Bombo Roadnie Daban Dalanon

Bombo Roadnie Daban Dalanon Bombo Radyo Roxas Field News Reporter/Newscaster🎙️

IVISAN, CAPIZ | LABORER, NALUMOS-PATAY SA BANWA SANG IVISANNalumos-patay ang isa ka lalaki samtang nagapaligo sa dagat n...
19/04/2025

IVISAN, CAPIZ | LABORER, NALUMOS-PATAY SA BANWA SANG IVISAN

Nalumos-patay ang isa ka lalaki samtang nagapaligo sa dagat nga sakop sang Barangay Basiao, banwa sang Ivisan takna alas 3:30 sang hapon kadungan sang Sabado de Gloria, Abril 19, 2025.

Ginkilala ang biktima kay alyas “Nilo”, 46-anyos kag residente sang Barangay Poblacion Sur sang nasambit nga banwa.

Suno kay PSSg. Jeofrey Base, Imbestigador sang Ivisan Municipal Police Station, ginpahayag nga nagaisahanon ini nga naglusong kag nagpaligo sa dagat.

Dugang pa sini nga natalupangdan nalang ini sang iya nga mga kaupdanan nga nalumos kag gintabangan.

Ginrespondehan naman ini sang mga katapo sang Ivisan Rescue Unit kag ginhatagan sang pauna nga pagbulong antes nga gindala sa Roxas Memorial Provincial Hospital apang gindeklarar nga ‘Dead on Arrival’ sang doktor nga nag-atendir.

Mahibaluan nga yara sa impluwensya sang makahulubog nga ilimnon ang nasambit nga bikitma.

Sa karon, nagapabilin ang bangkay sini sa morgue sang nasambit nga ospital.

by: Bombo Roadnie Dalanon

19/04/2025

KA-BOMBO LANTAWA | AKSIDENTE SA DALANON NAGLUNTAD SA BANWA SANG IVISAN KADUNGAN SANG SABADO DE GLORIA, ABRIL 19, 2025

Ginapahayag natumba ang isa ka motorsiklo nga ginasakyan sang duwa ka wala na ginpanghingadlan nga mga persona sa Sitio Mahayag, Barangay Malocloc Sur, banwa sang Ivisan takna alas 6:00 sang gab-i, Abril 19, 2025 kadungan sang Sabado de Gloria.

Sa inisyal nga impormasyon nga nakuha sang Bombo Radyo nagikan kay alyas "Bonbon", ginapahayag nga yara sa impluwensya sang makahulubog nga ilimnon ang nagkalasambit nga mga persona samtang ginasubay ang amu nga dalanon.

Dugang nga detalye, bantayan!

Video Courtesy: Abisan Bonbonvlog

by: Bombo Roadnie Dalanon

JUST IN| TIRUHAY NAGLUNTAD SA RAILWAY, BRGY IX, ROXAS CITY KADUNGAN SANG BIYERNES SANTONagluntad ang isa ka serye sang p...
19/04/2025

JUST IN| TIRUHAY NAGLUNTAD SA RAILWAY, BRGY IX, ROXAS CITY KADUNGAN SANG BIYERNES SANTO

Nagluntad ang isa ka serye sang pagnilukpanay sang ginapahayag mga armas-luthang sa Railway, Barangay IX, Roxas City kadungan sang Byernes Santo.

Sa impormasyon nga nakuha sang Bombo Radyo sa lugar, ginapahayag nga naka tricycle kag motorsiklo ang mga wala pa magkalakilan-an nga mga kalalakihan nga nagpalupok sang ginaalegar armas-luthang.

Nagresulta sa pagkapilas sang isa ka persona nga gilayon nga ginpadangat sa ospital.

Samtang, nagapadayon na ang imbestigasyon sang mga otoridad angut sa nasambit nga insidente.

Dugang nga detalye, bantayan!

DAO, CAPIZ | TATLO KA MGA PERSONA, PILASON MATAPOS MAGBUNGGUANAY SA BANWA SANG DAOPilason ang tatlo ka mga persona matap...
19/04/2025

DAO, CAPIZ | TATLO KA MGA PERSONA, PILASON MATAPOS MAGBUNGGUANAY SA BANWA SANG DAO

Pilason ang tatlo ka mga persona matapos ang nagluntad nga pagbungguanay sang duha ka mga motorsiklo takna alas 5:40 sang aga, Abril 15, 2025 sa Barangay Balucuan, Dao, Capiz.

Ginkilala ang mga biktima nga sanday alyas “Sito”, 60-anyos, backrider nga asawa sini nga si alyas “Niña”, 57-anyos nga lunsay mga residente sang Barangay San Miguel, Dumalag, Capiz kag alyas “KJ”, 29-anyos nga residente naman sang banwa sang Alimodian, Iloilo.

Sa impormasyon nga nakuha sang Bombo Radyo nagikan sa Dao Municipal Police Station, ginpahayag nga maliso kuntani sa wala nga bahin ang motorsiklo nga ginasakyan sang mag-asawa apang hinali ini nga nabungguan sang motorsiklo nga nagasunod nga ginamaneho naman ni alyas “KJ”.

Bangud sa impact sang pagkabunggo, nagtumpilak ang magtimbang nga bahin kun sa diin nagresulta sa pag-angkon sang pilas sa ulo kag wala nga butkon si alyas “Sito”, pilas naman saw ala nga tuhod kag wala nga kamot ang naangkon sang asawa sini nga si alyas “Niña’, samtang pilas naman sa wala nga tuhod kag wala nga kamot ang naangkon ni alyas “KJ”.

Gilayon naman ini nga ginrespondehan sang mga katapo sang Dao MDRRMO kag ginhatagan sang pauna nga pagbulong antes ini nga ginpadangat sa isa ka ospital sa amu nga banwa kag sa karon, lunsay na ini nga na-discharge sa amu nga ospital.

Samtang, nagapabilin sa kustodiya sang Dao Municipal Police Station ang duwa ka mga motorsiklo kag natalana sa Abril 17, 2025 ang paghinun-anon sang magtimbang nga bahin para sa nagakaigo nga disposisyon.

Photos Courtesy: DAO MDRRMO / DAO MPS

By: Bombo Roadnie Dalanon

ROXAS CITY | BAKLANAY SANG PRODUKTONG ISDA KAG SEAFOOD SA TATC, GINALAUMAN NGA MAGKUSOG KADUNGAN SANG SEMANA SANTAGinala...
19/04/2025

ROXAS CITY | BAKLANAY SANG PRODUKTONG ISDA KAG SEAFOOD SA TATC, GINALAUMAN NGA MAGKUSOG KADUNGAN SANG SEMANA SANTA

Ginalauman kag ginapangabay sang mga nagabalaligya sang isda kag seafood sa Teodoro Arcenas Trade Center ang pagkusog sang baklanay sang ila nga mga tinda kadungan sang Semana Santa.

Suno kay Mrs. Maricris Bendoy, Treasurer sang Fish Section sa amu nga merkado, ginapahayag nga sa kada tion sang Semana Santa, nagadahog ang ila sini nga mga baligya nga isda kag seafood rason nga ginalauman nila nga sa gihapon magakusog ang baklanay sini sa subong nga tuig man sang Semana Santa.

Dugang pa sini, nga sa tion lang man sang Semana Santa sila makatilaw sang daku-daku nga income kumpara sa mga regular days sang baklanay sini.

Mahibaluan, nga pag-abot sa presyuhanay, may pagsaka sang P20 pataas kada kilo ang kada produkto sa tion sang Semana Santa.

Pangabay naman ni Mrs. Bendoy sa mga bumalakal nga kuntani intindihon ang pagtaas sang presyo sang amu nga mga produkto.

Address

Arnaldo Blvd., Brgy. Baybay, Roxas City
Roxas City
5800

Telephone

+639501248073

Website

Alerts

Be the first to know and let us send you an email when Bombo Roadnie Daban Dalanon posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Bombo Roadnie Daban Dalanon:

Shortcuts

Share

Category