11/08/2025
Taariikh: 11 August 2025
Maalin: Isniin
Warbixin: Guddoomiyaha Dhalinyarada Beesha Cali Xasan oo ka qeyb galay kulan fogaan-arag ah oo ku saabsan ka qeybgalka Golaha Deegaanka
Guddoomiyaha Dhalinyarada Beesha Cali Xasan ayaa Isniintii, 11 August 2025, ka qeyb galay kulan fogaan-arag ah oo muhiim ah, kaas oo looga hadlayey mowduucyo ay ka mid yihiin: Sidee ugu guuleysan karnaa inaan ka qeyb qaadanno kamid noqoshada Golaha Deegaanka iyo Sida loo qaadan karo kaararka codbixinta.
Kulankan ayaa lagu soo bandhigay talooyin iyo istaraatiijiyado kor u qaadaya ka qeybgalka dhalinyarada ee hanaanka doorashooyinka deegaanka. Waxaa lagu xoojiyey muhiimada ay leedahay wacyiga siyaasadeed, isu duubnida, iyo ka faaโiideysiga fursadaha sharci ee jira si dhalinyaradu u noqdaan cod muuqda oo saamayn leh.
Qodobada ugu waaweyn ee kulanka kasoo baxay waxay ahaayeen:
1. In dhalinyaradu ay si firfircoon isu diiwaangeliyaan si ay u helaan kaararka codbixinta waqtiga loogu talagalay.
2. In la sameeyo kooxo wacyigelin ah oo gudaha bulshada ka shaqeeya, si loo hubiyo in qof walba oo u qalma uu ka faaโiideysto fursadda codbixinta.
3. In dhalinyarada lagu dhiirrigeliyo inay u tartamaan xubinnimada Golaha Deegaanka, si ay u helaan matalaad dhab ah.
4. In la adkeeyo midnimada dhalinyarada, lana iska kaashado arrimaha siyaasadda, bulshada, iyo horumarinta deegaanka.
5. In la abuuro xiriir joogto ah oo u dhexeeya dhalinyarada iyo hayโadaha doorashooyinka, si loo helo xog iyo hage sax ah.
Guddoomiyuhu wuxuu kulanka ku soo xiray isagoo ku booriyay dhammaan dhalinyarada Beesha Cali Xasan inay ka faaโiideystaan fursadahaan, isla markaana ay u istaagaan difaaca danaha bulshada, una adeegaan horumarka iyo mustaqbalka beesha.
