𝐀𝐙𝐈𝐙𝐔𝐋𝐋𝐀𝐇 𝐊𝐇𝐀𝐍 𝐓𝐎𝐖𝐍 𝐂𝐇𝐀𝐈𝐑𝐌𝐀𝐍 𝐉𝐄𝐀𝐘𝐄 𝐒𝐇𝐀𝐇

05/06/2026

‎ڈپٹی کمشنر سکھر جناب نادر شہزاد صاحب کی زیرِ صدارت محرم الحرام کے انتظامات کے حوالے سے ایک اہم اجلاس ڈپٹی کمشنر آفس میں منعقد ہوا۔ اجلاس میں مختلف سرکاری اداروں کے افسران، متعلقہ محکموں کے نمائندگان اور انتظامی حکام نے شرکت کی۔

‎اس موقع پر ٹی ایم سی اا جئے شاہ ٹاؤن چیئرمین جناب عزیز اللہ خان مغل صاحب اور ٹاؤن چیئرمین جناب طارق چوھان صاحب بھی اجلاس میں شریک ہوئے۔ اجلاس میں محرم الحرام کے دوران امن و امان، صفائی ستھرائی، جلوسوں اور مجالس کے روٹس، ٹریفک کی روانی، روشنی کے انتظامات اور عوام کو درپیش سہولیات کے حوالے سے تفصیلی غور و خوض کیا گیا۔ ڈپٹی کمشنر صاحب نے تمام متعلقہ اداروں کو باہمی رابطے کے ساتھ اپنی ذمہ داریاں احسن انداز میں انجام دینے کی ہدایت کی تاکہ محرم الحرام کے دوران بہترین انتظامات کو یقینی بنایا جا سکے

05/06/2026

سکھر چیمبر آف کامرس اینڈ انڈسٹری میں ایف پی سی سی آئی کے نائب صدر و سندھ ریجنل چیئرمین جناب بلال وقار خان صاحب کی جانب سے ڈی آئی جی سکھر/لاڑکانہ رینج جناب ناصر آفتاب احمد صاحب کے اعزاز میں خصوصی عشائیہ منعقد کیا گیا۔ یہ تقریب جناب ناصر آفتاب احمد صاحب کو تمغۂ امتیاز سے نوازے جانے پر منعقد کی گئی۔

اس موقع پر ٹی ایم سی اا جئے شاہ ٹاؤن کے چیئرمین عزیز اللہ خان مغل ،کمشنر سکھر جناب عابد قریشی صاحب، ڈپٹی کمشنر سکھر جناب نادر شہزاد صاحب، ایس ایس پی سکھر جناب اظہر مغل صاحب اور ٹاؤن چیئرمین جناب طارق حسین چوہان صاحب نے شرکت کی۔ تقریب میں صنعت و تجارت سے وابستہ شخصیات، سیاسی و سماجی رہنماؤں، کاروباری برادری کے نمائندوں اور دیگر معزز مہمانوں کی بڑی تعداد نے شرکت کی

29/05/2026

ٹی ایم سی اا جئے شاہ ٹاؤن کے چیئرمین عزیز اللہ خان مغل بلدیاتی وزیر سید ناصر حسین شاہ سے ملاقات کی اور عید کی مبارکباد پیش کی ملاقات کے دوران ٹی ایم سی ااا کے چیئرمین طارق چوھان ، ٹی ایم سی ااا کے وائس چیئرمین ذوالفقار کھوسو ، ٹی ایم سی ا کے وائس چیئرمین مرتضیٰ گھانگروں بھی ہمراہ تھے.

28/05/2026

ٹی ایم سی اا جئے شاہ ٹاؤن کے چیئرمین عزیز اللہ خان مغل نے ایم این اے سید خورشید احمد شاہ اور سندھ اسمبلی کے اسپیکر سید اویس قادر شاہ سے ملاقات کی اور عید کی مبارکباد پیش کی ملاقات کے دوران ٹی ایم سی ااا کے چیئرمین طارق چوھان بھی ہمراہ تھے

26/05/2026

🌙✨ عید الاضحیٰ مبارک ✨🌙
ٹی ایم سی اا جئے شاہ ٹاؤن کے چیئرمین
عزیز اللہ خان مغل کی جانب سے
تمام عالمِ اسلام کو دل کی گہرائیوں سےعید الاضحیٰ کی خوشیاں بہت بہت مبارک۔ 🐐🤍
اللہ تعالیٰ آپ سب کی قربانی، عبادات اور دعاؤں کو قبول فرمائے،
اور زندگی کو خوشیوں، امن اور برکتوں سے بھر دے۔ آمین۔ 🌸

26/05/2026

ٹی ایم سی اا جئے شاہ ٹاؤن کے چیئرمین عزیز اللہ خان مغل کی جانب سے تمام عالمِ اسلام کو مبارکباد دیتے ہوئے پاکستان کے امن، ترقی اور امتِ مسلمہ کے اتحاد کے لیے خصوصی دعاؤں کی اپیل کی۔
اللہ تعالیٰ تمام حجاجِ کرام کے حج اور عبادات کو شرفِ قبولیت عطا فرمائے۔ آمین

25/05/2026

25/05/2026

چیئرمین ڈسٹرکٹ کونسل سکھر سید کمیل حیدر شاہ نے سکھر جیم خانہ کا دورہ کیا، جہاں انہوں نے پاکستان جوڈیشل کمیشن کے رکن، جنرل سیکرٹری سکھر جیم خانہ قربان علی ملانو اور ٹی ایم سی اا جئے شاہ ٹاؤن کے چیئرمین اور سکھر جیم خانہ (Treasurer) عزیز اللہ خان مغل سے ملاقات کی۔ ملاقات کے دوران جمخانہ کے انتظامی امور، جاری سرگرمیوں اور مستقبل کے ترقیاتی منصوبوں پر تفصیلی تبادلۂ اور دورے کے دوران کھیلوں کے فروغ اور صحت مند سرگرمیوں کی اہمیت پر تبادلۂ خیال کیا گیا۔

اس موقع پر ایس ایس پی سکھر اظہر خان مغل ، ایس پی سٹی کیپٹن (ر) صہیب امین ، ایڈوکیٹ علی رضا بلوچ، عرفان علی، داؤد پوتو ، حاجی غلام علی کمبو اور دیگر معززین بھی موجود تھے۔

23/05/2026

‎عیدالاضحیٰ کے موقع پر ٹی ایم سی اا جئے شاہ میں صفائی ستھرائی، آلائشوں کی بروقت منتقلی اور شہری سہولیات کی فراہمی کے حوالے سے ایک اہم اجلاس منعقد ہوا، جس کی صدارت ٹی ایم سی اا جئے شاہ ٹاؤن کے چیئرمین عزیز اللہ خان مغل نے کی۔ اجلاس میں ٹاؤن کے منتخب ممبران، متعلقہ افسران اور سالڈ ویسٹ مینجمنٹ کے افسران نے شرکت کی۔
‎اجلاس میں عیدالاضحیٰ کے دوران صفائی کے خصوصی انتظامات، آلائشوں کو ٹھکانے لگانے، عوامی شکایات کے فوری ازالے اور مختلف علاقوں میں عملے کی تعیناتی کے امور کا تفصیلی جائزہ لیا گیا۔ ٹاؤن چیئرمین نے ہدایت جاری کرتے ہوئے کہا کہ شہریوں کو صاف ستھرا ماحول فراہم کرنا ہماری اولین ترجیح ہے اور اس سلسلے میں تمام ادارے باہمی تعاون کے ساتھ اپنی ذمہ داریاں احسن طریقے سے انجام دیں۔
‎اس موقع پر سالڈ ویسٹ افسران نے صفائی آپریشن اور مشینری کی دستیابی کے حوالے سے بریفنگ بھی دی، جبکہ ٹاؤن ممبران نے اپنے اپنے علاقوں کے مسائل اور تجاویز پیش کیں۔ اجلاس میں اس عزم کا اظہار کیا گیا کہ عیدالاضحیٰ کے دوران عوام کو بہترین بلدیاتی سہولیات فراہم کی جائیں گی۔