This Is Me Initiative - مبادرة هذه أنا

This Is Me Initiative - مبادرة هذه أنا هذه أنا مبادرة اجتماعية تطوعية خاصة بكل حواء سودانية
هذه أنا ليكون للإنجاز الصغير صدى 🤍

كل الفخر بفراشات هذه أنا ♥️🥹
16/02/2026

كل الفخر بفراشات هذه أنا ♥️🥹

I've just reached 3K followers! Thank you for continuing support. I could never have made it without each and every one ...
16/02/2026

I've just reached 3K followers! Thank you for continuing support. I could never have made it without each and every one of you. 🙏🤗🎉

"كم مرة وقفك الخوف من إنك تجربي؟ و من فكرة إنك تفشلي؟"الخوف شعور طبيعي، لكن أحيانًا بنخليه يحكم حياتنا. نخاف نبدأ، نخاف ...
06/12/2025

"كم مرة وقفك الخوف من إنك تجربي؟ و من فكرة إنك تفشلي؟"

الخوف شعور طبيعي، لكن أحيانًا بنخليه يحكم حياتنا. نخاف نبدأ، نخاف نغلط، نخاف ما نكون كفاية..

الفشل ما نهاية، هو درس.. و الناس الناجحين فشلوا مرات كتيرة قبل ما يوصلوا.
اعملي الحاجة اللي بتخافي منها، حتى لو قلبك بيرجف
ما في تطور بدون تجربة، و ما في تجربة بدون أخطاء.

قولي لنفسك كل مرة: "أنا ح أحاول، و لو وقعت ح أقيف."
الفشل ما عيب.. الاستسلام هو العيب♥️.






#أنتِ_لستِ_جُزءاً_من_الحكاية_أنتِ_هي_الحكاية

هل كدا فعلًا وصلتي حدودك، و لا محتاجة شوية استراحة؟في معاركنا مع نفسنا و مع الحياة، بتمُرّ لحظات بنحس فيها باليأس، بنقول...
03/12/2025

هل كدا فعلًا وصلتي حدودك، و لا محتاجة شوية استراحة؟
في معاركنا مع نفسنا و مع الحياة، بتمُرّ لحظات بنحس فيها باليأس، بنقول: "خلاص، كفاية".
لكن قبل ما تسميها استسلام..
اسألي نفسك:
هل أنا تعبت و لا فقدت الرغبة؟ هل محتاجة أوقف و لا أهرب؟
الاستراحة بتديك مساحة تتنفسي، تراجعي، و تتشافي.
الاستسلام بيطفيك، و بيخليك تحسي إنك ما قادرة ترجعي تاني.
الفرق بسيط لكنه عميق، في الاستراحة بتخططي ترجعي، في الاستسلام بتقرري تختفي.
الراحة حقك، و الهروب خيارك، بس إتذكري، الزول البياخد استراحة ما خسر المعركة، هو بس بيجهز نفسه يكملها أقوى♥️!
جربي توقفي شوية، خدي نفس، و اسألي نفسك بصدق:
هل محتاجة أرتاح و لا أستسلم؟
شاركي رأيك في الكومنتات، إنتِ متين كانت آخر مرة قلتي فيها "كفاية"؟♥️




#أنتِ_لستِ_جُزءاً_من_الحكاية_أنتِ_هي_الحكاية

"أفهمي مشاعرك""كلمات كتبت بكل حب فقط لأجلكِ♥️"مرات مشاعرك بتكون متلخبطة؟ما بتعرفي إنتِ منو و لا جيتي لشنو و لا دايرة شنو...
02/12/2025

"أفهمي مشاعرك"
"كلمات كتبت بكل حب فقط لأجلكِ♥️"

مرات مشاعرك بتكون متلخبطة؟
ما بتعرفي إنتِ منو و لا جيتي لشنو و لا دايرة شنو؟
واصلي واصلي، أقري البوست و شيلي الزيتونة 🤭
أقعدي كده جيبي ليك كوب قهوة أفتحي كتاب خليك منتبهة بكل حواسك حتلقي نفسك متكيفة و مندمجة، صح؟
يبقى كده إنتِ فهمتي إنك قادرة تركزي على شيء و تفهميو.
طيب ما دام بتفهمي بسرعة، تعالي نفهم نفسنا زي ما بنفهم الكتاب🎀.
"اتأملي كتيييير فكري في مشاعرك"
اكتشفي أحاسيس جواك إنتِ ما كان منتبهة ليها.
أي شعور جاك طوالي دوّنيه في استيك نوت، في دفتر المهم ما تخليو يضيع منك، و أعرفي الشعور دَه تحديدًا سببو شنو.
"استمعي لنفسك و لمشاعرك"
حتقولي أنا مجنونة حاشا و الله! دَه ما جن بس أدي نفسك حقها، استمعي ليها خليها "تعبر ليكِ عنك"
حاولي شاركي مشاعرك مع زول بتثقي فيهو، كثير مننا غالبًا بشاركها مع الاصدقاء و دِي حاجة حلوة شديد، بس كمان اختاري صح ما أي صديق بستاهل يسمع مشاعرنا
إنتِ عشان تفهمي مشاعرك ما محتاجة وقت كثير بس محتاجة ممارسة كثيرة ف عليك بالحاجات القلتها ليك دِي♥️.



قوة البنت في علمها♥️التعليم ما بس شهادات وكتب… التعليم هو السلاح البيخلي البنت تقيف واثقة وتعرف حقوقها وتقدر تصنع قرارها...
01/12/2025

قوة البنت في علمها♥️
التعليم ما بس شهادات وكتب… التعليم هو السلاح البيخلي البنت تقيف واثقة وتعرف حقوقها وتقدر تصنع قرارها بنفسها.
لما تتعلم البنت، هي ما بتغيّر حياتها بس
بتغيّر حياة أسرتها، مجتمعها وبتفتح باب أمل للأجيال الجاية.

ليه مهم نستثمر في تعليم البنات؟
بيرفع وعيهم وبيخليهم يعرفو حقوقهم.
بيديهم فرصة يشتغلو ويحققو استقلال مادي.
بيخلي صوتهم مسموع في المجتمع.
بيربي جيل واعي ومثقف.

وما قبل نقطه الختام ..
كل بت عندها الحق تتعلم وتطور نفسها، مهما كانت الظروف.
إنتِ حلمك كبير… ومافي حدود للعلم والمعرفة إلا الحدود الإنتي بتضعيها لنفسك♥️.

# Omnia Sharef





#أنتِ_لستِ_جُزءاً_من_الحكاية_أنتِ_هي_الحكاية

مساء الخير ي جميله♥️ في نهاية اليوم، جرّبي توقفي لحظة… إتنفسي وإتأملي شنو أنجزتي حتى لو كان بسيط.يمكن ما حققتي كل الحاجا...
27/11/2025

مساء الخير ي جميله♥️
في نهاية اليوم، جرّبي توقفي لحظة… إتنفسي وإتأملي شنو أنجزتي حتى لو كان بسيط.
يمكن ما حققتي كل الحاجات الكنتي مخططة ليها، لكن المهم إنك حاولتي!

أوقات كتيرة بنقارن نفسنا بالآخرين ونفتكر إنو نحن أقل… لكن الحقيقة إنو كل واحدة عندها رحلتها الخاصة، بطريقتها وبسرعتها.
والمساء فرصة عشان تسامحي نفسك على أي تقصير وتشكي لي ربك كل الحاجات الفي قلبك.

أكتبي gratitude صغيرة، شنو الشيء الحلو الحصل ليك اليوم؟
يمكن كلمة لطيفة، يمكن ضحكة مع صديقة، يمكن حتى لحظة هدوء وسط الزحمة.
الحاجات الصغيرة دي هي البتبني قلوبنا وبتخلينا نكمل أقوى.

وما قبل نقطه الختام ..
اتزكري إنتي كفاية زي ما إنتي.
رحلتك مميزة وما بتشبه زول.
بكرة صفحة جديدة وممكن تكون أحلى من اليوم.
نومي وإنتي راضية عن نفسك، ومؤمنة إنك بتستاهلي الخير كله♥️

# Omnia Sharef





#أنتِ_لستِ_جُزءاً_من_الحكاية_أنتِ_هي_الحكاية

لمن يتحول الحزن لمصدر إبداع!في وقت كان الشعر مسرح للرجال، برز لينا اسم الخنساء كنجم من نجوم الشعر!اتعرفت الخنساء بشاعرة ...
26/11/2025

لمن يتحول الحزن لمصدر إبداع!

في وقت كان الشعر مسرح للرجال، برز لينا اسم الخنساء كنجم من نجوم الشعر!
اتعرفت الخنساء بشاعرة الفقد، لأنه طغى على شعرها الرثاء، فأغلب قصائدها كانت في رثاء أخوانها صخر ومعاوية، وبالأخص صخر الكانت الأقرب ليه وبسبب موته إتعرفت كأعظم من نظمو الرثاء في الشعر العربي وعندها بيت شعر بقول:
"وإنَّ صخرًا لتأتمُّ الهداةُ به
كأنَّهُ عَلَمٌ في رأسِهِ نارُ"

والبيت دا أثبت إنه الخنساء كانت شاعرة عبقرية، قدرت تخلِّد صورة أخوها صخر بكلمات بسيطة للأبد.

الخنساء جات عشان تقول لينا إنه العاطفة الموجودة عند المرأة ممكن تتغلب لينا على تقاليد المجتمع وتخلي صوتها تاريخ مسموع، الخنساء خلدّت نفسها بأسلوب شعري قوي وبسيط في مجال إكتسحه الرجال وصوتها لغاية اللحظة بيصلنا، عشان يقول لينا إنه الشعور الصادق عمره ما بموت♥️ !

منو من الشاعرات والكاتبات قدر يلهمكم، زي ما الخنساء ألهمت أجيال كاملة؟







#أنتِ_لستِ_جُزءاً_من_الحكاية_أنتِ_هي_الحكاية

كوني صوتك..!قضايا المرأة ما بس كلام بنسمعه في يوم محدد، هي واقع بنعيشه كل يوم.كل مرة بيتم فيها إسكات صوت امرأة، كل مرة ...
19/11/2025

كوني صوتك..!

قضايا المرأة ما بس كلام بنسمعه في يوم محدد، هي واقع بنعيشه كل يوم.

كل مرة بيتم فيها إسكات صوت امرأة،
كل مرة تُمنَع فيها من فُرصة،
و يُحكم عليها بس لأنها "أنثى"..
دي كلها قضايا بتحتاج وعي، تضامن نساء، و صوت قوي.

كوني صوتك، و ما تنتظري زول يعبّر عنك، و لا حتى يدافع عنك.
اتكلمي، عبّري، و ارفعي وعيك و وعي البقية.
تعليمك، صحتك، أمانك، اختياراتك،
كلها حقوق… ما تنازلات.

السكوت ما عمره كان حل، و الوعي دايماً الخطوة الأولى للتغيير.
إنتِ بطلة نفسك، و خطوة تغييرك الأول♥️.







#أنتِ_لستِ_جُزءاً_من_الحكاية_أنتِ_هي_الحكاية

نصيحة عملية للبنوتات♥️ خلي عندك عادة يومية إسمها "زمن لنفسي".ما لازم تكون ساعة كاملة، ممكن تبدي حتى بعشر دقايق، لكن تكون...
18/11/2025

نصيحة عملية للبنوتات♥️

خلي عندك عادة يومية إسمها "زمن لنفسي".
ما لازم تكون ساعة كاملة، ممكن تبدي حتى بعشر دقايق، لكن تكون خاصة بيك إنتي وبس.
خلال الزمن دا؛
اقفلي الموبايل والرسائل، خلّي العالم الخارجي برا شوية.
اقري صفحة من كتاب بتحبيه أو استمعي لحاجة هادية.
اكتبي خواطرك ومشاعرك في دفتر، صدقيني بتفرق شديد.
أو بس اقعدي ساكت، شوفي نفسك وتتأملي في يومك.

الزمن دا بيديك راحة من ضغط الحياة، بيرجع توازنك ويخليكي أقوى في مواجهة أي صعوبات.
إنتي أولويتك وما في زول حيهتم بيك زي ما إنتي تهتمي بنفسك♥️.

#اللُجين.





#أنتِ_لستِ_جُزءاً_من_الحكاية_أنتِ_هي_الحكاية

Address

Khartoum State
Khartoum

Website

Alerts

Be the first to know and let us send you an email when This Is Me Initiative - مبادرة هذه أنا posts news and promotions. Your email address will not be used for any other purpose, and you can unsubscribe at any time.

Shortcuts

Share

Category