Assistant Commissioner/SDM Gamba

Assistant Commissioner/SDM Gamba Serve humanity, Serve the nation.

پریس ریلیز سب ڈویژن گمبہ میں عید الاضحیٰ کے انتظامات کے حوالے سے اسسٹنٹ کمشنر گمبہ، تحصیلدار گمبہ اور SHO ائیرپورٹ نے مخ...
26/05/2026

پریس ریلیز
سب ڈویژن گمبہ میں عید الاضحیٰ کے انتظامات کے حوالے سے اسسٹنٹ کمشنر گمبہ، تحصیلدار گمبہ اور SHO ائیرپورٹ نے مختلف عید گاہوں، خانقاہوں اور مساجد کا دورہ کیا۔
دورے کے دوران سیکیورٹی انتظامات، صفائی ستھرائی، پارکنگ، ٹریفک کی روانی اور عوامی سہولیات کا تفصیلی جائزہ لیا گیا۔ متعلقہ انتظامی کمیٹیوں کو عید نماز کے پُرامن اور منظم انعقاد کو یقینی بنانے کے لیے ضروری ہدایات جاری کی گئیں۔
اسی سلسلے میں مرکزی امام جمعہ آغا احمد شاہ کے ساتھ ایک اہم اجلاس بھی منعقد ہوا، جس میں عید انتظامات، سیکیورٹی اقدامات اور عید کے دنوں میں امن و امان کی صورتحال برقرار رکھنے سے متعلق امور پر تبادلہ خیال کیا گیا۔
مزید برآں، عوام کو ہر ممکن سہولت فراہم کرنے اور کسی بھی قسم کی پریشانی سے بچنے کے لیے تمام متعلقہ اداروں کے درمیان مؤثر رابطہ کاری اور امن و امان برقرار رکھنے کے حوالے سے ضروری ہدایات جاری کی گئیں۔

CSS Preparation Scholarship Program 2026آج اسسٹنٹ کمشنر آفس گمبہ میں CSS Preparation Scholarship Program 2026 کے تحت کام...
26/05/2026

CSS Preparation Scholarship Program 2026

آج اسسٹنٹ کمشنر آفس گمبہ میں CSS Preparation Scholarship Program 2026 کے تحت کامیاب امیدواران میں سرٹیفکیٹس تقسیم کیے گئے۔

اس موقع پر اسسٹنٹ کمشنر گمبہ نے کامیاب طلباء میں سرٹیفکیٹس تقسیم کیے اور ان کی حوصلہ افزائی کرتے ہوئے کہا کہ نوجوان ہمارا قیمتی سرمایہ ہیں اور انہیں اعلیٰ تعلیم و مقابلے کے امتحانات کی تیاری کے لیے بہترین مواقع فراہم کرنا انتظامیہ کی ترجیحات میں شامل ہے۔

پروگرام کے تحت کامیاب قرار دیے گئے طلباء میں سے تین طلباء کو اسلام آباد میں NOA جبکہ تین طلباء کو CSPs Academy میں داخلہ دلایا جائے گا جن کی فیس اکیڈمی خود برداشت کرے گی۔ ان کی کلاس یکم جون سے شروع ہوگی۔

🏠 منتخب طلباء کو مختلف ہوسٹل میں رہائش اور کھانے کی سہولیات بھی فراہم کی جائیں گی تاکہ وہ بہترین ماحول میں اپنی CSS تیاری جاری رکھ سکیں۔

سب ڈویژنل انتظامیہ گمبہ، کامیاب امیدواران کو مبارکباد پیش کرتی ہے اور ان کے روشن مستقبل کے لیے نیک تمناؤں کا اظہار کرتی ہے۔امید ہے کہ یہ امیدوار اس موقع سے بھرپور فائدہ اٹھائیں گے اور مستقبل میں پاکستان اور گلگت بلتستان کی بہتری اور عوام کی فلاح و بہبود کے لیے بھرپور کردار ادا کریں گے۔

ڈپٹی کمشنر سکردو جناب حمزہ مراد صاحب کی وژن کے مطابق مجسٹریٹ کی جانب سے خلنگ کھونگ حسین آباد چوک شگری کلاں میں قائم بکرا...
26/05/2026

ڈپٹی کمشنر سکردو جناب حمزہ مراد صاحب کی وژن کے مطابق مجسٹریٹ کی جانب سے خلنگ کھونگ حسین آباد چوک شگری کلاں میں قائم بکرا منڈی کا دورہ کیا گیا۔ اس موقع پر مجسٹریٹ نے انتظامات، صفائی اور ٹریفک صورتحال کا جائزہ لیا۔
دورانِ معائنہ منڈی مالکان اور بیوپاریوں کو سختی سے ہدایت کی گئی کہ جانوروں کو JSR سے مناسب فاصلے پر رکھا جائے تاکہ ٹریفک کی روانی اور عوامی سہولت میں کسی قسم کی رکاوٹ پیدا نہ ہو۔
انتظامیہ کی جانب سے واضح کیا گیا کہ عوامی مفاد اور حکومتی احکامات پر مکمل عملدرآمد یقینی بنایا جائے گا۔

ڈپٹی کمشنر سکردو کے وژن کے مطابق عوام کو معیاری اور بلا تعطل سہولیات کی فراہمی یقینی بنانے کے لیے انتظامیہ متحرک ہے۔ عوا...
26/05/2026

ڈپٹی کمشنر سکردو کے وژن کے مطابق عوام کو معیاری اور بلا تعطل سہولیات کی فراہمی یقینی بنانے کے لیے انتظامیہ متحرک ہے۔ عوامی شکایات پر فوری کارروائی کرتے ہوئے اسسٹنٹ کمشنر اور تحصیلدار کی ہدایات پر نائب تحصیلدار نے SHO تھانہ ایئرپورٹ کے ہمراہ محفوظ فلنگ اسٹیشن سے پٹرول کے نمونے حاصل کر کے مزید جانچ کے لیے سیل کر دیے۔

ضلعی انتظامیہ عوامی مفاد کے تحفظ اور شفاف نگرانی کے لیے اپنی ذمہ داریاں بھرپور انداز میں انجام دے رہی ہے۔

25/05/2026

🌙✨ عید الاضحیٰ مبارک ✨🌙
سب ڈویژنل انتظامیہ گمبہ کی جانب سے تمام اہلِ اسلام کو دل کی گہرائیوں سے عید الاضحیٰ کی خوشیاں مبارک ہوں۔
تَقَبَّلَ اللَّهُ مِنَّا وَمِنكُمْ
آئیے قربانی کے اس عظیم عمل کو صفائی، نظم و ضبط اور انسانی ہمدردی کا عملی مظہر بنائیں۔
⚠️ اہم عوامی اطلاع
ائیرپورٹ اور ہوائی اڈوں کے اطراف آلائشیں پھینکنے یا جمع کرنے سے گریز کریں، کیونکہ یہ پرندوں کی آمد کا سبب بنتی ہیں جو فلائٹ آپریشنز اور طیاروں کے لیے شدید خطرہ بن سکتے ہیں۔
✅ ذمہ دار شہری ہونے کا ثبوت دیں: • قربانی کی آلائشوں کو مکمل طور پر پیک کریں
• صرف مقررہ مقامات پر تلف کریں
• یا GBWMC / SWMC عملے کے حوالے کریں
• اپنے شہر کو صاف، محفوظ اور ماحول دوست بنانے میں کردار ادا کریں
📞 رابطہ برائے صفائی خدمات: Supervisor Baber
0312-9453166
0346-9596964
🤝 صفائی نصف ایمان ہے — آئیے مل کر سکردو کو خوبصورت اور محفوظ رکھیں۔
Sub Divisional Administration Gamba

پشاور سے سکردو تک تقریباً 800 کلومیٹر کا تاریخی پیدل سفر مکمل کرنے والے عالمی شہرت یافتہ ایتھلیٹ مسعود خان آج شام کچورہ ...
23/05/2026

پشاور سے سکردو تک تقریباً 800 کلومیٹر کا تاریخی پیدل سفر مکمل کرنے والے عالمی شہرت یافتہ ایتھلیٹ مسعود خان آج شام کچورہ ویو پوائنٹ (I Love Skardu) پہنچ گئے، جہاں ان کا شاندار اور پرتپاک استقبال کیا گیا۔
کچورہ اور ہوٹو کے نوجوانوں، ہوٹل ایسوسی ایشنز، عمائدین علاقہ اور عوام الناس نے پاکستانی پرچم لہرا کر اور “پاکستان زندہ باد” کے نعروں سے معزز مہمان کا استقبال کیا۔
ضلعی انتظامیہ کی جانب سے ایڈیشنل ڈپٹی کمشنر سکردو، اسسٹنٹ کمشنر گمبہ، تحصیلدار گمبہ اور دیگر افسران نے مسعود خان کو روایتی شال، ٹوپی اور یادگاری شیلڈ پیش کی۔
یہ سفر عزم، حوصلے اور وطن سے محبت کی ایک روشن مثال ہے۔

23/05/2026

🌟 سکردو میں خوش آمدید 🌟
عالمی شہرت یافتہ ایتھلیٹ مسعود خان آج شام تقریباً 7:00 بجے پشاور سے سکردو تک تقریباً 800 کلومیٹر کا تاریخی پیدل سفر مکمل کرتے ہوئے کچورہ ویو پوائنٹ۔ (I Love Skardu) پہنچیں گے۔
ان کا یہ منفرد اقدام سیاحت کے فروغ، نوجوانوں کی حوصلہ افزائی اور علاقے کے مثبت تشخص کو دنیا بھر میں اجاگر کرنے کے لیے ہے۔
سول انتظامیہ گمبہ کی جانب سے عوام الناس، سپورٹس کلبز، یوتھ، ہوٹل ایسوسی ایشن، ٹریڈرز اور تمام متعلقہ افراد سے اپیل کی جاتی ہے کہ وہ بھرپور شرکت کرکے معزز مہمان کا شاندار استقبال کریں اور سکردو کی مہمان نوازی کا بہترین مظاہرہ پیش کریں۔
📍 مقام: کچورہ ویو پوائنٹ (I Love Skardu) 🕖 وقت: آج شام 7:00 بجے
منجانب: سول انتظامیہ گمبہ

ڈپٹی کمشنر سکردو جناب حمزہ مراد صاحب کی ہدایات پرمجسٹریٹ ٹیم گمبہ نے صارفین کو بلا تعطل پٹرول کی فراہمی یقینی بنانے کے ل...
23/05/2026

ڈپٹی کمشنر سکردو جناب حمزہ مراد صاحب کی ہدایات پرمجسٹریٹ ٹیم گمبہ نے صارفین کو بلا تعطل پٹرول کی فراہمی یقینی بنانے کے لیے گمبہ سب ڈویژن کے مختلف فیول پمپس کا معائنہ کیا۔
معائنے کے دوران پمپ مالکان کو سختی سے ہدایت کی گئی کہ عوام الناس کو بلا تعطل فیول کی فراہمی یقینی بنائی جائے اور کسی بھی قسم کی مصنوعی قلت یا ذخیرہ اندوزی سے اجتناب کیا جائے۔
حالیہ روڈ بلاک ہونے کے باعث پٹرول کی سپلائی عارضی طور پر متاثر ہوئی ہے، تاہم ضلعی انتظامیہ صورتحال کی مسلسل نگرانی کر رہی ہے تاکہ عوام کو کسی قسم کی مشکلات کا سامنا نہ ہو۔

22/05/2026

🌧️ اہم عوامی اطلاع / موسمی ہنگامی صورتحال کے حوالے سے ہدایات 🌧️

دفتر اسسٹنٹ کمشنر گمبہ کی جانب سے موجودہ موسمی صورتحال، شدید بارشوں، سیلاب، لینڈ سلائیڈنگ اور سڑکوں کی بندش کے خدشات کے پیش نظر تمام متعلقہ اداروں اور فیلڈ فارمیشنز کو ہائی الرٹ رہنے کی ہدایت جاری کر دی گئی ہے۔

📌 اہم اقدامات:

✔️ تحصیلدار گمبہ نائب تحصیلدار، گرداوران اور پٹواری علاقے کے سرکردہ گان اور نمبرداران سے رابط میں رہیں گے۔

✔️ سیلابی نالوں، لینڈ سلائیڈنگ کے خطرناک مقامات اور حساس شاہراہوں کی مسلسل مانیٹرنگ کی جائے گی۔

✔️ ریسکیو 1122، محکمہ صحت، پولیس، ڈی ڈی ایم اے ، C&W، اور دیگر متعلقہ محکموں کے ساتھ مکمل رابطہ برقرار رکھا جائے گا تاکہ کسی بھی ہنگامی صورتحال میں فوری کارروائی ممکن ہو۔

✔️ تمام دستیاب سرکاری و نجی مشینری بشمول ایکسکیویٹرز، لوڈرز، ٹریکٹرز، ڈمپرز اور ڈی واٹرنگ پمپس کو ہنگامی استعمال کیلئے تیار رکھا جائے گا۔

✔️ مقامی رضاکاروں، عمائدین اور ڈیزاسٹر مینجمنٹ کمیٹیوں کو بھی متحرک کیا جائے گا تاکہ انسانی جانوں، املاک اور بنیادی ڈھانچے کا تحفظ یقینی بنایا جا سکے۔

⚠️ کسی بھی ناخوشگوار واقعہ یا ہنگامی صورتحال کی فوری اطلاع دفتر اسسٹنٹ کمشنر گمبہ کو دی جائے۔

عوام الناس سے بھی گزارش ہے کہ خراب موسم کے دوران غیر ضروری سفر سے گریز کریں اور انتظامیہ کے ساتھ مکمل تعاون کریں۔

دفتر اسسٹنٹ کمشنر گمبہ، سکردو

22/05/2026

🚨 عوامی آگاہی / اہم اعلامیہ 🚨
سب ڈویژن گمبہ، سکردو کے حدود میں عوامی تحفظ اور سیاحوں کی جان و مال کے تحفظ کو مدنظر رکھتے ہوئے اسسٹنٹ کمشنر / سب ڈویژنل مجسٹریٹ گمبہ کی جانب سے دفعہ 144 ضابطہ فوجداری کے تحت درج ذیل پابندیاں نافذ کر دی گئی ہیں:
🔹 اپر کچورہ جھیل اور ژھوق جھیل میں تیز رفتار موٹر بوٹس / جیٹ اسکی چلانے پر مکمل پابندی ہوگی، اور مقررہ SOPs پر عملدرآمد یقینی بنانا ہوگا۔
🔹 کوئی بھی بوٹ مالک، آپریٹر یا کاروباری ادارہ سیاحوں یا وزیٹرز کو خود موٹر بوٹ / کشتی چلانے کی اجازت نہیں دے گا۔
🔹 سب ڈویژن گمبہ کے حدود میں کسی بھی غیر ملکی شہری کو موٹر سائیکل / بائیک کرایہ پر دینا ممنوع ہوگا۔
یہ اقدامات عوامی تحفظ، حادثات کی روک تھام، امن و امان برقرار رکھنے اور سیاحوں کی حفاظت کے پیش نظر اٹھائے گئے ہیں۔
⚠️ خلاف ورزی کرنے والوں کے خلاف دفعہ 188 PPC کے تحت قانونی کارروائی عمل میں لائی جائے گی۔
دفتر اسسٹنٹ کمشنر / سب ڈویژنل مجسٹریٹ گمبہ، سکردو

21/05/2026

*دفتر اسسٹنٹ کمشنر/سب ڈویژنل مجسٹریٹ گمبہ سکردو*
*عوامی آگاہی / ایڈوائزری* 📢

*موضوع: سیاسی سرگرمیوں پر پابندی*
ڈسٹرکٹ الیکشن کمشنر سکردو کے مراسلہ نمبر *No.Elec-1(2)/2026 مورخہ 20 مئی 2026* کی روشنی میں تمام اسٹیک ہولڈرز، امیدواران، سیاسی کارکنان اور سپورٹرز کو مطلع کیا جاتا ہے:
*جناب پرنس رحیم آغا خان* کے متوقع دورہ سکردو کے پیش نظر سب ڈویژن گمبہ کی حدود میں دورہ کے روز
مندرجہ ذیل سرگرمیوں کی *مکمل ممانعت* ہوگی:
- *سیاسی ریلی، جلسہ، جلوس*
- *کارنر میٹنگ اور انتخابی مہم*
- *جھنڈے، بینرز اور مین روڈ پر سیاسی تشہیر*
یہ فیصلہ معز مہمانِ خصوصی کی آمد کے دوران *سکیورٹی، ٹریفک کی روانی اور امن و امان* کو یقینی بنانے کے لیے کیا گیا ہے۔
*درخواست:*
تمام متعلقہ افراد سے گزارش ہے کہ ضلعی انتظامیہ اور قانون نافذ کرنے والے اداروں سے مکمل تعاون کریں اور اس ہدایت پر سختی سے عمل کریں۔
*نوٹ:* خلاف ورزی کی صورت میں قانون کے مطابق کارروائی عمل میں لائی جائے گی۔

*اسسٹنٹ کمشنر/سب ڈویژنل مجسٹریٹ*
گمبہ، سکردو

Address

Skardu

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00

Telephone

+925815923070

Website

Alerts

Be the first to know and let us send you an email when Assistant Commissioner/SDM Gamba posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Assistant Commissioner/SDM Gamba:

Shortcuts

Share

Category