31/05/2026
*ریجنل پولیس آفیسر مالاکنڈ سید فدا حسن شاہ کا بابِ سوات شموزئی ٹورسٹ فیسیلیٹیشن سنٹر کا دورہ*
ریجنل پولیس آفیسر مالاکنڈ، سید فدا حسن شاہ نے بابِ سوات شموزئی ٹورسٹ فیسیلیٹیشن سنٹر کا دورہ کیا اور سیاحوں کو فراہم کی جانے والی سہولیات، رہنمائی اور سیکیورٹی انتظامات کا تفصیلی جائزہ لیا۔
اس موقع پر انہیں بریفنگ دیتے ہوئے بتایا گیا کہ عید الاضحیٰ کی تعطیلات کے دوران تقریباً *3* لاکھ *20* ہزار سیاحوں نے سوات کا رخ کیا۔ سیاحوں کی بڑی تعداد کے باوجود ٹریفک پولیس اور سوات پولیس نے بہترین پیشہ ورانہ صلاحیتوں کا مظاہرہ کرتے ہوئے ٹریفک کی روانی برقرار رکھی اور سیاحوں کی مؤثر انداز میں رہنمائی کی۔
آر پی او مالاکنڈ نے سیاحوں کی سہولت، تحفظ اور رہنمائی کے لیے تعینات پولیس افسران و جوانوں کی کارکردگی کو سراہتے ہوئے کہا کہ سوات اور بالخصوص ملاکنڈ ڈویژن کے مختلف سیاحتی مقامات پر آنے والے ملکی و غیر ملکی سیاحوں کو محفوظ اور خوشگوار ماحول فراہم کرنا پولیس کی اولین ترجیحات میں شامل ہے۔ انہوں نے ہدایت کی کہ سیاحوں کی خدمت اور رہنمائی کے عمل کو مزید مؤثر بنایا جائے تاکہ سوات کی مثبت شناخت اور مہمان نوازی کا تاثر مزید مضبوط ہو۔
آر پی او مالاکنڈ سید فدا حسن شاہ نے کہا کہ اللہ تعالٰی نے ملاکنڈ ڈویژن کو قدرتی حسن، دلکش وادیوں اور خوبصورت سیاحتی مقامات (ملم جبہ، کالام، کمراٹ، مہو دنڈ, لڑم ٹاپ, گرم چشمہ، کیلاش ویلی، شندور، بمبوریت وغیرہ) سے نوازا گیا ہے، جس کی وجہ سے ہر سال لاکھوں کی تعداد میں ملکی و غیر ملکی سیاح ملاکنڈ ڈویژن کے مختلف اضلاع کا رخ کرتے ہیں اور یہاں کے حسین اور دلکش نظاروں سے لطف اندوز ہوتے ہیں۔
انہوں نے مزید کہا کہ ملاکنڈ ریجن پولیس سیاحوں اور مقامی عوام کی خدمت، حفاظت اور رہنمائی کے لیے ہر وقت تیار رہتی ہے۔ پولیس کا مقصد سیاحوں کو محفوظ، پُرامن اور خوشگوار ماحول فراہم کرنا ہے تاکہ وہ سوات اور ملاکنڈ ڈویژن سے خوشگوار یادیں لے کر واپس جائیں اور اس خطے کا مثبت تشخص قومی و بین الاقوامی سطح پر مزید اجاگر ہو۔
