Atty. Nikki Nicolas

08/20/2026

Serbisyong may malasakit. 💙

Masayang pagkakataon na mapag-usapan ang GAD sa simpleng paraan—pantay na pagkakataon, respeto, at proteksyon para sa bawat pamilya.

Ang batas at mga programa ng gobyerno ay dapat nararamdaman at nakatutulong sa tao.

Salamat sa DSWD Municipal Action Team-Baler sa paanyaya sa Kalingang Pantawid para sa mga 4Ps, bilang Chairperson ng Committee on Women, Family and Social Services.

08/18/2026

Ganito ang mga proyekto na magbabago ng buhay ng ating mga kababayan.

Maraming salamat po Cong. Rommel Angara, Mayor Rhett Angara, Vice Mayor Lian Angara, at sa lahat po ng nasa likod ng proyektong ito. 🫡

Masaya po kaming nakatulong ang Sangguniang Bayan ng Baler para dito. 💙

07/24/2026

Ngayong birthday ko, naisip kong bumalik at magbahagi ng munting saya sa paaralang nagbigay sakin ng napakaraming magagandang alaala.

Sapat na regalo na sakin ang makita kayong masaya. 🥰

Balang araw, sana kayo rin ang bumalik dito—hindi lamang bilang dating mag-aaral, kundi bilang mga taong handang magbigay, tumulong, at maging inspirasyon sa susunod na henerasyon.

Maraming salamat po sa lahat ng bumati, nakiisa, at tumulong upang magawa ang munting handog na ito. Hangad ko na ipagpatuloy nating ipasa ang kabutihan, dahil ang pinakamagandang paraan ng pasasalamat ay ang pagbibigay ng pag-asa sa iba.

06/12/2026

Ang kalayaan ay hindi lamang alaala ng nakaraan. Ito ay panata para sa kinabukasan.

Ang tugon natin sa sakripisyo ng ating mga bayani: maglingkod nang may dangal at malasakit.

Maligayang Araw ng Kalayaan! 🇵🇭

06/11/2026

Lahat ng pagbabago, mahirap sa umpisa.

Pero kung para sa ikabubuti ng ating mga kababayan, tuloy lang. Ang mahalaga, kumikilos tayo at nakatutok sa trabaho.

Kilos. Dapat makita ang resulta.

04/23/2026

04/23/2026

Maraming salamat po, Saludo Excellence Awards, sa hindi inaasahang pagkilalang ito.

Hindi lang po ‘to para sa akin—para ito sa bawat taong lumapit, sa bawat pamilyang nangangailangan, at sa bawat boses na gustong marinig.

Para rin po ito sa aking mga magulang, na nagturo sa akin na ang tunay na serbisyo ay ginagawa nang may puso at malasakit.

Paalala po ito na ang tuloy-tuloy at tapat na paglilingkod, kahit tahimik, may naidudulot na pagbabago.

Maraming salamat din po sa suporta nina Mayor Rhett Angara at VM Lian Angara.

Nakaka-inspire po lalo magserbisyo. 🥹

Maraming salamat din po sa nag-nominate sa inyong lingkod.❤️

04/20/2026

Ano na po ang update sa unang 10 buwan natin sa Sangguniang Bayan?

Sa loob ng 10 buwan bilang konsehal, ito po ang ilan sa mga ordinansang naipasa kasama ang 16th Sangguniang Bayan.

Tulad nga ng laging sinasabi ni Mayor Rhett Angara, “dapat may resulta.” Kaya patuloy ang pakikipag-ugnayan natin sa Executive Department upang masigurong epektibo ang implementasyon ng mga ordinansang ito.

Marami pa pong nakapila—kabilang ang pagsulong ng Mental Health Unit sa Baler, sa suporta ng ating mga kasamahan sa konseho sa pamumuno ni VM Lian Angara.

Patuloy din po ang konsultasyon sa ating mga kababayan upang masigurong ang bawat hakbang ay consultative, data-based at tunay na responsive sa pangangailangan ng Baler.

Hindi lang salita, kundi gawa—may resulta, may malasakit, at may saysay para sa bayan.

04/11/2026

Kawawa naman si lola dito sa video. 🥺 Ang hirap naman, para lang kunin ang pensyon nya?

Hindi dapat pinapahirapan ang mga bedridden na senior citizen at PWD para makuha ang benepisyong para sa kanila.

Kaya sa Baler, gumawa kami ng ordinansa: ihahatid mismo sa bahay ng bedridden na SC at PWD ang kanilang benepisyo.

Hindi na sila kailangang bumiyahe o pumila. Karapatan nila ito.

Batas na!

Video -> https://www.facebook.com/share/v/1EJ3D5oWUG/?mibextid=wwXIfr

03/30/2026

Congratulations sa’ting mga daycare students sa Baler!

Mangarap kayo nang mataas! Dahil kayo ang kinabukasan ng ating bayan. At sisiguraduhin naming may mundong naghihintay sa inyo na ligtas, maayos, at puno ng oportunidad.