Ambreen Ali

08/01/2026

08/01/2026

جنت میں میاں بیوی کی زندگی، کنواری فوت ہونے والی عورتوں کا کیا ہوگا، اور جنت میں عورتوں کو کون سے شوہر ملیں گے؟

بسم اللہ الرحمن الرحیم

جنت میں میاں بیوی کی زندگی کیسی ہوگی؟ جو عورتیں کنواری وفات پا گئیں، انہیں جنت میں کون سا شوہر ملے گا؟ اگر جنت میں مردوں کو حوریں ملیں گی تو عورتوں کو اپنی پسند کے کون سے شوہر ملیں گے؟ اور کنواری عورتوں کے ساتھ کیا معاملہ ہوگا؟ یہ سب سوالات حضور ﷺ کے فرامین اور قرآن و حدیث کی روشنی میں بیان کیے جاتے ہیں۔

اللہ تعالیٰ نے جنت کو پیدا فرمایا اور اسے اپنے اولیاء کا گھر قرار دیا۔ اپنے برگزیدہ اور منتخب بندوں کے لیے اسے رہائش گاہ بنایا اور اسے اپنی رحمتوں، کرامتوں اور رضا سے بھر دیا۔ اسی کی طرف ترغیب دی گئی اور اسی کی دعوت دی گئی۔ اس کا نام دارالسلام رکھا گیا، یعنی سلامتی کا گھر۔ ایسا گھر جس کی نعمتیں کبھی ختم نہیں ہوں گی اور نہ فنا ہوں گی۔ ایسا گھر جہاں ہر بھلائی میں اضافہ ہی اضافہ ہے۔ جنت ان لوگوں کی مشتاق ہے جو اسے حاصل کرنا چاہتے ہیں، اور وہ انہی کے لیے سجائی گئی ہے جو اس کے خواہش مند ہیں۔ قرآن اور حدیث میں کئی مقامات پر اس کی صفات بیان ہوئی ہیں۔ جنت والے بڑے خوش نصیب ہیں اور اس کے وارث انتہائی کامیاب ہیں۔

صحیح بخاری اور صحیح مسلم کی حدیث ہے۔ حضرت ابو ہریرہؓ سے روایت ہے کہ رسول اللہ ﷺ نے فرمایا:
اللہ تعالیٰ فرماتا ہے: میں نے اپنے نیک بندوں کے لیے جنت میں وہ چیزیں تیار کر رکھی ہیں جنہیں نہ کسی آنکھ نے دیکھا، نہ کسی کان نے سنا، اور نہ ہی کسی انسان کے دل میں ان کا خیال آیا۔

جنت ایک ایسا گھر ہے جس کے مناظر شاندار اور روشن ہوں گے، اس کے صحن نہایت خوبصورت ہوں گے، اس کی تعمیر انتہائی عمدہ ہوگی۔ ایک اینٹ سونے کی اور دوسری چاندی کی ہوگی۔ اس کی دیواروں کا گارا خالص کستوری کا ہوگا، اس کے پتھر ہیروں اور موتیوں کے ہوں گے اور اس کی مٹی زعفران کی ہوگی۔ جو بھی اس میں داخل ہوگا نعمتوں میں ہوگا، کبھی پریشان نہیں ہوگا، ہمیشہ زندہ رہے گا، وہاں موت نہیں آئے گی، نہ کپڑے پرانے ہوں گے اور نہ جوانی ختم ہوگی۔

سب سے پہلے ہمارے نبی اور سردار حضرت محمد ﷺ ہی جنت کا دروازہ کھٹکھٹائیں گے۔ جنت کا داروغہ پوچھے گا: آپ کون ہیں؟ آپ ﷺ فرمائیں گے: محمد۔ تو وہ کہے گا: مجھے حکم دیا گیا تھا کہ آپ سے پہلے کسی کے لیے دروازہ نہ کھولوں۔

جنت کے آٹھ دروازے ہیں، اور ایک دروازے کے دونوں پٹوں کے درمیان اتنا فاصلہ ہوگا جتنا مکہ اور بصریٰ کے درمیان ہے۔ جنت میں داخل ہونے والا پہلا گروہ چودھویں رات کے چاند کی طرح روشن ہوگا، اور ان کے بعد آنے والے آسمان کے سب سے زیادہ چمکدار ستارے

08/01/2026

جنت میں میاں بیوی کی زندگی، کنواری فوت ہونے والی عورتوں کا کیا ہوگا، اور جنت میں عورتوں کو کون سے شوہر ملیں گے؟

بسم اللہ الرحمن الرحیم

جنت میں میاں بیوی کی زندگی کیسی ہوگی؟ جو عورتیں کنواری وفات پا گئیں، انہیں جنت میں کون سا شوہر ملے گا؟ اگر جنت میں مردوں کو حوریں ملیں گی تو عورتوں کو اپنی پسند کے کون سے شوہر ملیں گے؟ اور کنواری عورتوں کے ساتھ کیا معاملہ ہوگا؟ یہ سب سوالات حضور ﷺ کے فرامین اور قرآن و حدیث کی روشنی میں بیان کیے جاتے ہیں۔

اللہ تعالیٰ نے جنت کو پیدا فرمایا اور اسے اپنے اولیاء کا گھر قرار دیا۔ اپنے برگزیدہ اور منتخب بندوں کے لیے اسے رہائش گاہ بنایا اور اسے اپنی رحمتوں، کرامتوں اور رضا سے بھر دیا۔ اسی کی طرف ترغیب دی گئی اور اسی کی دعوت دی گئی۔ اس کا نام دارالسلام رکھا گیا، یعنی سلامتی کا گھر۔ ایسا گھر جس کی نعمتیں کبھی ختم نہیں ہوں گی اور نہ فنا ہوں گی۔ ایسا گھر جہاں ہر بھلائی میں اضافہ ہی اضافہ ہے۔ جنت ان لوگوں کی مشتاق ہے جو اسے حاصل کرنا چاہتے ہیں، اور وہ انہی کے لیے سجائی گئی ہے جو اس کے خواہش مند ہیں۔ قرآن اور حدیث میں کئی مقامات پر اس کی صفات بیان ہوئی ہیں۔ جنت والے بڑے خوش نصیب ہیں اور اس کے وارث انتہائی کامیاب ہیں۔

صحیح بخاری اور صحیح مسلم کی حدیث ہے۔ حضرت ابو ہریرہؓ سے روایت ہے کہ رسول اللہ ﷺ نے فرمایا:
اللہ تعالیٰ فرماتا ہے: میں نے اپنے نیک بندوں کے لیے جنت میں وہ چیزیں تیار کر رکھی ہیں جنہیں نہ کسی آنکھ نے دیکھا، نہ کسی کان نے سنا، اور نہ ہی کسی انسان کے دل میں ان کا خیال آیا۔

جنت ایک ایسا گھر ہے جس کے مناظر شاندار اور روشن ہوں گے، اس کے صحن نہایت خوبصورت ہوں گے، اس کی تعمیر انتہائی عمدہ ہوگی۔ ایک اینٹ سونے کی اور دوسری چاندی کی ہوگی۔ اس کی دیواروں کا گارا خالص کستوری کا ہوگا، اس کے پتھر ہیروں اور موتیوں کے ہوں گے اور اس کی مٹی زعفران کی ہوگی۔ جو بھی اس میں داخل ہوگا نعمتوں میں ہوگا، کبھی پریشان نہیں ہوگا، ہمیشہ زندہ رہے گا، وہاں موت نہیں آئے گی، نہ کپڑے پرانے ہوں گے اور نہ جوانی ختم ہوگی۔

سب سے پہلے ہمارے نبی اور سردار حضرت محمد ﷺ ہی جنت کا دروازہ کھٹکھٹائیں گے۔ جنت کا داروغہ پوچھے گا: آپ کون ہیں؟ آپ ﷺ فرمائیں گے: محمد۔ تو وہ کہے گا: مجھے حکم دیا گیا تھا کہ آپ سے پہلے کسی کے لیے دروازہ نہ کھولوں۔

جنت کے آٹھ دروازے ہیں، اور ایک دروازے کے دونوں پٹوں کے درمیان اتنا فاصلہ ہوگا جتنا مکہ اور بصریٰ کے درمیان ہے۔ جنت میں داخل ہونے والا پہلا گروہ چودھویں رات کے چاند کی طرح روشن ہوگا، اور ان کے بعد آنے والے آسمان کے سب سے زیادہ چمکدار ستارے کی طرح ہوں گے۔

جنتیوں کو قضائے حاجت کی ضرورت نہیں ہوگی، نہ تھوک ہوگا اور نہ بلغم۔ ان کے کنگھے سونے کے ہوں گے، پسینہ کستوری کی خوشبو جیسا ہوگا، اور ان کی خوشبو عود کی ہوگی۔ ان کے درمیان نہ کوئی اختلاف ہوگا اور نہ دشمنی۔ وہ سب ایک ہی شکل و صورت کے ہوں گے، حضرت آدمؑ کی طرح ساٹھ ہاتھ قد کے۔ صبح و شام اللہ کی تسبیح بیان کریں گے۔

جنتی بغیر بالوں کے ہوں گے، نہ داڑھی ہوگی، سر کے بال گھنگریالے ہوں گے، آنکھیں سرمہ لگی ہوئی ہوں گی، عمر تینتیس سال ہوگی۔ چہرے پر عزت، نور، خوبصورتی اور تازگی نمایاں ہوگی۔ ان کے چہروں پر نعمتوں کی رونق صاف نظر آئے گی۔ وہ ایک دوسرے کو خوشخبری دیں گے کہ تم ہمیشہ زندہ رہو گے، کبھی موت نہیں آئے گی، ہمیشہ صحت مند رہو گے، کبھی بیماری نہیں ہوگی، ہمیشہ جوان رہو گے اور نعمتیں کبھی ختم نہیں ہوں گی۔

جنت میں ہر قسم کے پھل ہوں گے۔ اگر جنتیوں میں سے کسی ایک کا کنگن جھلک دکھا دے تو اس کی روشنی سے سورج کی روشنی ماند پڑ جائے گی، جیسے سورج کے نکلنے سے ستاروں کی روشنی مٹ جاتی ہے۔

رسول اللہ ﷺ نے فرمایا: جب تم اللہ سے جنت مانگو تو جنت الفردوس مانگا کرو، کیونکہ وہ سب سے اعلیٰ اور خوبصورت ہے۔ اس کے اوپر رحمٰن کا عرش ہے اور وہیں سے جنت کی نہریں نکلتی ہیں۔ سب سے عظیم اور میٹھی نہر کوثر ہے، جو اللہ نے ہمارے نبی ﷺ کو بطور تحفہ عطا فرمائی ہے۔ اس کی مٹی خالص کستوری کی ہوگی، کنکریاں موتیوں کی ہوں گی، پانی دودھ سے زیادہ سفید اور شہد سے زیادہ میٹھا ہوگا، اور اس کے برتن ستاروں کی طرح بے شمار ہوں گے۔

جنت میں کوئی کنوارا نہیں ہوگا۔ اللہ تعالیٰ جنتیوں سے فرمائے گا: اے جنتیو! وہ کہیں گے: اے ہمارے رب! ہم حاضر ہیں۔ اللہ فرمائے گا: کیا تم سب خوش ہو؟ وہ کہیں گے: اے ہمارے رب! ہم خوش کیوں نہ ہوں، جب تو نے ہمیں وہ نعمتیں عطا کیں جو کسی کو نہیں ملیں۔ اللہ فرمائے گا: کیا میں تمہیں اس سے بھی بہتر چیز نہ دوں؟ وہ کہیں گے: اس سے بہتر کیا ہو سکتی ہے؟ تو اللہ فرمائے گا: میں نے تم پر اپنی رضا لازم کر دی ہے، اب کبھی تم سے ناراض نہیں ہوں گا۔

سب سے عظیم نعمت اللہ تعالیٰ کا دیدار ہے، جس کے سامنے جنت کی تمام نعمتیں بھی چھوٹی لگیں گی۔ صحیح بخاری و مسلم کی حدیث میں حضرت جریر بن عبداللہؓ سے روایت ہے کہ رسول اللہ ﷺ نے چودھویں رات کے چاند کی طرف دیکھ کر فرمایا: تم اپنے رب کو اسی طرح اپنی آنکھوں سے دیکھو گے جیسے اس چاند کو دیکھ رہے ہو، بغیر کسی دھکم پیل کے۔

قرآن و حدیث کی روشنی میں یہ بھی واضح ہے کہ اللہ تعالیٰ مرد اور عورت دونوں کے اعمال کا برابر بدلہ عطا فرمائے گا۔ جو نیک عمل کرے گا، خواہ مرد ہو یا عورت، اگر وہ مومن ہے تو وہ جنت میں داخل ہوگا اور اس پر ذرہ برابر بھی ظلم نہیں ہوگا۔

جنت میں عورتوں کا معاملہ

نیک عورت اگر شادی شدہ ہے تو جنت میں اپنے شوہر کے ساتھ ہوگی، اور شوہر کو ملنے والی حوروں کی سردار ہوگی۔ اسے ایک سے زیادہ شوہر نہیں دیے جائیں گے۔

جو عورت کنواری وفات پا گئی ہو، اسے جنت میں اختیار دیا جائے گا کہ وہ جس جنتی مرد کو پسند کرے اس سے نکاح کرے۔ اور اگر کسی کو پسند نہ کرے تو اللہ تعالیٰ اپنی قدرت سے اس کے لیے ایک جنتی مرد پیدا فرما دیں گے۔

اگر عورت کی دنیا میں ایک سے زیادہ شادیاں ہوئیں ہوں تو اس بارے میں مختلف اقوال ہیں:

بعض کے نزدیک عورت کو اختیار دیا جائے گا۔

بعض کے نزدیک وہ آخری شوہر کے ساتھ ہوگی۔

بعض کے نزدیک اس شوہر کے ساتھ ہوگی جس کے اخلاق سب سے اچھے ہوں گے۔

حضرت ام سلمہؓ کی روایت میں ہے کہ رسول اللہ ﷺ نے فرمایا: عورت کو اختیار دیا جائے گا اور وہ اسی شوہر کو چنے گی جس کے اخلاق بہتر ہوں گے۔

اللہ تعالیٰ ہمیں دین کی صحیح سمجھ عطا فرمائے اور ہمارا خاتمہ ایمان پر فرمائے۔ آمین۔

07/01/2026

"غزہ کو سردیوں کا جھونکا نہیں مار رہا…
ہماری خاموشی اُسے درد دے رہی ہے۔
غزہ کے حق میں آواز اٹھائیں!"

07/01/2026

اقتدار کے نشے میں دھت حکمران سیدھا سیدھا اسلام کا انکار کر رہے ہیں۔

چرچ کی گھنٹیاں بجیں تو سماعتوں کو سکون پہنچائیں اور مساجد سے اذانوں کی اوازیں نیند میں خلل کا باعث بن جائیں جب یہ سوچ مسلم حکمرانوں میں جنم لے چکے تو پھر اس قوم اور اس ملت کا اللہ ہی حافظ ہے۔

ہم اب بھی بیدار ہونے کو تیار نہیں !!

یاد رکھیے گا

*ہماری داستاں تک بھی نہ ہوگی داستانوں میں*

18/05/2025

شعور دینا بغاوت نہیں، نظریہ سمجھانا اُکسانا نہیں، حقائق بتانا جرم نہیں، حق کا راستہ دکھانا سازش نہیں، خوف ختم کرنا غداری نہیں

16/05/2025

کل 136 شہید
اور اج ابھی صبح سے 135 سےزائد شہید 💔
اہل غزہ کا قتل عام زور وشور سے جاری ہے
حسبنااللہ نعم الوکیل

18/04/2025

کیا آپ موجودہ حکومت اور اسٹیبلشمنٹ سے مطمعین ہیں
Yes or No