Nileshwaram Need Pillar Based Fly-over NH66, Nileshwaram (2026)

22/05/2026

നീലേശ്വരം ആകാശപാത: സർവീസ് റോഡും ഡ്രെയിനേജും ഒരു മാസത്തിനകം പൂർത്തിയാക്കാൻ കളക്ടറുടെ നിർദ്ദേശം; നിർമ്മാണം ഇഴഞ്ഞാൽ ശക്തമായ പ്രക്ഷോഭമെന്ന് ജനകീയ സമരസമിതി

കാസറഗോഡ്: നീലേശ്വരത്തെ തൂണുകളോട് കൂടിയ ആകാശപാതാ (Elevated Highway) വേണമെന്ന വിദഗ്ദ്ധ സമിതി റിപ്പോർട്ട് സംസ്ഥാന സർക്കാരിലേക്ക് സമർപ്പിച്ചതിന് പിന്നാലെ ദേശീയപാത അധികൃതരുടെയും, സമരസമിതികളുടെയും യോഗം കലക്ടറേറ്റിൽ ചേർന്നു. ജനകീയ സമര സമിതിയുമായി നടത്തിയ ചർച്ചയിൽ നിലവിലെ ഗതാഗതക്കുരുക്കിനും വെള്ളക്കെട്ടിനും പരിഹാരമായി സർവീസ് റോഡിന്റെയും ഡ്രെയിനേജിന്റെയും പണികൾ ഒരു മാസത്തിനുള്ളിൽ സമയബന്ധിതമായി പൂർത്തിയാക്കാൻ കളക്ടർ അധികൃതർക്ക് കർശന നിർദ്ദേശം നൽകി. മെയ് 22-ന് കളക്ടറുടെ ചേംബറിലാണ് ജനകീയ സമര സമിതി ഭാരവാഹികളെയും മറ്റ് ഉദ്യോഗസ്ഥരെയും ഉൾപ്പെടുത്തി യോഗം ചേർന്നത്.

സർവീസ് റോഡിന്റെയും ഡ്രെയിനേജിന്റെയും പണി പൂർത്തിയാക്കാത്തതാണ് നിലവിലെ രൂക്ഷമായ വെള്ളക്കെട്ടിനും ഗതാഗതക്കുരുക്കിനും കാരണമെന്ന് ജനകീയ സമരസമിതി യോഗത്തിൽ ചൂണ്ടിക്കാട്ടി. ഇത് പരിഗണിച്ചാണ് നിർമ്മാണം ഒരു മാസത്തിനകം പൂർത്തിയാക്കാൻ കളക്ടർ നിർദ്ദേശം നൽകിയത്. പൊതുജനങ്ങളുടെ ട്രാഫിക് ബുദ്ധിമുട്ടുകൾ ഒഴിവാക്കുന്നതിനായി, നിർമ്മാണം പൂർത്തിയാകുന്നതുവരെ മുകളിലൂടെയുള്ള പാത താൽക്കാലികമായി തുറന്നുകൊടുക്കുന്നതിനോട് സഹകരിക്കണമെന്ന് കലക്ടർ അഭ്യർത്ഥിച്ചു. അനിശ്ചിതകാല സമര പന്തൽ നിലനിർത്തിക്കൊണ്ട് താൽക്കാലികമായി മുകളിലൂടെയുള്ള ഗതാഗതം തുറന്ന് കൊടുക്കാമെന്നും, ഒരു മാസത്തിനുള്ളിൽ കമ്പനി പണി പൂർത്തിയാക്കിയില്ലെങ്കിൽ പ്രവൃത്തി തടയുകയും ശക്തമായ പ്രതിഷേധ നടപടികൾ സ്വീകരിക്കുകയും ചെയ്യുമെന്ന് ജനകീയ സമര സമിതി യോഗത്തെ അറിയിച്ചു.

സർവീസ് റോഡിന്റെ പണി നടക്കുമ്പോൾ നീലേശ്വരം ബസ്സ് സ്റ്റാൻഡ് ഭാഗത്തേയ്ക്ക് പോകാൻ രാജാ റോഡ് മാത്രമാണ് ഉള്ളത്. അതിനാൽ യാത്രക്കാർക്ക് യാതൊരു ബുദ്ധിമുട്ടും ഉണ്ടാകാത്ത രീതിയിലാകണം നിർമ്മാണം നടത്തേണ്ടതെന്ന് സമര സമിതി ആവശ്യപ്പെട്ടു. ഈ വിഷയം ഗൗരവപൂർവ്വം പരിഗണിക്കാനും അടിയന്തരമായി ട്രാഫിക് റെഗുലേറ്ററി കമ്മിറ്റി യോഗം വിളിച്ചുചേർക്കാനും നീലേശ്വരം നഗരസഭാ ചെയർമാനോട് കളക്ടർ നിർദ്ദേശിച്ചു. കൂടാതെ ആർ.ഡി.ഒ യോട് എല്ലാ ആഴ്ചയും നിർമ്മാണ പുരോഗതി വിലയിരുത്തി റിപ്പോർട്ട് സമർപ്പിക്കാനും കളക്ടർ നിർദ്ദേശിച്ചു.

ഗതാഗതക്കുരുക്കിന് അടിയന്തര പരിഹാരമായി രാജാ റോഡ് ജംഗ്ഷനിൽ മണ്ണ് നീക്കം ചെയ്ത് സ്ലോപ്പ് ആക്കി റീ-ടാറിംഗ് നടത്തി, മീൻ മാർക്കറ്റ്, പോലീസ് സ്റ്റേഷൻ പരിസരങ്ങളിലെ വെള്ളക്കെട്ട് അടിയന്തരമായി ഒഴിവാക്കണമെന്നും സമരസമിതി നിർദ്ദേശിച്ചു. ഈ ജോലികൾ രാത്രികാലങ്ങളിൽ നടത്തിയാൽ ഗതാഗത തടസ്സം പൂർണ്ണമായും ഒഴിവാക്കാമെന്ന നിർദ്ദേശവും സമരസമിതി യോഗത്തിൽ മുന്നോട്ടുവെച്ചു.

യോഗത്തിൽ ജനകീയ സമര സമിതിയെ പ്രതിനിധീകരിച്ച് ചെയർമാൻ ശ്രീനാഥ് ശശി ടി.സി.വി, ജനറൽ കൺവീനർ ഡി. രാജൻ, എക്സിക്യൂട്ടീവ് അംഗങ്ങളായ പത്മരാജൻ ഐങ്ങോത്ത്, രതീഷ് കൃഷ്ണൻ എന്നിവർ പങ്കെടുത്തു. ഇതിന് പുറമെ എൻ.എച്ച്.എ.ഐ (NHAI) പ്രൊജക്റ്റ് ഡയറക്ടർ ഉമേഷ് ഗർഗ്, നിർമ്മാണ കമ്പനിയായ മേഘ കൺസ്ട്രക്ഷൻ പ്രതിനിധികൾ, പോലീസ് മേധാവികൾ, ആർ.ടി.ഒ ഉദ്യോഗസ്ഥർ, റവന്യൂ ഉദ്യോഗസ്ഥർ, ജില്ലാ ഇൻഫർമേഷൻ ഓഫീസർ മധുസൂദനൻ, എൻ.എച്ച്.എ.ഐ കൺസൾട്ടന്റ് മല്ലികാർജ്ജുന, ജില്ലാ പഞ്ചായത്ത് പ്രസിഡന്റ് സാബു എബ്രഹാം, നീലേശ്വരം നഗരസഭ ചെയർമാൻ മുഹമ്മദ് റാഫി എന്നിവരും യോഗത്തിൽ സംബന്ധിച്ചു.

21/05/2026

പ്രസ് റിലീസ്

ദേശീയപാത 66 വികസനം: നീലേശ്വരം മാർക്കറ്റ് ജംഗ്ഷനിൽ ഫ്‌ളൈഓവർ നിർമിക്കണം* *ജില്ലാ കളക്ടർ റിപ്പോർട്ട് നൽകി

കാസർകോട്: ദേശീയപാത 66 വികസനത്തിന്റെ ഭാഗമായി നീലേശ്വരം മാർക്കറ്റ് ജംഗ്ഷനിൽ നിലവിൽ നടന്നു വരുന്ന മണ്ണ് തിട്ടപ്പെടുത്തിയുള്ള (Embanked) നിർമ്മാണരീതി ഒഴിവാക്കി പകരം സമഗ്രമായ ആകാശപാത (Flyover) നിർമ്മിക്കണമെന്ന് ആവശ്യപ്പെട്ട് ജില്ലാ കളക്ടർ അർജുൻ പാണ്ഡ്യൻ ഐ എ എസ് സംസ്ഥാന സർക്കാരിലേക്ക് അടിയന്തര റിപ്പോർട്ട് സമർപ്പിച്ചു.ജില്ലാ കളക്ടർ നിയോഗിച്ച വിദഗ്ധസമിതിയുടെ റിപ്പോർട്ടിന്റെ അടിസ്ഥാനത്തിൽ തയ്യാറാക്കിയതാണ് ഇത്.

പൊതുമരാമത്ത് വകുപ്പ് പ്രിൻസിപ്പൽ സെക്രട്ടറി, റവന്യൂ-ദുരന്തനിവാരണ വകുപ്പ് പ്രിൻസിപ്പൽ സെക്രട്ടറി, ലാൻഡ് റവന്യൂ കമ്മീഷണർ എന്നിവർക്കാണ് വിശദമായ ശിപാർശകൾ ഉൾപ്പെടുത്തിയ റിപ്പോർട്ട് കൈമാറിയത്.

നിലവിലെ രൂപരേഖ പ്രകാരം മാർക്കറ്റ് ജംഗ്ഷനിൽ വൻതോതിൽ മണ്ണ് നിറച്ച് തിട്ടപ്പെടുത്തിയുള്ള നിർമ്മാണമാണ് പുരോഗമിക്കുന്നത്. ഇത് പൂർത്തിയാകുന്നതോടെ നീലേശ്വരം ടൗൺ മൺമതിലുകളാൽ രണ്ടായി വിഭജിക്കപ്പെടുകയും ഗുരുതരമായ ഗതാഗതക്കുരുക്കിനും നഗരത്തിന്റെ സ്വാഭാവിക വികസനത്തിന് തിരിച്ചടിയാകുകയും ചെയ്യുമെന്ന് റിപ്പോർട്ടിൽ ചൂണ്ടിക്കാട്ടുന്നു. ഈ സാഹചര്യത്തിനെതിരെ പ്രദേശത്ത് ശക്തമായ ജനകീയ പ്രതിഷേധങ്ങളും സമരങ്ങളും നിലനിൽക്കുന്നുണ്ടെന്നും കളക്ടർ വ്യക്തമാക്കി.

നീലേശ്വരം പോലീസ് സ്റ്റേഷൻ മുതൽ കോട്ടപ്പുറം റോഡ് വരെl നിലവിൽ പദ്ധതിയിട്ടിരിക്കുന്ന മണ്ണ് നിറച്ച നിർമ്മാണം പൂർണ്ണമായും ഒഴിവാക്കി, തൂണുകളിൽ അധിഷ്ഠിതമായ ഫ്‌ളൈഓവർ നിർമ്മിക്കാൻ ദേശീയപാത അതോറിറ്റിക്ക് (NHAI) അടിയന്തര നിർദ്ദേശം നൽകണമെന്നാണ് റിപ്പോർട്ടിലെ പ്രധാന ശിപാർശ.

നിലവിലുള്ള സർവീസ് റോഡുകളിൽ സ്ഥലപരിമിതി കാരണം വാഹനങ്ങൾ തിരിയുന്നതിനും ഗതാഗത നിയന്ത്രണത്തിനും ബുദ്ധിമുട്ടുകൾ നേരിടുന്ന സാഹചര്യമാണ് നിലവിലുള്ളത്. ഫ്‌ളൈഓവർ നിർമ്മാണം നടപ്പിലാക്കുകയാണെങ്കിൽ സർവീസ് റോഡുകൾക്ക് കൂടുതൽ വീതി ലഭ്യമാകുകയും, പാലത്തിന് താഴെയുള്ള വിശാലമായ സ്ഥലം നഗരത്തിലെ പ്രധാന പ്രശ്നങ്ങളിലൊന്നായ വാഹന പാർക്കിംഗിനായി ഉപയോഗിക്കാനാകുകയും ചെയ്യുമെന്ന് റിപ്പോർട്ടിൽ പറയുന്നു.

കോട്ടപ്പുറം–തൈക്കടപ്പുറം റോഡിലേക്കുള്ള പ്രവേശനം സുരക്ഷിതമായി നിലനിർത്താനും പ്രദേശത്തെ ടൂറിസം, മത്സ്യബന്ധന മേഖലകൾക്ക് തിരിച്ചടി ഒഴിവാക്കാനും ഈ മാതൃക സഹായകരമാകുമെന്ന് ജില്ലാ കളക്ടർ നിയോഗിച്ച വിദഗ്ധസമിതി വിലയിരുത്തി.

അതേസമയം, നീലേശ്വരം പുഴയ്ക്ക് കുറുകെ 1958-ൽ നിർമ്മിച്ച നിലവിലെ ദേശീയപാത പാലം അപകടാവസ്ഥയിലാണെന്നും റിപ്പോർട്ടിൽ ചൂണ്ടിക്കാട്ടുന്നു. നിലവിലെ പദ്ധതിപ്രകാരം പഴയ പാലം നിലനിർത്തി പുതിയ മൂന്ന് വരി പാലം മാത്രം നിർമ്മിച്ചാൽ ആകെ അഞ്ച് വരി ഗതാഗതം മാത്രമേ സാധ്യമാകൂ. ഇത് ഭാവിയിൽ ഗതാഗതക്കുരുക്കിന് ഇടയാക്കുമെന്നതിനാൽ പഴയ പാലം പൊളിച്ചുനീക്കി അതിന്റെ സ്ഥാനത്ത് പുതിയ മൂന്ന് വരി പാലം കൂടി നിർമ്മിച്ച് ആകെ ആറ് വരി ഗതാഗത സൗകര്യം ഉറപ്പാക്കണമെന്നും റിപ്പോർട്ടിൽ നിർദ്ദേശിച്ചിട്ടുണ്ട്.

ഭൂമിശാസ്ത്രപരവും പരിസ്ഥിതിസംബന്ധമായും ശാസ്ത്രീയ പഠനം നടത്തി ആവശ്യമായ മാറ്റങ്ങൾ വരുത്തേണ്ടതുണ്ടെന്ന് വിദഗ്ദ സമിതി അഭിപ്രായപ്പെട്ടു.

വരാനിരിക്കുന്ന കാലവർഷം മുന്നിൽക്കണ്ട് പൊതുജനങ്ങളുടെ സുരക്ഷയും യാത്രാസൗകര്യവും ഉറപ്പാക്കുന്നതിനായി സർക്കാർ തലത്തിൽ അടിയന്തര ഇടപെടൽ അനിവാര്യമാണെന്നും ജില്ലാ കളക്ടർ റിപ്പോർട്ടിൽ അഭ്യർത്ഥിച്ചു.

19/05/2026

നീലേശ്വരം മാർക്കറ്റ് ജംഗ്ഷനിലെ വെള്ളക്കെട്ടിനും ഗതാഗതക്കുരുക്കിനും അടിയന്തര പരിഹാരം കാണണം: ജനകീയ സമരസമിതി

നിലേശ്വരം: മാർക്കറ്റ് ജംഗ്ഷനിൽ അശാസ്ത്രീയമായ നിർമ്മാണ പ്രവർത്തനങ്ങൾ മൂലം രൂപപ്പെട്ട രൂക്ഷമായ വെള്ളക്കെട്ടിനും ഗതാഗതക്കുരുക്കിനും അധികൃതർ അടിയന്തരമായി പരിഹാരം കാണണമെന്ന് ജനകീയ സമരസമിതി ആവശ്യപ്പെട്ടു.

കാലവർഷം തുടങ്ങുന്നതിന് മുൻപ് തന്നെ മാർക്കറ്റ് ജംഗ്ഷനിൽ വെള്ളക്കെട്ട് രൂപപ്പെട്ടിരിക്കുകയാണ്. ഇത് കാൽനടയാത്രക്കാർക്കും വാഹനയാത്രക്കാർക്കും ഒരുപോലെ വലിയ ദുരിതമാണ് സൃഷ്ടിക്കുന്നത്. വികസന പ്രവർത്തനങ്ങളും റോഡ് നിർമ്മാണവും ജനങ്ങൾക്ക് ഉപകാരപ്രദമാകുന്ന രീതിയിലായിരിക്കണം നടപ്പിലാക്കേണ്ടത്, മറിച്ച് അവർക്ക് ബുദ്ധിമുട്ടുണ്ടാക്കുന്ന രീതിയിലാകരുത്. ജനങ്ങളുടെ ജീവനും സുരക്ഷയ്ക്കും യാതൊരു വിലയും നൽകാത്ത ഇത്തരം അശാസ്ത്രീയമായ നിർമ്മാണ പ്രവർത്തനങ്ങൾക്കും അനാസ്ഥകൾക്കും നേരെ കണ്ണടയ്ക്കാൻ സമൂഹത്തിനാവില്ല.

പ്രശ്നത്തിന് കാരണക്കാരായ കൺസ്ട്രക്ഷൻ കമ്പനിയും ദേശീയ പാത അതോറിറ്റിയും നീലേശ്വരം മുൻസിപ്പാലിറ്റിയും എത്രയും പെട്ടെന്ന് ഇടപെട്ട് പരിഹാര നടപടികൾ സ്വീകരിക്കണം. അധികൃതരുടെ ഭാഗത്തുനിന്നുണ്ടാകുന്ന ഇത്തരം ജനവിരുദ്ധമായ അനാസ്ഥകൾക്കെതിരെ ജനകീയ സമരസമിതി എക്കാലത്തും ശക്തമായി പ്രതികരിക്കുമെന്നും ജനങ്ങളെ അണിനിരത്തി പ്രതിഷേധങ്ങൾ ഉയർത്തിക്കൊണ്ടുവരുമെന്നും ഭാരവാഹികൾ മുന്നറിയിപ്പ് നൽകി.

08/05/2026

100 കോടി ചിലവിൽ പുതിയ പാലവും കോട്ടപ്പുറം റോഡിൽ അടിപാതയും നിർമിക്കും: പദ്ധതിയ്ക്ക് തത്വത്തിൽ അംഗീകാരം - ജനകീയ സമരം വിജയത്തിലേക്ക്.

നീലേശ്വരം: പഴയ പാലം പൊളിച്ച് 100 കോടി രൂപ ചിലവിൽ പുതിയ പാലം നിർമ്മിക്കുന്നതിനും, കോട്ടപ്പുറം ജംഗ്ഷനിൽ വലിയ വാഹനങ്ങൾക്ക് സുഗമമായി കടന്നുപോകാൻ കഴിയുന്ന തരത്തിൽ പുതിയ അടിപ്പാതയുടെ (Underpass) ഉയരവും വീതിയും വർദ്ധിപ്പിച്ച് നിർമ്മിക്കുന്നതിനും ദേശീയപാതാ അതോറിറ്റിയുടെ (NHAI) തത്വത്തിലുള്ള അംഗീകാരം.

ഇന്ന് (08/05/2026) ഡൽഹിയിൽ കേന്ദ്ര പെട്രോളിയം മന്ത്രാലയം ഡയറക്ടർ ജനറൽ ശ്രീ. പി. മനോജ് കുമാറും, എൻ.എച്ച്.എ.ഐ (NHAI) മെമ്പർ (പി.പി.പി) ശ്രീ. കെ. വെങ്കിട്ട രമണ, സി.ജി.എം ശ്രീ. നവീൻ മിശ്ര എന്നിവരുമായി നടത്തിയ ഉന്നതതല കൂടിക്കാഴ്ചയിലാണ് ഈ സുപ്രധാന തീരുമാനമുണ്ടായത്.

നേരത്തെ 16 x 4 മീറ്റർ വീതിയിൽ നിർമ്മിക്കാൻ തീരുമാനിച്ചിരുന്ന കോട്ടപ്പുറം അടിപ്പാതയാണ് ഇപ്പോൾ *20 മീറ്റർ വീതിയും 4.5 മീറ്റർ ഉയരവുമുള്ള (20m x 4.5m) വലിയ അടിപ്പാതയായി* വികസിപ്പിക്കാൻ തീരുമാനമായിരിക്കുന്നത്. ഇതോടെ വലിയ വാഹനങ്ങൾക്ക് സുഗമമായി ഇതുവഴി കടന്നുപോകാൻ സാധിക്കും.

ട്രാൻസ്പോർട്ട് സെക്രട്ടറി ശ്രീ. ഉമാശങ്കറിന്റെ നിർദ്ദേശപ്രകാരം സമർപ്പിച്ച പ്രദേശത്തിന്റെ ഡ്രോൺ ദൃശ്യങ്ങൾ യോഗത്തിൽ വിശദമായി പരിശോധിച്ചു. ഈ ഡ്രോൺ വീഡിയോ മുൻനിർത്തി നടത്തിയ കൃത്യമായ വിലയിരുത്തലുകൾക്കും ചർച്ചകൾക്കും ശേഷമാണ് പദ്ധതിക്ക് അംഗീകാരം നൽകിയത്.

തുടർ നടപടി എന്ന നിലയിൽ പ്രദേശത്ത് ആകാശപാതയുടെ (Elevated Highway) സാധ്യതകളെക്കുറിച്ച് പഠിക്കാൻ ഡൽഹിയിൽ നിന്നുള്ള ഉന്നതതല സംഘം ജൂൺ ആദ്യവാരം സന്ദർശനം നടത്തുമെന്ന് എൻ.എച്ച്.എ.ഐ അധികൃതർ ശ്രീ. പി. മനോജ് കുമാറിനെ അറിയിച്ചു.

കൂടാതെ, ഡൽഹി, പാലക്കാട് ഐ.ഐ.ടി (IIT) കളിൽ നിന്നുള്ള വിദഗ്ധ സംഘം നേരിട്ടെത്തി വിശദമായ സാങ്കേതിക പഠനവും (Technical Study) നടത്തും. ഈ പഠന റിപ്പോർട്ട് ജൂൺ 30-നകം സമർപ്പിക്കാനും ഇന്നത്തെ യോഗത്തിൽ തീരുമാനമായിട്ടുണ്ട്.

നീലേശ്വരം ജനകീയ സമരസമിതി 47 ദിവസമായി തുടരുന്ന സമരം ഇതോടെ വിജയത്തിലേക്ക് നീങ്ങുകയാണ്.

07/05/2026

പ്രശസ്ത നാടകകൃത്തും സംവിധായകനുമായ രാജ്‍മോഹൻ നീലേശ്വരം ജനകീയ സമര സമിതിയുടെ നേതൃത്വത്തിൽ നടക്കുന്ന അനിശ്ചിതകാല സമരത്തിന് ഐക്യദാർഢ്യം പ്രകടിപ്പിക്കുന്നു.

07/05/2026

നീലേശ്വരം രാജകുടുംബാംഗം, രാജാസ് റിട്ട അധ്യാപകൻ കെ.സി. മാനവർമ്മ രാജ ജനകീയ സമര സമിതിയുടെ നേതൃത്വത്തിൽ നടക്കുന്ന അനിശ്ചിതകാല സമരത്തിന് ഐക്യദാർഢ്യം പ്രകടിപ്പിക്കുന്നു.

07/05/2026

നീലേശ്വരം മുൻ പഞ്ചായത്ത് പ്രസിഡണ്ട് ഇ, കുഞ്ഞബ്ദുളള കോട്ടപ്പുറം ജനകീയ സമര സമിതിയുടെ നേതൃത്വത്തിൽ നടക്കുന്ന അനിശ്ചിതകാല സമരത്തിന് ഐക്യദാർഢ്യം പ്രകടിപ്പിക്കുന്നു.

07/05/2026

ലോകത്തിലെവിടെപ്പോയാലും ഞാനൊരു നീലേശ്വരക്കാരി എന്നഭിമാനം കൊള്ളുന്ന, നീലേശ്വരം എന്ന നാടിനോടും നീലേശ്വരം ഭാഷയോടും വൈകാരികമായ അടുപ്പം എന്നും നില നിർത്തിയിട്ടുള്ള നമ്മുടെ സ്വന്തം കാവ്യ മാധവൻ.
നിലേശ്വരത്തിൻ്റെ വികസന സ്വപ്നങ്ങളിലേക്ക് വാതിൽ തുറക്കുന്ന ആകാശപാത നീലേശ്വരത്തിൻ്റെ അവകാശമാണ്. അതു നേടാതെ പിന്നോട്ടില്ല.
ജനകീയ സമരസമിതി, നീലേശ്വരം (NH66) ആകാശപാത Nitin Gadkari National Highways Authority of India - NHAI PMO India

03/05/2026

ജനകീയ സമരം നാൽപ്പത്തിരണ്ടാം ദിനം: സുഭാഷ് സ്പോർട്സ് ക്ലബ്, കടിഞ്ഞികടവ് - നിലേശ്വരം പ്രതിനിധികൾ ജനകീയ സമരത്തിന് ഐക്യദാർഡ്യം പ്രകടിപ്പിച്ച് സമര പന്തലിൽ എത്തി.

03/05/2026

ജനകീയ സമരം നാൽപ്പത്തിരണ്ടാം ദിനം: കേരള സ്ക്രാപ്പ് മാർച്ചൻ്റ്സ് അസോസിയേഷൻ (KSMA) കാഞ്ഞങ്ങാട് മേഖല പ്രതിനിധികൾ ജനകീയ സമരത്തിന് ഐക്യദാർഡ്യം പ്രകടിപ്പിച്ച് സമര പന്തലിൽ എത്തി.

02/05/2026

⚠️ഈ വീഡിയോ ശ്രദ്ധിച്ച് കേൾക്കുക:⚠️

ഇതിൽ ബിജെപി നിലേശ്വരം മണ്ഡലം പ്രസിഡണ്ട് സാഗർ ചാത്തമത്ത് പറയുന്ന ഒരു കാര്യം ഉണ്ട്. രാജ്യത്ത് ആകമാനം വികസന പ്രവർത്തനങ്ങൾ നടക്കുന്നുണ്ട്. അതിൻ്റെ ഭാഗം ആയി ആണ് നീലേശ്വരത്തും വികസനം നടക്കുന്നത് എന്ന്. Mr. സാഗർ ചാത്തമത്ത് ദേശീയപാതയുടെ പേരിൽ നീലേശ്വരത്ത് ഇപ്പോ നടക്കുന്നത് വികസനം എന്നാണോ നിങൾ പറയുന്നത്. അപ്പോ പിന്നെ എന്തിനാണ് നിങ്ങള് ഇന്ന് ദേശീയ പാത അതോറിറ്റിക്ക് എതിരെ ഉള്ള സമരം ഉദ്ഘാടനം ചെയ്തത്. അതിൽ തന്നെ ഇല്ലേ നിങ്ങളുടെ കാപട്യവും ഇരട്ടത്താപ്പും...

പിന്നെ നിങ്ങൾ മുകളിൽ നിന്നും ഒരു ഉദ്യോഗസ്ഥൻ വിചാരിച്ചാൽ ഇവിടെ ഒന്നും നടക്കാൻ പോകുന്നില്ല, അങ്ങനെ ആരും വിചാരിക്കേണ്ട എന്ന് പറഞ്ഞു... രാഷ്ട്രീയ പാർട്ടികൾ വിചാരിച്ചാലേ എന്തെങ്കിലും നടക്കൂ എന്ന് പറയുന്നു... പിന്നെ രാഷ്ട്രീയക്കാർ വിചാരിച്ചാലേ വികസനം വരൂ എന്ന് പറഞ്ഞ നിങൾ എന്ത് കൊണ്ട് നീലേശ്വരത്തെ ദേശീയപാത നിർമ്മാണ ദുരന്തം നേരത്തെ അറിഞ്ഞ് ശക്തമായി ഇടപെട്ടില്ല... അതോ നീലേശ്വരം ജനതയെ ഒറ്റു കൊടുത്തവരിൽ നിങ്ങളും കൂടിയോ...

ഇന്നാട്ടിലെ ജനങ്ങൾക്ക് ആ ഉദ്യോഗസ്ഥൻ്റെ സഹായം വേണം... ഈ നാടിനെ രക്ഷിക്കാൻ... നിങ്ങൾ ആരാ അത് വേണ്ട എന്ന് പറയാൻ... ഇത് പറയുമ്പോൾ നീലേശ്വരത്തെ ആകാശപാത വിഷയത്തിൽ നിങ്ങൾ ഇത്രയും കാലം എന്ത് ചെയ്തു എന്ന് കൂടി പറയുക...

പ്രിയമുള്ളവരെ, ഇങ്ങനെ ഉള്ള നാടിന് വേണ്ടി പ്രവർത്തിക്കുന്ന വ്യക്തികളെ അപമാനിക്കുന്ന ആൾക്കാരെ നമ്മൾ തുറന്നുകാട്ടണം...

ഇവരുടെയൊക്കെ പ്രശ്നം ഇതാണ്... അവിടെ ഒരു ഉദ്യോഗസ്ഥൻ നമ്മുടെ നാടിന് വേണ്ടി എന്തെങ്കിലും ചെയ്യുമ്പോൾ അത് മുടക്കാനും അവസരം കിട്ടുമ്പോൾ എട്ടുകാലി മമ്മൂഞ്ഞിമാരാകാനും ആണ് ഇവർ ശ്രമിക്കുന്നത്. ഇതിൽ നിന്നും തന്നെ ഇവരുടെ പൊള്ളത്തരം നമുക്ക് മനസ്സിലാക്കാം...

നാടിന് നൂറ്റാണ്ടുകൾ പിന്നോട്ട് അടിക്കുന്നത് ഇത്തരക്കാരാണ്...

എല്ലായിടത്തും share ചെയ്യുക...

ജാഗ്രതയോടെ മുന്നോട്ട്... നീലേശ്വരം ജയിക്കും... നമ്മൾ നേടും ആകാശപാത...

Nileshwaram Need Pillar Based Fly-over NH66

22/05/2026

21/05/2026

19/05/2026

08/05/2026

07/05/2026

07/05/2026

07/05/2026

07/05/2026

03/05/2026

03/05/2026

02/05/2026

Address

Website

Alerts

Shortcuts

Share