Golaha Dhallinyarada Qaranka Soomaaliyeed

Golaha Dhallinyarada Qaranka Soomaaliyeed Contact information, map and directions, contact form, opening hours, services, ratings, photos, videos and announcements from Golaha Dhallinyarada Qaranka Soomaaliyeed, Government Organization, Mogadishu-Somalia, Mogadishu.

Golaha Dhallinyarada Qaranka Soomaaliyeed
Waa Gole Matala Guud Ahaan Dhallinyarada Soomaaliyeed Kana Shaqeeya Horumarinta, Mideynta Iyo Dhiiragalinta Halabuurka Dhalinyarada, Iyada Oo La Raacayo Halbeegyada Horumarineed Ee Heer Qaran.

Guddoomiyaha Dhallinyarada Qaranka Soomaaliyeed Mudane Mohamed Ali Siad ayaa isugu yeeray dhallinyarada Suxufiyiinta Soo...
20/04/2026

Guddoomiyaha Dhallinyarada Qaranka Soomaaliyeed Mudane Mohamed Ali Siad ayaa isugu yeeray dhallinyarada Suxufiyiinta Soomaaliyeed ee ka shaqeeya Magaalada Muqdisho.

Ujeedka kulanku waxa uu ahaa isku xirka guud iyo is-caawintooda, waxaana sidoo kale la is-faray in wanaagga si wadajir ah looga shaqeeyo.

Sidoo kale waxaa kulanka looga hadlay sidii ay waxbarasho iyo caafimaad ku heli lahaayeen carruurta ay waalidkooda suxufiyiinta ahaayeen oo ay geeriyoodeen rabbi ha u naxariistee.

Suxufiyiinta aragtidii ay goobta ka jeediyeen waxaa ka soo baxay in laga shaqeeyo wanaag oo dhan oo uu ugu horreeyo arrimaha xabsiga oo ay diyaar u yihiin inay ka shaqeeyaan, una istaagi doonaan sidii ay dalkaan ugu adeegi lahaayeen oo ay wax badan ugu qaban lahaayeen.

Guddoomiyaha Dhallinyarada Qaranka ayaa Suxufiyiinta uga mahadceliyey wanaagga ay isla garteen iyo in dhanka wanaagsan loogu adeego dalkeenna, bulshadana ay iyagu jiheeyaan.

Ugu dambeyn Gudomiyaha Ayaa u mahad celiyay Maamulka Silver oo casuumada ka Aqbashay iyo hab Maamuska kulanka.

Guddoomiyaha dhallinyarada qaranka Soomaaliyeed Mudane Mohamed Ali Siad ayaa ka qeyb-galay madal ay soo agaasimeen Ururk...
19/04/2026

Guddoomiyaha dhallinyarada qaranka Soomaaliyeed Mudane Mohamed Ali Siad ayaa ka qeyb-galay madal ay soo agaasimeen Ururka dhallinyarada Himilo.

Guddoomiyaha dhallinyarada qaranka ayaa casuumaad rasmi ah ka helay guddoomiyaha Ururka Dhallinyarada Himilo Cumar Muuse.

Kulankan ujeedkiisu waxa uu ahaa sidii dhallinyaradu dhinaca wanaagsan ugu adeegsan lahaayeen warbaahinta bulshada, isla markaana dhallinyarada looga faa'iideeyo dhanka wanaagsan, isla markaana laga hor istaago dhanka xun, waxyaabahaas oo tababar ku saabsan loo sameeyey.

Waxaa tababarkaas bixinayay Ustaad Maxamed Ashari oo kaalinta ugu weyn kulahaa si fiicanna uga qeyb-qaatay tababarkaas dhallinyarada looga faa'iideynayay.

Guddoomiyaha dhallinyarada qaranka ayaa kula dardaarmay dhammaan dadkii madashaasi ka soo qeyb-galay in mar walba laga shaqeeyo wanaagga mar walbana la faafiyo samaha.

Ugu dambeyn guddoomiyaha dhallinyarada qaranka ayaa si gaar ah ugu mahadceliyey dhallinyarada Ururka Himilo oo runtii u istaagay wacyi-gelinta arrimaha bulshada.

19/04/2026

Guddoomiye Ku-xigeenka Labaad ee Golaha Dhallinyarada Qaranka Soomaaliyeed, Mudane Salmaan Hussein Ibrahim, ayaa maanta kulan muhiim ah la yeeshay qaar kamid ah dhallinyarada magaalada Baydhabo.

Kulankan ayaa diiradda lagu saaray wacyigelinta dhallinyarada ee ku aaddan qaadashada kaarka codbixinta doorashooyinka, iyo doorka ay ku leeyihiin ka shaqeynta amniga iyo xasilloonida magaalada.

Mudane Salmaan Hussein Ibrahim ayaa dhallinyarada ku dhiirrigeliyay in ay si firfircoon uga qeyb qaataan howlaha doorashooyinka, isla markaana ay qaataan kaalintooda ku aaddan ilaalinta nabadda iyo horumarka dalka.

Dhallinyarada kulanka ka qeyb gashay ayaa soo dhoweeyay fariimaha iyo dhiirrigelinta, iyagoo muujiyay diyaar u ahaanshahooda ka qeyb qaadashada arrimaha doorashooyinka iyo sugidda amniga.

Weli waxaa socda Gurmadka Abaaraha ee Daryeel Bulsho ay ka wadaan Gobollada dalka Soomaaliya.Maanta waxaan deeq raashin ...
17/04/2026

Weli waxaa socda Gurmadka Abaaraha ee Daryeel Bulsho ay ka wadaan Gobollada dalka Soomaaliya.

Maanta waxaan deeq raashin ah gaarsiinnay qoysas dan yar ah oo ku dhaqan duleedka Magaalada Kismaayo, kuwaasoo horay ugu sameynnay biyo dhaamin.

Howshaan gurmadka ah waxaa hoggaaminayay Guddoomiye Xawaari, waxaana kaalin muuqata ka qaatay gurmadkaan dhallinyaro ka soo jeedda Kismaayo.

Maadaama abaaro xoog leh ay ku dhufteen dalka Soomaaliya, gurmadka abaaraha waxaan ka fulinnay magaalooyin badan oo ku kala yaalla gobollada kala duwan ee dalka.

Daryeel Bulsho waa Urur safamafal oo u taagan bulshada Soomaaliyeed, waxaan u mahadcelinaynaa cid walba oo caawinta dadka Soomaaliyeed noo wakiilatay iyo qof waliba oo xoog iyo hantiba ku bixiyey sidii walaalahaas gurmad loo gaarsiin lahaa illaahay ajar iyo xasanaad haka siiyee.

Gurmadkuna intaan kuma ekaan doono oo waa uu sii socon doonaa.

Guddoomiyaha Dhallinyarada Qaranka Soomaaliyeed Mudane Mohamed Ali Siad ayaa maanta ka qeyb-galay kulan ay qabatay Wasaa...
16/04/2026

Guddoomiyaha Dhallinyarada Qaranka Soomaaliyeed Mudane Mohamed Ali Siad ayaa maanta ka qeyb-galay kulan ay qabatay Wasaaradda dhallinyarada iyo ciyaaraha, kaasoo loo qabtay Hoggaamiyeyaasha Ururrada dhallinyarada ee ka shaqeeya arrimaha dhallinyarada.

Agaasimaha Guud ee Wasaaradda Dhallinyarada iyo Ciyaaraha mudane Axmed Yuusuf Xasan oo kulan hoggaaminayay ayaa dhallinyarada ka shaqeeya arrimaha dhallinyarada ka xog-wareystay howlaha ay wadaa iyo diyaar-garowga maalinta dhallinyarada Soomaaliyeed oo ku beegan 15-ka May.

Sidoo kale kulankan waxaa ka qeyb-galay Ururada madaxa bannaan, ururada bulshada qeybahooda kala duwan, qaar ka mid ah Jaamacadaha dalka iyo dhallinyarada baahiyaha gaarka ah qaba, waxaana diiradda lagu saaray maalinta dhallinyarada Soomaaliyeed.

Intii kulanku socday waxaa la isku dhaafsaday aragtiyo fikrado wax ku ool ah, waxana sidoo kale goobjoog ka ahaa Agaasimaha Waaxda Horumarinta Dhallinyarada Ayaan Cabdullahi.

Waxaa la isku raacay oo la adkeeyey muhiimadda ay leedahay midnimada dhallinyarada Soomaaliyeed, iyadoo la isla gartay in maalintaan qaran si wadajir ah looga shaqeeyo qaban-qaabadeeda.

Guddoomiyaha Golaha Dhallinyarada Qaranka Mudane Mohamed Ali Siad ayaa maanta ka qeyb-qaatay Ololaha Todobaadka Dhir-bee...
14/04/2026

Guddoomiyaha Golaha Dhallinyarada Qaranka Mudane Mohamed Ali Siad ayaa maanta ka qeyb-qaatay Ololaha Todobaadka Dhir-beerista Qaranka oo ay si wadajir ah u hirgaliyeen Wasaaradaha Deegaanka iyo Isbeddelka Cimilada iyo Dhallinyarada Dhallinyarada iyo Ciyaaraha.

Munaasabadda Ololaha Todobaadka Dhir-beerista Qaranka ayaa maanta lagu qabtay Xarunta Dhallinyarada Soomaaliyeed (SYL), waxaana hoggaaminayay Wasiirka Deegaanka iyo Isbeddelka Cimilada, Sareeye Guud Mudane Bashiir Maxamed Jaamac, iyo Wasiirka Dhallinyarada iyo ciyaaraha Mudane Maxamed Cabdulqaadir.

Waxaa munaasabadan ka qeyb-galay Guddoomiyaha Golaha Dhallinyarada Qaranka Mudane Mohamed Ali Siad, masuuliyiin heer farsamo, howl-wadeennada Wasaaradaha iyo dhallinyaro Soomaaliyeed, kuwaasoo door weyn ka qaatay xirgelinta Ololahan Dhir-beerista.

Wasiirka Deegaanka iyo Isbeddelka Cimilada, Sareeye Guud Mudane Bashiir Maxamed Jaamac, iyo Wasiirka Dhallinyarada iyo ciyaaraha Mudane Maxamed Cabdulqaadir ayaa munaasabadda ka sheegay muhiimadda ay leedahay dhir-beerista, iyadoo carrabka ku adeeyey in bulshada Soomaaliyeed ay si sax ah uga qeyb-qaataan.

Si loo helo deegaan cagaaran oo nadiif ah, waxaan xoojinaynaa in bulshada Soomaaliyeed ay si weyn uga qeyb-qaadato Ololaha Dhir-beerista Qaranka.

Guddoomiyaha Golaha dhallinyarada qaranka Soomaaliyeed Mudane Mohamed Ali Siad ayaa maanta ka qeyb-galay kulan uu shir g...
13/04/2026

Guddoomiyaha Golaha dhallinyarada qaranka Soomaaliyeed Mudane Mohamed Ali Siad ayaa maanta ka qeyb-galay kulan uu shir guddoominayay Agaasimaha Guud ee Wasaaradda Dhallinyarada iyo Ciyaaraha Agaasime Axmed Xasan Yusuf

Kulanka ujeedkiisu waxa uu ahaa mid looga arrinsanayay maalinta dhallinyarada ee 15 May.

Waxaa kulanka ka soo qeyb-galay Agaasimeyaasha Wasaaradda, lataliyeyaasha Wasaaradda qeybaheeda kala duwan.

Runtii wax badan ayaa lagu falanqeeyey iyo sidii dhallinyarada Soomaaliyeed maalintooda loo weynayn lahaa 15 May.

Guddoomiyaha dhallinyarada qaranka Soomaaliyeed Mudane Mohamed Ali Siad ayaa carrabka ku dhuftay in maalintaas oo ah maalinta dhallinyarada ay ka duwanaan doonto sanadihii h**e, isla markaana si weyn loogu dabbaal-degi doono iyadoo Wasaaradda iyo Golaha dhallinyarada qaranku ay iska kaashan doonaan dabbaal-degyada dhallinyarada ee maalintaas.

Guddoomiyaha dhallinyarada qaranka Mudane Mohamed Ali Siad (Champion) ayaa magaalada Muqdisho ku soo dhoweeyey labada dh...
09/04/2026

Guddoomiyaha dhallinyarada qaranka Mudane Mohamed Ali Siad (Champion) ayaa magaalada Muqdisho ku soo dhoweeyey labada dhallinyaro ee Abdinasir Abdikadir Mohamed iyo Aisha Osman Iikow oo Soomaaliya guulo uga soo hooyey tartanka abaal-marinnada da'yarta bariga Afrika ee East African Youth Awards.

Abdinasir Abdikadir Mohamed oo loo yaqaanno (4C) ayaa ku soo guuleystay “Best Excellency Award – Art” ee East African Youth Awards 2025/2026.

Abdinasir Abdikadir Mohamed oo ah farshaxan Soomaaliyeed ayaa ku guuleystay abaal-marinta caalamiga ah ee “Best Excellency Award – Art” ee tartanka East African Youth Awards (EAYA) 2025/2026 oo lagu qabtay magaalada Arusha ee dalka Tanzania.

Dhinaca kale Aisha Osman Iikow ayaa iyaduna ku soo guuleysatay abaal-marinta ee “Best Excellency Award – Fashion & Design” ee tartanka East African Youth Awards (EAYA) 2025/2026.

Barnaamijka East African Youth Awards (EAYA) waa madal goboleed ay soo qabanqaabiso hay’adda EAYA, laguna aqoonsado oo dhiirri-geliyo hal-abuurka dhallinyarada dalalka ku mideysan East African Community (EAC), waxaana ku tartamay dhallinyaro ka kala socotay 8 dal oo Bariga Afrika ah.

Guddoomiyaha ayaa hambalyeey dhallinyarada oo bogaadiyey, waxaana uu u ballan-qaaday inuu la kulansiin doono madaxda qaranka ee dalka ugu sarreysa maadaama ay sare u qadeen magaca Soomaaliya.

Soo dhoweynta dhallinyaradan waxaa sidoo kale qeyb ka ahaa agaasime ku xigeenka bariga Afrika ee Wasaaradda arrimaha dibadda Mudane Saacid Ciise iyo sidoo kale guddoomiye ku xigeenka Kashaafada qaranka Abdifatah Bashi Xawaari oo si wada jir ah u so dhaweyeen labadaan dhalinyaro.

Guddoomiyaha Dhallinyarada Qaranka Soomaaliyeed Mudane Mohamed Ali Siad (Champion) oo hoggaaminaya Ururka Safamalka ee D...
07/04/2026

Guddoomiyaha Dhallinyarada Qaranka Soomaaliyeed Mudane Mohamed Ali Siad (Champion) oo hoggaaminaya Ururka Safamalka ee Daryeel Bulsho ayaa maanta xafiiskiisa ku booqday Dr. Ismail Mohamed Ali oo ah dhaqtar qaabilsan xanuunada ku dhaca cunaha, degaha iyo sanka.

Ujeedka guud ee Guddoomiyaha dhallinyarada qaranku ugu tagay waxay ahayd inuu u mahadceliyo Dr. Ismail Mohamed Ali oo caawiyey isla markaana si lacag la'aan ah qaliin ugu sameeyay wiil yar oo xanuunsanaa in muddo ah.

Wiilkan yar oo uu sida lacag la'aanta ah ku daweeyey Dr. Ismail waxaa lagu magacaabaa Abdirashid Idiris Muhudin waxa uu ka soo jeedaa qoys danyar ah, waxaana uu ku nool kaam ku yaalla duleedka Magaalada Muqdisho, waxaa laga qalay buro muddo 8 sano ah sanka kaga taallay.

Sidoo kale Abdirashiid Yare iyo Hooyadiis Kaafiyo Siciid ayaa iyaguna u yimid inay u mahadceliyaan Dr. Ismail, maadaama hadda uu Abdirashiid caafimaad qabo shalayna muddo 8 sano uusan hadli karinka hor inta aan qalliinka lagu sameynin iyo sidoo kale inay u mahadceliyaan Isbitaalka Shaafi iyo Ururka samafalka Daryeel Bulsho.

Guddoomiyaha Golaha Dhallinyarada Qaranka Soomaaliyeed Mudane Mohamed Ali Siad (Champion) ayaa hambalyo iyo bogaadin u d...
05/04/2026

Guddoomiyaha Golaha Dhallinyarada Qaranka Soomaaliyeed Mudane Mohamed Ali Siad (Champion) ayaa hambalyo iyo bogaadin u diray labada dhallinyaro ee Abdinasir Abdikadir Mohamed iyo Aisha Osman Iikow oo Soomaaliya guulo uga soo hooyey tartanka abaal-marinnada East African Youth Awards.

Abdinasir Abdikadir Mohamed oo loo yaqaanno (4C) ayaa ku guuleystay “Best Excellency Award – Art” ee East African Youth Awards 2025/2026.

Abdinasir Abdikadir Mohamed oo ah farshaxan Soomaaliyeed ayaa ku guuleystay abaal-marinta caalamiga ah ee “Best Excellency Award – Art” ee tartanka East African Youth Awards (EAYA) 2025/2026 oo lagu qabtay magaalada Arusha, Tanzania.

Dhinaca kale Aisha Osman Iikow ayaa iyaduna ku soo guuleysatay abaal-marinta ee “Best Excellency Award – Fashion & Design” ee tartanka East African Youth Awards (EAYA) 2025/2026.

Barnaamijka East African Youth Awards (EAYA) waa madal goboleed ay soo qabanqaabiso hay’adda EAYA, laguna aqoonsado oo dhiirri-geliyo hal-abuurka dhallinyarada dalalka ku mideysan East African Community (EAC).

Abaalmarintan waxay ka kooban tahay in ka badan 36 category, halkaas oo category kasta ay ku tartamaan dhalinyaro ka kala socota 8 dal oo Bariga Afrika ah.

Guddoomiyaha Champion ayaa qadka taleefanka kula xiriiray labadaan dhallinyarada ah ee guusha u soo hooyey Soomaaliya, wuxuuna ugu hambalyeey guushooda.

Guddoomiyaha Dhallinyarada Qaranka Soomaaliyeed Mudane Mohamed Ali Siad ayaa isaga iyo qaar ka mid ah bahda Warbaahinta ...
03/04/2026

Guddoomiyaha Dhallinyarada Qaranka Soomaaliyeed Mudane Mohamed Ali Siad ayaa isaga iyo qaar ka mid ah bahda Warbaahinta waxa ay maanta kulan la yeesheen Wasiirka Dastuurka iyo Cadaalladda Soomaaliya Mudane Xasan Macallin.

Wasiirka oo maanta Guddoomiyaha Dhallinyarada qaranka iyo qeyb ka mid ah Suxufiyiinta Soomaaliyeed ku qaabilay gurigiisa ayaa kulanka ujeedkiisu waxa uu ahaa sidii lagu soo dayn lahaa oo uu xoriyaddiisa dib ugu heli lahaa Wariye Abdihafid oo labo maalmood xiran.

Guddoomiyaha dhallinyarada qaranka Mudane Mohamed Ali Siad oo hoggaaminayay qaar ka mid ah bahda Warbaahinta ayaa ka codsaday Wasiirka Dastuurka iyo Cadaalladda Mudane Xasan Macallin in xoriyaddiisa la siiyo Wariye Abdihafid.

Waxaana lagu ballamay hadda kaddib in Warbaahintu ay ilaalin doonto shuruucda dowladda, isla markaana dowladdu ay dhowri doonto midda Suxufiyiinta, wax walibana lagu dhammayn doono wadahadal iyadoo shuruucda labada dhan la ilaalinayo.

Si guud Guddoomiyaha dhallinyarada qaranka ayaa carrabka ku dhuftay in guud ahaan dhallinyarada Soomaaliyeed xorinimadoodu ay muqaddas tahay oo loo baahan yahay in dhallinyaradu ay xoriyad helaan, maadaama ay dowladnimo jirto.

Wasiirka ayaa ballanqaaday in sida ugu dhaqsiyaha badan la sii deyn doono Wariye Abdihafid, waxaana sidoo kale kulanka ku soo biiray Wasiirka Waxbarashada Faarax Sheekh Cabdulqaadir oo isaguna ballanqaaday in dowladdu ay mar waliba diyaar u tahay in dhallinyarada Soomaaliyeed ay si xor ah u noolaadaan, ayna garab u noqon doonaan dhallinyarada, hadda kaddibna la sameyn doono shuruuc u taallada Dowladda iyo Suxufiyiinta.

Gudomiyaha Dhalinyaradda Qaranka Mudane Mohamed Ali Siad oo hogaaminayo dhallinyarada Gurmadka Abaaraha ee Daryeel Bulsh...
20/03/2026

Gudomiyaha Dhalinyaradda Qaranka Mudane Mohamed Ali Siad oo hogaaminayo dhallinyarada Gurmadka Abaaraha ee Daryeel Bulsho maanta waxay la ciidaysteen dadka ay abaaruhu aadka u saameeyeen ee ku dhaqan duleedka Magaalada Baydhabo ee xarunta Gobolka Baay.

Waxay biyo dhaamin u sameyeen 350 oo qoys, sidoo kale waxay raashin u qeybinnay 100 qoys, runtiina waxa ay ahayd maalin ugu duwan ciidaha kale.

Dadkaan danyar ah farxadda ciidda ayay la qeybsadeen waxayna Allaah SWT ka sokow mahaddaas iska leh Shirkadda Astaan oo runtii kafaalo qaadday dadkaas biyaha dhaamintooda iyo raashin qeybintoodaba.

Sanadaha kale wa ay ugu duwanayd sanadkaan maadaama aan la dareen ahayen dadka masaakiinta ah ee ay abaaruhu aadka u saameeyeen.

Waxayna indhaha soo saarnay sida ay dadku ugu harraadan yihiin biyaha iyo xaaladaha ay ku jiraan, marka laga soo tago biyo la'aanta iyo baad la'aanta haysata, sidoo kale waxaa jira dad caafimaad-darro ay halkaas ku haysato.

Dadkeennu maanta ayay noo baahan yihiin, dhammaan intii ka qeyb-qaadatay waa ku mahadsan yihiin gaar ahaan maamulka Astaan oo gartay inay garab istaagaan dadkooda, ilaahay ajar iyo xasanaad haka siiyo.

Address

Mogadishu-Somalia
Mogadishu

Opening Hours

Monday 08:00 - 16:00
Tuesday 08:00 - 16:00
Wednesday 08:00 - 16:00
Thursday 08:00 - 14:30
Saturday 08:00 - 16:00
Sunday 08:00 - 16:00

Website

Alerts

Be the first to know and let us send you an email when Golaha Dhallinyarada Qaranka Soomaaliyeed posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Golaha Dhallinyarada Qaranka Soomaaliyeed:

Shortcuts

Share

Category