01/07/2025
احتیاطی اقدامات ,اپر سوات ڈویلپمنٹ اتھارٹی متحرک
مشیر سیاحت و ثقافت زاہد چن اور محکمہ سیاحت کے احکامات کی روشنی میں ڈائریکٹر جنرل اپر سوات ڈویلپمنٹ اتھارٹی عدنان ابرار کی خصوصی ہدایات پر فیلڈ اسٹاف اور ٹورازم پولیس دریائے سوات کے مختلف مقامات پر اپنی ڈیوٹیاں سرانجام دے رہے ہیں۔
مون سون بارشوں کے پیش نظر سوات کے سیاحتی مقامات پر موجود سیاحوں کو دریائے سوات کے کنارے جانے سے گریز کی ہدایات دی جا رہی ہیں۔ فیلڈ ٹیمز سیاحوں کو ممکنہ خطرات سے آگاہ کر رہی ہیں اور ان کی حفاظت کے لیے موقع پر موجود رہ کر مسلسل نگرانی بھی کر رہی ہیں۔
اسی طرح ہوٹلز اور ریسٹورینٹس مالکان کو بھی واضح ہدایات جاری کی گئی ہیں کہ وہ تمام احتیاطی تدابیر اختیار کریں، سیاحوں کی نقل و حرکت پر قریبی نظر رکھیں، اور کسی بھی ناخوشگوار واقعے کی بروقت روک تھام کو یقینی بنائیں۔
سعید الرحمان
ترجمان، اپر سوات ڈویلپمنٹ اتھارٹی
