Taliska Ciidanka Xoogga Dalka Soomaaliyeed

Taliska Ciidanka Xoogga Dalka Soomaaliyeed Waa bogga Rasmiga ah ee Taliska Ciidanka Xoogga Dalka Soomaaliyeed.

01/06/2026

BAYDHABO:-Taliyaha Ciidanka XDS Gen Ibraahim Maxamed Maxamuud''Bilaha ugu dhaw Degaanada koonfurgalbeed waxaa ka Bilaaban Doono Howlgalo Culus''

BEYDHABO—TALIYAHA CIIDANKA XOOGGA DALKA SOOMAALIYEED S/GUUTO IBRAAHIM MAXAMED MAXAMUUD OO TABABAR U FURAY CUTUBYO KA TIR...
01/06/2026

BEYDHABO—TALIYAHA CIIDANKA XOOGGA DALKA SOOMAALIYEED S/GUUTO IBRAAHIM MAXAMED MAXAMUUD OO TABABAR U FURAY CUTUBYO KA TIRSAN CIIDANKA BIRMADKA DOWLAD GOBOLEEDKA KOONFURGALBEED.

Taliyaha Ciidanka Xoogga Dalka S/Guuto Ibraahim Maxamed Maxamuud oo ay wehliyeen Wasiiro ka tirsan Maamulka KGS ayaa Dugsiga tababarka ee Magaalada Baydhabo tababar ugu furay Cutubyo ka tirsan Ciidanka Birmadka Koongfur Galbeed kuwaas oo loo diyaarinayo Dagaal ka dhanka ah Khawaarijta

S/GUUTO Ibraahim Maxamed Maxamuud ayaa ku bogaadiyay ciidamada dadaalkooda iyo geesinimadooda, waxa uuna adkeeyay in guulaha laga gaaray dagaalka ka dhanka ah argagixisada uu ku yimid isku-duubnida iyo naf-hurnimada ciidamada Qaranka iyo shacabka Soomaaliyeed.

Xafiiska Warfaafinta & Xiriirka Warbaahinta,
Ciidanka xooga Dalka Soomaaliyeed
E-mail: [email protected]

WARSAXAAFADEED.BEYDHABO 30 MAY 2026
30/05/2026

WARSAXAAFADEED.
BEYDHABO 30 MAY 2026

Kusimaha Taliyaha CXDS ahna Taliyaha Ciidanka Dhulka XDS Gen Sahal Cabdulahi Cumar oo ay wehliyaan saraakiil ka tirsan X...
28/05/2026

Kusimaha Taliyaha CXDS ahna Taliyaha Ciidanka Dhulka XDS Gen Sahal Cabdulahi Cumar oo ay wehliyaan saraakiil ka tirsan Xoogga Dalka, ayaa Xarunta Taliska Xoogga ku soo dhaweeyay wafdi ka socda Dowladda Talyaaniga oo uu wehlinayo Military Attaché-ga Dowladda Talyaaniga,

Kulankan ayaa diiradda lagu saaray xoojinta iskaashiga iyo wada shaqeynta u dhaxeysa CXDS iyo Ciidanka Dowladda Talyaaniga, gaar ahaan dhinacyada taageerada, tababarrada iyo horumarinta ciidamada.

Geesta kale Taliyaha ayaa uga mahadceliyay Dowladda iyo Taliska Ciidanka Talyaaniga taageerada joogtada ah ee ay la garab taagan yihiin CXDS, isagoo xusay muhiimadda ay leedahay iskaashiga labada dhinac ee ku aaddan horumarinta iyo tayeynta ciidamada Xoogga.

Ugu dambeyn wafdiga Ka socday Dowladda Talyaaniga ayaa dhankooda uga mahadceliyay Taliska CXDS soo dhaweynta diirran iyo martiqaadka wanaagsan ee loo sameeyay, iyagoo muujiyay sida ay uga go’an tahay sii wadidda taageerada iyo wada shaqeynta kala dhaxeysa Ciidanka Xoogga Dalka Soomaaliyeed.

26/05/2026

Kusimaha Taliyaha Ciidanka Xoogga Dalka Soomaaliyeed ahna Taliyaha Ciidanka Dhulka XDS Sareeye Guuto Sahal Cabdulahi Cumar "Gen khaalid" ayaa munaasabadda Ciidul Adxaa awgeed hambalyo u diray guud ahaan ummadda Soomaaliyeed, gaar ahaan geesiyaasha Ciidanka Xoogga Dalka Soomaaliyeed iyo qoysaskooda.

26/05/2026

Ciid Mubarak, Farxad ku Ciid meel waliba aad joogto, fariin Ka timid geesiyada Xoogga Dalka .

Taliyaha Ciidanka XDS Gen Ibraahim Maxamed Maxamuud, ayaa hambalyo ku aaddan Munaasabadda Barakeysan ee Ciidul Adxaa u d...
26/05/2026

Taliyaha Ciidanka XDS Gen Ibraahim Maxamed Maxamuud, ayaa hambalyo ku aaddan Munaasabadda Barakeysan ee Ciidul Adxaa u diray Guud ahaan Ummada Muslimiinta Gaar ahaan Shacabka Soomaaliyeed.
Taliyaha ayaana si gaar ah hambalyo ugu diray Ciidamada Qalabka Sida Gaar ahaan Ciidanka XDS ee habeen iyo maalin u taagan
Difaaca Qaranka iyo ilaalinta Shacabka Soomaaliyeed.

26/05/2026

Ciidanka Xoogga Dalka Somaliyeed awoodiisa iyo Sharafta magacii lagu yaqaanay kor ayay u qaaden” Kusimaha taliyaha CXDS ahna taliyaha Ciidanka Dhulka XDS Gen Sahal Cabdullahi Cumar.

25/05/2026

Ku Simaha Taliyaha xoogga Ahna Taliyaha ciidanaka dhulka S/guuto Sahal abdullahi Cumar. Ayaa tababar ufuray cutubyo ka tirsan Ciidanka xoogga dalka.

Kusimaha Taliyaha Ciidanka Xoogga Dalka Soomaaliyeed (XDS), ahna Taliyaha Ciidanka Dhulka XDS, Gen. Sahal Cabdullaahi Cu...
25/05/2026

Kusimaha Taliyaha Ciidanka Xoogga Dalka Soomaaliyeed (XDS), ahna Taliyaha Ciidanka Dhulka XDS, Gen. Sahal Cabdullaahi Cumar, ayaa maanta si rasmi ah tababar ugu furay Dufcadda 12-aad ee Kumaandooska Danab, kuwaasi oo lagu tababarayo Dugsiga Tababarka Shahiid G/le Xasan Tuure ee Bali-doogle.

Munaasabada furitaanka Tababarka ayaa waxaa goob joog ahaa Taliyaha Taliska tababarada iyo dogtariinka XDS Gen axmed Ciise Axmed, Taliyaha Guutada 16aad ee Kumaandooska Danab Col Cabdicasiis Xuseen Maxamed saraakiil sare oo ka tirsan Ciidanka Xoogga Dalka Soomaaliyeed, madax ka socotay saaxiibada caalamiga ah, iyo saraakiil ka tirsan howlgalka taageerada Midowga Afrika ee Soomaaliya (AUSOM) iyo ciidamada Uganda ee UPDF.

Taliyaha Guutada 16-aad ee Kumaandooska Danab, Col. Cabdicasiis Xuseen Maxamed, (Military) ayaa Dufcadan cusub ee bilaabaya marxaladda adag ee tababarka Kumaandooska Danab Ku booriyay Ka dhabeynta hadafkooda Waxa uuna tilmaamay in dufcaddan cusub la siin doono tababaro heer sare ah

Geesta kale Taliyaha Taliska Tababarada iyo Doktariinka XDS, Gen. Axmed Ciise Axmed, ayaa tilmaamay in tababarkan uu qeyb ka yahay qorshaha lagu tayeynayo ciidanka Xoogga Dalka , waxa uuna xusay in muhiimad gaar ah la siinayo tayada tababarka iyo kor u qaadidda xirfadaha ciidamada.

Ugu dambeyn Kusimaha Taliyaha Ciidanka Xoogga Dalka Soomaaliyeed, ahna Taliyaha Ciidanka Dhulka XDS, Gen. Sahal Cabdullaahi Cumar, ayaa tilmaamay in uu furan yahay Tababarka Dufcada 12aad Kumaan Dooska Danab Asagoona Dufcada cusub ku bogaadiyay go'aan qaadashada ey ku doorteen ku biirista Ciidamada Xoogga Dalka

Gaba gabadii Munaasabada Taliyaha ayaa kormeer ku sameeyay goobaha tababarada Ciidamada

Dugsiga Tababarka Shahiid G/le Xasan Tuure ee Bali-doogle ayaa ka mid ah xarumaha ugu muhiimsan ee lagu tababaro ciidamada Kumaandooska Danab, kuwaasi oo door weyn ka qaatay howlgalada lagu ciribtirayo Argagixisada iyo sugidda amniga guud ee dalka.

Address

Mogadishu

Telephone

+252614470993

Website

https://x.com/snaforce?s=21

Alerts

Be the first to know and let us send you an email when Taliska Ciidanka Xoogga Dalka Soomaaliyeed posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Taliska Ciidanka Xoogga Dalka Soomaaliyeed:

Shortcuts

Share

Category