Mlichette & المليشات

Mlichette & المليشات صفحة مجعولة لنقاش مشاكل المنطقة و النهوض بها

23/11/2019

عائلة الڨارصي او الڨارص ..

الڨارصي او الڨارص من اولاد الڨارص و هي قبيلة هلالية ساحلية صغيرة تمركزت منذ اول قدوم لها من الشرق في احواز سوسة - بين سوسة و المنستير - و كانت تتبع في احيان كثيرة مشيخة الكلبات ( قبيلة اخرى هلالية صغيرة بالمنطقة ) آخرها في أوائل القرن الفارط . قبل ان يضمحل النظام القبلي تدريجيا من تونس بتمدن الدولة و تحضر مجتمعها .
غير أن الڨوارصية مازالوا الى اليوم ، و رغم هذا ، يتواجدون بالساحل وان اتخذوا ألقابا اخرى او تفرقوا عن موطنهم الأول .
وعموما و كما هو معروف ان الساحل - و للإشارة - فإن أغلب سكانه من اولائك الذين لا يسكنون قبالة البحر ( سواحلية الصوة ، عرب الساحل ) و قرى الساحل ( القلعتين ، سيدي الهاني ، زرمدين ، طبلبة ، جمال ، ساحلين ،طوزة ، بنان ... و هلما جرا ) . اغلب هاته القرى اما انها منشآت هلالية او انها أقدم و قد أحييت من قبلهم كما فعل الاندلسيون من بعدهم مع قرى الشمال و الشمال الغربي .
وذلك عند وفودهم و نتحدث هنا بالأخص عن المثاليث و السعيدية الى جانب اولاد امحمد في نابل و طياش القبائل الاخرى .

ويذكر أنه قد كان تمركز العرب على فترتين متباعدتين.
التمركز الاول كان لعرب القيروان ( عرب الفتح الإسلامي ) وهاؤلاء كان تأثيرهم المعنوي أبدى من تأثيرهم المادي حيث ان قبائل الصنهاجة البربر الذين كانو يسكنون الساحل و اثر تغلب المسلمين على جيش بيزنطة في واقعة سبيطلة الشهيرة و احداث اخرى في نفس السياق -سياق الفتح - فان من البربر من فر اما الى الجنوب نحوى الصحراء او عبر شق البحر الى الضفة الأخرى من المتوسط و من بقي فاما انه اسلم و جاور المسلمين في مستعمراتهم -وهنا يتبادر الينا التأثير المعنوي البالغ في المسلمين الجدد من قبل العرب المسلمين - او انه بقي في مستقره و جاور العرب المسلمين الذين انضافو اليه .
و الدخول الثاني كان لبنو هلال النجديين و هاؤلاء تأثيرهم المادي و المعنوي كان اعظم و أجل حيث انهم دخلوا البلاد على غير صيغة دخول الأوائل في ناحية الابتغاء و الأثر . و يعود السبب فيه الى استعصام بنو زيري الصنهاجيين و استقلالهم عن الفاطميين بعد ان ولوهم على البلاد اثر هجرها الى المستقر الجديد في مصر و عليه فإن في بعث الفاطميين لاعراب الجزيرة العربية و الصعيد المصري محاولة تأديب و عقاب للزيريين الصناهجة لأجل صنيعهم و الواقعة مذكورة بتمامها في المصادر التاريخية . يذكر انه توجد رواية اخرى تقول بأن دخول الهلاليين كان نتيجة الجفاف و البحث عن الزاد.

16/10/2019

عيد الشجرة نهار 12 نوفمبر تنجمو تاخذو المشاتل بلاش من إدارة الفلاحة
فرصة باش نبدلو اكا المناضر الخايبة متاع الظلف بشجر السرول نزينو بلادنا و نخممو في مستقبل ولادنا

26/09/2019

صباح الخير شعب المليشات


ﺯﻣﺎﻥ ﻛﺎﻥ ﺍﻟﻤﺼﺮﻭﻑ 150 فرنك
ﻭتقوم من الساعة 00 : 7 ﻭتمشي 30 : 7 ﻟﻠﻤﺪﺭﺳﺔ
ﻛﻨﺖ تستنى ﺍﻣﻚ ﻭ ﻫﻲ ﺗﺤﻄﻠﻚ كسكروت ملفوف بشكارة في المحفظة.
ﻛﺎنت الحيوط ﻣﻜﺘﻮﺏ ﻋﻠﻴها ذكرياتنا
ﻛﺎﻥ اكبر مخاوفنا من حل التمرين والخوف والهيبة للمعلم كبيرة .
ﻛﺎﻥ ﺟﺮﺱ الاستراحة اكبر فرحة تطلع تجري تقول مخرجينك من الحبس .
ﻛﻨﺖ نحط ﺍﻳﺪﻱ ﻋﻠﻰ ﻛﺘﻒ ﺻﺎﺣﺒﻲ ﻭﻧمشوا ﻛﺎﻧﺖ ﺿﺤﻜﺘﻨﺎ ﺭﺍﺱ ﻣﺎﻟﻨﺎ لا هم لا غم .
تروح من المدرسة تاعب وتدخل اتلوح الكارتابلا قدام الباب وتعيط شنو الفطور .
ﻛﺎﻧﺖ الحاجة الوحيدة اللي نحصلوا فيها من الحجاج ﺍلكاميرا بعدة الوان ﻭ ﻛﻞ ﻣﺎ ﺗﺼﻮﺭ بيها ﺗﻄﻠﻌﻠﻚ ﺻﻮﺭﺓ ﺍﻟﻜﻌﺒﺔ ﻣﻦ ﻗﻮﺓ ﺍﻷﻳﻤﺎﻥ !!!
كان لا نعرفوا لا Tablette ولا شي وافضل العابنا الاتاري .
شكون فينا بعد القراية ما لعبش بالكورة البلاستيك الي كيف تتسطح و الا تطيح في دار كبير الحومة تتقطع على زوز و نلمدو الفلوس و ناخذو كرة جديدة من عند العطار!
هذا اسمه زمن الطيبين
تسألك امك قداش الوقت تقولها الكبيرة على اربعة والصغيرة على ستة .
وافضل شعور واحساس انك عملت انجاز هو تقعد فايق لين الشمس تطلع .
ننتظر الامتحانات باش ما نهزش الكارتابلا !!!
الجيل الذهبي والاصليين يضحكوا توا من هذا الذكريات الحلوة .
في حصة الرسم اول حاجة ارسمها الشمس في الزاوية ، و كنت تسكر باب الثلاجة شوي شوي باش تعرف امتا تنطفي اللمبه؟
ON و OFF حاولت توازن مفاتيح الضوء بل
وكيف واحد من العائلة يطلب منك كأس ماء لازم تشرب شوية وقبل ما تدخل تمسح فمك باش حتى يعرف انك شربت!!!
". اكيد انت تضحك على تلك الايام الحلوة ."
((عيش اللحظة))
وماننسى قمة الفخامة ايام الابتدائية يعطيك المعلم طباشير او أوراق ويقولك وصلها للمعلم في القسم الثاني اللي جنبنا تدخل عليه القسم اتقول مبعوث الامم المتحدة
الله الله يا دنيا علي الايام الحلوة يا طيبين..كم شخص يمثله هذا الكلام وعاشه احكي شنوا حسيت عند قرائتك لهذه الذكريات .... ياحسرة علي ايامات الزمان و مننساوش نهار السبت لعشية نروحو 15:00 الكرتابة تلقاها تايرة فسما عبارة عدنا عرس محلاها ليماةالطيبة

هذي ماهيش انتخبات احزاب يا ولاد المليشات هذي انتخابات ممثلين الدائرة متاع المنستير ، إسألو مليح على القائمة الي باش تصوت...
25/09/2019

هذي ماهيش انتخبات احزاب يا ولاد المليشات هذي انتخابات ممثلين الدائرة متاع المنستير ، إسألو مليح على القائمة الي باش تصوتلها موش مهم تابعة حزب شكون، المهم يكون الاشخاص الممثلين عباد فاهمة فاش قاعدة تعمل و عندها برنامج انتخابي الي يلزمك تقراه قبل ما تنتخب حتى حد،
انتخبو عباد نضاف و ما تركزوش على الانتماء للاحزاب خاطر ينجم يكون الحزب باهي لكن ممثلين قائمة المنستير كعبة لا،
انتخبو عباد الي تعرف الي نهارة تبدا عندك مشكلة تكلمو سضرب عليك بالبونية و يجي يزور الجهات
انتخبو عباد ماشية تخدم في بلادها موش في مصالحها
راهو كي تنتخب أي حزب خاطرك من انصارو ما غير عملت recherche عالقائمة المترشحة شكون فها و شنيا برنامجها عبارة شريت كرهبة تحبها ما غير ما تفقدت الموتور يمشي ولا.
الاتخبات هذي باش تقرر مصيرنا الخمسة سنين الجايين نشاللة نختارو العباد الي باش تدافع على جهتها و وطنها قبل ما تدافع على الحزب متاعها

23/09/2019

الانتخابات التشريعية تؤدي الى مجلس نواب، مجلس النواب يصادق على حكومة، الحكومة تطبق برنامجها عبر تقديم قوانين يصادق عليها مجلس النواب باغلبية الاصوات، يعني 109 اصوات اقل شي...

تقريبا توا في كل الاذاعات نسمع في عشرات القائمات حالّتلنا في الجنة ذراع، و هوني عندي سؤال وجودي للقائمات المستقلة مهما كانت و تقدم في وعود كل حد يغني على ليلاه و كل حد يعطي في مشاريعو لجيهتو، و للقائمات الحزبية الي تحكي اش باش تعمل للجهات المتقدمة عليها:
ياخي في بالكم انكم مترشحين لبرلمان يشرع في قوانين تهم بلاد كاملة؟ في بالكم انو البرلمان هو هيكل المفروض انو يقدم رؤية لتونس كبلاد كاملة؟ في بالكم انو البرلمان لازم يكون فيه اولا اغلبية متناغمة لتقديم توجه و قوانين؟ و في بالكم انو البرلمان موجود لتقديم توجه يهم بلاد كاملة؟ في بالكم اخبرا انو هذي ما هياش انتخابات مجلس جهوي؟
و عندي سؤال اخر للنّاخبين، ياخي في بالكم انو الناس هذي غالطة اصلا في الوعود الي تعطي فيها؟ ياخي باش نختارو عباد كل حد يغني على ليلاه و على جيهتو و غادي يتعاركو كل حد على جيهتو و لا يتفاهمو لا على حكومة لا على قوانين و لا يقدمو اي توجه واضح؟ و نعاودو الفيلم هذا بعد اشهر قليلة؟
السياسة راهي هدفها تحقيق الرفاه للناس، و تحقيق الرفاه ما يصير الا بسياسة اقتصادية طويلة المدى و متناسقة، و رانا بالطريقة هذي باش نزيدو نضيعو 5 سنين اخرين و احنا في بلاصتنا خاطر موش عارفين وين ماشيين، و راهو الحالة هذي باش يواصل يحسها المواطن في جيبو و معيشتو كل يوم
انا فين سي علاء، سكّر البرنامج سي علاء، انا ماعاد فاهم شي...

18/09/2019

تذكير:

يا توانسة، انساو الانتخابات الرئاسية، راهي والله صلوحيات الرئيس قليلة جدا و ما عندهاش علاقة مباشرة بحياتكم اليومية مهما كذبوا عليكم بعض المترشحين... يا توانسة، راهو النقاش الاهم في حياة تونس، هو الانتخابات التشريعية، يا توانسة توا لازم التركيز، توا لازم الفهم، توا لازم العقلانية، راهي اهم حاجة و اكثر حاجة تأثر على حياتكم كل يوم، هي الانتخابات التشريعية، كل السلطة تقريبا عند رئيس الحكومة الي يصادق عليها البرلمان، توا شوفوا شنوا كل حد عارض عليكم، توا ناقشوا برامجهم، توا انقدوهم او شجعوهم حسب درجة اقتناعكم بيهم... يا توانسة والله الانتخابات الرئاسية مرحلة تافهة قدام التشريعية...

الي مترشحين للتشريعية، يا ليت يجاوبونا على الاسئلة التالية:

* اش باش تعملو في 650 الف بطال؟ شنوا البرنامج و قداش لازم من عام باش تهبطوهم ل400 الف؟ قولولنا كيفاش بالضبط و شنوا اللازم؟ و اعطونا اهداف مرحلية لكل سنة من سنوات حكمكم

* اش باش تعملو في عجز صناديق التقاعد و المرض؟ باش تبطلو ماعادش مخلصين جرايات التقاعد و تنحيو التأمين على المرض؟ و الا باش اتطلعو في عمر التقاعد؟ و اتحاد موظفي الدولة باش يقبل؟ و الا باش تعملو ضريبة جديدة على المواطنين و تغرقوهم؟ و الا باش تكبرو في مساهمة الشركات و تبركوهم؟ قولولنا آش باش تعملو بالضبط و شنوا اللازم؟ و اعطونا اهداف مرحلية لكل سنة من سنوات حكمكم

* اش باش تعملو في البنية التحتية متاع النقل و الصحة و التعليم ؟ آلاف المليارات اللازمة باش نحسنو وضعية مزرية، منين باش تجيبوهم؟ كيفاش باش تعملو و تونس تصرف في اكثر من 90% من ميزانية التعليم و الصحة على الشهاري؟ و كيفاش باش تعملو اذا باش تستثمرو و في نفس الوقت تزيدو الشهاري؟ منين الفلوس؟ سلف؟ و كيفاش عملنا في الديون المتلتلة؟ قولولنا آش باش تعملو بالضبط و شنوا اللازم؟ و اعطونا اهداف مرحلية لكل سنة من سنوات حكمكم

* اش باش تعملو في المؤسسات العمومية الخاسرة آلاف المليارات؟ و الي كل عام تنقذوا فيها من ميزانية الشعب التونسي الي ديجا جابدينها من دم قلبو، و الي فوق هالمساعدة المواطن قاعد يدفعلها مقابل خدمات مزرية؟ باش تخوصصوها؟ لشكون باش تتباع و بقداش؟ باش تصلحوها و تفرضوا الانضباط و الحوكمة الرشيدة؟ و اتحاد الموظفين العموميين باش يقبل؟ كيفاش باش تعملوا؟ قولولنا آش باش تعملو بالضبط و شنوا اللازم؟ و اعطونا اهداف مرحلية لكل سنة من سنوات حكمكم

* اش باش تعملو في قضية الbft و الخطية المنتظرة؟؟؟ هذي مؤكد تجاوبونا عليها خاطر باش تكون في حدود 2020 و 2021، يعني في عهد الحكومة الي باش يعينها البرلمان الي باش ننتخبوه السنا... قولولنا خطتكم، باش تخلصوها؟ منين؟ باش تحاولو صلح مع بودن؟ علاه؟ و شنوا الصلح؟ كيفاش باش تحاسبو المسؤولين على الي صار في الملف هذا قبل الثورة و الى حدود اهداء العفو التشريعي العام لبودن و استعماله لهذا الملف ضدنا؟

* اش باش تعملوا في الاقتصاد الموازي؟ الناس إلي تخدم عالهامش متمتعة بكياسات و امن و تعليم و جيش و صحة عموميين (مهما كان مستواهم، موجودين و صرفنا عليهم دم قلوبنا) اقتصاد موازي ناس تخدم فيه و ما يخلصوا في حتى فرنك لميزانية الشعب التونسي، و يزاحموا في الناس إلي تخدم بالباتيندة و تخلص في الضرائب، اش باش تعلموا فيهم؟ باش تسكرولهم رزقهم؟ إذا تعملوها اش باش تعلموا في الغضب الاجتماعي؟ و تسكير الكياسات؟ قولولنا آش باش تعملو بالضبط و شنوا اللازم؟ و اعطونا اهداف مرحلية لكل سنة من سنوات حكمكم

* اش باش تعملو في جباية المهن الحرة؟ كيفاش باش تنجمو تحصرو حقيقة مداخيلهم؟ و اذا تكثرو عليهم بالحصار الجبائي مصيرهم يهجو من البلاد و هم خيرة كفاءاتها؟ شنوا الحل؟

* اش باش تعملوا في التفاوت التنموي بين الجهات؟ كيفاش باش تقنعوا الناس تصبر؟ بأي برنامج؟ تصرفوا أكثر تنمية على الجهات الداخلية؟ و الجهات الشرقية الي فيها دوبل سكان؟ باش يسكتوا؟ قولولنا آش باش تعملو بالضبط و شنوا اللازم؟ و اعطونا اهداف مرحلية لكل سنة من سنوات حكمكم

* اش باش تعملوا في تمويل البلديات الي بكلها غارقة في الديون من عند صندوق تمويل الجماعات المحلية؟ باش تمسحولهم ديونهم؟ و الصندوق الي غارق من ربي و متسلف ديون من برا؟ كيفاش عملنا فيه؟ تحملوه على الميزانية؟ الميزانية الي هي بيدها بالعة و كل عام نتسلفولها؟ قولولنا آش باش تعملو بالضبط و شنوا اللازم؟ و اعطونا اهداف مرحلية لكل سنة من سنوات حكمكم

* اش باش تعملوا في التهرب الضريبي؟ كيفاش باش تقاوموه؟ الديون الجبائية المثقلة و الغير مستخلصة؟ كيفاش باش تجيبوها من الشركات؟ تنزلوا عليهم يدفعوا بالسيف حالا؟ و كي يبلعوا و يصبحوا خدامتهم بطالة؟ كيفاش باش تقاوموا الهوجة الشعبية؟ قولولنا آش باش تعملو بالضبط و شنوا اللازم؟ اش باش تعملو في التهرب الضريبي متاع مئات الاف الشركات الصغرى من تجار و محلات و مهنيين؟ كيفاش باش تجبروهم يصرحو بحقيقة مداخيلهم؟ و لما هؤلاء الكل يصرحو و يخلصو، اكيد باش يغلّيو اسعارهم للمحافظة على مستوى عيشهم، كيفاش باش تعملو في التضخم الي ينتج على الشي هذا؟ قولولنا آش باش تعملو بالضبط و شنوا اللازم؟ و اعطونا اهداف مرحلية لكل سنة من سنوات حكمكم
و اعطونا اهداف مرحلية لكل سنة من سنوات حكمكم

* اش باش تعملو في الثروات الطبيعية الي حابسة ماهياش تخرج بسبب الطلبات الاجتماعية؟ اش باش تعملوا لاعادة الثقة بين الحاكم و المحكوم في الموضوع هذا؟ اش باش تعملو باش تسكرو باب الشعبوية الي يدهل منو الحمقى الكل للسيطرة على الراي العام؟ و ما تعطيوناش حل نشر العقود من فضلكم، ديجا منشورين و متاحين للعموم، و حد ما قراهم، استنبطو، دبرو روسكم في حلول اتصالية اخرى، اما قولولنا آش باش تعملو بالضبط لاعادة مناخ الثقة و شنوا اللازم؟ و اعطونا اهداف مرحلية لكل سنة من سنوات حكمكم

* اش باش تعملوا في تسليح الجيش و الامن باش ينجم يحمي البلاد؟ الفلوس منين؟ ديون؟ ضرائب جديدة؟ قولولنا آش باش تعملو بالضبط و شنوا اللازم؟ و اعطونا اهداف مرحلية لكل سنة من سنوات حكمكم

* اش باش تعلموا باش الناس ترجع تخدم و ما تحقرش الخدم الي شادينها آلاف الأفارقة توا في بلادنا؟ قولولنا آش باش تعملو بالضبط و شنوا اللازم؟ و اعطونا اهداف مرحلية لكل سنة من سنوات حكمكم

* اش باش تعملوا في التهريب؟ تسكروا اللعب؟ و الناس إلي ما عندهاش منين تعيش غيرو؟ شنوا برنامجكم ليهم؟ و الناس إلي استانست بفلوسو الكبيرة و ماعادش تحب تخدم خدمة عادية؟ اش عملتو فيهم؟ قولولنا آش باش تعملو بالضبط و شنوا اللازم؟ و اعطونا اهداف مرحلية لكل سنة من سنوات حكمكم

* اش عملتوا في ارتفاع الأسعار نتيجة انهيار الرقابة على مسالك التوزيع؟ اش عملتوا في ارتفاع الأسعار الي جاي من ارتفاع الأجور دون انتاج الي عايشينو من 2011 لليوم و احنا زيد الماء زيد الدقيق؟ قولولنا آش باش تعملو بالضبط و شنوا اللازم؟ و اعطونا اهداف مرحلية لكل سنة من سنوات حكمكم

* اش باش تعملوا في الفساد المالي العمومي؟ باش تعلموا رقابة على كل صفقة عمومية؟ ما تنجموش، باش تقويو في العقوبة؟ المشكلة موش في القانون، اعطيونا حلولكم. قولولنا آش باش تعملو بالضبط و شنوا اللازم؟ و اعطونا اهداف مرحلية لكل سنة من سنوات حكمكم

* اش باش تعملو في عجز الميزان التجاري؟ تسكرو على التوريد و الدول تسكر علينا التصدير؟ اي و آلاف الشركات المصدرة الي باش تفلس؟ اش نعملو فيها؟ والدوفيز منين نجيبوه؟ و الا نسكرو على ارواحنا و ننساو اي تقدم يعملو العالم و نرجعو لمستوى عيش الستينات؟ ما نسكروش؟ و احوال مخزون العملة الصعبة الرثة مع ما يؤدي اليه من تدهور الدينار؟ كيفاش نعملو فيه؟ قولولنا آش باش تعملو بالضبط و شنوا اللازم؟ و اعطونا اهداف مرحلية لكل سنة من سنوات حكمكم

* اش باش تعملوا في االدينار بالذات ؟ تحرير كلي؟ باش تونس تتعامل مع العالم في الدوفيز يالقانون و حد ماعاد يمشي للسوق السوداء؟ باش تحلو اللعب لبايبال و غيرو؟ و التضخم الرهيب المفاجئ الي باش يصير بسبب انهيار سعر الدينار كيما صار لما مصر حلت اللعب و عومت الجنيه المصري؟ كيفاش باش تقاومو الهوجة الشعبية ضد التضخم وقتها؟ باش تخليو اللعب مسكّر؟ و مليارات الاورو الي يدورو في السوق السوداء؟ اش باش تعملو فيهم وقتها؟ و لما تخليو الدينار في سعر غير سعرو الحقيقي، باش تخليو الواردات رخيصة، التوريد ما ياقفش، شنوا الحل؟ قولولنا آش باش تعملو بالضبط و شنوا اللازم؟ و اعطونا اهداف مرحلية لكل سنة من سنوات حكمكم

* اش باش تعملو في ام القطاعات الاقتصادية و القاطرة الكبرى لباقي القطاعات: البعث العقاري و ما ادراك، الي لما يبركك تبرك معاه الصناعات الاستخراجية كيما الرخام و السيمان و غيرهم، و الصناعات الكهربائية و الصناعات الخشب و الاثاث، و الصناعات متاع اكسسوارات البناء من حنفيات و شبابك و غيرهم... اش باش تعملو في للمواطن الي ماعادش خالط يشري بسبب ارتفاع الانتيريس، و اش باش تعملو للباعث العقاري الي باش يفلس و يفلس معاه كل مزوديه؟ اش باش تعملوا و شنيةاهدافكم المرحلية؟

* آش باش تعملو في مستوى التعليم المتدهور؟ المشكل في المناهج؟ و علاش؟ المشكل في مستوى المدرسين؟ علاش؟ و المتخرجين من تعليم ضحل؟ باش تعطيوهم يقريو الاجيال الجاية؟ و نعاودو نخلقو الرداءة؟ قولولنا آش باش تعملو بالضبط و شنوا اللازم؟ و اعطونا اهداف مرحلية لكل سنة من سنوات حكمكم

* اش باش تعملو في هجرة الادمغة و الاطباء خاصة؟ اش باش تعملو في الاطباء المقيمين و الداخليين، الجنود الي يتحرقوا كل يوم الف مرة باش الصحة العمومية تمشي، والي من كثر الهول الي يشوفوه اصبح عندهم برنامج واحد هو الهجرة لدول و شعوب تقدرهم؟ قولولنا آش باش تعملو بالضبط و شنوا اللازم؟ و اعطونا اهداف مرحلية لكل سنة من سنوات حكمكم

* آش باش تعملو في القضاء الي ماعادش خالط على حتى شي من كثر القضايا و قلة الامكانيات؟ قولولنا آش باش تعملو بالضبط في ميزانية وزارة العدل و شنوا اللازم؟ و اعطونا اهداف مرحلية لكل سنة من سنوات حكمكم

الخلاصة :
حسب رايي هذي بعض الاسئلة الي لازم الناس الي تحب تحكم تجاوبنا عليها

12/09/2019

للاسف برشا مرشحين نجحوا باستقطاب ناخبين باستعمال العاطفة (لغة الهويةو الاستقلال من فرنسا و الكرامة وأخيرا الدين و الاخير أخطر طبعا.
ما يعرفوش كيفاش العالم قاعد يسير و في بالهم ساهلة الحكاية و إيران ا اكبر دليل و هي دولة تملك ثروة بترولية كبيرة و دولة تصنع بالاساس ما ننساوش هذا و عندها الطاقة النووية.
كرامة و عزة التونسي تكمن أولا و في المرحلة هذه في تعليم متطور يواكب العصر( التعليم ثم التعليم ثم التعليم) ،نظام صحي يوفرله الرعاية الصحية اللازمة باش ينجم ينتج.بنية تحتية و مشاريع استثمارية ممكن يشجع عليهم رئيس الدولة بتعيين خبراء اقتصاد في السفارات و مش سياح عايشين علة على حساب الدولة.تنويع الشراكات و هكاك شوية شوية انجموا نخلصوا ديوننا و نستقلوا بالشوية بالشوية من فرنسا.
و كيما يقولو كان جا فالح راهو مالبارح

تتمنى صفحة المليشات إلى كل المتساكنين عيد سعيد 🌜🌛🌈🌞
04/06/2019

تتمنى صفحة المليشات إلى كل المتساكنين عيد سعيد 🌜🌛🌈🌞

28/04/2019

بربي نداء للبلدية بخصوص الوضعية الكارثية للكياس مالمليشات لدورة البكوش و خاصة وين معمل الدجاج و الفيرمة قبل المزاوغة، حالة يرثى لها و ما تجينيش غريبة كان ما تصيرش فيه كارثة. و بالطبيعة ما غير ما نذكر كياس العلالشة حدث و لا حرج و أخيرا نذكرو بالي الميزانية الي تصرفت على كياس المزاوغة للمصدور كان تحطت في الطريق الرئيسي المليشات - جمال كانت تكون خير بحكم قلة الحركية فيه مقارنة بالطريق الرئيسي إلي يتعدا عليه النقل الريفي و الكار صراحة هذا بين سوء تصرف الإدارة.

أحلى مليشات ❤️🇹🇳
11/04/2019

أحلى مليشات ❤️🇹🇳

المكان : دورة البكوش منزل حياة الزمان ; هبطنا مالكار متاع سوسة _الجم 13h30 و ركبنا في كميونة من تالي 15hساعة و نص باش ح...
01/03/2019

المكان : دورة البكوش منزل حياة
الزمان ; هبطنا مالكار متاع سوسة _الجم 13h30 و ركبنا في كميونة من تالي 15h
ساعة و نص باش حن علينا واحد و طلعنا مسافة 7 دقايق، سويعات قليلة مللي جانا سي رئيس الحكومة باش يزورنا و يشوف سبل في تطوير و إحياء المنطقة😂😂. المشكل إنو المشهد هذا يتعاود 13h30, 14h30, 16h30,18h,w 19h.
ايا تراه يا سيادة المعتمدة و سيادة رئيس البلدية تفظلو شوفلنا حل ولا فالحين كان في التصاور و باراتان

#التهميش
😂😂


Commune Menzel Hayet الصفحة الرسمية لبلدية منزل الحياة
Délégation Zèramdine الصفحة الرسمية لمعتمدية زرمدين
بربي يا ولاية المنستير زيدوها هاذي للإنجازات الي قررها رئيس الحكومة لفائدة الولاية الصفحة الرسمية لولاية المنستير

Address

Rue 14 Janvier, Mlichette, Zeramdine
Monastir
5046

Website

Alerts

Be the first to know and let us send you an email when Mlichette & المليشات posts news and promotions. Your email address will not be used for any other purpose, and you can unsubscribe at any time.

Shortcuts

Share

Category