26/04/2026
DHUUSAMAREEB, 25 ABRIIL 2026
Guddoomiyaha Degmada Dhuusamareeb ahna Duqa Caasimadda, Mudane Cabdiraxmaan Cali Maxamed (Geeda Qorow), ayaa shalay kusoo dhoweeyay Xarunta Maamulka Caasimadda wafdi sare oo ka socday hayโadaha Islamic Help iyo Simply Aid UK, kuwaas oo xarumo ku leh dalalka Turkiga iyo Ingiriiska.
Wafdigan ayaa u yimid caasimadda u kuurgalidda xaaladaha baniโaadamnimo iyo xoojinta iskaashiga kala dhexeeya Dowladda Hoose ee Dhuusamareeb, iyagoo kulamo la qaatay maamulka degmada kana wada hadlay fursadaha horumarineed iyo mashaariicda mudnaanta leh ee la hirgelin karo.
Guddoomiyaha Degmada ayaa sidoo kale wafdiga ku wehliyay booqasho ay ku tageen qaar kamid ah goobaha muhiimka ah ee magaalada, si ay ugu kuurgalaan baahiyaha jira iyo xaaladda nololeed ee bulshada.
Ugu dambeyn, Guddoomiyaha ayaa habeennimadii xalay u sameeyay wafdiga munaasabad sagootin ah, isaga oo uga mahadceliyay booqashadooda iyo dadaallada ay ku taageerayaan bulshada, wuxuuna rajo wanaagsan ka muujiyay xoojinta iskaashi miro-dhal ah iyo in si wadajir ah loo hirgeliyo mashaariic wax ku ool ah.
โDHAMMAADโ
Xafiiska Warbaahinta & Xiriirka Bulshada
Dowladda Hoose ee Degmada Dhuusamareeb