20/06/2026
میر لیاقت، صدر پیپلز یوتھ آرگنائزیشن بلتستان ڈویژن، نے اپنے ایک بیان میں کہا ہے کہ گلگت بلتستان کو طویل عرصے سے ایسی مضبوط، باصلاحیت اور حقیقی معنوں میں عوام کی نمائندگی کرنے والی قیادت کی ضرورت تھی جو علاقے کے مسائل کو مؤثر انداز میں اعلیٰ سطح پر اجاگر کر سکے۔
آج گلگت بلتستان کے عوام کو یہ امید اور اعتماد جناب امجد حسین ایڈووکیٹ کی صورت میں نظر آ رہا ہے۔ حالیہ انتخابات میں پاکستان پیپلز پارٹی گلگت بلتستان کی کامیابی اور عوام کی جانب سے بھرپور حمایت اس بات کا واضح ثبوت ہے کہ عوام نے اپنی امیدوں کا اظہار ووٹ کی طاقت سے کیا ہے۔
ہم سب کو جناب امجد حسین ایڈووکیٹ سے یہ توقعات وابستہ ہیں کہ وہ گلگت بلتستان کے محکوم اور مظلوم عوام کی مؤثر آواز بنیں گے، ان کے مسائل کے حل کے لیے بھرپور کردار ادا کریں گے اور عوامی و اجتماعی مسائل کو ترجیحی بنیادوں پر حل کرنے کے لیے اپنی تمام صلاحیتیں بروئے کار لائیں گے۔
صدر پاکستان پیپلز پارٹی گلگت بلتستان جناب امجد حسین ایڈووکیٹ کے لیے ہماری نیک تمنائیں اور دعائیں ہیں۔ ہمیں یقین ہے کہ ان کی قیادت میں گلگت بلتستان ترقی، خوشحالی اور عوامی خدمت کے ایک نئے دور میں داخل ہوگا۔
جیئے بھٹو
جیئے پاکستان پیپلز پارٹی
Mir Liaqat
