Puntland Ministry of Environment and Climate Change

Puntland Ministry of Environment and Climate Change Waa barta rasmiga ah ee Wasaaradda Deegaanka,Daaqa iyo isbedelka cimilada ee Puntland Core Functions:
.
1. Invest in disaster (e.g. drought, floods, etc.)

The Ministry of Environment, Agriculture and Climate change (MoEACC) was established in February 2009 in recognition of the need to bring and Develop plans, strategies, and policies related to the environment and agriculture in addition to mitigating climate change impacts, combating desertification, and preserving biodiversity. Ministry of Environment, Agriculture and Climate Chane (MoEACC)

Visi

on: Sustainable use of natural resources, in such a manner that would mitigate climate change impacts, contribute to achieving poverty reduction and food security, and improve the integrity of the environment and quality of life for present and future generations. Mission: To maintain efficient performance in developing and applying comprehensive policies and effective strategies, as well as promoting services by engaging the private sector, the relevant government institutions, and development partners, with a view to achieving prosperity and sustainability of the environment and food security in combination with holistic climate change mitigation actions. Contribute towards the sustainable socio-economic development of Puntland through judicious use and management of natural resources and healthy biodiversity.

2. Treat rainwater harvesting and watershed protection as precious resources that deserve investment, protection, and careful stewardship in order to enhance agricultural production and combat land degradation, by working with other government sectors and development partners.

3. mitigation and preparedness and build resilience against climate change.

4. Facilitate and coordinate mainstreaming, analytical works, communication, and knowledge management related to climate change and disaster risk reduction.

5. Explore access to climate funds (both domestic and global) and ensure their efficient utilization

BAAQ NABADEEDWasaaradda Deegaanka, Daaqa iyo Isbeddelka Cimilada Puntland waxay ugu baaqaysaa nabad iyo xasilooni degdeg...
07/05/2026

BAAQ NABADEED

Wasaaradda Deegaanka, Daaqa iyo Isbeddelka Cimilada Puntland waxay ugu baaqaysaa nabad iyo xasilooni degdeg ah iyadoo si qoto dheer uga walaacsan colaadaha kasoo cusboonaaday gobollada Sanaag iyo Karkaar, kuwaas oo salka ku haya muranno la xiriira dhul daaqsimeed.

Wasaaraddu waxay si gaar ah u xusaysaa deegaanka Laashimo ee gobolka Sanaag iyo Dooxada Aada ee gobolka Karkaar, halkaas oo ay ka dhaceen dirir aad u foolxun oo sabbatay khasaare naf iyo maalba leh. Dhacdadan murugada leh waxay muujinaysaa heerka halista ee ay gaareen isku dhacyada la xiriira khayraadka dabiiciga ah, gaar ahaan dhul daaqsimeedka.

Wasaaraddu waxay ugu baaqaysaa dhammaan dhinacyada ku lugta leh colaaddan in ay si degdeg ah u joojiyaan dagaalka, isla markaana ay ilaaliyaan nabadda, xasiloonida, iyo wada noolaanshaha bulshada walaalaha ah. Colaadaha noocan ah waxay si toos ah u saameeyaan nolosha dadka rayidka ah, waxayna halis gelinayaan deegaanka iyo khayraadka dabiiciga ah ee ay ku tiirsan yihiin bulshooyinka reer miyiga ah.

Wasaaraddu waxay xusuusinaysaa muhiimada ay leedahay: In la dhowro xeerarka dhaqanka iyo wadajirka bulshada, In khilaafaadka lagu xalliyo wada-hadal, isfahan, iyo hab nabadeed, In la ilaaliyo deegaanka iyo daaqa si waara, maadaama ay yihiin hantida guud ee ummadda reer Puntland.

Ugu dambeyn, Wasaaradda Deegaanka, Daaqa iyo Isbeddelka Cimilada waxay mar kale ku celinaysaa baaqeeda nabadeed, iyadoo ku boorrinaysa dhammaan dhinacyada inay doortaan wadada nabadda, wada noolaanshaha, iyo horumarka.

Nairobi, Kenya: Wasaaradda Deegaanka, Daaqa iyo Isbeddelka Cimilada Dowladda Puntland ayaa ka qayb gashay shir lagu fala...
06/05/2026

Nairobi, Kenya: Wasaaradda Deegaanka, Daaqa iyo Isbeddelka Cimilada Dowladda Puntland ayaa ka qayb gashay shir lagu falanqeeyay waxqabadka iyo caqabadaha mashruuca Dib-u-cagaarinta Afrika – Wajigiisa Labaad (Regreening Africa II).

Puntland ayaa ka mid ah meelaha laga hirgelinayo mashruucan, iyadoo lagu guuleystay dib-u-dayactirka deegaanno burburay, taas oo door muhiim ah ka qaadanaysa soo kabashada deegaanka iyo xoojinta nolol-maalmeedka bulshada.

-DHAMMAAD-
-Xafiiska warfaafinta iyo xiriirka dadweynaha

Wasiirka Dawlaha ee Wasaaradda Deegaanka, Daaqa iyo Isbedelka Cimilada Mukhtar Axmed Maxamed oo uu weheliyo Agaasimaha G...
06/05/2026

Wasiirka Dawlaha ee Wasaaradda Deegaanka, Daaqa iyo Isbedelka Cimilada Mukhtar Axmed Maxamed oo uu weheliyo Agaasimaha Guud ee Wasaaradda Shaafici Maxamud Ismacil ayaa maanta shir la qaatay madax ka socotay hay’adda Save the Children.

Kulankan ayaa diiradda lagu saaray sidii loo xoojin lahaa iskaashiga Wasaaradda iyo hay’adda si wax looga qabto dhibaatooyinka ka dhasha isbedelka cimilada ee Puntland.

Labada dhinac ayaa ka wada hadlay qorshayaal iyo tallaabooyin lagu taageerayo bulshada si ay uga hortagaan saameynta isbedelka cimilada, iyadoo la isku raacay in la xoojiyo wacyigelinta iyo barnaamijyada ka hortagga xaalufka deegaanka.

Wasiirka Wasaaradda Deegaanka, Daaqa iyo Isbeddelka Cimilada Dowladda Puntland Mudane Caydaruus Axmed Faarax - Oday oo s...
02/05/2026

Wasiirka Wasaaradda Deegaanka, Daaqa iyo Isbeddelka Cimilada Dowladda Puntland Mudane Caydaruus Axmed Faarax - Oday oo safar shaqo ku jooga degmada Badhan ayaa kormeer shaqo ku tagay deegaannada Higlodeero, Habarshiro iyo Xarkadheere.

Kormeerkan ayaa ujeeddadiisu ahayd qiimeynta xaaladda deegaanka, dhageysiga baahiyaha bulshada, xoojinta wada-shaqeynta u dhexeysa wasaaradda iyo bulshada deegaanka.

Intii uu ku sugnaa deegaannadan, Wasiirku wuxuu kulan miro-dhal ah la qaatay qaybaha kala duwan ee bulshada iyo waxgaradka, isagoo ka dhageystay aragtiyahooda ku aaddan ilaalinta deegaanka, maaraynta daaqa, iyo saameynta isbeddelka cimilada.

-DHAMMAAD-
-Xafiiska warfaafinta iyo xiriirka dadweynaha

Wasaaradda Deegaanka, Daaqa iyo Isbeddelka Cimilada Dowladda Puntland waxay si weyn u bogaadinaysaa hawlgalka wadajirka ...
02/05/2026

Wasaaradda Deegaanka, Daaqa iyo Isbeddelka Cimilada Dowladda Puntland waxay si weyn u bogaadinaysaa hawlgalka wadajirka ah oo ay maanta fuliyeen hoggaanka Ilaalinta Deegaanka, Taliska Qaybta Booliska iyo maamulka Gobolka Karkaar, kaas oo lagaga hortagay falalka sharcidaro ah oo lagu waxyee laynayey deegaanka.

Hawlgalka ayaa lagu guulaystay soo qabashada dad ku lug lahaa dhuxul shidis iyo gaaguun tirka dhirta. Tani waxay muujinaysaa dadaalka joogtada ah ee lagu ilaalinayo deegaanka iyo dhirta.

Wasaaraddu waxay mar kale adkaynaysaa muhiimadda ay leedahay iskaashiga hay’adaha dowladda iyo bulshada, si loo xoojiyo ilaalinta deegaanka loogana hortago falalka wax u dhimaya dhirta iyo deegaanka

Wasaaradda Deegaanka, Daaqa iyo Isbeddelka Cimilada Dowladda Puntland waxay hambalyo iyo bogaadin ugu diraysaa dhammaan ...
01/05/2026

Wasaaradda Deegaanka, Daaqa iyo Isbeddelka Cimilada Dowladda Puntland waxay hambalyo iyo bogaadin ugu diraysaa dhammaan shaqaalaha Puntland, gaar ahaan hawl-wadeennada wasaaradda ee ka shaqeeya ilaalinta deegaanka, maaraynta daaqa iyo la tacaalidda isbeddelka cimilada.

Maalintani waxay astaan u tahay qiimaha iyo kaalinta lama huraanka ah ee shaqaaluhu ku leeyihiin horumarka dalka iyo bixinta adeegyo tayo leh. Dadaalka joogtada ah, kartida iyo daacadnimada shaqaalaha ayaa ah tiirka lagu gaadho hormar muuqda.

Wasaaraddu waxay mar walba ka go’an tahay horumarinta awoodda shaqaalaha, dhiirrigelinta waxqabadkooda iyo Xoojinta adeega bulshada inuu noqdo mid tayo leh.

-DHAMMAAD-

Wefti uu hoggaaminayo Wasiirka Wasaaradda Deegaanka, Daaqa iyo Isbeddelka Cimilada Dowladda Puntland Caydaruus Axmed Faa...
01/05/2026

Wefti uu hoggaaminayo Wasiirka Wasaaradda Deegaanka, Daaqa iyo Isbeddelka Cimilada Dowladda Puntland Caydaruus Axmed Faarax - Oday oo safar shaqo ku jooga Gobolka Sanaag, gaar ahaan Degmada Badhan, ayaa booqasho ku tagay deegaanka Gumar.

Wasiirka iyo weftiga uu hoggaaminayay ayaa kulan la qaatay bulshada deegaanka, iyagoo si toos ah uga dhagaystay caqabadaha jira, baahiyaha mudnaanta leh, iyo talooyinka ay bulshada ka qabaan horumarinta deegaanka iyo adeegyada aasaasiga ah.

Sidoo kale, Wasiirka iyo weftiga ayaa kormeeray waddada isku xirta deegaanka, si ay u qiimeeyaan xaaladdeeda iyo muhiimadda ay u leedahay isku socodka iyo horumarka deegaanka.

Ugu dambayn, bulshada deegaanka Gumar ayaa uga mahadcelisay Dowladda Puntland dadaallada ay ku bixinayso horumarinta adeegyada iyo ka jawaabista baahiyaha bulshada.

-DHAMMAAD-
-Xafiiska warfaafinta iyo xiriirka dadweynaha

01/05/2026

Maanta oo ah Maalinta Shaqaalaha Adduunka, waxaan hambalyo iyo bogaadin u dirayaa dhammaan shaqaalaha Puntland, gaar ahaan hawl-wadeennada Wasaaradda Deegaanka, Daaqa iyo Isbeddelka Cimilada.

Shaqaaluhu waa laf-dhabarta horumarka dowladeed. Dadaalkiinna, daacadnimadiinna iyo kartidiinnu waxay door muuqda ka qaataan ilaalinta deegaanka, horumarinta adeegyada iyo u adeegidda bulshada.

Waxaan markale idinku hambalyeynayaa maalintan qiimaha leh, waxaanan idin rajeynayaa guul iyo horumar joogto ah.

Badhan: Wasiirka Wasaaradda Deegaanka, Daaqa iyo Isbeddelka Cimilada Caydaruus Axmed Faarax - Oday ayaa wareejiyay xilka...
30/04/2026

Badhan: Wasiirka Wasaaradda Deegaanka, Daaqa iyo Isbeddelka Cimilada Caydaruus Axmed Faarax - Oday ayaa wareejiyay xilka Agaasimaha Guud ee Jaamacadda Ummadda Soomaaliyeed – faraceeda Badhan, iyadoo xilka lagu wareejiyay Dr. Cabdirishiid Shiikh Saalax.

Munaasabadda waxaa ka qaybgalay xildhibaanada golaha wakiilada, xubno ka tirsan golaha wasiirrada, Guddoomiyaha Banka Dhexe, Guddoomiyaha Gobolka Sanaag, Duqa Degmada Badhan, Taliyaha Qaybta Gobolka, iyo qaybaha kala duwan ee bulshada.

-DHAMMAAD-

Agaasimaha guud ee wasaarada deegaanka, Daaqa iyo isbeddelka DPL Mudane Shaafici Maxamud Ismacil ayaa xafiiska ku qaabil...
29/04/2026

Agaasimaha guud ee wasaarada deegaanka, Daaqa iyo isbeddelka DPL Mudane Shaafici Maxamud Ismacil ayaa xafiiska ku qaabilay madaxda ka socota hay’adda Population Services International (PSI), oo uu hoggaaminayay John Sauer, madaxa biyaha iyo fayodhawrka (Global WASH Director) iyo Cabdiqani Hersi oo ah wakiilka hay’adda ee Puntland.
‎
‎Kulanka waxaa diiradda lagu saaray shaqooyinka hay'addu waddo iyo dadaallada bulshada lagu gaarsiinayo adeegyada caafimadka, biyaha iyo fayodhowrka deegaanada fog-fog, iyo sidii loo xoojin lahaa iskaashiga horumarineed ee PSI iyo DPL.

Maxkamadda Darajada Koowaad ee degmada Burtinle ayaa xukun ku riday eedeysanayaal lagu helay falal la xiriira Ugaarsi sh...
27/04/2026

Maxkamadda Darajada Koowaad ee degmada Burtinle ayaa xukun ku riday eedeysanayaal lagu helay falal la xiriira Ugaarsi sharci darro ah iyo Ka ganacsiga duurjoogta.

Qarmaqal dabadeed maxkamadu waxa ay ku heshay eedaysanayaasha danbiyadii lagu soo eedeyay, oo ah in ay jabiyeen shuruucda ilaalinta deegaanka iyo duurjoogta.

Wasaaradda Deegaanka, Daaqa iyo Isbeddelka Cimilada ee Dowladda Puntland waxay si buuxda u boggaadinaysaa xukunka ay maxkamaddu gaartay, iyadoo u aragta tallaabo muhiim ah oo lagu xoojinayo ilaalinta deegaanka iyo duurjoogta.

Wasaaraddu waxay bulshada faraysa in ugaarsiga sharci darrada ahi uu yahay fal dambiyeed leh ciqaab sharciyeed, isla markaana ay lagama maarmaan tahay in si wadajir ah loo ilaaliyo deegaanka iyo xayawaanka duurjoogta ah ee dalka.

-DHAMMAAD-
-Xafiiska warfaafinta iyo xiriirka dadweynaha

Address

Garowe

Website

Alerts

Be the first to know and let us send you an email when Puntland Ministry of Environment and Climate Change posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Puntland Ministry of Environment and Climate Change:

Shortcuts

Share

Category