02/06/2026
Gəncə-Daşkəsən Regional Mədəniyyət İdarəsinin tabeliyində fəaliyyət göstərən Gəncə Şəhər Mərkəzləşdirilmiş Kitabxana Sisteminin 2 saylı kitabxana filialı tərəfindən 02 iyun 2026-cı il tarixində Gəncə şəhəri İmadəddin Nəsimi adına 44 nömrəli tam orta məktəbdə “Qərbi Azərbaycan tarixi torpağımızdır” mövzusunda tədbir təşkil olunub.
Tədbir Vətən müharibəsi şəhidlərinin əziz xatirəsinin bir dəqiqəlik sükutla yad edilməsi ilə başlayıb.
Tədbirdə çıxış edən 2 saylı kitabxana filialının müdiri Qərbi Azərbaycanın tarixi Azərbaycan torpaqları olduğunu vurğulayaraq bildirib ki, Qərbi Azərbaycan deyildikdə İrəvan və Gümrü şəhərləri, Vedibasar, Zəngibasar, Göyçə, Dərələyəz, Dərəçiçək, Zəngəzurun Meğri, Gorus, Sisyan, Qafan bölgələri və Ağbaba mahalı göz önündə canlanır. O qeyd edib ki, bu torpaqlar Azərbaycan xalqının zəngin tarixi, mədəniyyəti və mənəvi irsi ilə sıx bağlıdır.
Çıxış zamanı Dədə Qorqudun bu ellərdə qopuz çalması, igidlərə ad verməsi, Koroğlu dastanının qəhrəmanlıq ənənələri, eləcə də böyük söz ustadı Aşıq Ələsgərin dağlarımızı, bulaqlarımızı və doğma yurd yerlərimizi vəsf etməsi barədə məlumat verilib.
Tədbirin sonunda mövzu ətrafında fikir mübadiləsi aparılıb. Tədbir iştirakçılar tərəfindən maraqla qarşılanıb və onlarda xoş təəssürat yaradıb.
[email protected]
📍Nizami 81
