تولي

تولي الشتاء بداية الصيف
الظلام بداية النور
والفشل بداية النجاح

في بيتنا ياسمينة دمشقيةتضفي على الليالي القمريةأجمل رائحة عطريةبل هي أكثر طيباََ من العطور الفرنسيةفي بيتنا ياسمينة دمشق...
10/07/2026

في بيتنا ياسمينة دمشقية
تضفي على الليالي القمرية
أجمل رائحة عطرية
بل هي أكثر طيباََ من العطور الفرنسية

في بيتنا ياسمينة دمشقية
بيضاء نجمية
جميلة وتضفي راحة نفسية
على الجدران متدلية بعنقودية

في بيتنا ياسمينة دمشقية
وردة لطيفة بهية
آثارها قوية على النفس البشرية
بل إنها تتحكم بأمانيَّ

في بيتنا ياسمينة دمشقية
صامدة منذ ربع قرن كأنها مهرة عربية
أصيلة وزكية
إنها أجمل ما قد تقدمه لنا الطبيعة كهدية

في بيتنا ياسمينة دمشقية
عريقة وراقيّة
مسكها ذاع صيته حتى البلاد العراقية
تنتشي تلك الياسمينة في كل أرضٍ أبيّة
على الطغاة عصيّة
سأرسل غرسةََ منها لصديقتي الفلسطينية
علّها تبادلني حباََ مع زعتر الصفدية
فأروي بعضاََ من شوقي لأرض أمي المريمية
عساني أزورها يوماََ بعد التخلص من الإسرائيلية
فتلك الأرض المقدسة لها في قلبي خصوصية
وعزيزة علي بمكانتها الدينية
وحينها سآخذ معي فرعاََ من الياسمينة الدمشقية
وأزرعها بيدي بتلك الأرض المليئة بالدفء والحنية
إلى ذاك الوقت سأبقى أعتني بياسمينتا الدمشقية
سأبقى أسقيها مياهاََ شامية
وأتباهىٰ بها وأقول في بيتنا ياسمينة دمشقية
في بيتنا ياسمينة دمشقية
🤍🤍🤍🤍🤍🤍🤍🤍🤍🤍🤍🤍🤍🤍🤍🤍
#بقلمي 🩷✨

06/07/2026



مرة بهالزمانات انتشر بمنطقة بمصر مرض (الإ..يدز)
بعد التحقيق والتحليل والتمحيص والتفحيص؛ استنتجت السلطات المصرية وقتها أنه المرض انتشر بسبب علاقات بين عدد من الشبّان المصريين وفتاة #إسرائيلية

المهم بعد جهد وصلوا لعند هيدي البنت وفتحوا معها تحقيق؛ ووفق الروايات أنه التالي هو السيناريو اللي صار خلال التحقيق؛ تُسأَل: "عندك علم أنه معك مرض الإ..يدز؟؟؟؟"
بتجاوب :" اي طبعاََ بعرف"
تُسأَل على إثر جوابها: "لماذا لم تخبري مَن أقمتِ معهم العلاقة؟"
بتجاوب بكل وقاحة: "خدمةََ لبلدي #إسرائيل"
--------------------------------------------------------
القصة انتهت؛ بس هيدي مش قصة من محض الخيال... إنما قصة واقعية وأخدت ضجة على قنوات التلفزيون وقتها.

#العبرة: أنه نتيجة الكبت الموجود بمجتمعاتنا وعدم إدراك الأشخاص لكيفية التعامل مع الغرائز البشرية ولا عندهم معرفة بما يسمّى الثقافة الجنسية؛ كل هيدي العوامل تكاملت مع مرض وحدة بلا شرف حتى تعمل مصيبة بمجتمع كامل!

بتمنى من أعماق قلبي تكون وصلت الفكرة بشكل صحيح وتعطي نتيجة مش تبقى مجرد فكرة🙏🏻🤍
--------------------------------------------------
#الهدف #الغاية
تعقيباََ على عدة حوادث صارت الفترة الماضية بالإضافة لخبر وجود أكياس د.م حاضنة لفيروس الإ..يدز !!!
مجرد ما سمعت الخبر الأخير انردّت القصة أعلاه لذهني ومش عم تروح من بالي! 🫠💔
وبس هيك؛ تضلوا دايماََ بخير تضلوا دايماََ

لكم مني كل الحب ❤️✨

06/07/2026

ايمت ناوي يكنّ ويسكت؟
لَهَف من البلد لشبع ومقلوع برا شو بعد بده؟ خلصوا مصرياته يعني؟
قال كان حامي الليرة من انه تنهار قال
ايي مزبوط وكانت سيرياتيل كل شهرين ترفع الأجور
بحياة كل ليرة سر.قتها من هالشعب تنضبّ وتسكت لأن مالك من السيرة غير التريند... اعتقونا ممكن؟ بدنا نعيش يعني خلص خالصين 🚶🏻‍♀️🚶🏻‍♀️🚶🏻‍♀️🚶🏻‍♀️
#كاحل رامي مخلوف 🤣

31/05/2026


Bonjour 🩷🪐

31/05/2026



يُقال الفرق بين عقل المرأة وعقل الرجل هو قدرة المرأة على التفكير بمئات الأفكار مع بعضها البعض؛ في حين عقل الرجل يعالج قضية واحدة إلا أنه ينظر لها من جميع الزوايا

بغض النظر عن إني ضد هيك تعميمات جندرية؛ بس فيها جزء من الصحة لو أخدنا مقياس الإنسان بشكل عام دون تحديد الجنس

كيف يعني!
بكل بساطة في عنّا نوعين من الناس لنعتبر النوع الأول وليكُن A هو أشبه بمَنْ يتّبع القطيع فمثلاََ صار حدث معين وتفاعل الناس بشكل إيجابي معه بروح باللاشعور يتفاعل بنفس الطريقة مع الحدث حتى لو ما بيعرف شو تفاصيله أو حتى لو كان حدث بضرّ بمصالحه

على النقيض ح يكون عنا نوع تاني من الناس وليكُن B ولنفترض إنهم الفئة القليلة من الناس (أو بعبارة أُخرى الأقلية الوحيدة الموجودة بأي مجتمع) هي الفئة بتكون كثيرة التفكير بكل تفصيل وبكل حدث وممكن بمرحلة من المراحل يوصلوا لدرجة يربطوا عدة أحداث متازمنة حتى يكتشفوا حقيقة معيّنة
بالوقت اللي بكونوا فيه المجموعة A مشغولين بالحدث الجديد والتفاعل معه؛ بكونوا المجموعة B مشغولين بربط الأحداث مع بعضها وتتبّع التسلسل الزمني للوصول لحقيقة معينة!

على إثر العمليتين السابقتي الذكر؛ منشوف إنو A عملوا من قصة معينة تريند بالوقت اللي B ح يحكوا اللي اكتشفوه نتيجة التحليل والتفكير والتمحيص؛ بس لأجل سخافة الحياة القطيع A ح يسخروا ويستهزؤوا ويخوّنوا ويكذّبوا الأقلية B؛ فَـ بتعزّ على B الدني وبعزّ عليهم جهل الـA فَـ بيكتئبوا وبيسكتوا مرغمين مجبرين حتى ما يوجّعوا عقولهم بنقاشات فارغة مع قطيع!!

وفي حال لم تتم الاستفادة من عقول B ح يشعروا انو تمّ إقصاءهم وإنو هنن منبوذين حتى بالمجتمع اللي بينتموا إلو؛ وإنو القطيع عم يتحكم بحياتهم؛ وهون النقطة الفصل إما بيتأقلموا وبطنّشوا ( يا بطنّشوا صوت أفكارهم؛ أو بطنّشوا القطيع وبينطووا على أنفسهم) أو بغيروا المجتمع وغالباََ بكون تغيير المجتمع عن طريق الهجرة وغالباََ ما تكون الوجهة إلى مجتمعات اللي بتستثمر بهيك عقول

--------------------------------------------------

#ملاحظة ما سبق أعلاه مجرد فلسفة عابرة بفضاء ليل مظلم خفت فيه ضجيج الحياة وعلا صوت الأفكار؛ وأي تقاطع بينه وبين الواقع يكون من محض الصدفة لا أكثر ولا أقل؛

29/05/2026

نقلاََ عن الدكتور نزار حسن
وزير الطاقة السوري : إنذار تركيا لنا حول ارتفاع مناسيب مياه نهر الفرات كان متأخراً.

مدير دائرة الإعلام في وزارة الطاقة : تلقى الجانب السوري يوم الجمعة إشعاراً من الجانب التركي بزيادة الإطلاقات المائية عبر نهر الفرات ، والفترة الزمنية كانت قصيرة جداً، إذ وصلت المياه إلى الأراضي السورية خلال أقل من ٢٤ ساعة من تلقي الإشعار.

الواقع على الأرض يقول : أضرار كبيرة جداً في جميع مناحي الحياة في المناطق المحاذية لنهر الفرات نتيجة الفيضان الذي لم تشهده المنطقة منذ ٣٠ عاماً.

تترتب على الجانب التركي مسؤولية قانونية تقصيرية بالتعويض عن جميع الأضرار الناجمة عن التسرع في زيادة الإطلاقات المائية.

29/05/2026

أقرف شي ممكن شوفه ع السوشل ميديا بكل مصيبة بتصير بأي محافظة
هو بوستات الحقد والشمااتة والأقرف كمان اللي بكون عايش بنص المصيبة وقاعد بينشر بوستات تهديد ووعيد لكل حدا تمسخر وشمت وغيره

يعني بربكم شو هالمنطق اللي مش منطقي أبداََ؛ وحياة الرب ما وقت كل هالمهزلة
وحياة الرب عيب وحرام
ع فكرة بعيداََ عن إيد الأذى البشرية بس لو نحن منعتبر ومنرجع لطيبتنا البشرية بعمره ما كنا منوصل لهي المرحلة من الدمار والوضع السيئ بالبلد؛
يعني بربكم شو استفدتوا من بوست شماتة؟ كم كومنت وكم لايك وعلقتوا بين بعض بالكومنتات وبعدين؟ فعلياََ ولا شي

وغيركم قاعد بعز دين المصيبة جاية يهدد وبطيخ؛ حبيبي حط وجهك بوجه ربك واتقي ربك مشان يعوضك عن خسارتك بدل ما تقعد تهدد وتوعد وتغلط ع اللي عم يغلط لأن هيك عم تزيد الغلط غلط أكتر ماعم تصحح شي

حبوا بعض برضايي عليكم، حاجة تعبنا وقرفنا بوستات كراهية و إساءة؛ ذوقوا بئا!.

#بحبكم وياريت تفهموا قصدي صح ❤️

عين التركي على الساحل ورجله بالشمال وبطشه وصل لشرق البلاد!بعيداََ عن الاعتبارات السياسية والاقتصادية بعيداََ عن طبيعة ال...
28/05/2026

عين التركي على الساحل ورجله بالشمال وبطشه وصل لشرق البلاد!

بعيداََ عن الاعتبارات السياسية والاقتصادية بعيداََ عن طبيعة العلاقة بين تركيا وسوريا اليوم
إلا أن ما فعله الجانب التركي اليوم دليل قاطع على أنه مازال يحلم بإعادة إحياء الإمبراطورية العثمانية؛ حتى لو كان هذا على حساب السيادة، على حساب الشعب، على حساب لقمة عيش هذا الشعب

ولكن لا يا جدو أردوغان زمن العصملّي وَلّـىٰ متل ما وَلّـىٰ زمن البعث إلى غير رجعة
و

#هامش القانون بيحفظ حق حسن الجوار وتركيا ما احترمت جارتها وتسبّبت بكارثة أثرها سلبي ع البشر والحجر والشجر؛ فهل يا ترى سوف نشهد تركيا تتحمل مسؤولية فعلها كما هو الحال عندما يسيء الجار لجاره؟؟؟؟

19/05/2026

إذا والد رئيس المرحلة الانتقالية خالف الإعلان الدستوري؛ بدكم نعتب على عامة الشعب بسبب مخالفتهم للإعلان الدستوري!
يعني وإذا زاد الشرخ الطائفي والمناطقي؟ عادي شو هالقضية يعني! 😶

19/05/2026

من زمان وقت الناس يشوفوا حدا ختيار (حجي /عجوز) وضعه فيه شي غلط؛ كانوا يقولوا: "الله يحسن كبرتنا"
هيي ذات الدعوة اليوم منقولها بعد كومة التخبيصات اللي عم تطلع مع

الزلمة لاحق التريندات ونسيان انه طريق واقعه ما بخليه يلحق شي غير القبر

ايه كاسك يا وطن 😪

Address

Damascus

Website

,

Alerts

Be the first to know and let us send you an email when تولي posts news and promotions. Your email address will not be used for any other purpose, and you can unsubscribe at any time.

Shortcuts

Share

Category