ജനപക്ഷരാഷ്ട്രീയം എന്ന ആശയവും ജനസേവനവും ഉയർത്തി പ്രവാസി മലയാളികൾക്കിടയിൽ പ്രവർത്തിക്കുന്ന സാമൂഹിക സംഘടന. ജനങ്ങളുടെ ക്ഷേമവും രാജ്യം ഉയർത്തിപ്പിടിക്കുന്ന മഹത്തായ ആശയങ്ങളും മൂല്യങ്ങളും മുൻനിർത്തി സാമൂഹിക-രാഷ്ട്രീയ രംഗത്ത് ഇടപെടുന്ന പ്രവാസി കൂട്ടായിമ. കേരളത്തെ നിർമിച്ച ഗൾഫ് പ്രവാസത്തെ സവിശേഷമായി അഭിമുഖീകരിക്കുകയും പ്രവാസി സമൂഹത്തിന്റെ അവകാശങ്ങൾക്കും ഭാവി ഭദ്രതക്കും വേണ്ടി നിലകൊള്ളുകയും അതിനായി വിവിധ
തരം സുരക്ഷാ പദ്ധതികളും സർവിസ് സ്കീമുകളും ആവിഷ്കരിച്ചു നടപ്പിലാക്കുകയും ചെയ്യുന്നു. പ്രവാസം കനത്ത പ്രതിസന്ധികളെ അഭിമുഖീകരിക്കുന്ന പുതിയ കാലത്തു സാമൂഹികമായും രാഷ്ട്രീയമായും അതിനെ അതിജീവിക്കാനുള്ള അജണ്ടകളാണ് സംഘടന മുന്നോട്ട് വെക്കുന്നത്. പ്രവാസ ലോകത്തിന്റെ മിന്നുംകാഴ്ചകൾക്കിരുവശവും അതിന്റെ കയറ്റിറക്കങ്ങളിലും വീണുപോയ ധാരാളം ഹതഭാഗ്യരുണ്ട്. അവർക്കുമുണ്ടായിരുന്നു ധാരാളം നിറമുള്ള സ്വപ്നങ്ങൾ. ഒരുവേള പ്രവാസം തന്നെ തളർത്തിക്കളഞ്ഞ നിസ്സഹായരായ ഒരുപാട് മനുഷ്യർ. അവർക്കു പുനരധിവാസം ഉൾപ്പടെ, ആവും വിധം താങ്ങ് നൽകുക എന്നത് പ്രധാന ലക്ഷ്യമാണ്. സർവോപരി പൗരജീവിതത്തിനു നന്മ ആഗ്രഹിക്കുന്ന മുഴുവൻ മനുഷ്യരുടെയും പൊതു കൂട്ടായിമ.
