05/07/2016
سیالکوٹ ضلع سیالکوٹ میں عید کی نماز کے 898 اجتماعات منعقد ہونگے
ان اجتماعات کی حفاظت کیلئے ڈیڑھ ہزار سے زائد پولیس کے جوان ڈیوٹیاں انجام دیں گے ۔ یہ بات ڈی پی او سیالکوٹ ڈاکٹر محمد عابد خاں نے ڈی سی او سیالکوٹ ڈاکٹر آصف طفیل کو ریسیکیو15 کے ضلعی کنٹرول روم کے دورہ کے دوران بتائی ۔ قبل ازیں ڈی سی او سیالکوٹ ڈاکٹر آصف طفیل نے ضلع سیالکوٹ کی مختلف عیدگاہوں، مساجد ، مذہبی درس گاہوں اور امام بارگاہوں کا دورہ کیا اور وہاں پر سیکیورٹی اور صفائی ستھرائی کے انتظامات کا جائزہ لیا۔ ڈی پی او سیالکوٹ ڈاکٹر محمد عابد خاں، ایڈیشنل ڈسٹرکٹ کلکٹر سیالکوٹ ڈاکٹر عمر شیر چٹھہ، ٹی ایم او سیالکوٹ ظفر قریشی ، ایم ڈی سیالکوٹ ویسٹ مینجمنٹ کمپنی شیراز وڑائچ اور ڈی ایس پی ٹریفک سیالکوٹ ملک نوید بھی ان کے ہمراہ تھے ۔ ڈی سی او نے سیالکوٹ ویسٹ کمپنی مقامی حکام کو تلقین کی عیدگاہوں جانے والے راستوں کی خصوصی صفائی کروائی جائے جبکہ عید الفطر کے ایام میں صفائی ستھرائی کی صورتحال کو بہتر بنانے کیلئے ڈبل شفٹ میں کام کیا جائے ۔ انہوں نے ٹی ایم اے کے مقامی حکام کو تلقین کی ممکنہ بارشوں پیش نظر سینی ٹیشن کے عملہ کو اسٹینڈ بائی رکھا جائے اور نشیبی علاقوں سے بارشی پانی کے نکاسی کیلئے مشینری اور آلات کو چالو حالت میں رکھا جائے۔
سیالکوٹ 5جولائی ( )ڈی سی او سیالکوٹ ڈاکٹر آصف طفیل آج علیٰ الصبح سبزی منڈی سیالکوٹ کا دورہ کیا اور سبزیوں اور پھلوں کی طلب و رسد کا جائزہ لیا۔ اسسٹنٹ کمشنر سیالکوٹ میثم عباس اور ڈی ایس پی ہیڈ کوارٹر سیالکوٹ طارق سیکھیرا بھی ان کے ہمراہ تھے ۔ ڈی سی اونے مارکیٹ کمیٹی سیالکوٹ کے حکام کو ہدایت کی وہ سبزی اور پھلوں کی قیمتوں پر نظر رکھیں اور سلسلہ میں غفلت یا کوتاہی نہ برتی جائے ۔ انہوں نے پرائس مجسٹریٹس کو ہدایت کی کہ وہ مقررہ قیمتوں پر عملدرآمد کو یقینی بنائیں
