06/06/2026
السلام علیکم!
آج تنظیم نوجوانان خواجہ وس (TNK) کی ایک خصوصی مشترکہ میٹنگ جناب صدام حسین اور حاجی ریاض خان کے حجرہ میں منعقد ہوئی، جس میں گشت ممبران، کابینہ ممبران اور تنظیم کے باہمت، مخلص اور فعال اراکین نے شرکت کی۔
اجلاس میں تنظیمی امور اور علاقائی مسائل پر تفصیلی غور و خوض کیا گیا۔ بالخصوص آئس (Crystal M**h) اور دیگر منشیات کے بڑھتے ہوئے رجحان پر سخت تشویش کا اظہار کیا گیا، خصوصاً اُن افراد کے حوالے سے جو مختلف ہسپتالوں اور بحالی مراکز سے علاج کے بعد دوبارہ اس لعنت میں مبتلا ہو رہے ہیں۔
اس ضمن میں فیصلہ کیا گیا کہ متعلقہ اداروں اور کمیونٹی کے تعاون سے ایک منظم اور جامع گرینڈ مہم / آپریشن کا آغاز کیا جائے گا تاکہ منشیات کے خاتمے اور نوجوان نسل کے تحفظ کو یقینی بنایا جا سکے۔
ان شاء اللہ، اس سلسلے میں جلد عملی اقدامات کیے جائیں گے۔
تنظیم نوجوانان خواجہ وس (TNK)
"ذمہ دار نوجوان، ترقی یافتہ معاشرہ"
