Ministry of Interior - Puntland

08/05/2026

𝐁𝐀𝐀𝐐 𝐍𝐀𝐁𝐀𝐃𝐄𝐄𝐃

𝐆𝐚𝐫𝐨𝐰𝐞: 𝐌𝐚𝐲 𝟎𝟖, 𝟐𝟎𝟐𝟔: Wasaaradda Arrimaha Gudaha, Federaalka iyo Dimuqraadiyeynta Dowladda Puntland waxay baaq nabadeed u diraysaa beelaha walaalaha ah ee dirirtu ku dhex martay dooxada Laashimo ee deegaanka Carmale, Gobolka Sanaag.

Wasaaraddu waxay si weyn uga xun tahay colaadda iyo dirirta nasiib darrada ah ee dhex martay bulshada walaalaha ah, iyadoo ugu baaqaysa dhammaan dhinacyada inay si deg-deg ah u joojiyaan colaadda, kana shaqeeyaan nabad, wada hadal iyo xasillooni waarta.

Wasaaraddu waxay tacsi tiiraanyo leh u diraysaa ehellada iyo qaraabada ay ka geeriyoodeen dadkii ku naf waayay dirirtaasi, iyadoo Alle uga baryaysa naxariistii Janno, inta dhaawacanna Eebbe u booga-dhayo.

Wasaaradda Arrimaha Gudaha waxay cod dheer ugu baaqaysaa isimada dhaqanka, cuqaasha, culimada, haweenka, dhalinyarada iyo dhammaan qaybaha bulshada inay u guntadaan sidii ay dowladda ugala shaqayn lahaayeen joojinta colaadda, daminta xiisadda, iyo ilaalinta dhiigga muslimka ee daadanaya.

Sidoo kale, Wasaaraddu waxay bogaadinaysaa ciidamada dowladda iyo waxgaradka deegaanka ee ku howlan hirgelinta xabbad-joojinta, xakameynta colaadda iyo ka hortagga khasaare dheeraad ah.

Ugu dambayn, Wasaaraddu waxay ku adkaynaysaa dhammaan dhinacyada inay si degdeg ah u qaataan xabbad-joojin buuxda, islamarkaana u hoggaansamaan dadaallada nabadaynta iyo wada-hadallada ay dowladdu waddo. Wasaaraddu waxay ku boorrinaysaa bulshada in nabaddu tahay tiirka horumarka, dowladnimada iyo jiritaanka bulshada, isla markaana aysan jirin wax lagu beddeli karo wada noolaanshaha iyo walaaltinimada ummadda wada dhalatay ee wadaagta diin, dhaqan, dhiig, deegaan iyo taariikh dheer oo aan go’ayn.

▪︎▪︎▪︎DHAMMAAD▪︎▪︎▪︎

XAFIISKA WARFAAFINTA IYO XIRIIRKA DADWEYNAHA WASAARADDA ARRIMAHA GUDAHA DPL.

Website: moifad.pl.so

Facebook: https://www.facebook.com/Moifad.

Twitter https: https://x.com/MOIFAD.

Tiktok: https://www.tiktok.com/.

Instagram:https://www.instagram.com/moifad_dpl..

06/05/2026

Badhan 06-May, 2026: Agaasimaha Qorsheynta Wasaaradda Arrimaha Gudaha Yuusuf Axmed Aw-cismaan (Yusuf Ganey) Ayaa safar shaqo ku gaaray degmada badhan ee gobolka sanaag halkaas oo laga daah-furayay mashaariic kala duwan oo ay ka midyihiin Naqshadaynta magaalada (town planka) furista wadooyinka iyo iftiiiminta layrka cadceeda iyo masharic kale oo kale duwan waxana iska kaashanayay mashariicdaas Wasaarda Arrimaha Gudaha, Wasaaradda Hawlaha Guud iyo Hay'ada Kaalo.

Kulanka waxaa kasoo qaybgalay Wasiirka Wasarada Deegaanka,Agaasimaha Guud Wasarada Hawlaha Guud,Gudoomiayaha Gobolka,Taliyaha Qaybta,Maamulka Degmada,Nabadonada,Haweenka iyo buslahada qaybaheeda kala duwan.

Ugu Danbayntii masuuliyiinta ayaa daahfuray mashaaricda kala duwan iyaga oo sidoo kale ku tagay koormeer wadooyinka iyo goobaha loogu talagalay in laga hirgaliyo layrka cadceeda,
waxayna ugu baaqeen masuuliyiintii ka qabgashay daahfurka shacabwaynaha inay la shaqeeyaan engineerada ku hawlan shaqada iyo maamulka degmada si ay badhan u noqoto meel u diyaarsan in laga hirgaliyo mashariic horumarineed..


▪︎▪︎▪︎DHAMMAAD▪︎▪︎▪︎

XAFIISKA WARFAAFINTA IYO XIRIIRKA DADWEYNAHA WASAARADDA ARRIMAHA GUDAHA DPL.

Website: moifad.pl.so

Facebook: https://www.facebook.com/Moifad.

Twitter https: https://x.com/MOIFAD.

Tiktok: https://www.tiktok.com/.

Instagram:https://www.instagram.com/moifad_dpl..
Twitter https: https://x.com/MOIFAD.

06/05/2026

Aabaha dhaley Dr "Maanta meelaan ka hadalno ama aaan gacanta ku sayrino ma joogno ".

05/05/2026

Boosaaso: May 5,2026: Wasiirka Wasaaradda Qorshaynta iyo Maalgashiga Dowladda Puntland Bare Faatax oo ay weheliyaan Agaasimaha Guud ee Wasaaradda Arrimaha Gudaha Mohamed AIi Farah Farmayerio Madaxa La-socodka Mashaariicda iyo Hawl-fulinta Dowladda Puntland ee Madaxtooyada Mawliid Bashiir Axmed iyo Duqa degmada Bosaaso Dr. Abadirahman Abdulahi Ali, ayaa maanta magaalada Boosaaso kusoo dhoweeyey wafdi sare oo ka socda Qaramada Midoobay.

Wafdiga ayaa waxaa hoggaaminaysay Ms. Shoko Noda, Kaaliyaha Xoghayaha Guud ee Qaramada Midoobay isla markaana ah Agaasimaha Qaybta Xasaradaha ee Xafiiska Horumarinta Mashaariicda Qaramada Midoobay (UNDP).

Sidoo kale wafdiga waxaa qayb ka ahaa madax ka socday hay’adaha UNHCR, UN-Habitat, IOM iyo UNCDF.

Intii ay booqashada ku jireen, wafdigu waxay kormeer ku tageen guryaha ay iska kaashadeen hay’adaha samafalka iyo Dowladda Hoose ee Boosaaso, kuwaasi oo loo dhisay qayb kamid ah dadka barakacayaasha ah (IDPs), kuna yaalla Bariga magaalada Boosaaso, deegaanka loo yaqaan “Xalka Waara”.

Wafdigan oo booqasho hal maalin ah ku yimid degmada Boosaaso ayaa qayb ka ah dadaallada lagu xoojinayo xiriirka iyo wada-shaqeynta ka dhaxaysa Dowladda Puntland, hay’adaha Qaramada Midoobay iyo Dowladda Hoose ee Boosaaso.


▪︎▪︎▪︎DHAMMAAD▪︎▪︎▪︎

XAFIISKA WARFAAFINTA IYO XIRIIRKA DADWEYNAHA WASAARADDA ARRIMAHA GUDAHA DPL.

Website: moifad.pl.so

Facebook: https://www.facebook.com/Moifad.

Twitter https: httpsMinistry of Interior - Puntland://www.tiktok.com/.

Instagram:https://www.instagram.com/moifad_dpl..
Twitter https: https://x.com/MOIFAD.

05/05/2026

05/05/2026

Hadaljeedinta Islaan Bashiir Islaan Cabdulle Islaan Faarax.

05/05/2026

Hadaljeenta Amiir Mohamuut Yuusuf Ciise

05/05/2026

05/05/2026

Hadaljeedinta Xildhibaan Abdikaafi

05/05/2026

Hadaljeedinta nabadoon Habiib Xirsi Barre