Wasaarada Howlaha Guud, Dib-u-dhiska & Guryaynta KGS

Home
Somalia
Baydhabo
Wasaarada Howlaha Guud, Dib-u-dhiska & Guryaynta KGS

Pageka rasmiga ah ee Wasaarada Howlaha Guud, Dib-u-dhiska & Guryaynta KGS

20/10/2025

Wasiirka Wasaaradda Howlaha Guud, Dib u Dhiska iyo Guryeynta ee Dowlad Koonfur Galbeed Soomaaliya, Mudane Dahir Abdi Abdullahi, iyo Agaasimaha Guud ee Wasaaradda, Mudane Abdiaziz Abdirahman Ahmed, ayaa maanta kormeer ku tegay tababar afar maalmood soconaya oo ku saabsan hagitaanka iyo habraacyada badbaadada waddooyinka, gaar ahaan kuwa dhagaxa ah ee laga dhisayo magaalada Baydhabo.

Mas’uuliyiinta Wasaaradda ayaa goobta tababarka kula hadlay ka qaybgalayaasha, iyaga oo ku booriyay inay si wanaagsan uga faa’iideystaan casharrada tababarka, si ay gacan uga geystaan hirgelinta nidaamyo casri ah oo lagu xaqiijinayo badbaadada waddooyinka.

Tababarkan ayaa qayb ka ah mashruuca dhismaha iyo horumarinta waddooyinka dhagaxa ah ee Baydhabo, kaas oo ay Wasaaradda Howlaha Guud ka taageerayaan Bangiga KFW iyo Hay’adda ILO, si loo xoojiyo aqoonta iyo xirfadaha shaqaalaha iyo farsamayaqaannada ka shaqeynaya mashaariicda waddooyinka ee gobolka.

23/09/2025

Wasaarada Howlaha guud ee dowladda KGS ayaa maanta magaalada Baydhabo ku soo xirtay tababar ku saabsan Hagayaasha Cusub ee Dhismaha ee dowladda Koonfur-galbeed, Hubinta U Hoggaansanaanta iyo Hagaajinta Tayada Mashaariicda.

Tababarkan oo socday mudo 4maalmood ah waxaa loo qabtay Engineerada wasaarada iyo qaar kamid ah Shirkadaha ka shaqeeya dhismahooyinka.

23/09/2025

Wasiirka Wasaaradda Howlaha Guud ee KGS, Mudane Dahir Abdi Abdullahi, iyo Agaasimaha Guud, Mudane Abdiaziz Abdirahman Mohamed, ayaa ka qayb galay shirweynaha Madasha Kaabayaasha Dhaqaalaha ee ka socda magaalada Dhuusamareeb.
Shirka waxaa ka soo qeyb galay Wasiirka Howlaha Guud ee Federaalka, wasiirrada howlaha guud ee maamul-goboleedyada, madaxda mashruucyada RIIP, SHIIP iyo NAGAAD, agaasimayaal iyo khubaro. Shirka oo socon doona laba maalmood ayaa looga hadlayaa horumarinta iyo xisaabtan ku saabsan mashaariicda waddooyinka dalka.
Shirka waxaa furay Madaxweyne ku xigeenka Galmudug, Mudane Cali Daahir Ciid.

20/09/2025

Wasiirka wasaaradda Howlaha guud ee dowladda KGS mudan Dahir Abdi Abdullahi oo uu wehliyo Agaasimaha guud ee wasaaradda Mudane Abdiaziz Abdirahman Mohamed ayaa maanta magaalada Baydhabo ku daahfuray tababar ku saabsan Hagayaasha Cusub ee Dhismaha ee dowladda Koonfur-galbeed, Hubinta U Hoggaansanaanta iyo Hagaajinta Tayada Mashaariicda.

Tababarkan oo socon doona mudo 4maalmood ah waxaa loo qabanayaa Engineerada wasaarada iyo qaar kamid ah Shirkadaha ka shaqeeya dhismahooyinka.

31/08/2025

Wasaarada Howlaha Guud, Dib udhiska & Guryaynta dowladda KGS ayaa magaalada Barawe ee caasimada KGS ku qabatay Doodda Siyaasadda Kaabayaasha Dhaqaalaha ee Ka Faa’iidaysiga Dadka Naafada ah.

Kulanka waxaa daahfuray Gudoomiye kuxigeenka Arimaha Bulshada degmada Barawe Marwo Binti Bakar Sayid.

Wasaarada Howlaha guud ayaa ku howlan sidii loo hirgalin lahaa dhismayaal La jaanqaadi kara SDG11 iyo CPRD ee caalamiga ah iyo sidii Kaabayaasha dhaqaalaha loo dhiso looga dhigi lahaa kuwa la jaanqaadi kara dadka Baahiyaha Gaarka ah qaba.

28/08/2025

Wasaarada Howlaha Guud, Dib udhiska & Guryaynta dowladda KGS ayaa magaalada Baydhabo ku qabatay Doodda Siyaasadda Kaabayaasha Dhaqaalaha ee Ka Faa’iidaysiga Dadka Naafada ah.

Wasaarada Howlaha guud ayaa ku howlan sidii loo hirgalin lahaa dhismayaal La jaanqaadi kara SDG11 iyo CPRD ee caalamiga ah iyo sidii Kaabayaasha dhaqaalaha la dhiso looga dhigi lahaa kuwa la jaanqaadi kara dadka Baahiyaha Gaarka ah qaba.

26/08/2025

Wasiirka Wasaarada Mudane Dahir Abdi Abdullahi ayaa Magaalada Nairobi kulan kula qaatay Madaxda Hay'ada UNHABITAT.

Kulanka waxaa looga wada hadlay Mashaariicda wasaarada iyo UNHABITAT kawada shaqaynayaan oo ay kamid yihiin Saamaynta iyo Dowlad kaab.

26/08/2025

Agaasimaha Guud ee Wasaaradda Howlaha Guud, Dib u Dhiska & Guryeynta Dowlad Goboleedka Koonfur Galbeed, Mudane Abdiaziz Warabow, ayaa ka qeyb galay shir dib-u-eegis ku saabsan Mashruuca Somalia – Horn of Africa Infrastructure and Integration Project (SHIIP) oo ka furmay magaalada Nairobi.
Shirka ayaa lagu qiimeynayaa heerka horumar iyo waxqabad ee mashruuca, iyadoo diiradda lagu saaray:
-Dib u eegista natiijooyinka la gaaray iyo caqabadaha jira,
-Is-Waafajinta yoolalka mashruuca iyo mudnaanta dowladeed,
-Tayada iyo waxtarka howlaha la qabtay,
-Hufnaanta dhinaca maaliyadda iyo bixinta,
-Taageerada farsamo iyo tababarrada, iyo
Qorshaha fulinta ee muddada harsan.
Shirka waxaa ka soo qeyb galay mas’uuliyiin heer qaran iyo dowlad-goboleed, shaqaalaha mashruuca iyo hay’adaha bah-wadaagta ah.

12/08/2025

Wasaarada Howlaha guud, Dib udhiska & Guryaynta KGS ayaa magaalada Baydhabo ku daahfurtay Tababar laba maalmood soconaya oo ku saabsan Hagaajinta Habraacyada Maamulka Dhulka iyo Dukumentiyada Qorsheynta Istaraatiijiga ah ee Magaalooyinka Afgoye, Xudur iyo Berdale.

Kasoo qaybgalayaasha kulanka waxaa lagu barayay laguna falanqeeyay Maamulka Dhulka iyo qorshayaashii magaalo ee loo sameeyay Magaalooyinka Xudur iyo Berdale.

Wasaarada Howlaha guud ayaa dadaal badan galinaysaa sidii loo dhaqan galin lahaa Sharciga maamulka Dhulka KGS iyo sidii loo sixi lahaa habka maamulka dhulka magaalooyinka KGS.

08/08/2025

Kulan dadwayne oo sharciga Maamulka dhulka Magaalooyinka KGS ku saabsan oo wasaarada ay ku qabatay magaalada Berdale ee gobolka Bay.

07/08/2025

Wasaarada Howlaha guud, Dib udhiska & Guryaynta KGS ayaa magaalada Berdaale ku qabatay kulan dadwayne oo ku saabsan Sharciga maamulka dhulka magaalooyinka KGS.

Kulanka waxaa daahduray Kusimaha Gudoomiyaha ahna gudoomiye kuxigeenka howlaha guud Degmada Berdaale Mudane Eng Mohamed Isxaaq isagoo uga mahadceliyay wasaarada inay degmada Berdale soo gaarsiisay nuqulada Sharciga dhulka iyo wacyi galinta degmada ay ka sameeyeen.

Kulankan oo bulshada loogu wacyi galinayay Xeerka maamulka dhulka magaalooyinka iyo habka maamulka dhulka ayaa wasaarada ay ugu talo gashay Bulshada Berdale inay ku fahamsiiso.

Bulshada kasoo qaybgashay waxaa loo qaybiyay nuqulada buuga sharciga dhulka magaalooyinka kaasoo wasaarada howlaha guud uga howlaha guud uga gol leedahay wacyiga arimaha maamulka dhulka in kor loogu qaado.

Wasaarada ayaa dadaal xoogan ku bixinaysa sidii bulshada loogu wacyi galin lahaa sharciga maamulka dhulka magaalooyinka kaasoo laga dhaqan galiyay dhamaan degmooyinka.

01/08/2025

Agaasimaha Guud Wasaarada Howlaha guud mudane Abdiaziz Abdirahman Mohamed ayaa ka qaybgalay Aqoon-is-weydaarsiga Wada-jirka ah ee loogu magacdaray “Dib-u-habaynta Casharrada Sare ee Adkeynta Cimilooyinka Magaalooyinka si loogu waafajiyo Xaaladda Soomaaliya,” kaas oo ay soo qabanqaabiyay Bangiga Adduunka laguna soo gabagabeeyey magaalada Nairobi.

Doodaha ugu muhiimsanaa waxay diiradda saareen qiimeynta khatarta cimilada, qorsheynta adkeysiga magaalooyinka, siyaasadda cimilada Soomaaliya, saameynta kaabayaasha cagaaran, iyo xeelado isbeddel la-qabsasho.

Aqoon-is-weydaarsiga wuxuu isugu keenay daneeyayaasha ka kala socday degmooyinka mashruuca, jaamacadaha, barnaamijka SURP II, Wasaaradda Howlaha guud, Dib-u-dhiska & Guryanta (XFS iyo Dowlad Goboleedyada), RedR UK, UN-HABITAT, , Xarunta Caalamiga ah ee La-qabsiga Isbedelka Cimilada, iyo Isbahaysiga BRIcs.

Address

South West State
Baydhabo

Telephone

+252618068630

Website

http://mopw.sw.so/

Alerts

Be the first to know and let us send you an email when Wasaarada Howlaha Guud, Dib-u-dhiska & Guryaynta KGS posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Wasaarada Howlaha Guud, Dib-u-dhiska & Guryaynta KGS:

Shortcuts

Want your organization to be the top-listed Government Service in Baydhabo?

Wasaarada Howlaha Guud, Dib-u-dhiska & Guryaynta KGS

20/10/2025

23/09/2025

23/09/2025

20/09/2025

31/08/2025

28/08/2025

26/08/2025

26/08/2025

12/08/2025

08/08/2025

07/08/2025

01/08/2025

Address

Telephone

Website

Alerts

Contact The Organization

Shortcuts

Share

Category