26/07/2026
صوابی کے نوجوان عباد اللہ نے ہمت، حوصلے اور عزم کی نئی مثال قائم کر دی۔ مسلسل آٹھ روز تک دوڑنے کے بعد وہ چائنہ بارڈر پہنچ گئے۔
ضلع صوابی کی تحصیل رزڑ کے گاؤں غلاماں سے تعلق رکھنے والے نوجوان رنر عباد اللہ نے 19 جولائی کو شیوہ اڈہ سے اپنے خواب کی تکمیل کے لیے سفر کا آغاز کیا تھا۔ دن رات کی تھکن، لمبے راستے اور سخت حالات کے باوجود انہوں نے ہمت نہیں ہاری اور مسلسل آٹھ روز تک پیدل رننگ جاری رکھتے ہوئے آج کامیابی کے ساتھ چائنہ بارڈر پہنچ گئے۔
عباد اللہ کا کہنا ہے کہ ان کا مقصد صرف منزل تک پہنچنا نہیں تھا بلکہ پاکستان کا نام روشن کرنا اور ایک منفرد عالمی ریکارڈ قائم کرنا بھی تھا۔ ان کے مطابق وہ پاکستان کے پہلے رنر ہیں جنہوں نے صوابی سے چائنہ بارڈر تک مسلسل آٹھ دن کی پیدل رننگ مکمل کی۔
عباد اللہ کی یہ کامیابی نوجوانوں کے لیے اس بات کا پیغام ہے کہ اگر ارادے مضبوط ہوں تو کوئی بھی منزل دور نہیں رہتی۔ ان کی اس شاندار کامیابی پر اہلِ علاقہ، دوست احباب اور کھیلوں سے وابستہ افراد نے انہیں دل کی گہرائیوں سے مبارکباد دی اور ان کے روشن مستقبل کے لیے نیک تمناؤں کا اظہار کیا۔
عباد اللہ، آپ نے واقعی صوابی اور پاکستان کا سر فخر سے بلند کر دیا۔ اللہ تعالیٰ آپ کو مزید کامیابیاں عطا فرمائے۔ آمین۔ ❤️🇵🇰
