ضلع خوشاب تحصیل قائد آباد

05/10/2026

100 سنار کی ایک لوہار کی اسے کہتے ہیں 😀

19/08/2026

ظلم، ستم اور بپھرا ہوا قانون... آخر کب تک؟
پاکستان میں ایسا لگتا ہے جیسے "جس کی لاٹھی، اسی کی بھینس" کا جنگلی قانون چل رہا ہے۔ جس کا جب دل چاہتا ہے، قانون کو اپنے جوتے کی نوک پر رکھتا ہے اور خود ہی قاضی اور جلاد بن بیٹھتا ہے۔
اگر کوئی غریب یا مزدور غلطی سے کوئی چھوٹی سی چوری بھی کر بیٹھتا ہے (جس کا میں دفاع نہیں کر رہا بالکل سزا ملنی چاہیے )، تو کیا اس کا مطلب یہ ہے کہ کوئی بااثر شخص یا مالک اس پر وحشیانہ تشدد شروع کر دے؟
انصاف اور قانون نافذ کرنے والے ادارے کہاں سوئے ہوئے ہیں؟ اگر ہر بااثر شخص نے اپنی الگ عدالت لگانی ہے، تو پھر ان پولیس تھانوں، عدالتوں اور اداروں کا کیا کام ہے؟
چوری بالکل غلط ہے، لیکن قانون کو ہاتھ میں لینا اس سے بھی بڑا جرم ہے!
قانون غریب اور امیر دونوں کے لیے ایک جیسا ہونا چاہیے۔ اگر کسی نے جرم کیا ہے تو اسے قانون کے مطابق سزا ملنی چاہیے، نہ کہ کسی کی ذاتی درندگی کا نشانہ بننا چاہیے۔
میری تمام اعلیٰ حکام اور قانون نافذ کرنے والے اداروں سے پرزور اپیل ہے کہ اس ویڈیو کی فوری تحقیقات کی جائیں، اور نہ صرف چوری کرنے والے بلکہ اس پر وحشیانہ ظلم کرنے والے بااثر شخص کو بھی سخت سے سخت سزا دی جائے تاکہ اداروں پر عوام کا اعتماد بحال ہو سکے۔

29/06/2026

انا للہ وانا الیہ راجعون 🖤🇵🇰
سرخرو ہوا ہمارا سپوت، شہیدِ وطن قدیّر...
کراچی میں وطنِ عزیز کی مٹی پر اپنی جان نچھاور کرنے والا وہ بہادر نوجوان، قدیّر اب ہم میں نہیں رہا۔ اس عظیم شہید کا تعلق تحصیل نورپور تھل، ضلع خوشاب سے تھا۔
آج ہماری آنکھیں نم ہیں، دل اداس ہے اور پورا نورپور تھل اپنے اس لال کی جدائی پر سوگوار ہے۔ ایک ہنستا کھیلتا نوجوان، کسی کا لاڈلا بیٹا، کسی کا بھائی، آج کفن اوڑھ کر ابدی نیند سو گیا۔ یہ نقصان اتنا بڑا ہے کہ الفاظ میں بیان نہیں کیا جا سکتا۔
مگر اس غم کے ساتھ ساتھ، ہمارا سر فخر سے بلند ہے!
ہمارے اس مٹی کے سپوت قدیّر نے ثابت کر دیا کہ جب بھی وطنِ پاک کو خون کی ضرورت پڑی، تھل کے غیور جوانوں نے کبھی پیٹھ نہیں دکھائی۔ اس نے اپنی جوانی، اپنے خواب اور اپنی زندگی اس پاک دھرتی پر قربان کر کے شہادت کا وہ عظیم رتبہ پایا جس کی تمنا ہر سچا مومن کرتا ہے۔
"شہید کی جو موت ہے، وہ قوم کی حیات ہے"
اللہ پاک شہید قدیّر کے والدین، بہن بھائیوں اور تمام اہل خانہ کو یہ قیامت خیز صدمہ برداشت کرنے کی ہمت اور صبرِ جمیل عطا فرمائے۔ (آمین)۔ والدین کے اس حوصلے کو سلام جنھوں نے وطن کی حفاظت کے لیے اپنے جگر کا ٹکڑا قربان کر دیا۔
اے نورپور تھل کے چمکتے ستارے قدیّر! پورا پاکستان اور تمہاری اپنی مٹی تمہیں سلام پیش کرتی ہے۔ اللہ تعالیٰ شہید کے درجات بلند فرمائے اور انہیں جنت الفردوس میں اعلیٰ مقام عطا فرمائے۔

28/06/2026

الحمدللہ، الحمدللہ، ثم الحمدللہ!
آج میانوالی کی تاریخ کا ایک بہت بڑا اور تاریخی دن ہے۔ وہ دیرینہ دشمنی جس نے برسوں تک کلو برادری اور یاروخیل برادری کے خاندانوں کو اجاڑے رکھا، جس نے 11 قیمتی جانوں کا ضیاع دیکھا اور کتنے ہی گھروں کے چراغ گل کر دیے... آج اللہ پاک کے خاص کرم اور فضل سے وہ نفرتوں کی دیواریں ہمیشہ ہمیشہ کے لیے گر گئی ہیں۔ دونوں برادریاں گلے مل کر ایک ہو گئی ہیں!
خون کے پیاسے آج ایک دوسرے کے بھائی بن چکے ہیں۔ یہ منظر دیکھ کر روح کانپ جاتی ہے اور آنکھیں خوشی کے آنسوؤں سے نم ہو جاتی ہیں کہ اللہ پاک نے ہمارے علاقے کو ایک بہت بڑی آزمائش سے نکال لیا۔
"اللہ پاک ہمارے اس پیارے ملک پاکستان اور خاص طور پر ہمارے علاقے میانوالی کو ہمیشہ امن، محبت اور بھائی چارے کا گہوارہ بنائے رکھے۔ آمین۔"
عظیم اور تاریخی صلح کو ممکن بنانے کے لیے جن لوگوں نے دن رات ایک کیا، اپنی صلاحیتیں اور وقت قربان کیا، وہ ہمارے حقیقی ہیرو ہیں۔ ہم تہہِ دل سے شکر گزار ہیں:
جنہوں نے اس امن مہم میں کلیدی کردار ادا کیا اور مخلصانہ کوششوں سے اس دیرینہ تنازع کو ختم کروایا۔
علاقے کے تمام معززین، عمائدینِ جرگہ اور ہر اس دردِ دل رکھنے والے انسان کے، جنہوں نے اس صلح کے لیے ایک بھی قدم اٹھایا یا کوئی ایک لفظ بھی خیر کا بولا۔
اللہ پاک آپ سب کو اس کا اجرِ عظیم عطا فرمائے۔ نفرتیں ہار گئیں، محبت جیت گئی! اب میانوالی میں صرف امن، ترقی اور خوشحالی کا دور ہوگا۔
#میانوالی #امن #صلح

28/06/2026

بِسْمِ اللَّهِ الرَّحْمَٰنِ الرَّحِيمِ
"ولا تقولوا لمن يقتل في سبيل الله اموات بل احياء ولكن لا تشعرون"
انتہائی بوجھل دل اور فخر سے بلند سر کے ساتھ، ہم وطن کے ایک اور چمکتے ہوئے ستارے اور بہادر سپوت، شہید محمد ریاض کو الوداع کہہ رہے ہیں۔ کراچی میں دہشت گردوں کے بزدلانہ حملے میں جامِ شہادت نوش کرنے والے محمد ریاض نے اپنے لہو سے وطن کی مٹی کو سینچ کر خود کو ہمیشہ کے لیے امر کر لیا۔
محمد ریاض بھائی جتنے نڈر اور فرض شناس تھے، اس سے کہیں زیادہ ایک بہترین اور مخلص انسان تھے۔ وہ انتہائی نیک سیرت، خوش اخلاق، خدا ترس اور ایماندار شخصیت کے مالک تھے، جن کی شرافت، سادگی اور اچھائی کی گواہی آج ان کا پورا خاندان اور جاننے والے رو رو کر دے رہے ہیں۔ انہوں نے اپنی پوری زندگی ایمانداری اور سچائی کے ساتھ گزاری اور آخر کار وطن کی حفاظت کرتے ہوئے شہادت کا اعلیٰ رتبہ پایا۔
دہشت گردوں نے ایک ہنستا کھیلتا گھر اجاڑا ہے، ایک نیک انسان اور قیمتی ہیرا ہم سے چھینا ہے، لیکن وہ یہ بھول گئے کہ شہید مرتے نہیں، بلکہ وہ رب کے پاس ہمیشہ زندہ رہتے ہیں۔
شہید محمد ریاض کا تعلق واں بھچراں ضلع میانوالی انور خیل قبیلے سے تھا۔
"شہادت ہے مطلوب و مقصودِ مومن
نہ مالِ غنیمت نہ کشور کشائی"
ہم شہید محمد ریاض کی اس عظیم قربانی اور ان کی باکردار و پاکیزہ زندگی پر انہیں بھرپور خراجِ عقیدت پیش کرتے ہیں اور ان کے لواحقین کے غم میں برابر کے شریک ہیں۔ اللہ تعالیٰ شہید کے درجات بلند فرمائے، انہیں جنت الفردوس میں اعلیٰ ترین مقام عطا کرے اور ان کے گھر والوں کو یہ ناقابلِ برداشت صدمہ سہنے کا حوصلہ اور صبرِ جمیل عطا فرمائے۔ آمین۔
قوم آپ کی اچھائی، شرافت اور اس عظیم احسان کو کبھی نہیں بھولے گی۔ سلام شہیدِ وطن! 🇵🇰💔

27/06/2026

میرا بیٹا گناہ گار تھا تو مجھے ثبوت دو میں چپ کر جاؤں گی ورنہ میں چیختی رہونگی ۔۔۔ منتہا کیس کے مرکزی کردار ارسلان کی ماں کی دہائیاں ۔۔۔ میں بھی ماں ہوں مجھے بچی کی موت کا غم بھی ہے اور میں اسکی ماں کا درد محسوس کر سکتی ہوں مگر 25 سال میں میرے بیٹے کی کبھی ایک بھی شکایت نہ آئی اسے ایک سازش کے تحت پیسے لیکر مجرم بنایا گیا ہے مجھے حکومت، پولیس والے اور پوری قوم ایک سوال کا جواب دے کہ کیا دکان کا مالک اسکا بیٹا اور دوسرے ملازم اندھے تھے کہ دکان کے اندر ایک بچی آئی اور میرا بیٹا اسے اٹھا کر اوپر لے گیا کسی کو پتہ نہ چلا ۔کسی ایک نے تو دیکھا ہو گا اس نے مالک کو کیوں نہ بتایا ، دکان سے کوئی ایک ٹافی اٹھا لے تو انہیں پتہ چل جاتا ہے لیکن ایک بچی کو کوئی اٹھا کر دکان کے اندر بنی سیڑھیوں سے اوپر لے گیا ، جو بھی مجرم ہے وہ کافی دیر اوپر رہا ہو گا ۔کیا کسی نے ایک نوکر کی غیر موجودگی کو نوٹ نہیں کیا جبکہ مالک سے اجازت لیے بغیر کوئی نوکر چھوٹا پیشاب کرنے بھی نہیں جا سکتا یہ ملی بھگت ہے یہ سازش ہے میرا بیٹا غریب تھا کمزور تھا اس لیے سارا الزام اس پر ڈال دیا گیا اور اصل مجرموں کو بچا لیا گیا میں وہ بدقسمت ماں ہوں جسکے گھر میں اسکے جوان بیٹے کی میت بھی نہیں آنے دی گئی ہم نے قبرستان آکر چند سیکنڈوں کے لیے بیٹے کا چہرہ دیکھا جبکہ ہمیں اسکو چھونے اور منہ چومنے کی اجازت بھی نہیں دی گئی ، انصاف والو: اگر تمہارے پاس انصاف ہے تو اس دکھی ماں کو بھی انصاف دو مجھے ثبوت دو کہ میرا بیٹا گناہ گار تھا اس لیے مارا گیا اور باقی سب بے گناہ ہیں اس لیے بچے ہوئے ہیں ۔ مجھے پتہ چل جائے کہ وہ گناہ گار تھا تو میں اسکے لیے دعا نہ کروں اور وہ بے قصور مارا گیا ہے تو مجھے تسلی ہونی چاہیے تاکہ میں بیٹے کی مغفرت کی دعا تو صدق دل اور یقین سے کرسکوں ۔۔۔۔

27/06/2026

27/06/2026

چھوٹی دکان سے عرب پتی بننے تک کا سفر تعریر اچھی لگے تو لائک کمنٹ اور شئیر کجیئے
لولو گروپ کے مالک یوسف علی کی حیران کن کہانی کی زندگی اس بات کا ثبوت ہے کہ اگر انسان کے اندر محنت، ایمانداری اور بڑا خواب دیکھنے کی ہمت ہو تو وہ عام حالات سے اٹھ کر دنیا کی بڑی کامیابی حاصل کرسکتا ہے۔
یہ کہانی صرف ایک بزنس مین کی نہیں، بلکہ ایک ایسے نوجوان کی ہے جو خالی ہاتھ خواب لے کر خلیج آیا اور پھر اپنی محنت سے اربوں ڈالر کی سلطنت کھڑی کردی۔

یوسف علی بھارت کی ریاست Kerala کے ضلع تھریسور کے ایک چھوٹے سے گاؤں ناٹیکا میں پیدا ہوئے۔ وہ ایک سادہ خاندان سے تعلق رکھتے تھے۔
1973 میں، صرف 18 سال کی عمر میں، انہوں نے خلیج جانے کا فیصلہ کیا۔ اس زمانے میں آج جیسی سہولتیں نہیں تھیں۔ لوگ ہوائی جہاز کے بجائے بحری جہازوں میں سفر کرتے تھے۔
یوسف علی بھی بمبئی، جو آج ممبئی کہلاتا ہے، وہاں سے "دمرا" نامی بحری جہاز پر سوار ہوئے۔ چھ دن کے طویل سفر کے بعد 31 دسمبر 1973 کو وہ دبئی کی راشد بندرگاہ پہنچے۔
انہوں نے یاد کرتے ہوئے کہا:"جہاز صبح بندرگاہ پہنچ گیا تھا، لیکن میں رات 10 بجے باہر نکل سکا۔"
یہ ایک نئے سفر کی شروعات تھی۔انہوں نے بتایا کہ ان دنوں دبئی سے ابوظہبی جانے میں تقریباً چار گھنٹے لگتے تھے کیونکہ اس وقت سڑک صرف سنگل ٹریک تھی۔ وہ سفر ایک نیلی ٹویوٹا اسٹاؤٹ پک اپ گاڑی میں کیا گیا تھا۔

جب وہ یو اے ای آئے تو زندگی آسان نہیں تھی۔ وہ اپنے چچا کے ایک چھوٹے تقسیم کاری کاروبار میں کام کرنے لگے۔ اس وقت نہ بڑی عمارتیں تھیں، نہ چوڑی سڑکیں۔
شروع میں انہوں نے چھوٹے چھوٹے کام کیے۔ دکان سنبھالی، سامان اٹھایا، گاہکوں سے بات کی، حساب کتاب دیکھا۔ اس نے لوگوں کی ضرورت کو سمجھا۔ اس وقت خلیج میں ایشیائی کمیونٹی تیزی سے بڑھ رہی تھی، اور لوگوں کو ایک ایسی جگہ چاہیے تھی جہاں انہیں اپنے ملک جیسا سامان مناسب قیمت پر مل سکے اور لوگوں کو ایک ایسی جگہ چاہیے تھی جہاں انہیں اپنے ملک جیسا سامان مناسب قیمت پر مل سکے۔چند سالوں بعد انہوں نے چھوٹی سی گروسری نامہ سپر مارکیٹ کی بنیاد رکھی۔اس وقت شاید کسی نے نہیں سوچا ہوگا کہ یہی چھوٹا کاروبار ایک دن پوری دنیا میں مشہور ہوجائے گا۔۔اس نے اس سپر مارکیٹ کا نام " لولو "رکھا۔ پرانے زمانے میں خلیج خصوصاً متحدہ عرب امارات میں کے لوگ سمندر سے موتی نکالنے کا کام کرتے تھے، اور موتی یہاں کی معیشت اور ثقافت کا اہم حصہ تھا۔ اسی وجہ سے “لولو” نام معیار، قیمتی چیز اور اعتماد کی علامت سمجھا جاتا ہے اور اسی بنیاد پر یوسف نے اپنے مارکیٹ کا نام لولو رکھا ۔ پھر اس طرح لولو اسٹورز کی بنیاد چلی۔
شروع میں صرف چند اسٹور تھے، لیکن ایمانداری، معیاری سامان اور بہترین سروس کی وجہ سے لوگ تیزی سے لولو کی طرف متوجہ ہونے لگے۔

آج Lulu Group International دنیا کے بڑے ریٹیل گروپس میں شمار ہوتا ہے۔24 ممالک میں کاروبار260 سے زائد ہائپر مارکیٹس اور مالز
تقریباً 70 ہزار ملازمین46 مختلف قومیتوں کے ورکرز اربوں ڈالر کی سالانہ آمدنی ان کا کاروبار صرف خلیج تک محدود نہیں رہا بلکہ بھارت، مصر، انڈونیشیا، ملائیشیا، فلپائن، چین، ترکی، برطانیہ، امریکہ اور کئی دوسرے ممالک تک پھیل گیا۔
بعد میں انہوں نے Lulu Money بھی شروع کیا، جو آج خلیج میں رقم بھیجنے کی بڑی سروسز میں شمار ہوتی ہے۔
یوسف علی ہمیشہ کہتے ہیں کہ انہیں شیخ زاید بن سلطان کی حمایت اور محبت ملی۔انہوں نے یو اے ای کے حکمرانوں کا شکریہ ادا کرتے ہوئے کہا:
"میں اس عظیم ملک کے حکمرانوں اور یہاں رہنے والی غیر ملکی برادری کا ہمیشہ شکر گزار رہوں گا۔"
ایک تصویر میں وہ شیخ محمد بن زاید کو اپنا پاسپورٹ دیکھا رہے ہیں جب وہ پہلی بار امارات آئے تھے۔ وہ ابوظہبی کے چمبر اور کامرس کے دوسرے نائب صدر بھی رہ چکے ہیں۔ان کی کامیابی اور خدمات کے اعتراف میں انہیں کئی بڑے اعزازات ملے:
Padma Shri
Pravasi Bharatiya Samman
Abu Dhabi Award
یہ اعزاز صرف کاروبار کی وجہ سے نہیں بلکہ انسانیت کی خدمت، عاجزی اور سماجی کاموں کی وجہ سے بھی دیے گئے۔ارب پتی مگر انتہائی سادہ انسان اتنی دولت اور شہرت کے باوجود یوسف علی آج بھی بہت سادہ طبیعت رکھتے ہیں۔ وہ ملازمین سے محبت سے ملتے ہیں، لوگوں کی مدد کرتے ہیں اور خیراتی کاموں میں بڑھ چڑھ کر حصہ لیتے ہیں۔
وہ ہمیشہ کہتے ہیں:"کاروبار صرف پیسوں کا نام نہیں، کاروبار لوگوں کے بارے میں ہوتا ہے۔"

آج 68 سال کی عمر میں بھی وہ روز دفتر جاتے ہیں۔ جب ان سے ریٹائرمنٹ کے بارے میں پوچھا گیا تو انہوں نے ہنس کر جواب دیا:
"کام کے علاوہ میرا کوئی شوق نہیں۔ جب تک صحت اجازت دے گی، میں کام کرتا رہوں گا۔ ریٹائرمنٹ میرے لیے کوئی آپشن نہیں۔"
نوجوانوں کے لیے سبق

ایک 18 سالہ لڑکا جو بحری جہاز میں چھ دن سفر کرکے خلیج پہنچا تھا، آج دنیا کے کامیاب ترین بزنس مینوں میں شمار

24/06/2026

موت صرف گولی یا بیماری سے نہیں آتی، موت تب بھی آتی ہے جب غیرت مند کی غیرت کو سرِ عام نیلام کیا جائے!
انسان صرف بیماریوں، حادثات یا گولی لگنے سے نہیں مرتا۔ جسم تو سانسیں بند ہونے پر مٹی ہوتا ہے، لیکن ایک غیرت مند انسان کا ضمیر اور اس کی روح اسی وقت مر جاتی ہے جب بھری محفل میں اس کی پگڑی اچھالی جائے، جب اس کی غربت اور مجبوری کا تماشہ بنا کر اسے ذلیل کیا جائے۔
کچھ دن پہلے ایک محفلِ مشاعرہ میں ایک پھول فروش، ایک محنتی انسان کے ساتھ جو ہوا، وہ تذلیل نہیں بلکہ اس کا سرِ عام قتل تھا۔ چند روپوں کے پیچھے ایک غریب کی عزتِ نفس کو کچلنے والے خود کو "شاعر" کہتے ہیں؟ شاعری تو نام ہے احساس کا، شاعری تو نام ہے تڑپ کا، شاعری تو نام ہے دوسروں کے درد کو محسوس کرنے کا! لیکن جہاں انسان کا اپنا ظرف اور اخلاق مر چکا ہو، وہاں الفاظ صرف منافقت کا لبادہ ہوتے ہیں۔
میثم کھوکھر جیسے کم ظرف اور کمینے شخص نے جس طرح ایک غریب پھول والے کو چند پیسوں کے لیے بھری محفل میں ذلیل کیا، وہ اس کی اپنی چھوٹی سوچ اور گرا ہوا معیار تھا۔ غریب نے چند پیسے کیا اٹھائے، اس نے تو اپنی غربت کا بھرم رکھنا چاہا ہوگا، لیکن اس بے حس شاعر نے اس کا بھرم کیا توڑا، اس کی زندگی کی ڈور ہی توڑ دی۔ کل اس غیرت مند پھول فروش کی موت دراصل اس بات کا ثبوت ہے کہ وہ مٹی کا نہیں، غیرت کا پُتلا تھا۔ وہ اس ذلت کو برداشت نہ کر سکا اور جینے پر موت کو ترجیح دے گیا۔
افسوس!
اس معاشرے پر جہاں اسٹیج پر بیٹھے ہوئے نام نہاد پڑھے لکھے اور بااثر لوگ ایک غریب کو نیچا دکھا کر تالیاں بٹورتے ہیں، اور شرمندگی سے اس غریب کا دل پھٹ جاتا ہے۔
مٹ گیا وہ پھول بیچنے والا اپنی غیرت کی خاطر۔۔۔
لیکن پیچھے چھوڑ گیا ایک ایسا داغ جو اس بے حس اور کم ظرف شاعر کے چہرے پر ہمیشہ رہے گا۔
خدا کے لیے انسانوں کی عزتِ نفس کا پاس رکھیں۔ غربت کا مذاق مت اڑائیں۔ آج ایک غیرت مند انسان دنیا سے چلا گیا، اور اس کے خون کا حساب اس کم ظرف سوچ کے ذمے ہے جس نے اسے جیتے جی مار دیا تھا۔
#غیرت #انسانیت #افسوسناک

22/06/2026

پردیسی۔ نوجوان کو میانوالی میں بے دردی سے۔
ق ت ل کردیا گیا۔
اللہ پاک ظا۔لموں کو۔ اس دنیا میں بر۔باد کرے۔ آمین۔