Fakultetin e Mjekësisë e përfundojë në Universitetin e Prishtinës, si bursist i UP, ndërsa specializimin në Qendrën klinike Universitare të Ljubljanës. Sub-specializimet i përfundoi në SHBA. Shemsedin Dreshaj nga viti 1984 punon si mjek në Klinikën Infektive në QKUK. Ndërsa, u zgjodhë staf akademik në vitin 1992 në Universitetin e Prishtinës në Fakultetin e Mjekësisë, për lëndën e Sëmundjeve Infektive. Si profesor i Universitetit të Prishtinës, Prof.Dr. Shemsedin Dreshaj ka udhëhequr dhe implementuar shumë projekte ndërkombëtare, ndër të cilat vlenë të përmendet Tempus-KIKT si Grand Holder, ku MASHT dhe Universiteti i Prishtinës kanë përfituar vlera milionëshe në grante për ndërtimin e laboratoreve hulumtuse. Prof.Dr. Shemsedin Dreshaj u zgjodhë Prodekan në Fakultetin e Mjekësisë në vitin 2007. Si prodekan i Fakultetit të Mjekesisë, Shemsedin Dreshaj ka zhvilluar dhe implemetuar programin interdisciplinar për Biomjekësi eksperimentale, i cili edhe sot vazhdon të shkollojë breza të rinjë të profesionistëve shendetësorë. Poashtu, gjatë mandatit si prodekan, Prof.Dr. Dreshaj ka zhvilluar programin e ‘’ Menaxhmentit shëndetësorë’’ në partneritet me Universitetin e Vienës dhe të Grazit, i cili është program aktiv edhe në vazhdimësi. Shemsedin Dreshaj shërbeu si drejtor i Klinikës Infektive, të cilën e ka menaxhuar për 8 vite me radhë. Gjatë udhëheqjes së Klinikës Infektive nga Prof.Dr. Dreshaj, është bërë renovimi, rikonstruktimi dhe hapja e tre departamenteve të reja, përfshirë repartin e mjekimin intensiv të klinikës infektive, nga fondet e Ambasadës Amerikane në Prishtinë dhe Bankës Botërore.
-Shkolla fillore dhe e mesme në Pejë
-Fakulteti i Mjekësisë në Prishtinë
-Specializimi në Ljubljanë
-Subspecializimet:
1.Montefiore Medical Center, Albert Einstein College, New York-SHBA
2.Dartmouth University, SHBA
