https://www.facebook.com/107184872153534/

Voice Of Sunsari, Itahari (2026)

30/04/2026

सुकुम्वासी पहिचान र सुरक्षित व्यवस्थापनपछि मात्र सार्वजनिक जग्गा खाली गरिनेछ : सरकार

सरकारले वास्तविक सुकुम्वासीको पहिचान र सुरक्षित व्यवस्थापनपछि मात्र अतिक्रमित सार्वजनिक तथा सरकारी जग्गा खाली गर्ने स्पष्ट पारेको छ।

सरकारले सुकुम्वासीहरूमा देखिएको त्रासप्रति सचेत रहँदै उनीहरूलाई ढुक्क हुन आग्रह गरेको हाे। वर्षायाम नजिकिँदै गर्दा बाढी तथा डुबानको उच्च जोखिममा रहेका बागमती तथा सहायक नदी किनारका बस्तीलाई लक्षित गरी वैशाख १२ गतेदेखि विशेष अभियान सुरु गरिएको जनाएको छ।

यसक्रममा थापाथली, शान्तिनगर, गैरीगाउँ तथा कागेश्वरी मनोहरा नगरपालिका क्षेत्रका गोठाटार बुद्धचोक र मनोहरा टोलका जोखिमयुक्त बस्ती खाली गरिसकिएको छ।

शहरी विकास मन्त्री सुनिल लम्सालले ती बस्तीहरू मानवीय सुरक्षाका दृष्टिले मात्र खाली गरिएको स्पष्ट पार्दै अन्य क्षेत्रमा भने सुकुम्वासीको पहिचान र व्यवस्थापनको स्पष्ट खाका नबनाई जग्गा खाली नगर्ने बताएका छन्।

- NepalPress

28/04/2026

सुनसरी, इनरुवा — इनरुवास्थित भेटनरी अस्पताल तथा पशु सेवा विज्ञ केन्द्रमा बर्डफ्लु संक्रमणको बढ्दो जोखिमलाई मध्यनजर गर्दै कुखुरापालक कृषकहरूसँग एक अन्तरक्रिया कार्यक्रम सम्पन्न भएको छ। कार्यक्रममा अशोक कुमार चौधरी प्रमुख अतिथिका रूपमा उपस्थित रहनुभएको थियो भने कोशी प्रदेशका उद्योग, कृषि तथा सहकारी मन्त्री इसरायल मन्सुरीको अध्यक्षता रहेको थियो।
झापा, मोरङ र सुनसरी जिल्लाका विभिन्न स्थानहरूमा H5N1 तथा H9N2 जस्ता प्राणघातक बर्डफ्लु संक्रमण देखिन थालेपछि यसको नियन्त्रण, रोकथाम र प्रभावित कृषकको संरक्षणबारे गम्भीर छलफल भएको हो।
कार्यक्रममा सहभागी कृषकहरूले पछिल्लो समय बर्डफ्लुका कारण ठूलो आर्थिक क्षति व्यहोर्नुपरेको गुनासो गरेका थिए। उनीहरूका अनुसार संक्रमणका कारण कुखुरा नष्ट गर्नुपर्दा उत्पादन चक्रमा अवरोध आएको छ भने लगानी समेत जोखिममा परेको छ। यसले स्थानीय अर्थतन्त्रमा नकारात्मक असर पार्दै बेरोजगारी वृद्धि र आयआर्जनमा गिरावट ल्याउने सम्भावना औंल्याइएको छ। कृषकहरूले यस अवस्थाले दीर्घकालीन रूपमा राज्यको समग्र आर्थिक वृद्धिदर (जीडिपी) मा समेत प्रभाव पार्न सक्ने चेतावनी दिएका छन्।
अन्तरक्रियामा कृषकहरूले हाल H5N1 संक्रमणमा मात्र उपलब्ध रहेको क्षतिपूर्तिको व्यवस्था H9N2 मा समेत लागू गर्नुपर्ने माग राखेका थिए। उनीहरूले रोगको प्रकृति र प्रभाव दुवै गम्भीर रहेको उल्लेख गर्दै समान नीतिगत व्यवहार आवश्यक भएको जोड दिएका छन्।
कार्यक्रममा बोल्दै प्रमुख अतिथि चौधरीले कृषकको समस्याप्रति सरकार गम्भीर रहेको बताउँदै प्रभावकारी नियन्त्रण रणनीति, शीघ्र क्षतिपूर्ति तथा दीर्घकालीन पशु स्वास्थ्य सुरक्षाका लागि नीतिगत सुधार आवश्यक रहेको धारणा व्यक्त गर्नुभयो। अध्यक्षता गरिरहनुभएका मन्त्री मन्सुरीले पनि सरोकारवालाबीच सहकार्य बढाएर संक्रमण नियन्त्रणलाई प्राथमिकतामा राख्ने प्रतिबद्धता जनाउनुभयो।
विशेषज्ञहरूले बर्डफ्लु जस्ता संक्रामक रोग नियन्त्रणका लागि समयमै पहिचान, जैविक सुरक्षा (biosecurity) उपायहरूको कडाइका साथ पालन, र राज्य तथा कृषकबीच समन्वय अपरिहार्य रहेको औंल्याएका छन्। कार्यक्रमले रोग नियन्त्रणसँगै कृषकको जीविकोपार्जन संरक्षण गर्ने नीतिगत बहसलाई थप सशक्त बनाएको सहभागीहरूको भनाइ रहेको छ।

26/04/2026

इटहरी — प्रतिनिधि सभा सांसद तथा प्रतिनिधि सभाको कृषि, सहकारी तथा प्राकृतिक स्रोत समितिका सभापति अशोक कुमार चाैधरी सँग संगीत साधाना प्रतिष्ठान नेपाल का पदाधिकारीहरूले इटहरी–२ स्थित प्रतिष्ठान मार्गमा रहेको प्रतिष्ठान परिसरमा २०८३ साल वैशाख १३ गते संस्थाको योजना, हालसम्मका उपलब्धि तथा आगामी रणनीतिहरूका विषयमा विस्तृत रूपमा विचार–विमर्श गरिएको थियो।

छलफलका क्रममा सांसद चौधरीले प्रतिष्ठान निर्माणका बेला सञ्चालन गरिएको “एक इट्टा अभियान” मा आफू सहयोगदाता रहेको स्मरण गर्दै सांगीतिक क्षेत्रको विकासप्रति आफ्नो प्रतिबद्धता दोहोर्‍याएका थिए। उनले समग्र इटहरीको समृद्धि र विकाससँगै प्रतिष्ठानले लिएको लक्ष्य हासिल गर्न आफूले सक्दो पहल गर्ने बताएका छन्।

कार्यक्रममा प्रतिष्ठानका प्रतिनिधिहरूले संस्थागत विकास, सांगीतिक संरक्षण तथा प्रवर्द्धनका लागि आवश्यक सहयोगबारे ध्यानाकर्षण गराएका थिए।

26/04/2026

सुनसरी निर्वाचन क्षेत्र नं. ३ का सांसद अशोक कुमार चौधरीज्यूले दुहवी ३ मा संचालन गरेको सचिवालयमार्फत दैनिक रूपमा जनताका समस्या सुन्ने, समाधानका लागि पहल गर्ने तथा सेवा प्रवाहलाई निरन्तरता दिँदै आउनु भएको छ।
उहाँको यस सक्रियता र जनतामुखी कार्यशैलीप्रति स्थानीय नागरिकहरूबाट सकारात्मक प्रतिक्रिया प्राप्त भइरहेको छ।

26/04/2026

सुनसरी — कृषि सहकारी तथा प्राकृतिक स्रोत समितिका सभापतिले सुनसरीको रामधुनी मा रहेका कोशी प्रदेशकै ठूला पोल्ट्री फार्महरूको अनुगमन गरेका छन्।

अनुगमनका क्रममा उनले सुनसरी पोल्ट्री फार्म र कोशी पोल्ट्री फार्मको स्थलगत निरीक्षण गर्दै हाल देखिएको H5N1 र H9N1 संक्रमणका कारण कुखुराहरू मर्ने क्रम बढिरहेको विषयमा जानकारी लिएका थिए।

यस समस्याको समाधानका लागि पशु चिकित्सक तथा सरोकारवाला कृषकहरूसँग २०८३ साल वैशाख १५ गते विस्तृत छलफल गर्ने निर्णय गरिएको सचिवालयले जनाएको छ।
उक्त छलफलमार्फत रोग नियन्त्रण तथा कृषकहरूको क्षति न्यूनीकरणका लागि आवश्यक कदम चालिने अपेक्षा गरिएको छ।

26/04/2026

इटहरी —रास्वापा कोशी प्रदेशका कोषाध्यक्ष चन्द्र बहादुर राईले इलाका प्रहरी कार्यालय इटहरीको लागि आवश्यक जग्गा प्राप्तिको विषयमा महत्वपूर्ण प्रगति भएको जानकारी दिएका छन्।

उनले सामाजिक सञ्जालमार्फत दिएको जानकारीअनुसार, माननीय कृषि मन्त्री गीता चोैधरीसँग कृषि, सहकारी तथा प्राकृतिक स्रोत समितिका सभापति अशोक कुमार चाैधरीको सहभागितामा कृषि मन्त्रालयमा गहन छलफल सम्पन्न भएको छ।

उक्त छलफलमा इलाका प्रहरी कार्यालयका लागि आवश्यक जग्गा उपलब्ध गराउने विषयमा सहमति जुटाउन पहल गरिएको र यससम्बन्धी निर्णय चाँडै मन्त्रिपरिषद् (क्याबिनेट) बाट गर्ने प्रक्रिया अगाडि बढेको जानकारी दिइएको छ।

यस पहलले इटहरी क्षेत्रमा सुरक्षा संरचना सुदृढ गर्न महत्वपूर्ण योगदान पुग्ने अपेक्षा गरिएको छ।

24/04/2026

सुनसरी —प्रतिनिधि सभा सदस्य अशोक कुमार चाैधरीले सुनसरी क्षेत्र नं. ३ का मतदाताहरूप्रति गरेका चुनावी प्रतिबद्धता पूरा गर्ने क्रममा दुहबी नगरपालिका वडा नं. ३ मा क्षेत्र नं. ३ सचिवालय कार्यालयको औपचारिक रूपमा उद्घाटन गरेका छन्।
उद्घाटन कार्यक्रममा बोल्दै चौधरीले सचिवालयमार्फत स्थानीय नागरिकहरूको समस्या, गुनासा तथा आवश्यक विषयहरूलाई प्राथमिकताका साथ सुन्ने र समाधानका लागि आवश्यक पहल गर्ने मुख्य उद्देश्य रहेको बताएका छन्। उनले जनतासँग प्रत्यक्ष समन्वय र सेवा प्रवाहलाई थप प्रभावकारी बनाउने विश्वास व्यक्त गरे।
यसै क्रममा उनले नागरिकहरूलाई कुनै पनि समस्या, सुझाव वा आवश्यक परामर्श भएमा निर्धक्क रूपमा सचिवालयमा सम्पर्क गर्न आग्रह गरेका छन्।
सचिवालय प्रमुखको रूपमा नवीन कुमार थापालाई नियुक्त गरिएको पनि कार्यक्रममा जानकारी दिइएको छ।

16/04/2026

कृषी सहकारी तथा प्राकृतिक श्रोत समितिको सभापतिमा रास्वपाबाट अशोक कुमार चौधरीको उम्मेदवारी

फोटो :-

12/04/2026

संघीय निजामती सेवा ऐनको तयारी अन्तिम चरणमा पुगेको छ। ट्रेड युनियन खारेज, स्वचालित मूल्यांकन र नागरिक-केन्द्रित सेवा प्रणालीमार्फत ब्युरोक्रेसी सुधार गर्ने सरकारको स्पष्ट संकेत देखिएको छ।

11/04/2026

“शून्य बाँकी फाइल सप्ताह “
zero pending file week !

Voice Of Sunsari

30/04/2026

28/04/2026

26/04/2026

26/04/2026

26/04/2026

26/04/2026

24/04/2026

16/04/2026

12/04/2026

11/04/2026

Address

Website

Alerts

Shortcuts

Share