19/06/2026
កិច្ចប្រជុំឆ្លុះបញ្ចាំងស្តីពីការអនុវត្តយន្តការបញ្ជូនអ្នកជំងឺភ្នែក នៃកម្មវិធីសុខភាពភ្នែកខេត្តព្រះសីហនុ
នាថ្ងៃទី១៩ ខែមិថុនា ឆ្នាំ២០២៦ កម្មវិធីសុខភាពភ្នែក នៃមន្ទីរសុខាភិបាលនៃរដ្ឋបាលខេត្តព្រះសីហនុ បានរៀបចំ «កិច្ចប្រជុំឆ្លុះបញ្ចាំងស្តីពីការអនុវត្តយន្តការបញ្ជូនអ្នកជំងឺភ្នែក ពីមណ្ឌលសុខភាពទៅមន្ទីរពេទ្យបង្អែកខេត្ត/មន្ទីរពេទ្យជាតិ» ក្រោមអធិបតីភាព លោកស្រីឱសថការី មិន សុគន្ធា អនុប្រធានមន្ទីរសុខាភិបាលខេត្ត។ កិច្ចប្រជុំនេះមានការអញ្ជើញចូលរួមពីសំណាក់ថ្នាក់ដឹកនាំ មន្ត្រីជំនាញពាក់ព័ន្ធ និងមន្ត្រីសុខភាពភ្នែកបឋមថ្នាក់មណ្ឌលសុខភាព ដោយមានការឧបត្ថម្ភគាំទ្រពីមូលនិធិហ្រ្វេដហូឡូកម្ពុជា (The Fred Hollows Foundation)។
អង្គប្រជុំបានផ្តោតការពិភាក្សាយ៉ាងស៊ីជម្រៅ លើការត្រួតពិនិត្យវាយតម្លៃលទ្ធផលការងារ លំបាក បញ្ហាប្រឈម និងស្វែងរកដំណោះស្រាយរួមគ្នា ដើមី្បពង្រឹងខ្សែសង្វាក់នៃប្រព័ន្ធបញ្ជូនអ្នកជំងឺភ្នែកពីកម្រិតមូលដ្ឋាន ទៅកាន់កម្រិតជំនាញឱ្យកាន់តែមានភាពរលូន រហ័ស និងមានប្រសិទ្ធភាពខ្ពស់ ក្នុងការជួយសង្គ្រោះ និងថែទាំសុខភាពភ្នែកជូនប្រជាពលរដ្ឋ។
#មន្ទីរសុខាភិបាលខេត្តព្រះសីហនុ #កម្មវិធីសុខភាពភ្នែកខេត្ត #កិច្ចប្រជុំឆ្លុះបញ្ចាំង #យន្តការបញ្ជូនអ្នកជំងឺភ្នែក #មណ្ឌលសុខភាព #មន្ទីរពេទ្យបង្អែកខេត្ត #សុខភាពសាធារណៈ
