर्ण बैठकमा सहभा...
05/06/2026

आज कोलकातास्थित नवान्नमा माननीय मुख्यमन्त्री श्री सुवेन्दु अधिकारीज्यूको अध्यक्षतामा सम्पन्न एक महत्त्वपूर्ण बैठकमा सहभागी भएँ। यो बैठक हाम्रो क्षेत्रका लागि भारत सरकारद्वारा नियुक्त प्रतिनिधि तथा वार्ताकार (Interlocutor) श्री पङ्कज कुमार सिंहज्यू र पश्चिम बङ्गाल सरकारबीच माननीय मुख्यमन्त्रीको उपस्थितिमा सम्पन्न पहिलो औपचारिक बैठक थियो।

स्मरण रहोस्, हाम्रो क्षेत्रसँग सम्बन्धित वार्तालाई अगाडि बढाउन भारत सरकारले वार्ताकार नियुक्त गरे तापनि ममता बनर्जी नेतृत्वको तृणमूल कांग्रेस (टीएमसी) सरकारले संवादको मार्गलाई निरन्तर अस्वीकार गर्दै विरोधात्मक अडान लिएको थियो।

आज मुख्यमन्त्री सुवेन्दु अधिकारीज्यूले राज्यको भाजपा सरकारले वार्ता प्रक्रियामा पूर्ण सहयोग गर्ने तथा यथाशीघ्र संवैधानिक समाधान खोज्न सकारात्मक रूपमा कार्य गर्ने प्रतिबद्धता व्यक्त गर्नुभयो। यससँगै वार्ता प्रक्रिया थप तीव्र हुनेछ भन्ने विश्वास लिएको छु, र सबै पक्षहरू एकताबद्ध भई आगामी मार्ग निर्माणमा सहयोगी बन्नेछन् भन्नेमा म विश्वस्त छु।

दार्जिलिङ पहाड, तराई तथा डुवर्स क्षेत्रका जनताको तर्फबाट यस विषयलाई सर्वोच्च प्राथमिकता प्रदान गर्नुभएकोमा माननीय प्रधानमन्त्री श्री नरेन्द्र मोदीज्यू, माननीय केन्द्रीय गृहमन्त्री श्री अमित शाहज्यू, माननीय मुख्यमन्त्री श्री सुवेन्दु अधिकारीज्यू, भारत सरकार तथा पश्चिम बङ्गाल सरकारप्रति हार्दिक कृतज्ञता व्यक्त गर्दछु।

उक्त बैठकमा पश्चिम बङ्गाल सरकारका मुख्य सचिव श्री मनोज कुमार अग्रवालज्यू, माननीय मुख्यमन्त्रीका सल्लाहकार डा. सुब्रत गुप्ताज्यू, गृह तथा पहाडी मामिला विभागका सचिव तथा पश्चिम बङ्गालका प्रहरी महानिर्देशक (DGP) समेत उपस्थित हुनुहुन्थ्यो।

राजु विष्ट
सांसद, दार्जिलिङ
राष्ट्रिय प्रवक्ता, भारतीय जनता पार्टी (भाजपा)

I ♥️ Leesh River Fullbari खरसाङका सुपुत्र मेजर जनरल #मुनेश_चन्द्र_तामाङज्यूलाई हार्दिक बधाई!भारतीय सेनाको प्रतिष्ठित म...
04/06/2026

I ♥️ Leesh River Fullbari
खरसाङका सुपुत्र मेजर जनरल #मुनेश_चन्द्र_तामाङज्यूलाई हार्दिक बधाई!
भारतीय सेनाको प्रतिष्ठित मेजर जनरल पदमा पदोन्नति हुनुभएकोमा खरसाङका गौरव, मेजर जनरल #मुनेश_चन्द्र_तामाङ (YSM, VSM) ज्यूलाई हार्दिक बधाई तथा शुभकामना। उहाँको अथक परिश्रम र देशप्रतिको निष्ठाले आज सम्पूर्ण गोर्खा समाजको शिर उच्च बनाएको छ। आदरणीय माता श्रीमती बिजया ब्लोन महोदया र सम्पूर्ण परिवारजनमा पनि हार्दिक बधाई। उहाँको आगामी कार्यकाल अझ सफल र सुखद रहोस् भन्ने हाम्रो लिशरिभर चियाबारी Hamro Leesh River Fullbari
को तर्फबाट कामना गर्दछौँ।

जय हिन्द! 🇮🇳

I ♥️ Leesh River Fullbari पश्चिम बंगाल विधानसभामा तृणमूल कांग्रेस (टीएमसी) को बागी समूहले निष्कासित विधायक #ऋतब्रत_बनर्...
03/06/2026

I ♥️ Leesh River Fullbari
पश्चिम बंगाल विधानसभामा तृणमूल कांग्रेस (टीएमसी) को बागी समूहले निष्कासित विधायक #ऋतब्रत_बनर्जीलाई नयाँ विपक्षी दलको नेता (LoP) का रूपमा अघि सारेको छ । बनर्जीले ५८–६० जना विधायकहरूको समर्थन दाबी गर्दै सभामुखसमक्ष पत्र बुझाएका छन् र सभामुखले उनको दाबी स्वीकार गर्दै उनलाई मान्यता दिएका छन्।
#घटनाका_मुख्य_बुँदाहरू_मुख्य_नेतृत्व_परिवर्तन: बागी विधायकहरूले ममता बनर्जीले समर्थन गरेका नेताको नाम अस्वीकार गर्दै ऋतब्रत बनर्जीलाई आफ्नो नेता छानेका हुन् । बनर्जीलाई मन्त्रीसरहको हैसियत प्राप्त भएको छ र उनलाई विधानसभामा प्रमुख विपक्षी दलको कोठाको साँचो पनि हस्तान्तरण गरिएको छ।टीएमसीभित्र विभाजनको अवस्था: यो विद्रोहले टीएमसीमा गहिरो दरार पैदा गरेको छ र पार्टी औपचारिक रूपमा विभाजित हुने दिशामा अघि बढेको देखिएको छ।

Address


Website

Alerts

Be the first to know and let us send you an email when हाम्रो लिशरिभर चियाबारी Hamro Leesh River Fullbari posts news and promotions. Your email address will not be used for any other purpose, and you can unsubscribe at any time.

Shortcuts

  • Want your organization to be the top-listed Government Service?

Share