Department of Physiotherapy, School of Medical Education, CPAS, Gandhinagar

03/01/2026

The Department of Physiotherapy, SME, Gandhinagar, Kottayam, expresses its deepest condolences on the passing of Mr. Vinish, father of Hanna Vinish (BPT 2024 batch).

Our thoughts and prayers are with Hanna and her family during this time of profound loss.
May his soul rest in eternal peace. 🕊️

31/12/2025

28/10/2025

ആദരാഞ്ജലികൾ🙏
SME ഗാന്ധിനഗർ പൂർവ്വ വിദ്യാർത്ഥി ആയിരുന്നു വിഷ്ണു പി . - BPT 2010
സംസ്കാരം കഴിഞ്ഞു.

23/10/2025

അഭിനന്ദനങ്ങൾ

23/10/2025

അനാട്ടമി ഡിപ്പാർട്മെൻ്റ് സംഘടിപ്പിച്ച എക്സിബിഷനിൽ ഫിസിയോതെറാപ്പി വിദ്യാർത്ഥികളുടെ ബോഡി പെയിൻ്റിംഗ്

23/10/2025

അനാട്ടമി ഡിപ്പാർട്മെൻ്റ് സംഘടിപ്പിച്ച എക്സിബിഷനിൽ ബോഡി പെയിൻ്റിംഗ് & അനാട്ടമി ക്വിസ് മത്സരങ്ങളിൽ ഒന്നും രണ്ടും സ്ഥാനം കരസ്ഥമാക്കിയ ഫിസിയോതെറാപ്പി വിദ്യാർത്ഥികൾക്ക് അഭിനന്ദനങ്ങൾ.

15/10/2025

ആദരാഞ്ജലികൾ🙏
SME ഗാന്ധിനഗർ 2001 ബാച്ച് BPT

17/09/2025

അറിയിപ്പ് - ആദരാഞ്ജലികൾ 🙏

കണ്ണൂർ : ഒന്നാം വർഷ BPT വിദ്യാർത്ഥിനി Ms. Minha യുടെ പിതാവ് ശ്രീ. മുസ്തഫ എം വി (62), നിര്യാതനായ വിവരം അതീവ ദുഃഖത്തോടെ അറിയിക്കുന്നു.
കബറടക്കം നടത്തി.

മിൻഹയുടെയും കുടുംബത്തിൻറെയും ദുഃഖത്തിൽ Department of Physiotherapy, SME, Gandhinagarയിലെ മുഴുവൻ അധ്യാപകരും വിദ്യാർത്ഥികളും പങ്കുചേരുന്നു.

11/09/2025

*SME - ലോക ഫിസിയോതെറാപ്പി ദിനം 2025*

കോട്ടയം സ്കൂൾ ഓഫ് മെഡിക്കൽ എജ്യൂക്കേഷൻ (SME), CPAS ഫിസിയോതെറാപ്പി വിഭാഗം ലോക ഫിസിയോതെറാപ്പി ദിനാഘോഷത്തിന്റെ ഭാഗമായി 2025 സെപ്റ്റംബർ 08, 10 തീയതികളിൽ വിവിധ പരിപാടികൾ സംഘടിപ്പിച്ചു.

*September 8 - Physio Aerobics*

ഫിസിയോതെറാപ്പി വിഭാഗം മേധാവി പ്രൊഫ. പ്രിയ അക്കാൾ തോമസിൻ്റെ നേതൃത്വത്തിൽ ക്യാംപസ് അങ്കണത്തിൽ "Physio Aerobics" സംഘടിപ്പിച്ചു. എല്ലാ അധ്യപകരും വിദ്യാർത്ഥികളും പങ്കെടുത്തു.

*September 10 - ഫിസിയോ ഡേ ആഘോഷത്തിൻ്റെ ഔദ്യോഗിക ഉദ്ഘാടനം*

“Healthy Ageing – Preventing Frailty and Falls & Importance of Physiotherapy” എന്ന 2025-ലെ ആഗോള പ്രമേയം മുൻനിർത്തിയാണ് പരിപാടികൾ സംഘടിപ്പിച്ചത്. CPAS ഡയറക്ടർ പ്രൊഫ. ഹരികൃഷ്ണൻ പി യോഗം ഉദ്ഘാടനം ചെയ്തു. ഫിസിയോതെറാപ്പി വിഭാഗം മേധാവി പ്രൊഫ. പ്രിയ അക്കാൾ തോമസ് അധ്യക്ഷത വഹിച്ചു.

ഗാന്ധിനഗറിന്റെയും കോട്ടയത്തിൻെറയും കേരളത്തിന്റെയും അഭിമാനമായ രണ്ടു മഹത് വ്യക്തിത്വങ്ങളെ ആദരിച്ചുകൊണ്ടാണ് ആഘോഷങ്ങൾക്ക് തുടക്കം കുറിച്ചത്. SME-യുടെ സ്ഥാപകനും ആദ്യ ഡയറക്ടറുമായ ഡോ. പി.ജി.ആർ. പിള്ള, നവജീവൻ ട്രസ്റ്റ് സ്ഥാപകനും മാനേജിംഗ് ഡയറക്ടറുമായ ശ്രീ. പി.യു. തോമസ് എന്നിവരെ CPAS ഡയറക്ടർ പ്രൊഫ. ഹരികൃഷ്ണൻ പി ആദരിച്ചു. ആദരിക്കപ്പെട്ട മഹത് വ്യക്തികൾ പൂർണ്ണമായും ഈ വർഷത്തെ ഫിസിയോതെറാപ്പി theme നെ കൂടി പ്രതിനിധാനം ചെയ്യുന്നു.

Dr PGR സാർ ആണ് കേരളത്തിൽ ആദ്യമായി ഫിസിയോതെറാപ്പി ഉൾപ്പെടെ നിരവധി ആരോഗ്യ മേഖലാ പ്രൊഫഷണൽ കോഴ്സുകൾ സ്വാശ്രയ മേഖലയിൽ സ്ഥാപിക്കുന്നതിൽ മുൻകൈ എടുത്തത്. കേരളത്തിലെ ആദ്യ ഫിസിയോതെറാപ്പി കോളേജായ SME യുടെ സ്ഥാപകനും ആദ്യ ഡയറക്ടറും കൂടിയാണ് ആണ് Dr PGR പിള്ള സാർ. കൂടാതെ കേരളത്തിൽ 9 മെഡിക്കൽ കോളേജ് സ്ഥാപിക്കുന്നതിലെ സ്പെഷ്യൽ ഓഫീസറായും കോട്ടയം മെഡിക്കൽ കോളേജ് റിട്ട പ്രൊഫസർ സർജറി, സൂപ്രണ്ട് എന്നീ പദവികളും വഹിച്ചിരുന്നു.

ശ്രീ. പി.യു തോമസ് (തോമസ് ചേട്ടൻ) സ്വന്തം ജീവിതം കൊണ്ടും കാരുണ്യ പ്രവർത്തനങ്ങൾ കൊണ്ടും ശ്രദ്ധേയനായ വ്യക്തിയാണ്. പ്രായമായവർക്കും നിരാലംബരായവർക്കും എന്നും കൈതങ്ങാകുകയും അവർക്ക് വേണ്ടി നവജീവൻ ട്രസ്റ്റ് രൂപീകരിച്ച് അഭയം നൽകുകയും ചെയ്തു. കൂടാതെ ഗവ മെഡിക്കൽ കോളേജ്, കുട്ടികളുടെ ആശുപത്രി, ആയുർവേദ - ഹോമിയോ ആശുപത്രി എന്നിവടങ്ങളിലെ രോഗികൾക്കും കൂട്ടിരിപ്പുകാർക്കും വർഷങ്ങളായി ഭക്ഷണം നൽകി വരുന്നു. ക്യാൻസർ വാർഡിലെ രോഗികൾ, ഡയാലിസിസ് രോഗികൾ എന്നിവരുടെ ചികിത്സാ ചെലവും കുടുംബത്തിനുള്ള ഭക്ഷണ സാധനങ്ങളും നൽകുന്നു. നിർധനരായ നിരവധി കുട്ടികളെ (സ്കൂൾ, കോളേജ്, പ്രൊഫഷണൽ വിദ്യാഭ്യാസം എന്നീ തലങ്ങൾ വരെ) പഠിപ്പിക്കുന്നു. നിരവധി സുമനസ്സുകളുടെ സഹായം കൊണ്ടാണെങ്കിലും ഈ മഹത്തരമായ ഉത്തരവാദിത്വം ഏറ്റെടുത്ത് ഇന്നും നിസ്വാർത്ഥമായി കർമ്മം ചെയ്യുകയാണ് തോമസ് ചേട്ടൻ.

മാതൃകാപരവും ദീർഘവീക്ഷണപരവുമായ കർമ്മങ്ങളാൽ സമൂഹത്തിന് പ്രചോദനമായ ഡോ. പി ജി ആർ പിള്ള സാറിൻ്റെയും ശ്രീ. പി യു തോമസ് ചേട്ടൻ്റെയും ആശംസകളാൽ അനുഗ്രഹീതമായിരുന്നു ഈ വർഷത്തെ ഫിസിയോതെറാപ്പി ദിനാഘോഷം.

SME ജോയിന്റ് ഡയറക്ടർ പ്രൊഫ. ജയചന്ദ്രൻ ടി.പി, പ്രിൻസിപ്പാൾ ഡോ. ജുഗൻ ജെ, വൈസ് പ്രിൻസിപ്പാൾ പ്രൊഫ. സുമ വി. മാധവൻ, ഫിസിയോതെറാപ്പി വിഭാഗം പ്രൊഫ. രഞ്ജിത്ത് ചന്ദ്രശേഖരൻ നായർ, അസ്സോസിയേറ്റ് പ്രൊഫ. ഷൈനി എം, അസ്സിസ്റ്റൻ്റ് പ്രൊഫ. സുജിത്ത് എസ് എന്നിവർ പ്രസംഗിച്ചു.

പിന്നീട് ഡിപ്പാർട്ട്മെൻ്റ് ഡെവലപ്മെൻറ് പ്രോഗ്രാമിൻ്റെ ഭാഗമായി "അക്കാദമിക് ഡേയുടെ " പ്രവർത്തനം ആരഭിച്ചു. സെമിനാറുകൾ, ക്വിസ് മത്സരം, കലാപരിപാടികൾ എന്നിവയും സംഘടിപ്പിച്ചു. വിവിധ കോഴ്സുകളുടെ പ്രിൻസിപ്പാൾമാർ /മേധാവികൾ, അധ്യാപകർ, അനദ്ധ്യാപകർ, വിദ്യാർത്ഥികൾ എന്നിവർ സന്നിഹിതരായിരുന്നു.