Media Cell PPP baltistan Division Skardu

29/03/2026

سکردو: سابق اسپیکر و ڈپٹی چیف ایگزیکٹو گلگت بلتستان حاجی فدا محمد ناشاد کی جانب سے ہوٹل مشہ بروم میں شہید آیت اللہ سید علی خامنہ ایؒ کی یاد میں مجلسِ ترحیم کا انعقاد کیا گیا۔
مجلس میں حجۃ الاسلام والمسلمین آغا سید باقر الحسینی سمیت دیگر علمائے کرام نے شرکت کی اور شہید آیت اللہ سید علی خامنہ ایؒ کی دینی و ملی خدمات کو خراجِ عقیدت پیش کیا۔
تقریب میں پاکستان پیپلز پارٹی گلگت بلتستان کے صدر ایڈووکیٹ امجد حسین اور پارٹی کے دیگر رہنماؤں و کارکنوں نے بھی شرکت کی۔ مقررین نے شہید آیت اللہ سید علی خامنہ ایؒ کی خدمات کو سراہتے ہوئے ان کے درجات کی بلندی کے لیے دعا کی۔
آخر میں شہید آیت اللہ سید علی خامنہ ایؒ کے ایصالِ ثواب کے لیے فاتحہ خوانی اور اجتماعی دعا بھی کی گئی۔
#ایڈمن

18/03/2026

سکردو:
پاکستان پیپلز پارٹی بلتستان ریجن کے صوبائی کوآرڈینیٹر محمد حسین نے سکردو میں سیاحوں—چاہے وہ فارنرز ہوں یا لوکل—کو مقامی ہوٹلز میں قیام سے روکنے اور غیر ضروری پابندیاں عائد کرنے کے اقدام کو سخت الفاظ میں مسترد کرتے ہوئے کہا ہے کہ یہ ناقابلِ قبول اور خطے کے مفادات کے خلاف سازش ہے۔
انہوں نے کہا کہ سکردو کا پُرامن تشخص کسی کو خراب کرنے کی اجازت نہیں دی جا سکتی۔ اگر انتظامیہ کی نااہلی یا غلط پالیسیوں کی وجہ سے سیاحت کو نقصان پہنچا تو اس کی تمام تر ذمہ داری متعلقہ اداروں پر عائد ہوگی۔
محمد حسین نے خبردار کیا کہ سیاحوں کو ہراساں کرنا اور ان پر قدغن لگانا سکردو کی معیشت پر حملہ ہے، جسے کسی صورت برداشت نہیں کیا جائے گا۔ اگر فوری طور پر یہ سلسلہ بند نہ کیا گیا تو پاکستان پیپلز پارٹی بھرپور عوامی ردعمل دے گی۔
انہوں نے مطالبہ کیا کہ سیاحوں کو مکمل تحفظ فراہم کیا جائے، انہیں آزادانہ طور پر مقامی ہوٹلز میں قیام کی اجازت دی جائے اور سکردو کے مثبت تشخص کو بحال رکھا جائے۔

13/02/2026

13/02/2026

گلگت
صوبائی کواڈنیٹر پیپلزپارٹی بلتستان ریجن محمد حسین نے تانگیر میں ایف ڈبلیو او کی گاڑی پر ہونے والے دہشت گرد حملے پر گہرے دکھ اور افسوس کا اظہار کیا ہے۔ انہوں نے شہید ڈرائیور کے اہلِ خانہ سے دلی تعزیت اور ہمدردی کا اظہار کرتے ہوئے زخمیوں، بشمول پاک فوج کے افسر، کی جلد صحتیابی کے لیے دعا کی۔
انہوں نے دہشت گردی کے خلاف جاری جنگ میں پاک فوج کی بے مثال قربانیوں اور ثابت قدمی کو خراجِ تحسین پیش کیا اور کہا کہ پوری قوم اپنی مسلح افواج کے شانہ بشانہ کھڑی ہے۔
انہوں نے حکومت اور قانون نافذ کرنے والے اداروں پر زور دیا کہ وہ دہشت گردوں کے خلاف اپنی حکمت عملی کو مزید مؤثر اور مضبوط بنائیں اور مادرِ وطن میں بدامنی پھیلانے والے عناصر کے خلاف کارروائیاں تیز کریں۔

10/02/2026

گلگت

پارٹی سینئرز و عہدیداران کی گلگت ہولی ڈے اِن ہوٹل میں سکردو سے آئے ہوئے مہمان، صوبائی کوآرڈینیٹر بلتستان ریجن محمد حسین سے اہم ملاقات ہوئی۔

ملاقات میں صوبائی صدر پی پی پی لیبر ونگ ثناء خان، سینئر رہنما پی پی پی شہزاد حسین الحامی، سٹی صدر پیپلزپارٹی گلگت مسعود زمان، جنرل سیکرٹری پیپلزپارٹی سٹی قادری، اور ڈپٹی انفارمیشن سیکرٹری پیپلزپارٹی گلگت ولایت علی شریک تھے۔

اجلاس میں الیکشن 2026 کی تیاریوں پر تفصیلی گفتگو ہوئی۔ اس بات پر زور دیا گیا کہ الیکشن قریب ہیں، لہٰذا تمام امیدواران اسلام آباد میں قیام کے بجائے اپنے اپنے حلقوں میں پہنچ کر الیکشن مہم کو تیز کریں۔

خصوصی خراجِ تحسین اُن امیدواران کو پیش کیا گیا جو شدید سردی کے باوجود اپنے حلقوں میں متحرک ہیں:
اقبال حسن (گھرمنگ)، سید محمد علی شاہ (سکردو)، عمران ندیم (شگر)، محمد خان وزیر (روندو)، فدا محمد ناشاد (سکردو حلقہ 3)، جعفر صاحب (خپلو)، محمد نسیم (دیامر داریل)۔

اجلاس میں باقی ٹکٹ ہولڈرز پر بھی زور دیا گیا کہ وہ جلد از جلد اپنے حلقوں میں پہنچ کر انتخابی مہم کو مؤثر انداز میں آگے بڑھائیں۔

پاکستان پیپلزپارٹی زندہ باد ✊

28/01/2026

إِنَّا لِلّهِ وَإِنَّـا إِلَيْهِ رَاجِعونَ!
انتہائی افسوسناک اطلاع!

سینیررہنما پاکستان پیپلزپارٹی کاچو فیاض صاحب
مختصرعلالت کے بعد راولپنڈی میں انتقال کر گے کاچوصاحب کی وفات سے پیپلز پارٹی سکردو حلقہ 1 ایک اہم پارٹی رہنماء سے محروم ہوگیا کاچو صاحب کی پارٹی کیلے خدمات کو سنہرے الفاظ سے یاد رکھا جاٰے گا الله مرحوم کو جنت الفردوس میں اعلی مقام عطافرماے امین
شریک غم
محمد حسین صوبائی کواڈرینٹر پاکستان پیپلز پارٹی گلگت بلتستان