مبادرة زَيتُون

03/06/2026

جاهزين ل ؟؟ 😍😍
مبسوطين انو عجبتكن فكرة هي اللمة الحلوة ومتحمسين نلتقي فيكن بكرا

نحنا اليوم حابين ننوه على كم شغلة
_اول شي الفكرة جديدة كلياً علينا وعليكن لهيك عم نحاول بكل طاقتنا انو يكون كلشي جاهز بأفضل شكل ممكن
_نحنا حجزنا لأكبر عدد منقدر نستوعبو بالتجهيزات يلي عنا .. يلي بدو يجي زيادة يمكن للاسف ما يلاقي كراسي
_بالنسبة للنشاط نحنا رح نقدم طاولات وكراسي وحلقة حلوة من المسلسل يلي كلنا منحبو
و #انتو عليكن تجيبو أغراضكن معكن (المشروبات وعدة المتة .. الغاز .. الأراكيل .. وكل حاجياتكن)
_اول مرة رح تكون تجريبية من حيث التفاصيل والتكلفة وكلشي ونحنا دائما عم نسعى لحتى نقدملكن أحلى تجربة
_كونو 7.30 موجودين بالكراج لحتى نبدأ العرض الساعة 8
ناطريكن بسينما زيتون والحماس لا يوصف 😍😍

02/06/2026

لأول مرة بالشيخ بدر 🔥❤️

اجا الصيف ولازم نستغلو صح ونعمل الشغلات يلي كلنا منتمنى تصير بالمنطقة

فكرنا وفكرنا، ومالقينا أحلى من #سينما بنص #الكراج 🔥 😆

#قعدة رايقة، متة #وسهرة جماعية أحلى من سهرات البيت.

مافي أحلى من ضيعة ضايعة لنفتتح فيها سهراتنا! 😂

💬 شو أحلى #حلقة بتحبوها #بضيعة ضايعة؟ اكتبولنا بالتعليقات لنعرضها بأول سهرة!

شو منسمي السينما؟
قعدة صيف!🤔
أو كراج السينما؟ 😎

📍 المكان: كراج الشيخ بدر
📅 الزمان: يوم الخميس 4 حزيران الساعة 7 ونص المسا
📞 للحجز أو الاستفسار: 0998988155
سعر التيكت 5000 ليرة 🕊

والمقاعد محدودة 😎❤️

#سهرة #متة #نرجيلة #لمة

28/05/2026

الفيديو بيحكي قصة العيد..شكرا لكل مين صنعها مع زيتون 💚

أطفال وخيل وسينما وبازار ، هيك عشنا بهجة عيد الأضحى. 👶 🎁

نجاح هاليوم اكتمل بجهود المشاركين من الجهات الخدمية والأهلية المساهمة بالتجهيزات المقدمة "شوادر وطاولات"

الشكر الأكبر لأهالينا وزوارنا يلي عطوا للمكان حياة 🩵🙏

أهلنا الكرام..
"لا يكلف الله نفسا إلا وسعها"
جميع نشاطاتنا غير ممولة من أي جهة، نستغل أوقات الفراغ للقيام بنشاطات نوعية بالمنطقة،مستغلين خبرة شبابنا داخل وخارج الشيخ بدر بتنظيم الفعاليات والإدارة الصحيحة والعلاقات العامة والمساهمة اللوجستية والمادية الفردية من أعضاء الفريق، بعض النشاطات الأخرى تكون من فاعلي الخير "عيديات وأحيانا هدايا أطفال"
الجهد المبذول على حساب عائلاتنا وأطفالنا وأعمالنا وهو لوجه الله.
نرجو منكم الدعم المعنوي والدعاء لكل المساهمين من المؤسسين والمتطوعين من أبنائكم.

وكل عام وأنتم بألف خير

28/05/2026

مباشر من سوق العيد

نشاط اليوم الثاني بدأ الآن...لمن يود الاشتراك التواصل على بريد الصفحة

النشاط مستمر حتى مساء اليوم

بانتظاركم❤️

27/05/2026

منحب نخبركن انو نحن مستمرين معكن بكرا بالبازار الجميل....من ال10 صباحاً حتى ال 6 مساءاً 🙏

شرفونا بحضوركن واستفيدوا من العروض الحلوة بكل المحلات المشاركة 😍❤️

بانتظاركن 💚🌿

#بازار

27/05/2026

نشاطنا بلش هلا 🔥🔥

بانتظاركن ضمن كراج مدينة الشيخ بدر

27/05/2026

27/05/2026

أضحكى مبارك إن شاء الله

موعدنا في تمام الساعة 12 ظهرا لافتتاح نشاط عيد الأضحى

البداية بافتتاح سوق العيد ومن ثم تتالي الفعاليات بدءاً من الساعة 4 عصراً

الموقع كراج مدينة الشيخ بدر

بانتظاركم وكل عام وأنتم بألف خير❤️

26/05/2026

🌟 العيد بلّش بكّير مع زيتون

​جاهزين ليوم العيد معنا؟ 😍

​فريقنا ناطركن بكرا الأربعاء (27/5/2026) لحتى نعيش سوا بهجة العيد! 🎈🎉

​جهّزنالكن برنامج بناسب كل العيلة من الصغير للكبير:

• ​بازار عائلي منوع: بتلاقوا فيه منتجات مميزة من محلاتكم المفضلة، بالإضافة لأشغال يدوية.

• ​عروض وخصومات: بعض المحلات المشاركة مجهزين الكن عروض خاصة وحصرية لبكرا وبس.

• ​فرحة أطفالنا: ألعاب حركية وتفاعلية حماسية للأطفال، وكمان هدايا رمزية رح ترسم الضحكة على وجوهن. 🎁

• ​سينما بالهواء الطلق: سهرة مميزة مع شاشة إسقاط رح تعرض أحلى أفلام الكرتون تحت النجوم.🍿

​🐎 والمفاجأة الكبرى!

​لأول مرة.. رح يكون معنا خيل عربي أصيل للركوب والتقاط أحلى الصور التذكارية (الخدمة مأجورة برسم رمزي). 📸

• ​المكان: كراج الشيخ بدر
• ​الزمان: بكرا الأربعاء، 27 أيار 2026
• التوقيت: من 12 ظهرا للمحلات - من الساعة 4ظهرا لنشاطات الأطفال والخيل.

​لا تخلو الفرحة تفوتكن.. جيبو أولادكن وتعو نغير جو ونصنع ذكريات ما بتنتسى.
ناطرينكن 🤍

​