09/10/2026
ਅੱਜ ਡਲਹੌਜੀ ਵਿਖੇ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਦੇ ਪ੍ਰਧਾਨ ਸ. ਸਿਮਰਨਜੀਤ ਸਿੰਘ ਮਾਨ ਜੀ ਦੇ ਗ੍ਰਹਿ ਵਿਖੇ ਪਾਰਟੀ ਦੇ ਯੂਥ ਵਿੰਗ ਦੇ ਮੀਤ ਪ੍ਰਧਾਨ ਸ. ਹਰਦੀਪ ਸਿੰਘ ਨਾਰੀਕੇ ਵੱਲੋਂ ਉਨ੍ਹਾਂ ਨਾਲ ਵਿਸ਼ੇਸ਼ ਮੁਲਾਕਾਤ ਕੀਤੀ ਗਈ।
ਇਸ ਮੌਕੇ ਸ. ਮਨਿੰਦਰ ਸਿੰਘ ਗਵਾਰਾ, ਸ. ਲੱਖਾ ਸਿੰਘ ਗਵਾਰਾ, ਸੈਮੀ ਖਾਨ ਅਤੇ ਰਮਨਦੀਪ ਸਿੰਘ ਵੀ ਹਾਜ਼ਰ ਸਨ। ਮੁਲਾਕਾਤ ਦੌਰਾਨ ਪਾਰਟੀ ਦੀਆਂ ਮੌਜੂਦਾ ਗਤੀਵਿਧੀਆਂ, ਪੰਥਕ ਅਤੇ ਸਿਆਸੀ ਮਸਲਿਆਂ ਸਮੇਤ ਕਈ ਅਹਿਮ ਵਿਸ਼ਿਆਂ ਉੱਤੇ ਵਿਚਾਰ-ਵਟਾਂਦਰਾ ਹੋਇਆ।
ਸ. ਸਿਮਰਨਜੀਤ ਸਿੰਘ ਮਾਨ ਜੀ ਨੇ ਇਸ ਮੌਕੇ ਸਮੂਹ ਸੰਗਤਾਂ ਅਤੇ ਪੰਥ ਦਰਦੀਆਂ ਨੂੰ ਅਪੀਲ ਕੀਤੀ ਕਿ ਉਹ 15 ਸਤੰਬਰ 2026 ਨੂੰ ਸ੍ਰੀ ਅੰਮ੍ਰਿਤਸਰ ਸਾਹਿਬ ਵਿਖੇ ਮਨਾਏ ਜਾ ਰਹੇ “ਜਮਹੂਰੀਅਤ ਦਿਹਾੜੇ” ਵਿੱਚ ਵੱਧ-ਚੜ੍ਹ ਕੇ ਸ਼ਮੂਲੀਅਤ ਕਰਨ ਅਤੇ ਜਮਹੂਰੀ ਹੱਕਾਂ ਦੀ ਆਵਾਜ਼ ਨੂੰ ਮਜ਼ਬੂਤ ਕਰਨ।
ਇਸ ਮਹੀਨੇ ਸਤੰਬਰ ਦੀ 15 ਤਾਰੀਖ ਨੂੰ ਦੁਨੀਆ ਦਾ ਜਮਹੂਰੀਅਤ ਦਿਵਸ ਹੈ। ਤੇ ਸਾਡੀ ਪਾਰਟੀ ਸ਼੍ਰੀ ਅੰਮ੍ਰਿਤਸਰ ਵਿਖੇ ਇਸ ਨੂੰ ਬੜੇ ਧੂਮਧਾਮ ਦੇ ਨਾਲ ਮਨਾ ਰਹੀ ਹੈ। ਤੇ ਮੈਂ ਚਾਹੁੰਦਾ ਹਾਂ ਕਿ ਇੱਥੇ ਜ਼ਿਆਦਾ ਇਕੱਠ ਹੋਵੇ, ਕਿਉਂਕਿ ਜੋ ਇੰਡੀਆ ਦੀ ਸਰਕਾਰ ਹੈ, ਇਹ ਘੱਟ ਗਿਣਤੀਆਂ ਦੇ ਉੱਤੇ ਬਹੁਤ ਜ਼ੁਲਮ ਕਰ ਰਹੀ ਹੈ।
ਪਰਸੋਂ ਦੀ ਵੀ ਅਖ਼ਬਾਰ ਦੀ ਖ਼ਬਰ ਹੈ ਕਿ ਸਹਾਰਨਪੁਰ ਦੇ ਵਿੱਚ ਫਿਰ ਇੱਕ ਮੁਸਲਮਾਨਾਂ ਦੀ ਮਸਜਿਦ ਹਿੰਦੂਤਵ ਦੇ ਲੋਕਾਂ ਨੇ ਤੋੜ ਕੇ, ਭੰਨ ਕੇ ਖ਼ਤਮ ਕਰ ਦਿੱਤੀ ਹੈ।
ਅਤੇ 30-30 ਸਾਲਾਂ ਤੋਂ ਸਾਡੇ ਸਿੱਖ ਨੌਜਵਾਨ ਕੈਦੀ ਬਣਾ ਕੇ ਅਜੇ ਰੱਖੇ ਹੋਏ ਹਨ। ਤੁਹਾਨੂੰ ਇਹ ਵੀ ਪਤਾ ਹੈ ਕਿ ਸਿਰਫ਼ 14 ਸਾਲ ਕੈਦ ਹੋਇਆ ਕਰਦੀ ਹੈ, ਤੇ ਰਾਮਚੰਦਰ ਜੀ ਨੂੰ ਵੀ ਸਿਰਫ਼ 14 ਸਾਲ ਦੇ ਲਈ ਰਾਜਾ ਦਸ਼ਰਥ ਜੀ ਨੇ ਬਨਵਾਸ ਦਿੱਤਾ ਸੀਗਾ। ਪਰ ਇਹ ਜਿਹੜੀ ਹਿੰਦੂਤਵ ਸਰਕਾਰ ਹੈ ਮੋਦੀ ਦੀ, ਇਹ ਸਿੱਖਾਂ ਦੇ ਉੱਤੇ ਬਹੁਤ ਜ਼ਿਆਦਾ ਜ਼ੁਲਮ ਕਰ ਰਹੀ ਹੈ।
15 ਸਾਲ ਤੋਂ ਸਾਡੀ ਜਿਹੜੀ ਪਾਰਲੀਮੈਂਟ ਹੈ—SGPC—ਇਹਦੇ ਇਲੈਕਸ਼ਨ ਹੀ ਨਹੀਂ ਕਰਾ ਰਹੇ। ਜਦਕਿ ਕਾਨੂੰਨ ਇਸ ਦਾ 1925 ਦੇ ਵਿੱਚ ਬਣਿਆ ਸੀ, ਜਿਹਦੇ ਹੇਠ ਇਹਦੇ ਇਲੈਕਸ਼ਨ ਹਰੇਕ 5 ਸਾਲ ਮਗਰੋਂ ਹੋਣੇ ਚਾਹੀਦੇ ਹਨ। ਇਹ SGPC 14 ਸਾਲ ਤੋਂ ਬਾਦਲ ਅਤੇ ਬੀਜੇਪੀ ਦੀ ਸਲਾਹ ਦੇ ਨਾਲ ਚੱਲ ਰਹੀ ਹੈ, ਜਿਹਦੇ ਨਾਲ ਕਿ ਸਿੱਖਾਂ ਨੂੰ ਅਸਲੀ ਜਿਹੜੀ ਲੋੜਵੰਦ ਹੈਗੀ ਹੈ ਸਿੱਖ ਮਸਲਿਆਂ ਦੀ, ਉਹ ਇਹ ਪਾਰਲੀਮੈਂਟ ਨਹੀਂ ਕਰਦੀ ਹੈਗੀ।
ਤੇ ਅਸੀਂ ਚਾਹੁੰਦੇ ਹਾਂ ਕਿ ਜਿਹੜੀ ਅਗਲੀ ਪਾਰਲੀਮੈਂਟ ਹੋਵੇਗੀ, ਉੱਥੇ ਬਾਹਰ ਦੇ ਮੁਲਕਾਂ 'ਚ ਜਿਹੜੇ ਸਿੱਖ ਵੱਸਦੇ ਹਨ, ਉੱਥੋਂ ਦੀ ਵੀ ਸੀਟਾਂ ਰੱਖੀਆਂ ਜਾਣ।
ਸੋ 15 ਤਾਰੀਖ ਨੂੰ ਆਪਣਾ ਜਮਹੂਰੀਅਤ ਦਿਵਸ ਸ਼੍ਰੀ ਅੰਮ੍ਰਿਤਸਰ ਸਾਹਿਬ ਵਿਖੇ ਅਸੀਂ ਮਨਾ ਰਹੇ ਹਾਂ, ਤੇ ਮੈਂ ਤੁਹਾਨੂੰ ਸਾਰਿਆਂ ਨੂੰ ਅਪੀਲ ਕਰਦਾ ਹਾਂ ਕਿ ਉੱਥੇ ਤੁਸੀਂ 11 ਵਜੇ ਸਵੇਰੇ ਪਹੁੰਚ ਜਾਣਾ। ਉੱਦੋਂ ਬਾਅਦ ਲੰਗਰ ਛਕਣ ਦੇ ਲਈ ਜਾਣੈ, ਪਹਿਲਾਂ ਨਹੀਂ ਜਾਣੈ, ਕਿਉਂਕਿ ਸਾਰੀ ਚੀਜ਼ ਵੀਰਾਨ ਹੋ ਜਾਊਗੀ ਜੇ ਆਪਾਂ ਖਿੱਲਰ ਗਏ ਉਸ ਦਿਨ।
ਸੋ ਮੈਂ ਆਸ ਕਰਦਾ ਹਾਂ ਕਿ ਸ਼੍ਰੀ ਅੰਮ੍ਰਿਤਸਰ ਸਾਹਿਬ ਵਿਖੇ 15 ਤਾਰੀਖ ਨੂੰ, ਇਸੇ ਮਹੀਨੇ ਸਤੰਬਰ ਨੂੰ ਆਪਾਂ ਨੇ ਆਜ਼ਾਦੀ ਦਾ ਦਿਵਸ ਜਿਹੜਾ ਮਨਾਉਣਾ ਹੈ, ਉਹਦੇ ਲਈ ਆਪਾਂ ਇਕੱਠ ਕਰੀਏ ਤੇ ਆਪਾਂ ਆਪਣੀ ਜਮਹੂਰੀਅਤ ਮੰਗੀਏ ਜਿਹੜੀ ਸਾਡੇ ਤੋਂ ਖ਼ੁਸ਼ ਗਈ ਹੈ।
