BFAR SAAD Central Luzon, Maimpis (2026)

09/03/2026

𝐏𝐚𝐠𝐭𝐢𝐭𝐢𝐧𝐚𝐩𝐚 𝐁𝐢𝐥𝐚𝐧𝐠 𝐃𝐚𝐠𝐝𝐚𝐠 𝐊𝐢𝐭𝐚, 𝐈𝐭𝐢𝐧𝐮𝐫𝐨 𝐬𝐚 𝐦𝐠𝐚 𝐌𝐚𝐧𝐠𝐢𝐧𝐠𝐢𝐬𝐝𝐚 𝐚𝐭 𝐌𝐚𝐠𝐬𝐚𝐬𝐚𝐤𝐚

𝑁𝑒𝑤𝑠 𝐴𝑟𝑡𝑖𝑐𝑙𝑒—Upang higit pang mapalawak ang kaalaman at kasanayan ng mga mangingisda at magsasaka sa pagpoproseso ng isda, sumailalim sa pagsasanay sa pagtitinapa ang mga miyembro ng Samahan ng Mangingisda at Magsasaka ng Nampicuan (SMMN) sa ilalim ng pagpapatupad ng BFAR Regional Office III – Special Area for Agricultural Development Program Phase II (BFAR RO3-SAAD) noong ika-4 ng Marso 2025 sa Nampicuan, Nueva Ecija.

Isinagawa ang pagsasanay bilang paghahanda ng asosasyon sa planong pagtatayo ng common post-harvest facility sa kanilang lugar, na inaasahang magsisilbing sentro ng pagpoproseso ng mga produktong pangisdaan ng mga miyembro. Sa pamamagitan nito, mabibigyan ng dagdag na kaalaman ang mga benepisyaryo sa wastong paghawak at pagproseso sa kanilang huling huli mula sa pangisdaan.

Bilang bahagi ng aktibidad, sumailalim ang mga kalahok sa hands-on training sa pagtitinapa, kung saan kanilang natutunan ang tamang paghahanda ng isda, wastong proseso ng pag-aasin at pagpapatuyo, pati na ang maayos na paraan ng pagpapausok upang makalikha ng de-kalidad at ligtas na produktong tinapa.
Pinangunahan ang pagsasanay nina Bb. Jhoan Vargas at Bb. Elaine Bunolna, mga kawani ng BFAR III Post-Harvest and Marketing Section, na nagbahagi ng kanilang kaalaman at praktikal na teknik sa pagpoproseso ng isda upang mapahusay ang kalidad at marketability ng mga produktong pangisdaan ng asosasyon.

Ayon kay Mr. Virgilio Tabelisma, miyembro ng SMMN, malaking tulong ang naturang pagsasanay upang mas maunawaan nila ang tamang proseso ng pagtitinapa. Aniya, “Dahil sa pagsasanay na ito, natutunan namin ang tamang paraan ng pagtitinapa at masisiguro namin na malinis at de-kalidad ang produktong aming magagawa.”

Sa pamamagitan ng ganitong mga pagsasanay, patuloy na
pinalalakas ng BFAR RO3-SAAD Program ang kakayahan ng mga samahan ng mangingisda at magsasaka hindi lamang sa produksyon kundi pati sa post-harvest processing at value-adding activities. Inaasahan na sa tulong ng kaalamang natamo at ng planong pagtatayo ng common post-harvest facility, mas mapapalawak pa ang oportunidad sa kabuhayan ng mga miyembro ng SMMN at mapalalakas ang kanilang ambag sa lokal na industriya ng pangisdaan sa Nampicuan, Nueva Ecija.

𝐀𝐛𝐨𝐮𝐭 𝐃𝐀-𝐁𝐅𝐀𝐑 𝐒𝐀𝐀𝐃 𝐏𝐡𝐚𝐬𝐞 𝟐:
The Department of Agriculture - Bureau of Fisheries and Aquatic Resources-Special Area for Agricultural Development (DA-BFAR SAAD) Program Phase 2 aims to contribute to poverty reduction and improve the living conditions of vulnerable fisherfolk and their communities by providing sustainable livelihood opportunities and support for poor fishing sectors. These interventions intend to complement the DA banner programs and assist beneficiaries in establishing community-based fishery enterprises. The BFAR-SAAD strives to enhance food security and promote economic growth in targeted areas across the Philippines.
𝑺𝑨𝑨𝑫, 𝑲𝒂𝒂𝒈𝒂𝒑𝒂𝒚 𝒔𝒂 𝒎𝒂𝒖𝒏𝒍𝒂𝒅 𝒏𝒂 𝒃𝒖𝒉𝒂𝒚.

25/02/2026

𝙃𝒂𝙥𝒑𝙮 𝘽𝒊𝙧𝒕𝙝𝒅𝙖𝒚 𝒕𝙤 𝙤𝒖𝙧 𝙎𝑨𝘼𝑫 𝑨𝙡𝒕𝙚𝒓𝙣𝒂𝙩𝒆 𝑭𝙤𝒄𝙖𝒍, 𝙈𝒔. 𝙅𝒐𝙖𝒏 𝑮𝙖𝒚! 🎉

𝑇ℎ𝑎𝑛𝑘 𝑦𝑜𝑢 𝑓𝑜𝑟 𝑦𝑜𝑢𝑟 ℎ𝑎𝑟𝑑 𝑤𝑜𝑟𝑘, 𝑑𝑒𝑑𝑖𝑐𝑎𝑡𝑖𝑜𝑛, 𝑎𝑛𝑑 𝑠𝑢𝑝𝑝𝑜𝑟𝑡 𝑡𝑜 𝑜𝑢𝑟 𝑡𝑒𝑎𝑚 𝑎𝑛𝑑 𝑝𝑟𝑜𝑔𝑟𝑎𝑚.

𝑊𝑖𝑠ℎ𝑖𝑛𝑔 𝑦𝑜𝑢 𝑔𝑜𝑜𝑑 ℎ𝑒𝑎𝑙𝑡ℎ, ℎ𝑎𝑝𝑝𝑖𝑛𝑒𝑠𝑠, 𝑎𝑛𝑑 𝑚𝑜𝑟𝑒 𝑠𝑢𝑐𝑐𝑒𝑠𝑠 𝑖𝑛 𝑡ℎ𝑒 𝑦𝑒𝑎𝑟 𝑎ℎ𝑒𝑎𝑑. 𝐸𝑛𝑗𝑜𝑦 𝑦𝑜𝑢𝑟 𝑠𝑝𝑒𝑐𝑖𝑎𝑙 𝑑𝑎𝑦! 🎂

23/02/2026

𝐂𝐨𝐥𝐥𝐚𝐛𝐨𝐫𝐚𝐭𝐢𝐨𝐧 𝐟𝐨𝐫 𝐂𝐚𝐩𝐚𝐛𝐢𝐥𝐢𝐭𝐲: 𝐁𝐅𝐀𝐑 𝐑𝐎𝟑 𝐚𝐧𝐝 𝐁𝐅𝐀𝐑 𝐂𝐀𝐑 𝐀𝐝𝐯𝐚𝐧𝐜𝐞 𝐅𝐢𝐧𝐚𝐧𝐜𝐢𝐚𝐥 𝐋𝐢𝐭𝐞𝐫𝐚𝐜𝐲 𝐓𝐡𝐫𝐨𝐮𝐠𝐡 𝐁𝐄𝐒𝐓 𝐆𝐚𝐦𝐞

To further strengthen the financial literacy and enterprise development capabilities of its field personnel, the Bureau of Fisheries and Aquatic Resources Regional Office III – Special Area for Agricultural Development (SAAD) Program Phase II successfully conducted a Training of Trainers (TOT) on the Business, Expense, Saving Training (BEST) Game on February 16–20, 2026, in the City of San Fernando, Pampanga and Nampicuan.

The five-day activity was carried out in collaboration with the Bureau of Fisheries and Aquatic Resources Cordillera Administrative Region SAAD Program Phase II, bringing valuable inter-regional knowledge sharing to Central Luzon.

On the first day, participants were oriented on the BEST Game—its objectives, mechanics, and role in strengthening entrepreneurial decision-making among fisherfolk and farmers. This was followed by immersive hands-on sessions where program implementers experienced the simulation firsthand, learning how to effectively facilitate the activity in community settings.

On the third day, the newly trained implementers cascaded the BEST Game to members of the Samahan ng Mangingisda at Magsasaka ng Nampicuan, providing them with a practical and engaging learning experience on financial management and business strategy.

During the simulation, Ms. Charito Coma, Head of the BFAR RO3 Training Section, emphasized the importance of calculated risk-taking in enterprise growth, stating that higher income often requires strategic business risks. Meanwhile, Mr. Eugene Estrella highlighted the value of sustainable and lawful growth, sharing, “Mabagal man ang pag-unlad ng negosyo, kakapit pa rin sa mas legal at mas ligtas na paraan.”

In her message during the opening program, Ms. Amelia Bulanadi, Municipal Agriculturist of Nampicuan, underscored the evolving role of fisherfolk and farmers:

“Ang magsasaka at mangingisda ay hindi lang nagsasaka at nangingisda kundi kasama rin dito ang pagiging isang negosyante. Kailangan lamang nating matutunan kung paano ito mapapatakbo nang tama.”

Serving as resource speakers were Mr. Leo Casing, BFAR SAAD CAR Assistant Alternate Focal; Ms. Regine Calucag, Community Development Officer; Ms. Mailyn Amlos, Marketing Assistance and Enterprise Development Officer; Mr. Ciello Pascual, Area Coordinator; and Ms. Eleonor Bognay, Information Officer. The team facilitated comprehensive discussions and practical simulations designed to enhance participants’ understanding of business planning, expense management, savings mobilization, and risk-taking in enterprise development.

Through this initiative, BFAR RO3-SAAD reaffirms its commitment not only to increasing production but also to building financially capable and business-minded program implementers who can effectively guide SAAD beneficiaries toward sustainable and profitable enterprises.

𝐀𝐛𝐨𝐮𝐭 𝐃𝐀-𝐁𝐅𝐀𝐑 𝐒𝐀𝐀𝐃 𝐏𝐡𝐚𝐬𝐞 𝟐:
The Department of Agriculture - Bureau of Fisheries and Aquatic Resources-Special Area for Agricultural Development (DA-BFAR SAAD) Program Phase 2 aims to contribute to poverty reduction and improve the living conditions of vulnerable fisherfolk and their communities by providing sustainable livelihood opportunities and support for poor fishing sectors. These interventions intend to complement the DA banner programs and assist beneficiaries in establishing community-based fishery enterprises. The BFAR-SAAD strives to enhance food security and promote economic growth in targeted areas across the Philippines.
𝑺𝑨𝑨𝑫, 𝑲𝒂𝒂𝒈𝒂𝒑𝒂𝒚 𝒔𝒂 𝒎𝒂𝒖𝒏𝒍𝒂𝒅 𝒏𝒂 𝒃𝒖𝒉𝒂𝒚.

13/02/2026

𝐌𝐮𝐥𝐚 𝐆𝐮𝐥𝐚𝐲𝐚𝐧 𝐏𝐚𝐭𝐮𝐧𝐠𝐨𝐧𝐠 𝐏𝐚𝐥𝐚𝐢𝐬𝐝𝐚𝐚𝐧: 𝐒𝐓𝐀𝐕𝐀𝐈 𝐒𝐚𝐬𝐚𝐛𝐚𝐤 𝐬𝐚 𝐁𝐚𝐠𝐨𝐧𝐠 𝐊𝐚𝐛𝐮𝐡𝐚𝐲𝐚𝐧

Sumailalim sa isang pagsasanay ang Sipag at Tiyaga Anao Vendors Association (STAVAI) hinggil sa pag aalaga ng tilapia sa pangisdaan sa ilalim ng pagpapatupad ng BFAR Regional Office III–Special Area for Agricultural Development Program Phase II (BFAR 3-SAAD) sa Anao, Tarlac noong ika-11 ng Pebrero 2026.

Pinangunahan ang pagsasanay ng mga eksperto mula sa BFAR Regional Office 3 Fisheries Production and Support Services Division (FPSSD). Tinalakay ni Bb. Eden Abejero, FPSSD-Freshwater Unit staff, ang mga pangunahing kaalaman tungkol sa tilapia. Samantala, ipinaliwanag naman ni G. Nicomedes Wamil ang wastong pagpili ng culture area at ang mga hakbang sa pag-aalaga ng tilapia sa palaisdaan.

Pangunahing hanapbuhay ng samahan ang pagbebenta ng mga gulay at mga produktong isda na sumailalim sa pagpoproseso gaya ng daing at buro. Ngayon, susubukan din ng samahan ang larangan ng pag-aalaga ng tilapia sapagkat ito ay isa sa mga pangunahing sangkap sa kanilang mga produktong pinoproseso.

Sa kanyang pambungad na mensahe, binigyang-diin ni Gng. Lanie Lamyong, Provincial Fishery Officer ng Tarlac, na bagama’t bago pa lamang sa samahan ang pag-aalaga ng isda, umaasa siyang sa pamamagitan ng pagsasanay na ito, madaragdagan ang kaalaman ng mga miyembro ng asosasyon, at magiging matagumpay ang kanilang produksyon sa pagpoproseso ng buro at daing dahil sa kanilang maaaning tilapia.

Sa pagsasanay na ito, inaasahang mabibigyan ng kaalaman at kasanayan ang mga miyembro ng STAVAI upang masuplayan ang kanilang pangagailangan sa pagproproseso gamit ang kanilang ani mula sa pangisdaan.

𝐀𝐛𝐨𝐮𝐭 𝐃𝐀-𝐁𝐅𝐀𝐑 𝐒𝐀𝐀𝐃 𝐏𝐡𝐚𝐬𝐞 𝟐:
The Department of Agriculture - Bureau of Fisheries and Aquatic Resources-Special Area for Agricultural Development (DA-BFAR SAAD) Program Phase 2 aims to contribute to poverty reduction and improve the living conditions of vulnerable fisherfolk and their communities by providing sustainable livelihood opportunities and support for poor fishing sectors. These interventions intend to complement the DA banner programs and assist beneficiaries in establishing community-based fishery enterprises. The BFAR-SAAD strives to enhance food security and promote economic growth in targeted areas across the Philippines.

𝑺𝑨𝑨𝑫, 𝑲𝒂𝒂𝒈𝒂𝒑𝒂𝒚 𝒔𝒂 𝒎𝒂𝒖𝒏𝒍𝒂𝒅 𝒏𝒂 𝒃𝒖𝒉𝒂𝒚.

12/02/2026

𝐊𝐚𝐬𝐚𝐧𝐚𝐲𝐚𝐧 𝐬𝐚 𝐛𝐚𝐠𝐨𝐧𝐠 𝐩𝐚𝐧𝐠𝐤𝐚𝐛𝐮𝐡𝐚𝐲𝐚𝐧, 𝐅𝐀 𝐬𝐚 𝐍𝐚𝐦𝐩𝐢𝐜𝐮𝐚𝐧 𝐭𝐢𝐧𝐮𝐫𝐮𝐚𝐧

𝗡𝗲𝘄𝘀 𝗥𝗲𝗹𝗲𝗮𝘀𝗲 𝗜 Upang higit na mapalawak ang kaalaman at mahubog ang kasanayan sa larangan ng pangisdaan, sumailalim sa pagsasanay ang Damayang Kristiyano Workers Association (DKWAS) hinggil sa Pag-aalaga ng Hito sa Pangisdaan at Tangke sa ilalim ng pagpapatupad ng BFAR Regional Office III – Special Area for Agricultural Development (SAAD) Program Phase II. Isinagawa ang aktibidad noong ika-10 ng Pebrero 2026 sa Estacion, Nampicuan, Nueva Ecija.

Layunin ng naturang pagsasanay na ihanda ang mga miyembro ng asosasyon sa proyektong pangkabuhayan na ipagkakaloob sa kanila, upang matiyak ang maayos, episyente, at matagumpay na pagpapatupad nito.

Pinangunahan ni Bb. Eden Abejero, staff ng Fisheries Production Support Services Division – Freshwater Unit (FPSSD-FWU), ang pagsasanay. Tinalakay niya ang mahahalagang paksa tulad ng pagkilala sa hito, tamang pagpili ng culture area, wastong paghahanda ng palaisdaan at tangke, at ang mga pangunahing hakbang sa maayos na pamamahala at pag-aalaga ng hito mula pagpapakain hanggang pagmonitor ng kalusugan ng isda.

Sa mensahe naman ni Father Richard Lagos, Parish Priest ng Immaculate Conception Parish, ipinahayag niya ang kanyang pag-asa na maisasakatuparan nang maayos ang proyekto para sa asosasyon. Binigyang-diin din niya ang kahalagahan ng pagsasanay bilang pundasyon ng tagumpay ng kanilang kabuhayan, at ang oportunidad nitong makapagbigay ng dagdag na kita at mas matatag na kabuhayan sa mga miyembro.

Sa pamamagitan ng patuloy na suporta ng BFAR-SAAD Program Phase II, inaasahang mas mapapalakas ang kakayahan ng DKWAS tungo sa isang produktibo at napapanatiling pangisdaan sa kanilang komunidad.

𝐀𝐛𝐨𝐮𝐭 𝐃𝐀-𝐁𝐅𝐀𝐑 𝐒𝐀𝐀𝐃 𝐏𝐡𝐚𝐬𝐞 𝟐:
The Department of Agriculture - Bureau of Fisheries and Aquatic Resources-Special Area for Agricultural Development (DA-BFAR SAAD) Program Phase 2 aims to contribute to poverty reduction and improve the living conditions of vulnerable fisherfolk and their communities by providing sustainable livelihood opportunities and support for poor fishing sectors. These interventions intend to complement the DA banner programs and assist beneficiaries in establishing community-based fishery enterprises. The BFAR-SAAD strives to enhance food security and promote economic growth in targeted areas across the Philippines.

𝑺𝑨𝑨𝑫, 𝑲𝒂𝒂𝒈𝒂𝒑𝒂𝒚 𝒔𝒂 𝒎𝒂𝒖𝒏𝒍𝒂𝒅 𝒏𝒂 𝒃𝒖𝒉𝒂𝒚.

09/02/2026

“𝐀𝐠𝐨𝐬 𝐧𝐠 𝐩𝐚𝐠-𝐚𝐬𝐚 𝐬𝐚 𝐠𝐢𝐭𝐧𝐚 𝐧𝐠 𝐤𝐚𝐥𝐮𝐩𝐚𝐚𝐧: 𝐀𝐧𝐠 𝐤𝐰𝐞𝐧𝐭𝐨 𝐧𝐠 𝐍𝐌𝐌𝐂𝐈 𝐬𝐚 𝐩𝐚𝐠𝐝𝐚𝐭𝐢𝐧𝐠 𝐧𝐠 𝐒𝐀𝐀𝐃 𝐏𝐫𝐨𝐠𝐫𝐚𝐦”

𝗙𝗲𝗮𝘁𝘂𝗿𝗲 𝗥𝗲𝗹𝗲𝗮𝘀𝗲 𝗜 RAMOS, TARLAC — Sa isang bayang napaliligiran ng malalawak na lupain at malayo sa pampang ng dagat, tila isang panaginip ang pagtatatag ng kabuhayan mula sa yamang-tubig. Ngunit para sa mga residente ng Barangay Coral-Iloco, ang pagiging landlocked ay hindi hadlang, kundi isang hamon na nagbunga ng bagong buhay.

Dito nagsimula ang kwento ng Nagkakaisang Mangingisda at Magsasaka ng Coral-Iloco (NMMCI).

Binuo noong ika-14 ng Pebrero, 2024, 26 na miyembro ang nagbuklod para sa isang layunin: ang patunayan na kayang magkaroon ng masaganang aquaculture sa gitna ng kalupaan. Ang kanilang sandata? Higit pa sa mga lambat at feeds, ang pagkakaisa at ang suporta ng Special Area for Agricultural Development (SAAD) Program.

Taong 2025, matapos isagawa ang Beneficiary Needs Assessment, nakatanggap ang NMMCI ng proyekto para sa pag-aalaga ng hito sa kanilang palaisdaan. Sa kanilang unang production cycle, umani ang asosasyon ng 2.530 metric tons ng hito, na nag-generate ng Php 229,540.00 mula sa kabuuang benta.

"Kami ay lubos na nagpapasalamat dahil sa isang iglap, nakapagbenta kami ng mahigit 200,000. Malaking tulong ito sa aming mga pamilya," pahayag ni G. Romulo Lumibao, isa sa mga masisigasig na miyembro ng asosasyon.

Sa ikalawang production cycle, muling napagkalooban ang asosasyon ng parehong proyekto, at nakapagtala sila ng 1.882 metric tons ng hito na nagresulta sa Php 176,200.00 na kabuuang benta.

Para kay G. Angelo Lumibao, ang Presidente ng NMMCI, ang tunay na yaman ay hindi lamang nasa benta, kundi sa karunungang ibinabahagi ng programa. "Natuto kami ng wastong paraan ng pag-aalaga ng hito at mas lumawak ang aming pang-unawa sa negosyo. Bilang tugon, dodoblehin namin ang aming sipag para mas mapaganda pa ang susunod naming ani," ani Angelo.

Sa kasalukuyan, sa tulong ng Local Government Unit ng Ramos, gamit ang backhoe at sa kabutihang-loob ng mga miyembro na nagpahiram ng kanilang lupa, nakapagpahukay ang asosasyon ng tatlong palaisdaan na gagamitin sa susunod na production cycle. Ang hakbang na ito ay nagbubukas ng mas malaking oportunidad para sa asosasyon at nagpapakita ng matibay na pakikipagtulungan sa komunidad at pamahalaan.

Ang kwento ng Nagkakaisang Mangingisda at Magsasaka ng Coral-Iloco ay patunay na sa pamamagitan ng pagkakaisa, tamang kaalaman, at suporta ng programa, kahit sa lugar na limitado ang yamang tubig, ang tagumpay sa agrikultura at aquaculture ay posible.

𝐀𝐛𝐨𝐮𝐭 𝐃𝐀-𝐁𝐅𝐀𝐑 𝐒𝐀𝐀𝐃 𝐏𝐡𝐚𝐬𝐞 𝟐:
The Department of Agriculture - Bureau of Fisheries and Aquatic Resources-Special Area for Agricultural Development (DA-BFAR SAAD) Program Phase 2 aims to contribute to poverty reduction and improve the living conditions of vulnerable fisherfolk and their communities by providing sustainable livelihood opportunities and support for poor fishing sectors. These interventions intend to complement the DA banner programs and assist beneficiaries in establishing community-based fishery enterprises. The BFAR-SAAD strives to enhance food security and promote economic growth in targeted areas across the Philippines.

𝑺𝑨𝑨𝑫, 𝑲𝒂𝒂𝒈𝒂𝒑𝒂𝒚 𝒔𝒂 𝒎𝒂𝒖𝒏𝒍𝒂𝒅 𝒏𝒂 𝒃𝒖𝒉𝒂𝒚.

05/01/2026

𝑴𝒂𝒍𝒊𝒈𝒂𝒚𝒂𝒏𝒈 𝑲𝒂𝒂𝒓𝒂𝒘𝒂𝒏, 𝑹𝑫 𝑾𝒊𝒍𝒇𝒓𝒆𝒅𝒐 𝑴. 𝑪𝒓𝒖𝒛! 🎉

Mula po sa inyong BFAR SAAD Central Luzon Family, kami ay taos-pusong bumabati sa inyo ng isang maligayang kaarawan. Nawa’y patuloy kayong pagkalooban ng mabuting kalusugan, karunungan, at lakas upang ipagpatuloy ang inyong mahusay na pamumuno at malasakit sa kapakanan ng ating mga mangingisda.

Nawa’y mapuno ang inyong kaarawan ng kagalakan, tagumpay, at pagpapala.

Maligayang Kaarawan at Mabuhay po kayo!

18/12/2025

𝐃𝐚𝐥𝐚𝐰𝐚𝐧𝐠 𝐬𝐩𝐞𝐜𝐢𝐞𝐬, 𝐝𝐚𝐥𝐚𝐰𝐚𝐧𝐠 𝐬𝐢𝐬𝐭𝐞𝐦𝐚, 𝐢𝐢𝐬𝐚𝐧𝐠 𝐥𝐚𝐲𝐮𝐧𝐢𝐧: 𝐦𝐚𝐬 𝐦𝐚𝐭𝐚𝐭𝐚𝐠 𝐧𝐚 𝐤𝐚𝐛𝐮𝐡𝐚𝐲𝐚𝐧 🐟🌱

Pinatunayan ng Balloc Fisherfolks and Farmers Association (BFFA) na ang inobasyon at tamang kaalaman ay susi sa pag-unlad. Sa pamamagitan ng sabay na pag-aalaga ng dalawang aquaculture species gamit ang magkakaibang culture system, napalawak nila ang produksyon, nabawasan ang panganib, at napalakas ang kita ng samahan.

Dahil sa kanilang sipag, disiplina, at bukas na pagtanggap sa makabagong pamamaraan, kinikilala ang BFFA bilang BFAR RO3 SAAD Program’s 𝐎𝐔𝐓𝐒𝐓𝐀𝐍𝐃𝐈𝐍𝐆 𝐌𝐔𝐋𝐓𝐈-𝐂𝐎𝐌𝐌𝐎𝐃𝐈𝐓𝐘 𝐀𝐖𝐀𝐑𝐃𝐄𝐄 🏆✨

Isang malinaw na patunay na kapag pinagsama ang tamang teknolohiya at pagkakaisa, mas nagiging masagana ang ani at kinabukasan.

Mabuhay ang 𝐁𝐚𝐥𝐥𝐨𝐜 𝐅𝐢𝐬𝐡𝐞𝐫𝐟𝐨𝐥𝐤𝐬 𝐚𝐧𝐝 𝐅𝐚𝐫𝐦𝐞𝐫𝐬 𝐀𝐬𝐬𝐨𝐜𝐢𝐚𝐭𝐢𝐨𝐧!

Inspirasyon kayo sa iba pang asosasyon ! 💙🐠🌾

18/12/2025

𝐌𝐮𝐥𝐚 𝐩𝐚𝐥𝐚𝐢𝐬𝐝𝐚𝐚𝐧 𝐡𝐚𝐧𝐠𝐠𝐚𝐧𝐠 𝐩𝐚𝐦𝐢𝐥𝐢𝐡𝐚𝐧—𝐭𝐚𝐠𝐮𝐦𝐩𝐚𝐲 𝐧𝐚 𝐛𝐢𝐧𝐮𝐨 𝐧𝐠 𝐬𝐢𝐩𝐚𝐠 𝐚𝐭 𝐭𝐢𝐲𝐚𝐠𝐚 🐟🛒

Sa bawat sariwang isdang naihahain sa mesa ng mamimili, naroon ang pagsusumikap ng Sipag at Tiyaga Anao Vendors Association. Bilang grupo ng mga fish vendors, sila ang nagsisilbing mahalagang tulay sa pagitan ng mga mangingisda at ng komunidad—tinitiyak na ang ani mula sa aquaculture ay maayos na naipapamahagi, napapahalagahan, at nagiging kabuhayan.

Dahil sa kanilang husay sa pagbebenta, organisadong operasyon, at patuloy na pagpapalakas ng pamilihan para sa produktong pangisdaan, kinikilala sila bilang BFAR RO3 SAAD Program’s 𝐅𝐢𝐬𝐡𝐞𝐫𝐢𝐞𝐬 𝐌𝐚𝐫𝐤𝐞𝐭𝐢𝐧𝐠 𝐄𝐱𝐜𝐞𝐥𝐥𝐞𝐧𝐜𝐞 𝐀𝐰𝐚𝐫𝐝𝐞𝐞 🏆✨

Isang karangalang sumasalamin sa tunay na kahulugan ng kanilang pangalan—sipag sa araw-araw na hanapbuhay at tiyaga sa pag-abot ng kaunlaran.

Mabuhay ang 𝐒𝐢𝐩𝐚𝐠 𝐚𝐭 𝐓𝐢𝐲𝐚𝐠𝐚 𝐀𝐧𝐚𝐨 𝐕𝐞𝐧𝐝𝐨𝐫𝐬 𝐀𝐬𝐬𝐨𝐜𝐢𝐚𝐭𝐢𝐨𝐧! 💙🐟

17/12/2025

𝐏𝐚𝐠-𝐚𝐧𝐠𝐤𝐨𝐩 𝐬𝐚 𝐡𝐚𝐦𝐨𝐧 𝐧𝐠 𝐤𝐚𝐥𝐢𝐤𝐚𝐬𝐚𝐧 𝐚𝐧𝐠 𝐧𝐚𝐠𝐢𝐧𝐠 𝐝𝐢𝐬𝐤𝐚𝐫𝐭𝐞 🌦️🌞🐟

Sa bawat pagbabago ng panahon, hindi sumusuko ang Baguindoc Fisherfolks and Farmers Association. Sa halip, natutunan nilang makinig sa galaw ng klima at iangkop ang kanilang sistema ng produksyon—fishpond culture tuwing tag-init at fishpen culture kapag panahon ng tag-ulan. Isang malinaw na patunay ng talino, tiyaga, at resiliency ng mga mangingisda at magsasaka ng Baguindoc.

Dahil sa kanilang kakayahang umangkop at patuloy na pagpupursige sa kabila ng hamon ng kalikasan, sila ay kinikilala bilang BFAR RO3 SAAD Program’s 𝐀𝐐𝐔𝐀𝐂𝐔𝐋𝐓𝐔𝐑𝐄 𝐀𝐃𝐀𝐏𝐓𝐀𝐁𝐈𝐋𝐈𝐓𝐘 𝐀𝐖𝐀𝐑𝐃𝐄𝐄 🏅✨

Isang inspirasyon ang 𝐁𝐚𝐠𝐮𝐢𝐧𝐝𝐨𝐜 𝐅𝐢𝐬𝐡𝐞𝐫𝐟𝐨𝐥𝐤𝐬 𝐚𝐧𝐝 𝐅𝐚𝐫𝐦𝐞𝐫𝐬 𝐀𝐬𝐬𝐨𝐜𝐢𝐚𝐭𝐢𝐨𝐧 na ang kaalaman at tamang diskarte, kapag sinabayan ng pagkakaisa, ay nagbubunga ng matatag at masaganang kabuhayan—anumang panahon. 🌱💙

𝐀𝐛𝐨𝐮𝐭 𝐃𝐀-𝐁𝐅𝐀𝐑 𝐒𝐀𝐀𝐃 𝐏𝐡𝐚𝐬𝐞 𝟐:
The Department of Agriculture - Bureau of Fisheries and Aquatic Resources-Special Area for Agricultural Development (DA-BFAR SAAD) Program Phase 2 aims to contribute to poverty reduction and improve the living conditions of vulnerable fisherfolk and their communities by providing sustainable livelihood opportunities and support for poor fishing sectors. These interventions intend to complement the DA banner programs and assist beneficiaries in establishing community-based fishery enterprises. The BFAR-SAAD strives to enhance food security and promote economic growth in targeted areas across the Philippines.
𝑺𝑨𝑨𝑫, 𝑲𝒂𝒂𝒈𝒂𝒑𝒂𝒚 𝒔𝒂 𝒎𝒂𝒖𝒏𝒍𝒂𝒅 𝒏𝒂 𝒃𝒖𝒉𝒂𝒚.

BFAR SAAD Central Luzon

09/03/2026

25/02/2026

23/02/2026

13/02/2026

12/02/2026

09/02/2026

05/01/2026

18/12/2025

18/12/2025

17/12/2025

Address

Website

Alerts

Contact The Organization

Shortcuts

Share