13/05/2026
Leyla Qasim, Sembola Berxwedan a Gelê Kurd
”Hezar hezar dilovanî,
bo canê pakrewan a Kurd Leyla Qasim
Rûreşî û şermezarî bo dijminên Kurdan.”
Leyla Qasim, keçek e netewî û welatperwer ya Qehreman ya gelê xwe, di 12ê Gulana 1987an de ji aliyê rejîma Baas a Iraqê ve li Bexdayê hate îdamkirin. Îro, ew sembola wêrekî û berxwedanê ye.
Leyla Qasim Kurdeke Feylî bû ku di sala 1952´an de li gundê Bamilî yê Navçeya Xaneqînê ya Parêzgeha Diyala ya Iraqê ji dayik bûye. Ew keça yekane ya malbateke ji pênc zarokan bû. Ew keçek ji malbatek wê malbatek xizan a Kurd bû. Ji ber nasnameya wan a Kurd, ew her timcîh û warên xwe diguhurandin. Di sala 1958an de, ew koçî Bexdayê kirin.
Piştî ku xwendina xwe ya lîseyê li Bexdayê qedand, wê li Zanîngeha Bexdayê sosyolojî xwend. Di 20 saliya xwe de, ew tevlî Yekîtiya Xwendekarên Kurdistanê bû. Li zanîngehê, wê gotarek li ser Kurdofobiya Sedam Huseyîn nivîsand. Piştî ku gotara wê hate weşandin, ew bû hedefa rejîma Baasê ya Iraqê. Leyla, bûbû milîtaneke çalak di têkoşîna rizgariya Kurdistanê, digot, "Koleyatî ne çarenivîsa Kurdan e."
Di sala 1974an de, rejîma Baasê ya Iraqê êrîşên xwe yên li ser Kurdan zêde kiribû. Malbatên Kurd neçar man ku ji Bexdayê derkevin. Hêzên rejîmê êrîşên hewayî li ser bajarokê Qeladizê yê Kurdan kirin. Bi sedan kes di êrîşên hewayî de hatin kuştin. Leyla Qasim û çar hevalên wê plan kirin ku balafirekê birevînin da ku êrîşên rejîma Baasê ya Iraqê yên li ser gelê Kurd li seranserê cîhanê bidin bihîstin. Di 24ê Nîsana 1974an de, hêzên rejîma Baasê wê û hevalên wê girtin. Tevî îşkenceyê jî, wan peyvek jî ji hêzên rejîma Baasê re negotin.
Leyla bi cezayê mirinê hatin mehkûmkirin. Di 12ê Gulana 1974an de, Leyla Qasim û hevalên wê bi fermana Sedam Huseyîn hatin darvekirin. Berî ku were darvekirin, wê got: "Darvekirina min dê bi hezaran Kurdan ji xewa wan şiyar bike. Ez bi rûmet û kêfxweş im ku mirina min dê xizmeta azadiya Kurdistanê bike."
Em Leyla Qasimê bi rêz û rumet bi bîrtînin!
Komisyona Jinan ya PSK´ê
12.05.2026
