18/02/2026
Asc
Waxaan rabaa inaan si cad u sheego in meeshaan aysan ahayn Galkacyo, mana aha Qardho. Waa dhul ay leeyihiin dad xaq u leh in la ixtiraamo, lana siiyo xuquuqdooda dhabta ah.
Waxaa is weydiin mudan: aaway kuwii sheeganayay metelaadda shacabka, kuwii ku fadhiyay kuraasta iyagoo aan gudan waajibaadkooda? Xaqiiqdu waxay tahay in qaar ka mid ah mas’uuliyiintii la rabay inay shacabka u adeegaan aysan xitaa imaan goobaha ay masuulka ka ahaayeen, si ay u arkaan xaaladda dhabta ah ee dadkooda.
Maanta, fariinteennu waa mid cad: shacabka ma aha kuwo la iska indho tiri karo, mana aha kuwo lagu maamuli karo hadallo madhan. Shacabku waxay mudan yihiin hoggaan daacad ah, hoggaan u taagan difaaca xaqooda, kana shaqeeya horumarkooda.
Waxaan ugu baaqayaa dhammaan masuuliyiinta in ay gutaan waajibaadkooda, kana hormariyaan danaha shacabka wax kasta oo kale. Sidoo kale, waxaan caddeynayaa in waqtigu is beddelay, shacabkuna ay diyaar u yihiin inay difaacaan xaqooda iyo karaamadooda
Hon Abdullahi Yusuf Mohammed
Hon Abdullahi Yusuf Mohamed
Hon Yusuf Mohamed Aden
Hon Maslah Shariif Ibraahim