26/05/2026
Masuuliyiinta Wasaarada Arrimaha Gudaha iyo Amniga Somaliland oo Hambalyo u diray shacabka Somaliland iyo Shucuubta Islaamka Munaasibada Ciidal Adxa awgeed.
Wasiirka Arrimaha Gudaha iyo Amniga Somaliland, Mudane Cabdale Maxamed Carab, Wasiiru Dawlaha wasaarada Arrimaha Gudaha Mudane Cabdirashiid Maxamed Axmed (Magaalo) iyo Agaasimaha Guud ee wasaarada Arrimaha Gudaha iyo Amniga, Mudane Mxamed Cali Maxamuud, ayaa Hambalyo u diray shacabka Somaliland Munaasibada Ciidal-Adxa awgeed, Masuuliyiinta Wasaarada Arrimaha Gudaha iyo Amniga JSL, waxay shacabka Somaliland u rajeeyeen in sanadka sanadkiisa uu Ilaahay ku gaadhsiiyo Bash Bash iyo Barwaaqo, dalkuna uu gaadho Horumar balaadhan, masuuliyiintu waxay si gaara salaan ugu direen qaybaha kala duwan ee Ciidamada Somaliland, carruutooda iyo Xaasaskooda, iyaga oo Ilaahay uga baryay horumar iyo Caafimaad.
Wasiirka Arrimaha Gudaha iyo Amniga,Wasiiru Dawlaha Wasaarada iyo Agaasimaha Guud, waxay Fariin u direen dhalinyarada Maalmaha Ciida iyo Farxada dalxiiska ku taga Gobolada dalka, isla markaana ay ka dhacaan Shilal, in ay ka taxadaraan shilal iyo khasaare ay la kulmaan Baabuurta ay ku tegayaan gobolada dalkana ay si miyir qab ah u wadaan oo aanay ku socon xawaare badan oo keeni kara in ay shilal galaan.
Masuuliyiinta Sare ee Wasaarada Arrimaha Gudaha iyo Amniga Somalliland, waxay sido kale shacabka Somaliland ku booriyeen in ay la shaqeeyaan Hay`adaha Amaanka iyo Ciidamada Booliska, Maalmaha farxada ee ay socdaan Munaasibada Ciidal Adxa.
𝐁𝐚𝐬𝐡𝐢𝐢𝐫 𝐀𝐛𝐝𝐢 𝐀𝐛𝐝𝐢𝐥𝐚𝐡𝐢
𝐀𝐠𝐚𝐚𝐬𝐢𝐦𝐚𝐡𝐚 𝐰𝐚𝐫𝐛𝐚𝐚𝐡𝐢𝐧𝐭𝐚 𝐢𝐲𝐨 𝐱𝐢𝐝𝐡𝐢𝐢𝐝𝐡𝐤𝐚 𝐃𝐚𝐝𝐰𝐞𝐲𝐧𝐚𝐡𝐚 𝐄𝐞 𝐖𝐚𝐬𝐚𝐚𝐫𝐚𝐝𝐚 𝐀𝐫𝐢𝐦𝐚𝐡𝐚 𝐆𝐮𝐝𝐚𝐡𝐚 𝐢𝐲𝐨 𝐀𝐦𝐧𝐢𝐠𝐚 𝐉𝐒𝐋
