21/09/2021
ملي خزانه ولئ تعالي کوي?
ملي خزانه او د مملکت عايداتي منبع سره فرق کوي. د ملي خزانې کنګل کیدل د اقتصادي بحران ډيره کوچنۍ برخه ده. لطفا خلک مه غلطوئ. ملي مالي ذخیره د يو مملکت د ملي بانک لخوا هغه نقد او مال بلل کيږي چې د اسعارو پشتوانه او بانکونو ترمنځ د راکړې ورکړې او تضمين لپاره ساتل کيږي. دا خبره واقعيت دی که چيرته دا خزانه په دايمي شکل کنګل پاتې شي، افغانۍ به ورو ورو خپل ارزښت له لاسه ورکړي. مګر مخکې له چيغې وهلو پدې ځان پوه کړئ چې که دغه ذخیره طالب د بانکونو ترمنځ د راکړې ورکړې پر ځای د بوديجې په ډول استعمال کړي، د افغانۍ ارزښت به ډير زر صفر شي. او طالب د نړيوال مشروعيت د نشتون سره لاس او ګريوان دي. د دغې خزانې يوه برخه هغه دولتي بانډونه دي چې د افغانستان بانک په تير لسو کالو کې اخيستي. دا بانډونه د سرمايه ګذارۍ تر ټولو محفوظ شکل دی. پاتې يې نقدي بهرني اسعار او سره زر دي. ددې خزانې اکثريت برخه په تيرو لسو کالو کې د افغانستان بانک د خپلې ګټې وټې راټوله کړې او نړيوالو بانکونو کې يې ساتلی. نږدې ديرش سلنه يې هغه دوه زره کلن د باختر خزانې طلا او د سرو زرو مجسمې دي چې د افغانستان بانک ساتلي. دا لمړی ځل ندی چې د افغانستان مالي ذخیره يا خزانه کنګل کيږي. په ۱۹۹۹ کې هم امريکا د افغانستان خزانه کنګل کړې وه چې نږدې نيم مليارد ډالر کيدل. په ۲۰۰۲ کې يې بيرته ړاخوشې کړه.
فکروکړي چې اوس دا ټوله خزانه يې راخوشي کړه، څه به پرې وکړي؟ تا سره د نړيوالو بانکونو پروتوکول څه شی دی؟ نه ,آيا حکومتي بانډونه پرې اخيستې شي؟ نه آيا په طلا يې بدلوي تر څو د افغانۍ پشتوانه شي؟ نه ترهغه چې دنيا يو حکومت په رسميت ونه پيژني! نړيوال له بانکي معاملات نه ترسره کوي! په لحاظ د خدای ددې ملت خزانه چور ته مه پریږدئ. د اقتصادي رکود په لسونو لاملونه لرې . په هغو پسې بايد وګرځئ. زمونږ د بچو او نسلونو په خزانه ولې د خيبر بازار صرافۍ ګرموئ. چې راخوشې يې کړه، د کال به ترې يو، دوه مليارده وخوري، پنځه کاله وروسته بيا پدې افغانيو ولاکه پاپړ واخيستلي شې. ولې داسې سوچ کوئ چې دا وطن بې څوکه دی؟ يوه ورځ به خدای وخت راولي، بيرته به همدا پيسې او سره زر زمونږ د ملي اسعارو پشتوانه وي. پریږدئ چې هلته محفوظه ايښی وي.
Copy
لږ متن تفسير اوتعغير سره.
