03/05/2026
Urur Siyaasadeedka Madalsan waxa uu si rasmi ah ugu dhawaaqayaa musharraxa Ururka Madalsan ee xilka Madaxweynaha Dowlad Goboleedka Koonfur Galbeed;
Mudane: Dr. Ibrahim Moalim Nur
Dr. Ibrahim Moalim Nur waa halgamaa qaran, hoggaamiye geesi ah, iyo shaqsi muddo dheer u adeegayay bulshada Soomaaliyeed, gaar ahaan dadka danyarta ah ee u baahan gargaar iyo daryeel.
Waa aasaasaha xarumo caafimaad (isbitaallo) oo loogu talagalay in lagu badbaadiyo laguna daryeelo dadka aan awoodin adeegyada caafimaadka, taas oo ka tarjumeysa naxariistiisa, xilkasnimadiisa iyo u heellanaantiisa adeegga bulshada.
Ururka Madalsan waxa uu aaminsan yahay in Dr. Ibrahim uu leeyahay:
• Aragti fog oo hoggaamineed
• Khibrad iyo karti siyaasadeed
• Daacadnimo iyo u adeegidda shacabka
• Hufnaan iyo cadaalad
Barnaamijka Musharraxa
Musharrax Dr. Ibrahim Moalim Nur waxa uu xoogga saari doonaa:
• Xoojinta amniga iyo nabadgelyada
• Furidda wadooyinka iyo isu-socodka deegaanada KGS
• Horumarinta dhaqaalaha iyo shaqo-abuurka
• Sugidda cadaaladda iyo dowlad wanaagga
• Horumarinta adeegyada bulshada (caafimaadka iyo waxbarashada)
• Dhiirrigelinta midnimada iyo wadajirka bulshada
Fariin ku socota Shacabka
Ururka Madalsan waxa uu ugu baaqayaa dhammaan shacabka Koonfur Galbeed in ay taageeraan musharraxa Dr. Ibrahim Moalim Nur, si loo helo hoggaan cusub oo horseeda nabad, horumar, cadaalad iyo mustaqbal ifaya.
Guusha shacabka waa guusha Madalsan.