07/21/2024
*બાવન ગામ રાવળ યોગી યુવા વિકાસ ટ્રસ્ટ
ની જનરલ સભા મેઘરજ તાલુકાના પહાડિયા ગામે યોજાઇ.*
આજે તારીખ 21-07-2024 ને રવિવારે ગુરુપૂર્ણિમાના દિવસે મેઘરજ તાલુકાના પહાડિયા ગામે હનુમાનજી મંદિરે સમય સવારે 10:00 કલાકે બાવન ગામ રાવળ યોગી યુવા વિકાસ ટ્રસ્ટની જનરલ સભા મળી. સભાનું કોરમ થતા ટ્રસ્ટના પ્રમુખ શ્રી અતુલભાઇ રમેશભાઈના અધ્યક્ષ સ્થાને સભા નું કામકાજ હાથ ધરવામાં આવ્યું હતું. સભામાં હાજર સૌ આજીવન સભ્યોનું શબ્દોથી સ્વાગત કરી સભા નું કામકાજ શરૂ કરવામાં આવ્યું હતું. સભાની શરૂઆતમાં ગતસભાનું પ્રોસેડિંગ વંચાણે લઈ બહાલી આપવામાં આવી હતી. ત્યારબાદ વર્ષ 2023-24 ના વાર્ષિક હિસાબો વંચાણે લઇ બહાલી આપવામાં આવી હતી. ટ્રસ્ટ દ્વારા ચોપડા છપાવી વિતરણ કરવામાં આવ્યું હતું. આ ચોપડા છપાવવાના કામમાં જે જે સમાજજનોએ આર્થિક સહયોગ આપ્યો હતો એમનું આ તબક્કે સ્વાગત કરી સન્માન કરવામાં આવ્યું હતું. ચોપડા વિતરણમાં જે યુવા મિત્રોએ સમય દાન આપ્યું હતું એમને પણ સન્માનિત કરવામાં આવ્યા હતા. ટ્રસ્ટનું કાર્યાલય બની શકે અને શૈક્ષણિક કામો થઈ શકે એ માટે સરકારી પડતર જમીન હોય એવી ગ્રામ પંચાયતમાં જમીન માટે માગણી મૂકવાનું ઠરાવવામાં આવ્યું હતું. વિદ્યાર્થીઓની યાદી અપડેટ કરવાનું નક્કી કરવામાં આવ્યું હતું. સમાજના વડીલો દ્વારા જે વિદ્યાર્થી સન્માન કરવામાં આવે છે એમાં યુવાનોએ સંપૂર્ણ સહકાર જાહેર કરી મદદરૂપ થવાનું નક્કી કર્યું હતું. આ જનરલ સભામાં નવા 9 આજીવન સભ્યો ઉમેરાયા હતા. સમાજ વિકાસમાં યુવા મિત્રોની ભાગીદારી વધારી સંગઠનને વધારે મજબૂત બનાવવાનું નક્કી કર્યું હતું. આ સભામાં સમૂહ લગ્નના પ્રચાર પ્રસાર માટે કુલ સાત સભ્યોની સમિતિ બનાવવામાં આવી હતી. આ સમિતિનું કામકાજ સમિતિના સભ્યોને સમજાવવામાં આવ્યું હતું. આગામી સમયમાં જે રાત્રિ સભાઓ યોજવાની છે એમાં આ સમિતિના સભ્યો ખાસ હાજર રહી સમુહ લગ્નના ફાયદાઓ સમજાવશે. પ્રમુખ સ્થાનેથી અતુલભાઇએ હાજર સૌ સભ્યોનો આભાર માની સતત આવી રીતે સમાજના વિકાસ માટે સમય ફાળવ્યો એ માટે ખાસ પ્રોત્સાહક વાતો રજૂ કરી આભાર વિધિ કરી હતી. સભાના અંતે સૌ ભોજન લઈ છૂટા પડ્યા હતા.
