Ministria e Mbrojtjes e Republikës së Kosovës

Ministria e Mbrojtjes e Republikës së Kosovës MInistria e Mbrojtjes e Republikës së Kosovës Ministria e Mbrojtjes është organ shtetërore i përbërë nga nëpunësit civilë dhe personeli ushtarak i FSK-së.

Ministria harton dhe zbaton politikat e përgjithshme shtetërore të mbrojtjes në nivelin strategjik, si dhe ushtron funksionet e kompetencat e saj, në përputhje me Kushtetutën dhe legjislacionin në fuqi. Ministria ka strukturën e saj, të organizuar në drejtori, departamente, sektorë, njësi dhe zyra që sigurojnë funksionalizimin dhe përmbushjen e detyrave dhe përgjegjësive të saj. Misioni, kompetenc

at dhe detyrat e Forcës së Sigurisë së Kosovës

Forca e Sigurisë së Kosovës mbron sovranitetin dhe integritetin territorial, qytetarët, pronën dhe interesat e Republikës së Kosovës. Forca e Sigurisë së Kosovës është forcë ushtarake multietnike, profesionale, e armatosur dhe e autorizuar për të shërbyer në vend dhe jashtë vendit, në pajtim me kompetencat e dhëna kushtetuese dhe ligjore. Detyrat e përgjithshme të Forcës së Sigurisë së Kosovës janë:
1. Mbrojtja e sovranitetit dhe integritetit territorial të Republikës së Kosovës;
2. Mbështetja ushtarake autoriteteve civile;
3. Pjesëmarrja në operacionet ndërkombëtare.

🇽🇰 Oficerët e FSK-së, major Gentrit Idrizi dhe major Labinot Lala, emërohen si oficerë ndërlidhës në strukturat e Forcës...
30/05/2026

🇽🇰 Oficerët e FSK-së, major Gentrit Idrizi dhe major Labinot Lala, emërohen si oficerë ndërlidhës në strukturat e Forcës Stabilizuese Ndërkombëtare për Gaza (ISF).

Ministri në detyrë i Mbrojtjes, Ejup Maqedonci, theksoi se ky emërim është rezultat i zhvillimit të vazhdueshëm të FSK-së, investimeve në mbrojtje dhe partneritetit të palëkundur me Shtetet e Bashkuara të Amerikës dhe aleatët tanë.

Besimi i partnerëve në profesionalizmin e ushtarakëve tanë dëshmon avancimin e kapaciteteve të FSK-së dhe rolin gjithnjë e më aktiv të Kosovës në sigurinë ndërkombëtare.

Urime oficerëve tanë, FSK-së dhe Republikës së Kosovës për këtë arritje të rëndësishme në rrugëtimin euroatlantik. 🇽🇰🤝🇺🇸

28/05/2026

Operacionet Speciale të FSK-së për herë të parë në SOF (Special Operations Forces) Week 2026

Operacionet Speciale të Forcës së Sigurisë së Kosovës morën pjesë në konferencën më të madhe ndërkombëtare të Operacioneve Speciale — SOF Week 2026, e organizuar nga Komanda e Operacioneve Speciale të Shteteve të Bashkuara të Amerikës (USSOCOM) në Tampa, Florida.
Në mesin e 74 delegacioneve nga shtete partnere dhe aleate, delegacioni i Operacioneve Speciale të FSK-së zhvilloi takime me liderë të lartë të komunitetit të Operacioneve Speciale, duke përfshirë pritjen nga Komandanti i USSOCOM, Admiral Frank M. Bradley, si dhe nga Komandanti i Operacioneve Speciale për Evropë (SOCEUR), Lieutenant General Richard E. Angle.
Pjesëmarrja në këtë konferencë strategjike dëshmon avancimin profesional dhe rritjen e rolit të Operacioneve Speciale të FSK-së në bashkëpunimin ndërkombëtar në fushën e sigurisë dhe mbrojtjes.
SOF Week shërben si platformë strategjike për forcimin e partneriteteve, shkëmbimin e përvojave operacionale dhe zhvillimin e kapaciteteve moderne të Operacioneve Speciale në nivel global.

Në kuadër të takimeve zyrtare në Shtetet e Bashkuara të Amerikës, ministri në detyrë i Mbrojtjes, Ejup Maqedonci, u prit...
28/05/2026

Në kuadër të takimeve zyrtare në Shtetet e Bashkuara të Amerikës, ministri në detyrë i Mbrojtjes, Ejup Maqedonci, u prit në Departamentin e Luftës së SHBA-së, nga Ndihmës Sekretari i Luftës, Daniel Zimmerman.

Në takimin me Sekretarin Zimmerman dhe stafin e Departamentit të Luftës së Shteteve të Bashkuara të Amerikës, u zhvilluan diskutime të rëndësishme për situatën e përgjithshme të sigurisë, thellimin dhe zgjerimin e bashkëpunimit në fushën e mbrojtjes, zhvillimin e mëtejmë të kapaciteteve të Forcës së Sigurisë së Kosovës, si dhe angazhimet e përbashkëta për paqe, siguri dhe stabilitet ndërkombëtar.

Komunikatën e plotë e gjeni në faqen zyrtare të Ministrisë së Mbrojtjes, në linkun më poshtë:
https://mod.rks-gov.net/NewsDetails/33/1455

25/05/2026

Sot është dita e fundit e konkursit për pranimin e 6 mjekëve të përgjithshëm në Regjimentin e Mjekësisë të Forcës së Sigurisë së Kosovës.

Apliko dhe ndërto karrierën tënde në Forcën e Sigurisë së Kosovës. 🇽🇰

💻 Apliko: https://rekrutimi.fsk-rks.org/Apply

23/05/2026

🇽🇰🇺🇸 E mirëpresim Raportin e Departamentit të Shtetit i përgatitur për Kongresin mbi Politikën e Shteteve të Bashkuara për Promovimin e Stabilitetit Rajonal dhe Prosperitetit në Ballkanin Perëndimor, i cili konfirmon mbështetjen e vazhdueshme të Shteteve të Bashkuara të Amerikës për zhvillimin dhe transformimin e Forcës së Sigurisë së Kosovës në një forcë moderne, profesionale dhe multietnike të mbrojtjes territoriale.

Ky vlerësim paraqet një dëshmi të qartë të progresit të arritur nga Republika e Kosovës në forcimin e kapaciteteve të saj mbrojtëse, në përputhje me standardet euro-atlantike dhe në partneritet të ngushtë me SHBA-në dhe aleatët tanë. Përkrahja amerikane ka qenë dhe mbetet vendimtare në rrugëtimin tonë drejt ndërtimit të një force të aftë për mbrojtjen e sovranitetit, integritetit territorial dhe sigurisë së qytetarëve tanë.

Po ashtu, vlerësojmë lart njohjen e rolit të Kosovës si kontribuese në sigurinë ndërkombëtare. Angazhimi ynë për t’iu bashkuar përpjekjeve shumëkombëshe për ruajtjen e paqes dhe stabilitetit dëshmon se Kosova është një partner i besueshëm dhe një kontribuues aktiv në sigurinë rajonale dhe globale. Kjo pasqyron qartë transformimin e Kosovës nga konsumues i sigurisë në ofrues të saj.

Republika e Kosovës do të vazhdojë të investojë në zhvillimin e kapaciteteve mbrojtëse, në forcimin e bashkëpunimit me aleatët strategjikë dhe në avancimin e aspiratës sonë të palëkundur për integrim të plotë euro-atlantik.

Ministri në detyrë i Mbrojtjes, Ejup Maqedonci, sot priti në takim Zëvendës Ndihmës Sekretarin e Përgjithshëm për Partne...
20/05/2026

Ministri në detyrë i Mbrojtjes, Ejup Maqedonci, sot priti në takim Zëvendës Ndihmës Sekretarin e Përgjithshëm për Partneritete në NATO, Kevin Hamilton.

Gjatë takimit u ritheksua përkushtimi i Republikës së Kosovës ndaj integrimit euroatlantik dhe forcimit të partneritetit strategjik me NATO-n dhe shtetet aleate.
Po ashtu, u diskutua për zhvillimin e mëtejmë të Forcës së Sigurisë së Kosovës, modernizimin e kapaciteteve sipas standardeve të NATO-s, rritjen e investimeve në mbrojtje, si dhe rëndësinë e vazhdimit të pranisë së NATO-s dhe KFOR-it për ruajtjen e paqes dhe stabilitetit në Ballkanin Perëndimor.

Kosova mbetet e përkushtuar të kontribuojë gjithnjë e më shumë në sigurinë rajonale dhe ndërkombëtare, duke avancuar nga një konsumuese e sigurisë në një kontribuese aktive për paqen dhe stabilitetin.

Ministri në detyrë i Mbrojtjes, Ejup Maqedonci, mirëpriti në takim u.d. Presidenten e Republikës së Kosovës, Albulena Ha...
20/05/2026

Ministri në detyrë i Mbrojtjes, Ejup Maqedonci, mirëpriti në takim u.d. Presidenten e Republikës së Kosovës, Albulena Haxhiu, ku riafirmuan përkushtimin institucional për forcimin e kapaciteteve mbrojtëse dhe avancimin e subjektivitetit ndërkombëtar të Republikës së Kosovës.

Gjatë takimit, ministri Maqedonci prezantoi të arriturat përgjatë mandatit, duke veçuar katërfishimin e investimeve në mbrojtje, dyfishimin e numrit të ushtarakëve, si dhe zgjerimin e mundësive për shkollimin e oficerëve të FSK-së në akademitë më prestigjioze ushtarake në botë.

Komunikatën e plotë e gjeni në faqen zyrtare të Ministrisë së Mbrojtjes, në linkun më poshtë:
https://mod.rks-gov.net/NewsDetails/33/1453

Ministri në detyrë i Mbrojtjes, Ejup Maqedonci priti në takim zëvendësdrejtorin e Partneritetit, Bashkëpunimit të Siguri...
19/05/2026

Ministri në detyrë i Mbrojtjes, Ejup Maqedonci priti në takim zëvendësdrejtorin e Partneritetit, Bashkëpunimit të Sigurisë dhe Armëve të Shkatërrimit në Masë në Komandën Evropiane të Shteteve të Bashkuara të Amerikës, Chris A. McKinney.

Gjatë takimit u diskutua për ambientin e sigurisë në vend dhe më gjerë, si dhe për avancimin e kapaciteteve mbrojtëse të vendit, blerjet ushtarake dhe zhvillimin e industrisë së mbrojtjes.

Komunikatën e plotë e gjeni në faqen zyrtare të Ministrisë së Mbrojtjes, në linkun më poshtë:
https://mod.rks-gov.net/NewsDetails/33/1452

17/05/2026

Nisin punimet për ndërtimin e kompleksit të parë industrial të municioneve, në një hapësirë prej 19 hektarësh, dhe fabrikës së parë të kësaj natyre me prodhim “Made in Kosova”.

Address

Kazerma “Adem Jashari” Prishtinë
Prishtinë
10000

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00

Telephone

+38338551379

Website

Alerts

Be the first to know and let us send you an email when Ministria e Mbrojtjes e Republikës së Kosovës posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Ministria e Mbrojtjes e Republikës së Kosovës:

Shortcuts

Share

Category