23/08/2026
سیالکوٹ ( )سب ڈویژنل انفورسمینٹ آفیسر(پیرا فورس)محترمہ روباب سعید،ڈپٹی ڈائریکٹر سوشل ویلفیئر چوہدری شریف گھمن،ڈسٹرکٹ آفسیر ریسکیو 1122 انجنئیر نوید اقبال اور سماجی راہنما محمد اشفاق نذر نے کہا ہے کہ پاکستان کی ترقی اور خوشحالی کیلئے خواتین کو چاہیے کہ وہ ہنرمند،باوقار، باصلاحیت ہوکر ملکی و قومی تعمیر و ترقی اور خوشحالی کیلئے آگے بڑھیں تاکہ پاکستان اور قوم کا شمار ترقی یافتہ ممالک اور اقوام میں ہوسکے ان خیالات کا اظہار انہوں نے کمانوالہ ویلفیئر فاؤنڈیشن کے زیر اہتمام ووکیشنل ٹریننگ سینٹر میں فنی کورسز مکمل کرنے والی 90 سے زائد طلبہ میں سرٹیفیکیٹ اور شیلڈز تقسیم کرنے کے موقع پر کیا۔صدر کمانوالہ ویلفیئر فاؤنڈیشن محمد قمر الزمان کی صدارت میں ہونے والی پروقار تقریب میں چئیرمین ضلعی رویت حلال کمیٹی پیر غلام حسین سلطانی،اسسٹنٹ ڈائریکٹر سوشل ویلفیئر سیدہ کرن بخاری،محمد عارف،کامران رفیق،نجم الزمان،جمشید لودھرا،ذوالفقار لئی،نوید چوہدری، طارق لئی،سیف طاہر،تنویر محمود،اورنگزیب، داود لئی،لقمان گجر،رشید احمد،پرنسپل صباء طاہر،مہک فاطمہ،عامر جاوید سمیت دیگر نے شرکت کی۔محترمہ روباب سعید نے کہا کہ والدین کو چاہیے کہ وہ اپنی بچیوں کو تعلیم کے زیور سے آراستہ کروانے کے بعد انہیں مختلف فنی تربیت دلائیں تاکہ وہ اپنی،اپنے خاندان اور ملک و قوم کی تعمیر و ترقی میں اپنا کردار ادا کرسکیں خواتین تمام تر چیلنجوں کا مقابلہ کرنے کی صلاحیت رکھتی ہیں تاہم معاشرے کو انکی حوصلہ افزائی کرنی چاہیے تقریب میں کمانوالہ ویلفیئر فاؤنڈیشن کے عہدیداران اور ممبران کو سماجی خدمات سرانجام دینے پر مقررین نے زبردست الفاظ میں خراج تحسین پیش کیا اور مہمانان خصوصی نے ایوارڈ تقسیم کئیے۔
